仁芝初

营业中

休息中

又是與朋友共聚的一天，吃飯過後，我們咁安排了一點糖水，本來我打算光顧一些傳統的大型糖水店， 還好朋友的推介， 又令我對旺角這個地方多了一份新鮮感， 餐廳位於旺角油麻地之間，距離地鐵站路程其實只需要五分鐘，又是一個十分方便的地方。食物方面，生磨香滑芝麻糊配生磨滋潤杏仁糊， 配合起來更是一絕， 沒想到這樣年青化的餐廳，賣出來的傳統糖水，味道竟是如此出色， 誰說年輕的一代做不了好的糖水，這家傳統中式糖水，真的做得不錯 ，味道不太甜 ，又富有特色， 這樣已經令人十分驚喜。

開在旺角的一家文青小店，疫情期間還是很多人排隊，用openrice點了外賣，還是等了很久，芝麻糊拼芋頭西米露，味道還唔錯喔，芝麻糊唔算好甜，卻很濃厚，湯丸略顯普通！

食完餃子，喺附近堅個甜品鋪，個名幾有個性叫仁芝初，令人唸起性本善，如果開新店可以考慮“甜品掂”為名。入到去，有大發現，原來店長系marvel 粉絲，墻上擺左唔少英雄人物figure.呢度環境明亮，木檯，和諧舒服。因為甜品控，二人叫左三碗。生磨滋潤杏仁露與杏仁茶不同，比較香滑，好知加了什麼甘滑，甜度剛好。芋茸蓮子西米露芋茸香味撲鼻，濃縮度恰到好處，粒粒西米露香滑 ，加埋蓮子口感甚佳。蓮子陳皮紅豆沙淡淡陳皮香，襯托出紅豆香。粒粒紅豆磨得細嫩如沙，順滑好味。

心血來潮突然想食糖水經過女人街見到有間簡約裝修糖水舖一於試下先😛——————————————————選擇唔算特別多但勝在大路嘅中式糖水全部都有芋頭控必試芋茸蓮子西米露成碗都係淡紫色證明真係好芋茸香滑濃郁加上粒粒蓮子👍🏻至於腐竹白果糖水比起坊間嘅杰身腐竹完全溶為一體成為豆漿香甜醇滑加上有咬口嘅薏米同煙韌嘅白果食完真係好似白滑左🙈因為仲想試吓啲糊所以好任性咁叫多左碗芝麻糊聞到好香芝麻味食落順喉又滑溜而且仲係少甜對於減肥又想食糖水嘅真係一大佳音😂😂——————————————————⋎ 生磨香滑芝麻糊 $26⋎ 白果薏米腐竹 $26⋎ 芋茸蓮子西米露 $26

旺角最近有間好有意境嘅傳統糖水舖-‘仁芝初’開張，即係又到小金嘅試伏時間~楊枝甘露$38🥭熱陳皮蓮子紅豆沙$26🥣兩碗嘅質感無想像中咁thick，無平時食嘅咁甜，好足料，價錢相宜，食得岀落足心機煲架😋

秋冬天氣十分乾燥，要識得滋補的最好是糖水。中式糖水變化多端，功效各有異，適合不同人士。買了三碗不同口味的與家人分享。生磨滋潤杏仁露白滑細緻，香味獨特，每一口都係滋潤美肌的體驗。蓮子陳皮紅豆沙紅豆入口軟腍，起沙效果顯著。蓮子基乎在口中溶化。甜度適中，清甜中帶有一股果皮香，夠晒正氣。生磨香濃合桃露合桃有健腦，補腎的功效，多吃一點也無妨。質感綿滑細膩，濃而不膩。飯後一碗糖水，沒有任何事情比這個更幸福啊！

食完晚飯，口淡淡，天氣有少少涼意，突然想搵熱既甜品食。行過兩個舖位，就發現了這間糖水店。裝修光明簡潔，賣既係傳統中式糖水，雖然選擇唔多，但都係我鍾意既款式。掙扎咗好耐應該食芝麻糊定係杏仁糊還是合桃糊，最後還是決定要杏仁糊。店員好貼心將我原本打直放既背包打橫放，話打橫放冇咁易跌落地。杏仁糊好快上枱，夠熱，質地起沙，杏仁味濃，超好味。我只係略嫌$28有d貴，如果$23-24就好了，因爲太子果邊有好幾間選擇，而旺角就少d。

最近塊面好多瘡瘡，心情唔多好，係時候要食啲甜品，開心一下🤗經開呢邊，見個名幾特別”仁芝初”ART OF DESSERT🤤有我最鍾意既合桃露，平時好少甜品店仲有生磨架，又可以雙拼，當然揀生磨滋潤杏仁露拼生磨香濃合桃露，質感好幼滑好香，濃稠得宜，又唔會好甜，再加芝麻湯丸，自家製，皮煙韌軟糯，芝麻餡唔會膩，食完暖笠笠感覺又健康🙊不過個人會比較喜歡吃比較”杰”同磨唔溶既合桃粒，更有口感🤤見佢仲有楊枝甘露同木瓜燉雪耳，香甜又夠滋潤，外賣返屋企俾媽咪試下，楊枝甘露香甜，配料好足，不會太甜而木瓜燉雪耳夠晒滋潤，木瓜大大粒，配上雪耳既爽，清甜美肌，秋冬天食最適合不過👍🏻👍🏻👍🏻

女人街尾有一家門口好精緻，帶點文青風的糖水店，似乎是新開張的中式甜品店。最支持本土經濟發展的我，當然要來會一亼佢啦環境好企理舒服，揉合cafe的感覺，好文青feel。用心擺設餐牌都走清新路線，完全反轉以前老土古老的糖水店的型式。外賣用紙杯！支持環保生磨香滑芝麻糊$26真夠滑而且香，唔會太甜，真係滑入口的芝麻糊。我LIKE佢唔會太「傑」，口感非常之好。芋茸蓮子西米露$26真係好蓮子肉呢~比一般的椰汁西米露更有香味，而且比較有口感。食落又唔會覺得好HEAVY，應該係椰汁的比例做得好，正~!凍椰汁紫米露$28呢個好多紫米，非常有咬口。同樣，都唔會好甜，呢到既糖水最大的好處就係味道TUNE得非常之好，既有糖水甜甜的味，但食完又唔會好滯~!!!!

同兩個朋友嚟到旺角，行到通菜街攰攰地，想搵間糖水舖坐坐，於是就嚟到新開業嘅「仁芝初」，主打中式糖水，我哋一人嗌咗個一個糖水share食。.生磨香滑芝麻糊$26好香，好幼細，口感好嫩滑，好impressive🥰。明顯係人手製作，先能夠做出咁突出嘅口感，值得一讚！.木瓜燉雪耳$28冰糖潤滑，木瓜同雪耳吸收晒冰糖味道，好滑嫩，滋補養顏，好啱女仕享用，另一個驚喜之作。.冰花燉蛋$28口感香滑，無蛋腥味，冰糖甜度適中，唔會過膩，配合燉蛋幾有新意。

Follow @hkfoodmap for more food 🍽.近年甜品舖越開越多 不過多數都係食西式甜品又或者係芋圓之類嘅台式甜品佔左大部份～難得有傳統糖水舖開業 就黎試下☺️店面唔大 座位大約10幾個左右裝修走簡潔嘅木色家庭風枱與枱之間都唔會話超迫～當日叫左熱木瓜燉雪耳同埋凍芝麻合桃露加湯圓🤰🏻熱木瓜燉雪耳嘅木瓜都唔少食落清甜滋潤 雪耳熟嘅程度剛好唔會過硬過淋整體都唔會話超甜👍🏻芝麻糊合桃露黎到嚇親🤣個兜成個湯麵碗咁大 裝滿左一半都好多下～食落去都好滑 但如果芝麻味可以更香更出就好喇🤔🤔

話說呢間小店開喺我朋友屋企樓下新開左一排 我都幫襯過幾次買外賣去我朋友屋企食，佢主要係得幾款嘅糖水，但係款款都係心機之作話說我食過佢嘅芝麻糊，杏仁糊，合桃，木瓜燉雪耳講返我芝麻杏仁合桃全部都好好味超級軟滑係食得出有本身嘅味道，例如芝麻個味道係非常出！ 唔會太甜唔會太晞！真係食得出係有水準反而木瓜燉雪耳我就覺得一般因為可能平時喺屋企都容易食到 🥰😂 但係芝麻糊同杏仁糊要食得出一碗好味嘅都唔係咁容易㗎！推介大家食佢嘅芝麻糊杏仁糊同埋合桃糊全部都好好味呀

早排睇鼎爺廚房，居然教煮一味鮑魚綠豆沙！簡直創意爆燈！同時令自己嘅中式糖水食引大作！係隔離街食完碗餛飩，就過嚟仁芝初買碗紅豆沙外賣，滿足一吓中式糖水引.好好彩，外賣有折扣添！一般嘅中式糖水店總俾人一種老派嘅感覺，但仁芝初反傳統，從店鋪裝修以至員工都有年青風.查實屋企樓下都有中式糖水店，但無論紅豆沙又好，綠豆沙又好，都係一鼓好死嘅甜味，而且得個甜字，食過一次就怕怕.反觀仁芝初嘅紅豆沙，甜得嚟重有明顯陳皮香，甜度適中唔會過甜，重有一點，起沙！試過自己煲紅豆但總係唔起沙，所以食到起沙嘅紅豆沙，好滿足！今次食紅豆，下次試試綠豆沙.最後一提，外賣用上紙質碗，為環保出一份力，讚！

🍴熱香滑芝麻糊加湯丸3 粒 34 蚊😍用個大碗裝住夠細心 因為芝麻糊易倒瀉 又易上色 個芝麻糊應該係自己磨 好香滑 芝麻味香 加湯丸都好正 外皮夠 彈牙 入面芝麻應該有炒過夠哂香 呢個好味🍴楊枝甘露 38 蚊😍夠凍 甜度適中 個糖水底 正常甜 入面既芒果夠香甜 仲有西柚同西米 都新鮮 整體唔錯#糖水 #甜品 #楊枝甘露 #西柚 #芒果 #芝麻 #湯丸 #芝麻糊 Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#仁芝初 旺角通菜街2q至2z鴻輝大廈地下06 鋪~~~~~~~~~~~~

一間在旺角女人街新開糖水鋪。店面比較細，而裝修都簡單，用灰色做牆身再配木系風格枱櫈。夠薑蕃薯糖水平時大家食既嘅薑汁蕃薯糖水都會食到濃濃薑味，有薑辣感刺激喉嚨同食道，但呢間薑汁係超超超超超濃同勁，味道入口係激辣，個人真係唔係幾受得味道咁勁，不過如果鐘意食薑嘅朋友可以一試，如果冬天食真係可以一啖驅寒。另外蕃薯好夠甜，不過薑汁味道遠遠超過同遮蓋蕃薯味。價錢上就真係略貴要$26。店舖如果可以推出不同薑辣程度夠薑蕃薯糖水比客人揀就更佳。