仙跡岩 (西寶城)

今晚同个friend拣餐厅，见想食台湾菜，又咁岩系西宝城下面，咁咪去食囖。入到去见间餐厅都几细，少人系度食所以个环境几chill，跟住我地入到去叫咗两碗兵哥面同饭。个饭配番茄就算尚可，中规中矩。但系两碗兵哥面真系令人大失所望。个分量又细，个牛肉又好难嚼。到野饮个part，杯朱古力比想象中淡，杯益力多同奶茶就平平淡淡，但我觉得唔抵20蚊。我系无谂到10年前就开既老餐厅到宜家个质素都唔抵价格，但反而又几多客帮衬。反正无论如何， 我都觉得哩餐饭total 225 HKD真系有d智商税，哩个系本人个人意见，大家见仁见智。祝大家揾到好味既餐厅。…查看更多

原来仲有分店！抵食！猪软骨汤米线猪软骨煮得软嫩，用筷子轻易就可以用骨肉分离。茉香绿茶味道微甜，清爽解渴。招牌牛筋牛肉面牛筋煮到入口即化，牛肉亦非常鲜嫩。台式猪颈肉卤肉饭，猪颈肉质地柔嫩，吸取晒浓郁香甜嘅卤汁，正好捞饭。芝麻珍珠奶茶有浓郁嘅芝麻香，奶茶茶香浓郁且顺滑，加上芝麻嘅粒粒口感。…查看更多

今日地铁半价出黎香港大学附近行下，顺便逛逛附近的西宝城，6、7年前黎过尼到间三联打书钉，今日一睇仲系度。但系商场好多吉铺，开始多补习社个啲，冇咩大野带动人流。唔知点解痴起条筋想饮废水，查一查Google map，睇到竟然有间仙迹岩（原来香港仲有，以为执哂...）。找一找，原来铺头是在商场尾尾人流极少既死位...整番杯珍奶$30，重拾回忆中的味道。仍是回忆中的味道，微甜配上烟韧的珍珠。铺位胜在处人流稀少位，人客唔多，买杯珍奶都可以坐好耐。…查看更多

「仲记得中学时会约埋成班同学去饮仙迹岩嘅珍珠奶茶……」坐喺西环西宝城仙迹岩，一路听住朋友咁讲，我都一路回忆起属于我嘅仙迹岩童年。原来1994年仙迹岩就开咗香港首间分店，那些年嘅第一杯珍珠奶茶，你还记得吗？小食有香口同皮微甜嘅鸡中翼、入味嘅卤水蛋同弹牙无雪味嘅炸虾丸。卤肉份量不多不少，咸香味重，捞饭一流。而猪颈肉大块厚切，外皮微脆，份量唔少。汤底呈现深啡色，应该用咗大量牛肉肴制而成。而牛筋烟烟韧韧，充满住骨胶原；而牛肉味香浓。系一碗有份量嘅台式牛肉面。台湾吐司系我嘅最大回忆，香脆嘅厚多士，配上花生酱，微微烘过，口感唔错。芒果红茶，唔会太甜。加埋Q弹嘅珍珠，真系好解喝。我M佬话嚟到仙迹岩，识饮梗系饮双料朱古力雪葩。朱古力特别香浓又够滑，出面真系饮唔到㗎。…查看更多

本觉得由始至终都觉得不错的一间食店，到最后埋单时，因前面有人买外卖自取，我就等一下并想行出门口睇睇那里有洗手间，那位女职员即时叫住我说：你咪走呀！我当堂打咗个突，同佢讲你咪吓我呀，我唔系唔俾钱㖞，并望住她，当时那位女职员没有出声，继续打外卖单及收人客外卖钱，待她完事后，我跟他讲你好唔尊重客人啰，我只是想睇睇出边有没有洗手间啫，不是唔俾钱㖞，她当时一句sorry都冇，就话洗手间喺那边。我觉得受到好大侮辱啰，就算有几好食，我都不会再返转头食。…查看更多