伽文晚飯小菜

上次食唔到膏蟹蒸肉餅所以今次再黎試埋佢🤣今次我好醒目呀有係wts個到book枱提提大家記得book枱要留定想食嘅海鮮！膏蟹蒸肉餅蟹肉鮮甜勁多膏！大家以為肉餅係配角點知連個肉餅都好好食肥瘦均勻調味100分金榜題名上次都分享過呢個好好食饅頭炸得啱啱好佢煮蝦嗰個汁喺其他地方我未食過充滿晒蝦味嘅汁好正冰鎮咕嚕肉大人小朋友都勁愛脆皮真係做得好好冰鎮完之後外酥内嫩仲配搭埋小朋友鍾意嘅水果黃金三寶呢個餸都係今次新嘗試又成為下一個必嗌餸之一苦瓜茄子南瓜揸得啱啱好再配埋金沙炒埋一齊夾到不得了呀！椒鹽鮮魷粟米魚肚羹…查看更多

我地特登山長水遠去大埔墟街市〝伽文小菜〞食飯，六點半去攞飛啦，留了電話號碼，佢地同事話要等六張枱，大埔墟街市又迫又多人，咁我就去附近行下。等左一個鐘都未有電話，咁我地決定返去睇下。到左之後同事同我地講個張枱號已經好耐之前，咁我地就再問下負責同事，佢淨係叫我地再等多陣。我都覺得可能是太忙先miss 左我地，咁算了再等多一陣。再等多半個鐘，終於睇到有桌子埋單，我心諗，終於都到我地了，但"最後"佢俾左第二枱人呀！！！我心諗係咪有咩誤會，我即刻上前問下發生了咩事，服務員竟然同我講嗰張枱都等左一個鐘。我重申講多一次我地等左一個半鐘，他呆左一陣先講下一張枱會先俾我地，我真係呆L 左了，佢見我呆左唔出聲先再講，最多客人吃完後他們會立刻執枱，如果唔係都冇辦法。我都知你冇辦法，但你咁處理我真係r 哂頭，等左一個半鐘嘅要讓等一個鐘嘅人坐先，最後嬲到轉第二間食。…查看更多

突然間諗唔到食咩晚餐走咗上去大埔墟新街市見到呢間突然咁多人即刻試吓佢雖然多人但係去到侍應就即刻搵到位我哋坐食物嘅款式多到不得了而且嗰度嘅氣氛好開心當日都食咗好幾個小菜每一碟上菜嘅時候都係熱辣辣份量好多食到五個人都要打包走其中最推介就係冰鎮咕嚕肉同埋金榜題名蝦冰鎮咕嚕肉一上菜已經覺得佢做得非常好超級細心會有隔等啲冰融咗嘅水可以留落下面而且將啲冰同咕嚕肉撈勻咗之後啲咕嚕肉係好爽脆㗎仲配埋小朋友鍾意嘅生果金榜題名蝦呢個係我到而家每日都朝思暮根日日都掛住嘅美食首先啲蝦新鮮到不得了隻隻爽口佢嘅煮法令到啲汁掛晒喺個蝦度仲配埋炸饅頭將個炸饅頭點落啲汁度簡直回味無窮佢呢個汁簡直突破盲腸絕對冇喺其他地方食過通常美食都需要等待所以佢海鮮等候嘅時間會比較長因為大家絕對係為佢啲海鮮慕名而來呢閒舖絕對係我會不停不停再返轉頭嘅舖頭…查看更多

大埔熟食街市隱藏好多隱世美食！今日大埔嘅地膽介紹黎試，入座時候差唔多夜晚八點，原來已經食緊第二輪，想食沙薑雞已經賣晒，朋友話原來五點幾第一輪已開始！所以如果想試雞嘅真係要早啲去！頭盤的沙薑雞腳入味十足，令人回味無窮。胡椒豬肚湯雖然重料，但辣味稍嫌不足; 冰鎮咕嚕肉外脆內軟，搭配水果清甜，火龍果加黑提子，酸酸甜甜，口感一流！經典的蒸蟹餅更是打卡必試，厚身肉餅肉質鮮美，不過唔係經常有，因為要睇吓羔蟹有冇蟹膏，好幸運今次可以試到！另外可能黑椒薯仔一口牛，薯仔同一口牛個比例好似唔係好平均，唔太特別，其他餸菜好正常粟米板塊就一般。炒麵唔錯，需要食塊面嘅朋友嘅可以一試，炸大腸後加但係已經好飽，所以冇食到打包了。六人共享九餸一湯，價錢僅1500蚊，性價比非常高，讓人滿意。…查看更多

職員好笑容，好服務，因為好晏先趕到冇乜時間所以叫職員幫忙買海鮮，而買嘅質素都好好，食物質素不錯，價錢抵食，絕對有大排檔應有嘅氣氛，冷氣充足衛生程度都算理想，絕對會再幫襯👍🏻…查看更多

位於大埔熟食中心 性價比高嘅話就食鑊氣小炒小菜類 想食高質海鮮 預早同老闆講聲 老闆幫手買海鮮加工平時好少去熟食中心 但今次少少顛覆我嘅想法 原來係冷氣強勁 衛生情況正常 而且爆場 龍躉酸菜魚$580 買條2斤幾龍躉加工 湯頭好惹味 龍躉口感係唔同啲 喺大排檔食到新鮮酸菜魚係好特別 而且你可以根據價錢去選擇 龍躉/老虎斑/鱸魚最平嘅鱸魚 $200-300但魚嘅質感就係正常一般（我真係酸菜魚迷😂）$500係貴啲嘅 但賣相同埋品質係值呢個價啤酒牛油蝦 $180-用咗新鮮草蝦勁大隻 我冇誇張 呢個醬汁好特別 配合呢一款蝦有一種食緊龍蝦嘅錯覺 口感彈牙超厚肉 可以再另加伊麵底 我個人口味嘅話 就算唔叫酸菜魚 都一定要叫呢個蝦 必食！麻辣香鍋 $120-呢個係 Off Menu, 蓮藕片，土豆片，四季豆同豬頸肉。炒到唔會好似出邊咁勁油，又夠入味，辣得來好過癮，飲啤酒一流冰鎮咕嚕肉$168-個皮炸得好脆 味道正常發揮 份量大足 加埋冰鎮生果有誠意…查看更多

朋友介紹佢食過幾次所以推介這間，第一次食d間真心好好食，員工服務態度非常好有人情味，特別要講冰鎮咕嚕肉，真係好食又大份脆卜卜，唔記得叫咗啲咩蒸魚，但係都好好食。椒鹽鮮魷正常水平。本身想叫酸菜魚，但係店員話魚太細條，所以無叫。這里價錢又不貴，下次再和朋友來食👍👍👍👍👍👍👍😋😋😋😋😋😋😋😋😋😋😋😋😋😋………………………………………………………👍👍👍👍👍…查看更多

每次去大埔買餸，中午的一餐好多時都會係街市解決。不過，我們有食慣的檔口，幾乎每一次去，都係果一、兩檔。但，今次，太太食慣的粥麵店沒有開門啊。(感覺上，許多的所謂老字號都上晒岸，開唔開都冇所謂咁。) 她們要另外找一家食 lunch 了。正在等位泊車的我，收了電話，她們在《伽文》坐低了。日頭既《伽文》，如沒帶樓下的海鮮來加工，這兒就是一間茶餐廳。然而，作為一間主打晚飯小炒的食店，中牛來些炒粉麵，應該是最正了。所以，阿仔牽頭，點了一份豉椒斑腩炒河。出來的河粉爽滑香滑，豉椒斑腩亦夠多汁而且斑腩亦能夠保持香脆。因為夠汁，吃入口的河粉充滿了味道，是一份好好水準的一個炒河粉。茹素者們，就點了一份羅漢齋炒麵。麵底夠脆已經可以給這碟麵一個好高分。羅漢齋亦以純蔬菜加菇類食品煮成，打的豉油茨汁又夠味道，而枝竹同豆腐又夠豆香。再加上鑊氣足夠，是非常好的一碟炒麵。另外，叫給小朋友的是一份西多士。炸得香，內心的花生醬餡也好好味道，不得不給一個好。最後是奶茶同檸茶。茶底正，沖出來的熱或凍茶飲，自然也是有水準。兩者的茶味足，濃度適中，入口也有一定我滑溜感覺。以簡單兩個字來形容，就是出色。大埔街市，出色的食肆絕對是不少，而這一家《伽文》就是其中的一間。中午來食炒粉麵，夜晚來食晚飯，我覺得，都是一個好選擇。…查看更多

中午上大埔綜合大樓(即大埔街市), 點了午市套餐, 肉絲抄麵, 麵炸得好脆而內軟, 班球米粉, 班球也很好, 兩者佳份量十足, 不論加凍飲熱飲都是42蚊, 以大牌檔水準已相當滿意. …查看更多

今次第二次食了，放工之後約左舅父仔食飯！ 去到啱啱好唔使等位，之後嘅人開始要排隊！ 最鍾意佢係分量大，全部都新鮮即整，而且部分菜色好大創意！ Wasabi炸墨丸，份量不少，而且Wasabi醬同墨魚丸好夾，墨魚丸爽口彈牙似系自家製！仲有佢個$70 沙拉豬扒，好多件，沙拉醬好多，而且系自家制，味道特別好吃，而且豬扒好林好好味，每件豬扒都有好多沙拉醬包圍！ 好開胃！ 唯一唔好處就係坐得唔舒服，同埋佢，枱數好少，不過始終街市上邊嘅大排檔衛生環境係麻麻地！ 大家都明白嘅！ …查看更多

呢日去左大埔街市食飯，2樓一到左夜晚就會有好多小菜食可謂開到百花齊放～雖然人多，但座位夠多，唔駛同人逼未試過呢間伽文，見到佢個ｍｅｎｕ有一口牛就想食！睇餐牌都睇左一大輪＃黑椒薯仔一口牛薯仔既份量好多，岩哂我！我至鍾意個牛食落又唔老，容易入口＃腰果西芹雞丁呢個家常菜就正常～腰果好香口唯一麻麻地就係Ｄ雞有明顯既雪藏味唔錯～唔好睇我地叫得兩個送，食完好飽！因為叫左人頭飯，又食左好多薯仔，下次會再黎試下其他小菜再食個一口牛～！…查看更多

中午有段空檔同朋友搵好野食，走到大埔墟街市諗到上面一排擋口未食過就上去了。呀姐好熱情，但未行一圈冇理佢😂 兜完返原點呀姐又嗌我地就是旦坐低左。12點幾兩餸已沒兩樣小菜， 是對面煎烏頭好靚諗住試下。足料，朋友嗌炒餸勁靚有獲氣。同偷睇到後面一台叫海鮮份量多再即訂晚市。😙 下之會再去試埋其他野。…查看更多

今晚又嚟嘉伽文 食晚飯小菜喺樓下街市買咗一份魚肝 同埋一份龍dun(魚) 兩隻蟹三隻大蝦 上到嚟同平時一樣都係想伽民幫手煮大蝦住得啱啱好 非常嫩口 食落去好有鮮味又唔會un 啲腦汁仲好滑全部喺曬度 椒鹽炒魚乾肝都好正我覺得有啲似椒鹽魷魚 椒鹽炒襯托出佢嘅味道好好 另外 龍躉炒西芹 每一次呢家文差唔多多一定會買一份龍躉肉 其實樓下都係80蚊 加埋煮100左右 喺茶樓食起碼400 個蟹都炒得好好味 但係呢個送小弟自己屋企會整 所以都係鍾意自己手勢多啲 難得得閒寫篇食評都一定要講 一般嚟食都係叫 炸大腸洗得好乾淨一啲怪味都冇好香口又大份其實係必食嘅 仲有金菇肥牛煲都係非常好嘅選擇大家可以考慮下 我仲有炸蠔餅都係超好…查看更多

大埔熟食街市一向都臥虎藏龍，今晚一行三人嚟試過晚飯食物：小炒皇、五柳倉魚、蒜蓉油蜜菜味道：幾好、小炒皇用料十足、有好多蝦乾、游魚乾、菜圃更加係精髓。五柳倉魚新鮮香口，甜酸味亦不足以搶走魚既鮮味，唔錯👍🏼。而簡單既蒜蓉油蜜菜，最好係唔多油、清清地。食物温度：熱辣辣煮起👍🏼環境：熟食市場有足夠冷氣、我覺得凍添。地下算乾淨服務：態度好，會推介菜式，會跟進食後意見。性價比：⭐️⭐️⭐️⭐️（最高5星）…查看更多

離開左香港一排，番到香港少不了要去大排檔食番餐好既！今日約左幾個朋友晚餐！入到大埔街市熟食中心好多選擇，好大好多人，其實都係第一次黎，一班阿姐見到我地頭望望就不停介紹佢地間野有咩食，睇睇餐牌都算唔貴，阿姐又熱情，於是自自然然就坐低左。一開始叫左個京都豬扒，無骨，又軟，好好味，一d都唔硬，外皮又脆脆地，配上菠蘿同汁，絕對是香港風味！之後叫左一個豉椒炒魷，即炸既一出黎熱騰騰，同街邊買果d完全2個層次！好味又脆，完全唔硬！就算唔點佢d醬汁都津津樂道。再跟住就叫左魚香茄子煲。味道一般，不過不失。口水雞，味道一流！個汁用黎撈飯食幾碗都得！最好味非佢莫屬！到左最後，叫左幾支啤酒一邊飲一邊食炸大腸！同朋友傾計傾到佢關門，炸大腸好好味！外脆內軟，配酒一流…查看更多