但馬屋 (V City)

俾個名古屋poster嗰隻雞翼吸引咗，令我諗起之前去名古屋機場轉機返香港嘅時候當地的名物雞翼，雖然唔太好食，但係就係回憶囉！所以見到張post就入嚟試吓佢隻雞翼，點知……唉……，其實就係普通炸雞翼，炸得外型唔似，我都原諒佢，但係連個味道，樣都唔係嗰回事，真正名物係雞中翼加雞翼尖，佢得隻雞中翼，顏色就唔再講，煮得又唔夠人乾🙄，總之就係要顏色冇顏色，要味道又唔係嗰啲味道，要質感又唔係嗰啲質感，有點掛羊頭賣狗肉的感覺😮‍💨，究竟有冇認真做事！我食個套餐係北海道豚肉，講真啲肉真係冇特別，就係打邊爐的肉，牛豬味都唔太夠，另外點的小食冇特別。…查看更多

今日兩個人享用嘅自助打邊爐體驗，每人一個自選湯底，呢點非常貼心又豐富，先講湯底——選咗甘露鍋，湯底比較似壽喜燒湯底，甜豉油味道濃郁香醇，甜甜鹹鹹嘅醬汁味道滲入每塊食材，好有層次感。我地點左日本北海道夢之大地豚肉套餐，主角之一嘅日本北海道夢之大地豚肉質真係一絕！肉色粉嫩帶點淺粉紅，脂肪分布均勻，白色油花細密且透亮，質感柔軟之餘入口即化帶自然清甜，風味豐富、無豬膻味，啱用嚟涮火鍋，輕輕一涮即熟，肉味甘美溫潤，令人回味無窮。配合甘露鍋汁底更突出豚肉嘅鮮甜。另一重點是澳洲產長期穀飼牛，牛肉色澤紅潤，油花細膩，口感嫩滑帶微微嚼勁，牛肉香氣濃郁，適合喜歡牛肉原味嘅朋友。而精選牛肉則較厚身，油脂豐富，涮完後肉汁飽滿，鮮嫩多汁，食落口感豐富飽滿。自助蔬菜選擇十分健康多元，有羽衣甘藍、海帶結、蟲草花、萵筍、金菇、冬菇等等，多汁又保留鮮味；蟲草花特別爽脆香甜，而海帶結彈牙很有嚼勁，仲有金菇滑滑出汁，非常讚。丸類自助區款式多樣，墨魚丸彈牙有咬口，海膽丸和牛肉丸都唔錯，午餐肉片與芝士腸都係小朋友同大人最愛，陪襯湯底非常夾。自助醬料枱多款自家醬料供應，有橘子醬油、利尻昆布醬油、芝麻醬、柑橘醋等等，可以自由配搭，提升火鍋味道層次。今期仲有個完熟蕃茄芝士醬，蕃茄控值得一試。飲品區種類齊全，包括汽水、果汁、茶飲等等，方便隨時解渴。水果區有應季新鮮水果，清甜多汁作為飯後甜品好清新；最後仲有自助哈根達斯雪糕，濃香滑順，係完美甜品句號，甜而不膩，非常滿足。整體嚟講，呢次單人自助火鍋體驗湯底滋味出眾，食材新鮮優質，特別喜歡北海道夢之大地豚肉嘅鮮甜柔嫩，牛肉同丸類都表現不俗，多元化嘅蔬菜同主食選擇同自助區設計都非常貼心，適合一個人輕鬆慢慢享受，不論暖身又或味覺，都有好豐富嘅滿足感。推薦鍾意嘗新同鍾意自助火鍋嘅你，試吓呢個組合，肯定唔會失望！…查看更多

星期五的下午二時和朋友去試這間,揀了經濟$179(90分鐘)menu方便傾偈,入去時侍應招呼有礼,裝修和擺位都不擠迫,出去拿什菜及丸類,種類適中,但質素不錯,豆腐,芝心丸,菜和蕃茄但最鐘意陳列得很清潔整齊,另外亦推介美容鸡湯,真有鸡件在內,味道很鮮,肉類方面,牛肉和豬肉質素真係超出期望,豬肉鬆軟牛肉味濃最後不得不提服務,服務員真係睇住你需要,你要匙即比,筷子比完自己吾小心跌了又再給你,不給你黑面或変忙,加湯吾使出声,有個哥仔真係值得讚,他非常勤力,雖然人不多,清潔執台不用急,但佢好落力,我哋離開時又多声多謝,今次用餐完全是110分…查看更多

每次想食日式火鍋放題，首選一定會係但馬屋！因為佢哋嘅牛肉品質有保證，而且加單上菜速度都好快，出邊仲有其他火鍋料可以攞，每次都食得好滿足，而且又唔算好貴，唔錯唔錯！…查看更多

V city雖然餐廳好多但令我真正想一再encore的就係呢間但馬屋火鍋～我基本上每次都係點佢地最平（有豬同牛）的套餐食，就算唔係貴餐我覺得肉質都算好唔錯！而出面拎的蔬菜及配料種類都算豐富！仲有水果及哈根大師雪糕可以食既～我最愛就係羽衣甘藍🥬每次都食得好滿足！ 而且今次去服務都好好，職員都好貼心好密執碟，值得不斷再encore! 唯一一點係覺得環境較逼，桌與桌的距離太近，桌子又太細，不過除咗呢樣都滿意！…查看更多

但馬屋 (V City)位於屯門屯門鄉事會路83號V City 1樓L1-8號舖，今日朋友生日，一班人齊齊約咗嚟屯門呢邊慶祝！嚟到呢邊唔係太熟悉，當然要搵返地膽帶路啦！邊個生日邊個話事，然之後朋友就話想食呢間，一人一煲符合每個人嘅口味今次揀嘅套餐就係北海道夢之大地豚肉豚肉，放題90分鐘，五個人五種湯底。唔錯，全部湯底都試到。豚肉都就要叫侍應拎，肉質都唔差，睇的出唔係僵屍肉，真係豚肉自由啊！穀飼牛，肉質鮮嫩，口感都唔錯，朋友都覺得幾好！外邊還有肉丸，飲品，蔬菜，雪糕隨便拎，只要唔浪費就可以！今餐整體都好抵食！…查看更多

今日朋友介紹我哋嚟咗呢一間屯門嘅shabu shabu, 餐廳嘅特色係每人一個鍋，可以揀自己鍾意嘅湯底，而且食物嘅種類亦都非常繁多，出邊有自助嘅食品區，真係多嘢食到花都眼亂，總括嚟講啲嘢都幾新鮮，而且價錢亦都唔算太貴，如果係放題質素我覺得都可以一試，而且餐廳服務態度都唔錯！✔️牛肉嘅質素非常好，可以睇到佢嘅雪花同埋紋理都係非常平均分布，入口充滿牛肉嘅香味，而且唔會太肥膩，呢一個位非常抵讚，而且餐廳係任叫任食，啱晒鍾意大食嘅朋友 …查看更多

二人進餐，點了日本產黑毛和牛套餐，牛肉質素好好，唔鞋，即點即切的，唔會好似有啲放題嘅牛雪到硬晒。雪糕有四款唔同口味Häagen-Dazs，有士多啤梨同朱古力醬，服務員主動同有笑容，推介…查看更多

今日係突登去食但馬屋，因為天氣有少少凍，就好想打邊邊，近近地屯門V City的「但馬屋」食又可以順便free泊車，我是第一次來這一間但馬屋火鍋店，平時經過但馬屋都係排晒隊，我係去到Walk in拎飛，所以今日當然都唔例外la，拎飛排左一個鐘隊先入左去，我地一行兩個人，有D人拎埋隔離牛角🥩飛，邊到快就食邊間，咁我地入座之後開始計食90分鐘放題，叫咗普通嗰隻牛套餐，頭一兩碟，牛肉望落就都幾靚既👍🏻，肥膏瘦肉比例OK👍🏻，食得出有牛肉既香味👍🏻。但後來Reorder的🥩牛肉，質素麻麻地，太瘦有啲鞋同韌，放題區，乾淨整齊refill快，菜都新鮮乾淨，甜品方面，🍦冰淇淋好食。整體質素同牛站差不多，除咗90分鐘食得有啲急之外，上菜快，價錢合理，一人一鍋乾淨衛生，坐得舒服性價比高。…查看更多

意外地星期六lunch time都唔使等位所以果斷去咗食湯底有幾款選擇 一人一鍋:)澳洲產長期穀飼牛放題套餐 (90分鐘) $219(澳洲產長期穀飼牛 | 嚴選牛肉 | 丹麥皇冠豚肉)我哋揀咗有穀飼牛嗰個餐意式蕃茄芝士鍋唔係好食到芝士味 但蕃茄味好濃郁都幾好味依家變咗用QR code落單 落完之後都幾快上枱牛肉就係任食嘅質素啦 都唔錯配菜都幾多選擇 最鐘意淥西蘭花🥦 唔知幾時出咗自家製炒辣菜莆 唔辣但好惹味幾驚喜~~配肉/麵都夾最後再食埋雪糕…查看更多

屯門V city 呢間火鍋經常都有人排隊，我哋都唔例外排咗最少30分鐘先入到去。由於我哋差唔多九點先入座入座，佢都講到剩係得一個半小時可以嗌嘢食。於是我哋點咗最穩陣嘅湯底就係壽喜燒湯底同蕃茄湯底食物配料都算齊全同新鮮。雖然沒有什麼驚喜，但係勝在一切都正常唔會中伏…查看更多

屯門V CITY最值得推介的一間日式放題餐廳 - 但馬屋屯門V CITY有一間新派日式火鍋(Shabu Shabu)餐廳「但馬屋」，提供優質和牛及豚肉，配搭五款人氣特色湯底，任食多款新鮮蔬菜、火鍋配料及Häagen-Dazs雪糕，為食客帶來健康飲食新體驗。但馬屋最近有兩個套餐都幾吸引 ! 「日本黑毛和牛放題套餐」以日本直送的黑毛和牛作主打，配搭番茄壽喜燒汁，番茄中的果酸可以分解油脂；另一「北海道夢之大地豚放題套餐」主打銘柄豚豚肉，有助增強免疫力、促進消化等！落左ORDER後湯鍋同牛肉都好快送上，等待湯底預熱時建議可係近門口位置先取時蔬丸類同飲品。門口既火鍋食物選擇亦算豐富，除左五花八門既菜類同不同丸類外，仲有火鍋必點既響鈴，正中我媽所喜愛。除此以外仲有種類繁多既飲品，如茶包、雜果賓治同其他罐裝飲品等。臨走前記得仲有 Häagen-Dazs 雪糕都係任食架，包你食到好滿足！
但馬屋地址： 屯門屯門鄉事會路83號1樓 L1-8號舖 V city訂座電話 : 2698 2628營業時間 : 星期一至日 12:00 - 23:00…查看更多

终于这一顿青菜吃过瘾了甘露锅是很纯正的寿喜锅内味儿，🥘虽然吃多了有点甜，但是每一口都仿佛给心上涂了蜜，甜中带咸的风味让青菜是格外的好吃🥦精選牛肉🐮煮过后的牛肉随着脂肪的收缩变得皱皱巴巴，却能裹上了更多的汤汁与蘸料💦，绵软的牛肉载着成吨的香甜，🥢在嘴里入口即化只留下油脂的醇香📌店里自助的青菜和丸子都比内地的少很多，不过食材还挺新鲜实在的…查看更多

試了這麼多間的打邊爐鋪最愛都是但馬屋～任食90分鐘打邊爐十分多配料選擇我和朋友們選了最平的套餐美國牛肉也不錯喔～最緊要是湯底十分滿意有個是美肌湯底清清的 再加自配的蕃茄 變成蕃茄湯最緊要最緊要的是但馬屋是可以任食Häagen-Dazs雪糕！一定是要前中後咁食一次先抵呢！hahaha…查看更多

午市60分鐘最平嗰個定量$99套餐，啲牛同豬真係好難食，自取食物區有蟑螂，平時食開既白蘿白栗米欠奉。飲品區既罐裝飲品偏甜，想飲茶要用茶包沖。Haagen Dazs雪糕仲溶溶地咁, 好驚食到肚痛。服務員收碟係收得快嘅，最差係收錢嗰個，我飲緊野，佢好有「禮貌」咁同我講：「你都就嚟夠鐘喇，出嚟買咗張單先啦。」即係請你立刻停止一切動作埋單走人，令人100%反感。我真係好想同佢講，多得佢哋咁積極提醒我夠鐘要走，所以我依家準時埋單走人，1分鐘都冇遲交枱！…查看更多