人和月雞煲火鍋店 (已結業)

食物质素唔错，牛肉及海鲜都okay。其他食物嘅种类选择可以再多啲，感觉因为店舖位置比较细，所以未必容纳到太多种类。门口比较隐蔽，揾咗一轮先见到入口。可能我哋早入座，所以有卡位坐，感觉较舒服…查看更多

圣诞节就系要食食食！拆礼物日我就冇礼物拆啦⋯⋯食餐好补返数。同家人去咗食鸡煲火锅放题。限时120分钟，当日小朋友有小小礼物送，好窝心。鸡煲叫了唔辣，味道唔错，最钟意食啲紫洋葱，够惹味，海鲜拼盘跟餐有一碟，有鲍鱼，带子，青口，虾，鱼片，蚬，新鲜嘅都冇沙。牛肉先上一大盘，都可以任叫，带子，虾等海鲜都系，不过就冇第一盘上嘅咁新鲜。蔬菜，唔同类嘅肉丸，甜品，汽水，果汁，茶，系出面任拎，呢度地方比较细，可以选择嘅食物比较少，限制得2小时而要过4百蚊1位，感觉性价比唔高。…查看更多

明明成功book到枱，但事前没有任何通知，去到先发现写住”内部装修，暂停营业”一行6人被逼临时再揾其他餐厅，非常扫兴十分不负责任的一间餐厅…绝对不会光顾，亦不推荐…查看更多

食评时间啦！我去咗尖沙咀嘅人和月火锅专门店，食咗啲好好味嘅火锅同小食，真系好好食，性价比一流！🍲 椰子鸡锅：呢个汤底真系好特别，原汁原味嘅椰子加埋鸡肉煲出嚟嘅汤汁，又香又甜，而且鸡肉非常嫩滑，好开胃！👍🥟 韭菜饺：皮薄馅靓，韭菜味道好浓郁，配埋啲酱汁真系好好食！😋🐮 美国手切封门柳：牛味道好浓郁，肉质好有咬口，真系好正！👌🥩 美国严选牛小排：肉质好鲜嫩，煮熟啦之后啲肉汁流出嚟，就好juicy啦！😍🐝 蜂巢豆腐：个形好特别，口感味道都好特别，好滑好软，好好味！👅🍠 芋泥包心丸：芋泥味道好浓郁，包心丸馅料都好有嚼劲，真系一个好正嘅甜品！🍮总之，人和月火锅专门店真系好好食，而且价钱都算实惠，值得推介啦！👍👍👍…查看更多

相隔一年再来庆祝，八点冷清清都心知不妙！结果面目全非🤦🏻先讲讲以前食佢哋嘅放题海鲜同牛肉都质素好好虽然现在变成单点但朋友喜欢佢哋嘅食物就算单点都冇所谓啦，结果伏中之伏！！！先讲汤底至尊龙虾鸡煲$468，龙虾细只冇乜肉、半只鸡得头、颈、翼、屁股同成只鸡脚，跟本冇肉食都算👎汤底饮唔到鲜味、鸡汤味只发现劲多胡椒，唔知以为系胡椒猪肚汤跟出面一人一锅平价汤底一样👎牛颈脊有牛味但肉质不嫩👎日本A4和牛$298简直垃圾到跟美国肥牛一样冇牛味肉质又劣👎爽脆鲩鱼片又腥又多骨👎圣子皇$168唔爽唔新鲜👎海虾$88有8只完全唔新鲜肉质散虾膏系苦嘅👎鲜桶蚝$98好腥唔新鲜👎响铃正常味道跟超市一样，墨丸大大粒冇墨鱼味….5粒都系冇味跟街边小食墨丸一样👎虾滑算系成晚最正常发挥觉得唔错的食物，娃娃菜$28得几片仲要唔系新鲜靓菜。整体来讲肉又差海鲜完全冇一样系新鲜嘅，人均消费$450讲真四百几蚊放题都好食过佢，最过份系单点食物本来钱都唔重要但都唔好咁过分咁差！咁嘅垃圾食物后面亚士厘道好多都比你出色好多。…查看更多