仙跡岩 (西寶城)

今晚同個friend揀餐廳，見想食台灣菜，又咁岩係西寶城下面，咁咪去食囖。入到去見間餐廳都幾細，少人係度食所以個環境幾chill，跟住我地入到去叫咗兩碗兵哥麵同飯。個飯配番茄就算尚可，中規中矩。但係兩碗兵哥麵真係令人大失所望。個分量又細，個牛肉又好難嚼。到野飲個part，杯朱古力比想象中淡，杯益力多同奶茶就平平淡淡，但我覺得唔抵20蚊。我係無諗到10年前就開既老餐廳到宜家個質素都唔抵價格，但反而又幾多客幫襯。反正無論如何， 我都覺得哩餐飯total 225 HKD真係有d智商稅，哩個係本人個人意見，大家見仁見智。祝大家搵到好味既餐廳。…查看更多

原來仲有分店！抵食！豬軟骨湯米線豬軟骨煮得軟嫩，用筷子輕易就可以用骨肉分離。茉香綠茶味道微甜，清爽解渴。招牌牛筋牛肉麵牛筋煮到入口即化，牛肉亦非常鮮嫩。台式豬頸肉滷肉飯，豬頸肉質地柔嫩，吸取晒濃郁香甜嘅滷汁，正好撈飯。芝麻珍珠奶茶有濃郁嘅芝麻香，奶茶茶香濃郁且順滑，加上芝麻嘅粒粒口感。…查看更多

今日地鐵半價出黎香港大學附近行下，順便逛逛附近的西寶城，6、7年前黎過尼到間三聯打書釘，今日一睇仲係度。但係商場好多吉鋪，開始多補習社個啲，冇咩大野帶動人流。唔知點解痴起條筋想飲廢水，查一查Google map，睇到竟然有間仙跡岩（原來香港仲有，以為執哂...）。找一找，原來鋪頭是在商場尾尾人流極少既死位...整番杯珍奶$30，重拾回憶中的味道。仍是回憶中的味道，微甜配上煙韌的珍珠。鋪位勝在處人流稀少位，人客唔多，買杯珍奶都可以坐好耐。…查看更多

「仲記得中學時會約埋成班同學去飲仙跡岩嘅珍珠奶茶……」坐喺西環西寶城仙跡岩，一路聽住朋友咁講，我都一路回憶起屬於我嘅仙跡岩童年。原來1994年仙跡岩就開咗香港首間分店，那些年嘅第一杯珍珠奶茶，你還記得嗎？小食有香口同皮微甜嘅雞中翼、入味嘅滷水蛋同彈牙無雪味嘅炸蝦丸。滷肉份量不多不少，咸香味重，撈飯一流。而豬頸肉大塊厚切，外皮微脆，份量唔少。湯底呈現深啡色，應該用咗大量牛肉餚製而成。而牛筋煙煙韌韌，充滿住骨膠原；而牛肉味香濃。係一碗有份量嘅台式牛肉麫。台灣吐司係我嘅最大回憶，香脆嘅厚多士，配上花生醬，微微烘過，口感唔錯。芒果紅茶，唔會太甜。加埋Q彈嘅珍珠，真係好解喝。我M佬話嚟到仙跡岩，識飲梗係飲雙料朱古力雪葩。朱古力特別香濃又夠滑，出面真係飲唔到㗎。…查看更多

本覺得由始至終都覺得不錯的一間食店，到最後埋單時，因前面有人買外賣自取，我就等一下並想行出門口睇睇那裏有洗手間，那位女職員即時叫住我說：你咪走呀！我當堂打咗個突，同佢講你咪嚇我呀，我唔係唔俾錢喎，並望住她，當時那位女職員沒有出聲，繼續打外賣單及收人客外賣錢，待她完事後，我跟他講你好唔尊重客人囉，我只是想睇睇出邊有沒有洗手間啫，不是唔俾錢喎，她當時一句sorry都冇，就話洗手間喺那邊。我覺得受到好大侮辱囉，就算有幾好食，我都不會再返轉頭食。…查看更多

我問佢滷蛋飯係咪都有肉燥，佢話係結果番到屋企先發現，得兩隻雞翼同一粒蛋咁樣夠膽死收人52蚊？我落番去佢有換過比我，雞翼滷肉飯就冇左隻蛋原來滷肉飯要蛋要加9蚊搞左一輪已經冇胃口食D滷肉一舊肥都冇，雞翼又鞋…查看更多

落腳喺仙跡岩，等咗一陣終於要到紅燒牛肉湯米線啦！米線滑溜溜嘅，每條都似舞動嘅長絲，入口即化。牛肉就真係正中紅心🎯，肉質鮮嫩得嚟帶點筋道，香口得滯！佢哋隻蜂蜜綠茶簡直係解渴聖品，甜中帶香，茶香四溢，一啖嘅清新滲入心扉。其實當人流如織嘅時候，餐廳嘅忙碌都有目共睹，但每次都係因為嗰口好滋味，我仍然義無反顧嘅光顧佢哋。食物誘人服務有誠意，呢度已經慢慢變成我嘅味蕾小天堂喇！🍲🍯🌿…查看更多

去開 hku station 附近, 去幫襯“少年回憶” - 仙跡岩！！舖頭細細, 座位唔多, 客亦唔多ordered 朱軟骨面, 凍抹香珍珠其實少少失望的, 抹香珍珠太甜, 只係飲到甜味, 冇抹香的“香”朱軟骨面普通...好彩真係有軟骨仲有一個問題, 有蚊飛飛吓, 有d影響心情...整體合格.…查看更多

當我以為仙跡岩已經執曬粒之際，今日去開石塘咀，竟然發現西灣城入面有間仙跡岩！！！所以即刻上去尋找童年回憶！唔係講笑，真係廿年冇飲過仙跡岩嘅嘢，仲記得以前佢係台灣嘢飲喺香港嘅始祖，咁難得返嚟尋找兒時回憶，所以專登叫咗一個經典嘅胚芽奶茶胚芽嘅份量好足，不過奶茶味就好似冇我以前飲咁香濃，唔知係咪因為叫咗凍，嘅加咗冰，所以個奶茶好似好稀咁，佢又唔係完全冇茶味嘅，不過就係好淡好淡囉老實講，就真係唔係特別好飲，不過又唔係難飲，比起味道，更重要嘅係回憶…查看更多

佢哋可能真係走女性路線?完全唔諗下男人嘅胃口, 自問唔係肥仔, 唔使食好多嘢, 但去親都唔係好夠飽, 請問可否多番少少呢 ? 你靜靜雞加價都好過啲人食唔飽呀， 嫌貴嘅人唔會嚟，但係你唔夠大碟係唔係要啲男人嗌兩碟？ 咁樣又好奇怪喎 ! 我冇照片upload但係你睇 其他用戶upload嘅照片, 你就知道係乜嘢意思啦 ! …查看更多

⭐️Lunch Set $60🔹雞絲滷肉飯其實滷肉味好正 雞絲雖然冇想像中滑 但擼埋滷肉其實就食唔出太大分別 飯上到嚟是暖 但覺得熱返d會好食好多 喜歡熱氣出煙的感覺🔹茉香珍珠奶茶茉香好好聞珍珠彈牙 味道剛好 唔太甜 最愛而個野飲 估唔到茶都可以同珍珠奶茶混合一齊飲 而兩者冇相撞推介指數：⭐️⭐️⭐️環境指數：⭐️⭐️⭐️⭐️服務指數：⭐️⭐️⭐️⭐️⭐️ 姨姨好好人 一入到去想飲杯水 會問我要咩水 個陣天氣比較寒涼 個嘴已經凍到疆 見到我開唔到飲管套 會主動過嚟幫手開 …查看更多

小編好想知道，有幾多人同我一樣超過10年無食過仙跡岩可以留言話我知😆呢一日小編突然心痕痕，想睇下呢間由細見到佢大既餐廳究竟同細個食有無咩分別！不過其實d menu都唔同晒，不過個氣氛依然係度，仲有回憶喺入面🙈【 花枝丸麵線】$36【雞中翼麵線】$36呢兩碗面線其實完全唔係想像中果種又綿又幼既台式麵線，所以開初係有d扣分，不過佢既麵又幾香口，好似童星點心麵😆小編未食過呢種麵，但又覺得都ok👍🏻【 百香果乳酸】跟麵半價$14【 荔枝玉茶】跟麵半價$15野飲就幾唔錯，同出面一般珍珠奶茶好似，好好飲又好好咬口👍🏻👍🏻 …查看更多

平日黃昏時間 5點半 不算多人。叫了一個肉燥撈麵。39元。麵的質地軟硬度剛好，咸味足夠。可以問店員拿水來洗餐具及飲用。廁所在商場內，相當整潔。客人留名字及電話的紙張更可以選擇 WhatsApp 做會員! …查看更多

今日去西寶城搵朋友，見到有間仙跡岩，已經10幾年冇去諗住返去食，點知⋯一坐低咩都唔講，「飛」咗個餐牌別同張點餐紙過嚟。咁好啦，有張點餐紙，我就問佢攞支筆自己畫啦。佢又話直接同佢落order！之後我睇完張點餐紙，諗住對住落單（已經記得啲位置，諗住直接同佢講要食咩），佢一手攞起左，同我講話呢張唔係我用嘅，叫我自己睇返個餐牌⋯我即刻O咗嘴🙄後尾加單，仲要同我講話冇落到單，冇聽過🙄 反晒白眼其實如果張點餐紙，唔係客人用嘅話，咁點解你又要拎比客人睇呢！？仙跡岩已經越做越細，仲要一啲禮貌都無🤮 真係搵鬼幫襯！ …查看更多

兩隻字形容：垃圾！又要貴，又要整得唔好食，不如索性唔好整！而家新冠肺炎，啲人開始轉左買外賣🥡，張牌寫住話外賣八折，冇講明話套餐冇八折，點知一叫野食先至話冇八折，唯有改做堂食，貴得嚟仲以為好食，點知真係好難食！我以後一定唔會再去食！係永遠！我記得之前可以Cheap到有撈麵賣，連嘢飲仲要收有39蚊咼，不如索性自己整！仲話台灣菜咼！自己整都唔洗39蚊啦！垃圾到一個極點！唔知其他分店點，我唔知，淨係知道呢間分店啲嘢食好難食！…查看更多