令和居酒屋

奉獻大家唔好再幫襯，絕對係一間冇靈魂、嘥你錢嘅居酒屋。當日嗌咗黑毛和牛鍋燒烏冬、令和玉子燒、燒飯糰、燒菠蘿同銀鱈魚西京燒。烏冬聲稱用黑毛和牛，收你$98但Un到令人懷疑人生，飯糰又係乾到硬到食完會Un胃嗰種，所以我同朋友都真係唔敢食落去。最後西京燒細細條，毫不驚艷但收$128，所以總括嚟講，剩係得玉子燒同埋菠蘿係正常。好多人會話居酒屋係要食細份量㗎啦，同食個氛圍，但我覺得細份唔代表冇質素，當兩樣都冇嘅時候，埋單仲要收418（服務都唔知喺邊添），我覺得辛苦賺嘅錢可以值得有更好嘅選擇。…查看更多

俾外表吸引了，食過至知，食物質素同價錢可止相差千里。 石燒牛肉套餐聲稱用澳洲和牛，但係又韌又冇牛味，跟餐嘅刺身仲差過爭鮮。唔會有下次！亦都真心承意奉獻各位唔好嘥錢。…查看更多

🏮旺角日式居酒屋 食物種類超多🍲🍣 ⭐️令和關東煮($88)關東煮高湯幾香濃，材料有蘿蔔、竹輪、魚蛋、魚餅等，尚算入味，只係部份魚餅有啲未解凍完嘅感覺。 ⭐️渣滓牛腸鍋($128)好掛住依個福岡名物，牛腸份量超多，韭菜椰菜吸收咗啲湯汁好惹味。但係依個嘢食真係比較肥膩好邪惡，同一大班朋友叫你送酒比較好。⭐️鹽燒雞翼($28)⭐️鹽燒牛舌($48)牛舌唔錯，大細剛好，食落有肉汁。雞翼反而偏乾，味道普通。⭐️鮮檸檬威士忌梳打($48)坐低叫杯夏日檸檬威士忌梳打 勁誇張嘅檸檬串🍋 賣相有趣， 適合打卡，燒酎味道不算濃， 檸檬味清新。 ⭐️梅酒($68,買一送一）好抵嘅優惠！梅子味道不太突出，整體偏淡。餐廳嘅環境同食物質素唔錯，細細間得來幾有氣氛。餐單種類真係非常多，有串燒、鍋物、刺身、炸物… 想食乜都會有。鍾意飲酒嘅朋友，依度好啱你，大部份價錢都相宜，很推薦檸檬威士忌梳打。去開旺角想食日本嘢，呢度係唔錯嘅選擇！ 令和居酒屋 Reiwa Izakaya 
📍旺角洗衣街111-127號建煌華廈2期地舖…查看更多

今晚去了人氣居酒屋🏮享受二人晚餐，氣氛輕鬆寫意。餐廳環境裝潢充滿日本風情，特別喜歡那些趣致的燈籠🏮。我們點了A4和牛肩甲肉套餐，牛肉肉質嫩滑，油花分佈均勻，入口即溶的口感令人難忘！和牛海膽壽司🍣更是鮮甜美味，海膽新鮮，兩者簡直是絕配。最後以壽喜燒作結， 湯底濃郁，配上各款新鮮蔬菜🥬和菇🍄富士山薯蓉配薯片沙律口感脆卜卜加薯蓉既嫩滑咬口，芝士年糕甜而不膩，飲品揀左巨峰提子soda酸甜開胃，另一杯蜜桃soda都好好飲，非常滿足！ …查看更多

成日經過旺角，都會經過附近，但竟然今次係我第一次食呢間餐廳!! 見佢鋪面非常大，以為好貴，唔夠膽貿貿然走入去😵‍💫朋友介紹先知，原來價錢一啲都唔貴，仲要非常抵食😍每人只需二百零蚊，就可以享有超豐富嘅和牛套餐💕沙律、刺身、壽司、和牛、菜、小食樣樣齊‼️真係超級抵🥳💫富士山火焰脆脆薯仔沙律💫三品刺身盛合💫鹿兒島A4肩胛和牛海膽反巷💫芝麻鷄翼💫壽喜燒鍋配 野菜豆腐籃💫A4肩胛和牛150g💫燒芝士年糕2粒如果有朋友鍾意飲清酒，仲可以加錢放題任飲😍坐成晚同朋友吹吓水飲吓嘢真係抵到爆🤩知道咗佢咁抵，一定會成日同朋友嚟食🤪…查看更多

員工態度差，女性員工是唯一比較友善的，問有關食物套餐問題，態度惡劣,串燒只是剛好熟，一點都不惹味,像蒸熟一樣，燒和牛還可以，二人消費1500要看面色，以後也不會再來…查看更多

同朋友今日黎旺角食日本野，見到呢間裝修得好有日本feel嘅居酒屋，就入去試吓，我地叫咗令和二人前set,都幾多款式嘅野食，都幾抵食。富士山火焰脆脆薯仔沙律個薯仔沙律跟埋一碟薯片，都幾特別，幾d薯仔沙律放上薯片，食落口感脆卜卜，薯仔沙律軟綿綿，唔錯。三品刺身盛合三款刺身都好新鮮，全部都係厚切，正。鹿兒島A肩胛和牛海膽反卷個口感好豐富，海膽鮮甜，吞拿魚蓉好新鮮，夾住和牛肉，真係好夾，好味。芝麻雞翼外皮炸到脆卜卜，入面雞肉仲好嫩滑，唔錯。壽喜燒鍋野菜豆腐籃個蔬菜籃好多款蔬菜，用壽喜燒汁煮，吸收晒d湯汁味道，好味。A4肩胛和牛呢度d和牛真係好靚，肥瘦均勻，好靚雪花紋，煮幾秒已經食得，食落入口即溶，好重牛味，勁好味。燒芝士年糕外面燒到有少少焦脆，入面就軟淋淋，好煙韌，好香芝士味，唔錯粉紅草莓菠蘿好香濃果味，士多啤梨同菠蘿味好特出，飲落好fresh。巨峰提子乳酸梳打飲落酸酸甜甜好開胃，好香提子味，加埋梳打，好爽…查看更多

用令和呢個年號嚟改名，有美好溫和既寓意～ 裝修以深色既木色🪵為主，用唔同既酒樽🍶招紙再加五彩繽紛既燈籠🏮做裝飾🎍，光線柔和～ 而野食既選擇幾多亦都唔貴，食材用料幾新鮮好食😋(5 😍 係滿分，🤩係半分）令和刺身爆丼 🍣🍚 - $198 (好味指數：😍😍😍😍🤩)真係有超多料🤩 包括有：帶子⚪️：顏色雪白幾厚肉，質感軟糯帶有啲彈性，味道鮮甜～海膽🐡：係鮮亮既金黃色，入口即溶，帶有淡淡既海水鮮味🌊 甘甜醇厚，食完會有餘韻～三文魚🍣：係腩位嚟🤩 顏色鮮豔，肉質細膩軟滑，肥甘味美，肉嫩油豐～吞拿魚赤身🍣：雖然肉多油脂少，但一樣甘甜鮮美，肉多啲唔會覺得油膩～蟹籽🟠：有鮮亮既橙色，脆卜卜咁幾爽三文魚籽🟠：每粒都好飽滿，一咬落去就有鮮香四溢、充滿魚脂香，幾有層次感～蝦🦐：肉質厚實，細嫩順滑，口感軟糯得黎有彈性，味道鮮甜😌油甘魚🐟：應該都係腩位，質感細嫩柔滑，有幾豐富既膠質同埋油分，清爽鮮甜🤤M6澳洲和牛 (230g) 🦘🐮 - $238 (好味指數：😍😍😍😍)啲和牛🐮既份量好多，有成9舊，肉味香濃，有咬口又juicy，肥瘦適中，油花分佈均勻，入口即融，煮好之後都感受到油香🤤 亦都有個野菜豆腐盤 🥬⬜️，連裡面有清新爽口既生菜🥬、軟腍清甜既娃娃菜🥬、清新嫩滑既豆腐⬜️、香口軟腍既冬菇🍄‍🟫、清香爽口既秀珍菇🍄‍🟫、清香爽口既紅蘿蔔花🥕🌸、清香爽口既大蔥、索湯🥣又爽口既粉絲～ 全部都索晒個壽喜燒湯🔥🥣既味道，個湯🥣主要由醬油、味醂同糖組成，所以味道香甜，如果再惹味啲就更加好～蟹糕飯 🦀🍚 - +$18 (好味指數：😍😍😍🤩)我地另外加左個蟹膏飯🦀🍚，上面有啲蟹膏🦀，質感綿密，如果再鮮甜啲就更加好～ 亦都撒左啲味素，會香口惹味啲自家梅酒 🍶 - $68 (好味指數：😍😍😍😍)跟住試左杯佢地自家製既梅酒，香味幾濃厚馥郁，口感順滑，但酒味唔會好厚重，酸酸甜甜咁又有啲餘韻～自家調配蜜桃茶 🍑🍵 - $28 (好味指數：😍😍😍🤩)有清新芳香既蜜桃香味🍑同清香順喉既烏龍茶味☕️，唔係好甜，可以消濟開胃🤤 如果桃味🍑再濃郁啲就更加好～好味指數：😍😍😍😍推介指數：😍😍😍😍…查看更多

旺角美食多，食完笑呵呵，去到旺角站，睇下附近有咩食，又去翻上次食過既令和，性價比高，值得再食，點左個套餐，款式都幾多下😝富士山火焰脆脆薯仔沙律火焰烤過的薯仔帶著微微的焦香，口感脆嫩，前菜之選😉三品刺身盛合每一片刺身都切得幾精緻，新鮮感滿滿❤️鹿兒島A4肩胛和牛海膽反卷和牛的嫩滑與海膽結合一起，有少少豪氣既感覺😚芝麻鷄翼鷄翼外酥裡嫩，簡單而美味的小菜😄壽喜燒鍋x野菜豆腐籃豆腐籃中滿滿的野菜，冬日裡的溫暖不二之選😆鹿兒島A4肩胛肩胛肉口感豐富，啖啖肉，簡直是口水橫流😌…查看更多

跟老友在旺角聚餐，book左呢間由同事推薦食日本菜嘅餐廳，在彌敦道的#令和鍋物酒場 。餐廳裝潢得日系的很有格調，燈光微暗更有氣氛。見2人套餐有齊我哋想食嘅嘢，一於點佢就啱晒啦。首先來個脆脆薯仔沙律，薯仔撈勻了沙律醬，味道豐富，上枱時仲加添薯片，令入口更香脆。三品刺身盛合，厚切的三文魚、油甘魚刺身同帆立貝都新鮮肥美。A4肩胛和牛海膽反卷，和牛壽司上面加埋魚蓉、海膽更鮮味。芝麻雞翼，炸到金黃，皮脆肉嫩，調味亦剛好。壽喜燒鍋野菜豆籃，野菜新鮮種類多，包括有金菇、生菜、冬菇、豆腐、大蔥等，吸收🧽湯底令味道更佳。A4肩胛和牛，輕輕滾下見轉了淺粉紅，就撈起點埋生雞蛋汁，入口充滿甜美的壽喜汁，跟豐富的和牛香味，柔軟又香滑，很捧啊！燒芝士年糕，點埋煉奶一齊食，煙韌又流心，滿足的甜點。熱菊花薑蜜同你需要驅風，薑味夠濃，飲落甜甜的都唔錯。…查看更多

🔖令和居酒屋好有儀式感又充滿日式居酒屋嘅風情，入門口會有打鼓歡迎客人，牆上面貼滿晒貼紙。同朋友揀咗和牛壽喜燒火鍋，我哋都好鍾意，醬汁甜美啱啱好，牛肉好嫩而湯底有好多配菜，有日本大蔥、豆腐、本菇、洋蔥各式各樣的蔬菜，食材新鮮，配上湯底非常惹味。三品刺身盛合，新鮮而且魚肉質地滑嫩。燒茄子就正常發揮，味道偏淡。我最鍾意係燒菠蘿，外焦內軟，好多汁❣️飲品叫左Calpis，味道岩岩好，每次去居酒屋都一定會叫🥰…查看更多

難得跟朋友見面大家都想食居酒屋傾下計飲下酒chill 下😋呢間裝修非常日式！牆身都貼滿日本酒logo貼紙！新品🤍 香箱蟹黃金了粥 $148睇圖片已經好想食！🍴 結果實物同圖片一樣！😍 金黃金黃 ～成隻香箱蟹上！ 啲粥好綿滑！仲有蟹膏添！M6 澳洲和牛肩胛（200g) 壽喜燒l 野菜豆腐籃 $238額外加烏冬 $28係我最愛嘅壽喜燒😍 yumyumyum !! M6 和牛真係好好食！ 好重牛味又有入口即化feel!好食到我個fd食曬咁制 唔留啲比我食🤣🤣甜甜的壽喜燒湯底裡面有粉絲、野菜豆腐、冬菇等等加入烏冬食更加惹味好食🤤🤤來到日本居酒屋點可以唔食串燒！！必點！🌟🌟🌟🌟🌟 燒鰻魚串 $48其實見隔離枱串鰻魚好似好正！我又想食點咗🤤 超級中意食鰻魚🫶🏻 除咗賣相燒得靚 個鰻魚都彈牙yum yum😋 仲點咗個燒鳥拼盤 $98有雞翼串、大蔥雞肉串、雞軟骨串、雞心串、雞皮串 樣樣都好食👍🏻最中意食大蔥雞肉串、雞皮串蜜桃茶 $28梅酒威士忌梳打 $55…查看更多

book左2030，店員話出去等等，天寒地凍，但等到2045都冇枱，要自己主動行店入面去問店員幾時有枱，店員再同我講要等多15分鐘，雖然店員有問我飲唔飲梅酒請我地飲，但你咁嘅服務態度唔係以禮待客，又唔催下啲食完野嘅客人，咁我book枱有咩用？最尾嬲到走左😡…查看更多

✨ 朋友帶我旺角食好嘢，甫進入「令和居酒屋」彷如置身於日本，格局盡是日式設計，店內餐牌有好多選擇。***** ***** ***** ***** ***** 🥩A4日本黑毛和牛+野菜豆腐黑毛和牛肉質鮮嫩，湯底有好多配菜，有日本大蔥、豆腐、本菇、日本白菜、洋蔥各式各樣的蔬菜，食材新鮮，配上壽喜燒湯底，非常惹味。另點少量海鮮，蝦🦐和大蜆，大大隻超新鮮好好味。食完晒火鍋之後，再上關東煮🍲都是火鍋形式用火保溫的，冬天是這個真的很溫暖，蘿蔔夠林非常入味。飲品方面，鮮檸檬燒酌梳打好吸引🤩一疊檸檬🍋非常吸晴，睇見都好興奮，味道都唔錯，酸酸甜甜的梳打，酒味不多。總括來說，想食日本風味的朋友，必定要嚟呢間，隔籬枱食串燒都好吸引，下次一定要試。…查看更多

令和七年一月中 令和居酒屋🏮這間居酒屋價錢親民深受食客歡迎，六點多啲已經陸續有客人入座，七點已經差不多坐滿。店內外都充滿日式元素，木系裝潢，橫樑掛滿日式燈籠🏮〰️雜菌香箱蟹鍋 $188雜菌香箱蟹鍋鮮香四溢，香箱蟹即是雌性松葉蟹，蟹身體型雖小，但精髓在於體內滿滿的蟹膏和蟹卵，蟹肉鮮嫩，湯底清甜。雜菌和蔬菜吸收左湯底和香箱蟹的鮮味，充滿蟹鮮味😚〰️串燒拼盤 $138拼盤有八款，有齊雞豬牛、蔬菜，價錢好實惠，有雞翼、雞皮、雞軟骨、大蔥豚肉串、金菇牛肉串、冬菇、秋葵、大蔥，最愛雞皮香脆帶炭燒香味😚〰️冰火燒菠蘿 $28燒菠蘿香甜多汁，完美的甜點選擇。〰️令和玉子燒 $38蛋香濃郁，內裏柔軟綿滑，鹹甜適中，配搭醬汁更添風味！〰️雜錦天婦羅 $68炸蝦🍤冬菇、南瓜🎃矮瓜🍆⋯薄薄的麵衣包裹住蔬菜、蝦外酥內嫩，香脆唔油膩！〰️芒果乳酸梳打 $28〰️藍蝶花檸檬梳打藍色的蝶豆花梳打，自己將檸檬汁倒入，即刻變咗紫色，有得飲又有得玩😁味道清新唔錯。…查看更多