影片
叫左鸡丝凉面 面质好怪 第一次食 叫左少辣 但一d辣都冇 早知中辣饮品叫左鸭屎柠茶 但原来系隔离铺冲等左大半个钟野饮都未黎 野食都食完 杯野都仲未黎朋友叫左牛肉面 都系面质怪 同汤底好似怪怪
继续阅读
今日情人节，同另一半贪过瘾去咗重庆小面试吓个麻辣红烧牛肉面。咗碗牛肉面，汤底红卜卜，饮第一啖已经feel到花椒嘅麻同辣椒嘅香，辣得嚟唔会死咸。牛肉大大旧，半筋半肉煮到超淋，筷子一夹就散开，吸晒汤汁好入味。面条拣咗幼身𠮶款，挂汤力够，嗦嗦声食得好爽。 牛肉面一上枱，汤底红得嚟好浓郁，牛肉煮得够淋，入口即化，麻辣味够晒劲，食到鼻水都出埋，但又唔会太呛喉，几过瘾。小酥肉外脆内嫩，咬落去仲有啲肉汁，点埋辣椒粉更加惹味。最后食埋红糖糍粑，外皮脆脆哋，入面烟韧，红糖甜度啱啱好，解辣一流。整体嚟讲，味道唔错，价钱都合理，系个几好嘅情人节选择！ 。
继续阅读
求其揾间餐厅食午餐，叫左2碗面，基本上除左面嘅口感，各样都ok嘅，可能系我个人问题，2碗面嘅口感都唔系爽口，系软好淋，好似公仔面煮好耐索哂水嘅口感，呢种口感从未食过，如果个面口感硬返都会再帮衬嘅。
继续阅读
嚟到MegaBox，见到有间新舖。见天气冻冻哋，想食啲热汤就坐低帮衬，点知一个字。 伏。叫咗胡椒猪肚鸡汤面同埋麻辣牛肉面。两个汤 系有胡椒味同埋麻辣味，但系汤底本身都唔够浓。 牛𦟌本身冇乜肉味。鸡肉都系非常嚡，好似人哋食咸鸡咁样。我个胡椒猪肚鸡汤面系入面有一件鸡胸， 一件鸡背脊，另有一个 joint 位，有个鸡转弯, 同埋一只鸡翼尖。我问个侍应，鸡转弯同埋鸡翼尖系咪呢度嘅特色。佢有啲支吾以对，跟住话俾我听师傅可能冇睇清楚就夹咗落去。佢态度其实都算友善，佢话叫师傅俾多两嚿我。但最后大家见到喺相入面就系多咗另外一嚿鸡转弯同埋另外一个鸡锤嘅joint 位。佢将两嚿鸡递俾我嘅时候，我同佢讲原来呢度嘅特色真系比鸡转弯啲客，师傅系「睇清楚」先夹落去。 佢个样好尴尴尬尬咁净系喺度笑冇讲任何嘢。伏。无下次。
继续阅读
叫咗金汤抄手同埋豌杂面金汤似酸菜鱼汤味，酸酸辣辣咁，抄手味道不过不失，胜在份量够，加埋汤一起个味道都几夹，馅食到系猪肉同埋云耳，不过唔似平时食开啲抄手系细细粒咁，感觉似云吞多啰豌杂面味道都几正宗，系川菜面食比较有特色嘅面，叫咗正常辣都唔会太辣，啲辣唔系死辣，豌豆同肉酱捞埋啲面一齐食都几满足，另外枱面都有提供辣椒油，都几香口，1碗份量食完都饱肚 。另外仲有试咗个玫瑰荔枝冰粉，推荐大家可以一试，有机会会再试埋个牛肉面最后原来系免收加一，希望可以keep到！
继续阅读