仙果園

好耐冇黎食過, 咁再番黎食, 點知就出事.雞翼肉燥飯 - d 肉燥油多過肉, d 味道好似工廠飯堂咁.... 雞翼好似番煮好多次咁, d 肉已經唔滑. 雞粒炒飯 - 哇, 真係爆勁快, 2 分鐘都冇就出菜, 你係叮熱佢都叮耐少少丫唔該~! d 雞粒好似煲完湯咁, d 飯一d 都唔覺炒過, 我不如去買個7 仔叮叮飯食仲好味 ~~~半年冇去, 以後唔再去....…查看更多

五月二十五日 天陰陰走來旺角食台灣食品，來了仙果園食午餐，這裡飲品質數有點不穩定。呢間台灣小館間中有學生來食。雞翼肉燥飯 肉粒和雞翼就好食而且不多油份不膩，飯也新鮮所以這個飯幾好。抹茶珍珠 失望之飲品，因抹茶太淡飲不到抹茶味道仲要加$9所以不值飲。…查看更多

行到去mk, 無咩特別野想食所以就入咗去仙果園食印象中, d 野食都過得去, 點知....我叫左一個雞扒飯, 另外俾錢加份魯肉你地睇下, 得d 肉碎加個豆粉茨稀到不得了我呀媽都煮得好味過佢真係接受唔到....可惜雞扒飯, 都ok 的…查看更多

出到旺角o岩o岩下午茶時間~突然好想食個厚多士~之後就諗起仙果園喇~入到去當然第一時間揀個厚多士食下~今次揀左芋香厚多士+珍珠奶茶~~男朋友就叫左個台式肉燥飯+珍珠奶茶~先上肉燥飯...一望...哈....同平時食開o既台灣肉燥飯有d出入~呢個個感覺似canteen兩送飯...椰菜+肉燥~望到真係有dd失望~但係好在食落味道其實都唔錯o既~之後就到個厚多士~仙果園多士一向都唔差...同埋由於自己太鍾意食包~..所以overall都幾滿意~~…查看更多

去的時候是夜晚10點幾,所以不用等位不過越來越多人2人套餐可以叫2碟送,2杯野飲,仲有一碟時菜只係$98叫左一碟燒春雞同一碟滷鴨燒春雞份量幾大..不過無咩味要靠個醬來食個醬就幾好味碟鴨味道同出面的滷味差不多時菜要左通菜...都幾細碟下菜只係淥熟...都係要靠上面d腐乳汁來食野飲要左2杯珍珠奶茶一杯茉香珍珠..一杯香芒珍珠珍珠奶茶就幾好飲味道就一般..還可以不過個套餐分量好足食完好飽環境幾好..感覺十分舒服…查看更多

叫左個蚵仔煎蛋，好鬼油...又少蠔...再嚟多個醬汁雞排，超咸 之後, 個米線又冇味....服務方面 :老闆務求店內每個位都座滿人...不斷要求d客人左調右調...搬嚟搬去...好煩 …查看更多

豆腐肉燥飯味道ＯＫ, 但入口似湖仔 ... .. 毫無肉燥口味白汁手撕雞飯, 飲品 味道則不夠, 很一般場內放了很多ISABELLA D同老細D相 係咪想李生收購左佢呢 …查看更多

是晚放工約班同事唱K,見仲未夠鐘就搵個地方食D野,順便等到夠鐘.同事話呢間幾好食,而且又唔係太貴玉子豆腐:幾好味,外表係炸過,但唔容易挾得起 因為真係好難挾,但入口都依然好熱,小心辣口.咖哩三寶飯:個汁好正!又香又好味, 有雞中翼,豬扒,小排骨各一件.海鮮粒炒米粉:賣相係就係幾靚,而且材料都好多 可惜...一D味道都冇地瓜豆沙餅:真係幾好味,又唔會太甜, 就算冇豆沙都會好好味 蕃薯又煮得夠淋,正!…查看更多

請左半日假去見工，見完勁肚餓呀~諗起朋友提過呢間下午茶好抵食就急急腳走黎試下。我去到睇門口個餐牌，19蚊一個下午茶餐，包杯牙幾大杯0既野飲，睇落真係唔錯，就入左去喇~都有一半位有客架﹗我叫左醬汁豬頸肉米線+珍珠奶茶，woo~杯珍珠奶茶真係幾有份量，我數過，最後食到48粒珍珠呀再過5分鐘左右米線就黎左，都真係幾大碗，同埋，d豬頸肉唔係好似一般餐廳咁切到薄it it，而係好似塊豬扒咁厚，仲好大塊添，我覺得好抵食囉有4塊豬頸肉，兩塊爽口，兩塊太稔，d米線都係浸到稔左d，不過以呢個價錢真係好足夠喇食左呢餐，夜晚都唔係幾想再食添呀…查看更多

前幾日同朋友食晚飯，佢想飲珍珠奶茶，諗起呢間有，就黎左~佢食左tea，我冇食，所以佢淨係叫左個茄子咩咩米線+杯珍珠奶茶，而我就叫左個金菇肥牛鍋餐($45)，冇咁餓0既朋友個米線好快就黎左，佢話d米線好稔，淨係食哂d餸就算咁話~我地都係叫左珍珠奶茶，本來以為佢0個杯已經夠大杯啦!!點知配我個餐0個杯仲大，直頭係德國啤酒杯咁大呀!!!!我覺得我會飲唔哂，於是同朋友交換杯飲，後來發現呢個決定係冇錯0既朋友都差唔多食飽之際，我個鍋先黎，我個鍋揀左跟米線，個米線好大碗囉我覺得呢個餐適合男士食，真係太大份量喇我見到都有種飽飽0地0既感覺首先，我夾起一卷金菇肥牛，OMG，點解d肥牛咁堅韌架?而d金菇就稔哂，應該係煮得太耐，好彩d米線都夠爽口彈牙，唔似朋友0個碗咁，好彩有樣奇怪事就係唔知點解呢度無論乜野鍋都好，都係會加隻蝦同青口俾你架你話雜錦鍋&海鮮鍋有呢兩種料都正常，之但係我呢個係金菇肥牛鍋，都幾唔夾架!同埋都幾浪費，因為我唔食青口架我應該叫野之前同店員講走左呢兩種料…查看更多

上次同朋友去過都唔錯, 見咩無人, 再去試下坐低, 水都無杯俾你飲, 要叫侍應攞, 仲黑口黑面叫左野, 等左20分鐘, 飲品都唔到, 吹一吹d侍應先, 再等5分鐘, 飲品先到, 味道一般中的一般再等10分鐘, 老婆叫的酸辣湯米線到, 湯底難食, 不過d貢肉根都幾好鹽蘇雞翼, 新鮮夠熱, 但無味道最谷氣的是我叫的米線到老婆食完都未到, 其他比我們遲來的人都食完走人, 我決定走. 同老細講唔要, 老細話ok, 但要算我杯飲品(跟餐+$5, 正價~$25), 佢話優惠我, 當我杯飲品跟老婆個餐+$5, 老婆杯飲品比較平算正價$14.佢完全唔覺得錯, 我等了成個鍾, 不知所謂. 之前仲買左戲飛, 我同老要狂奔都miss左15分鐘戲.…查看更多

前日同男朋友去開個頭,諗唔到食咩..就決定去返呢到食..^^" 企左系門口一陣都沒有人理..唔掂`又系叫左個SET..^^ 平令正。燒春雞例排..金茹肥牛.. 今次等左唔夠3分鐘就來了金茹肥牛..一睇就知道系放左好耐,反叮! 搞到我對呢間野沒信心。打算坐得多..個老闆系甘走黎講 多謝晒,系人都知道你趕人走..估唔到你趕人走都有一手..勁。…查看更多

上星期六，十一時多吃了一個brunch，攪到自己要四點幾先有胃口吃東西。約了友人到旺角，大家都肚餓，隨便找一間小店吃tea，見這裡的價錢不太貴，心想份量不會太多，可以留肚晚上吃晚飯，怎料......我們點了一個小排骨米線、一個豬頸肉米線加一杯珍珠奶茶和荔枝玉露(加六元)。小排骨米線：好大碗，米線多，有兩件排骨(並非小排骨)，不過排骨甜了少少，食完勁飽；豬頸肉米線：朋友吃的，但一樣好大碗，有三大塊豬頸肉，味道他說ok；珍珠奶茶，叫了小甜，但都好甜，尤其是珍珠，不過這是台式珍珠奶茶的特色，少了一點甜已很好了；荔枝玉露：朋友喝的，只見他喝不完。以旺角來說，這下午茶非常抵，十八元一個而且多選擇，不過味道一般，填飽肚子一定沒問題。吃的途中，我見半隻燒雞好像好好味，可以俾機會再試一次。…查看更多

昨天經過這裡,同男朋友專情去試..等左一陣就有位.. 周六關係,特別多人..我們叫左個二人SET.... 好好味..* 包18$野飲.我們叫左杯特大黎飲..哈哈" 好味!!比起其他食台色野好味好多...^^ 下次我會再去...哈…查看更多

夜晚叫左個雜菇炒伊麵（$33.00)等左十零分鐘以為係即炒啦，點知出黎只係微暖…食落似係叮返熱咁……另外試左個脆皮豆腐，呢個就熱既，普通炸豆腐咁，唔難食，又唔係特別好食($17.00)係杯凍奶茶令人滿意（餐+$5.00)…查看更多