人和月雞煲火鍋店 (已結業)

聖誕節就係要食食食！拆禮物日我就冇禮物拆啦⋯⋯食餐好補返數。同家人去咗食雞煲火鍋放題。限時120分鐘，當日小朋友有小小禮物送，好窩心。雞煲叫了唔辣，味道唔錯，最鐘意食啲紫洋蔥，夠惹味，海鮮拼盤跟餐有一碟，有鮑魚，帶子，青口，蝦，魚片，蜆，新鮮嘅都冇沙。牛肉先上一大盤，都可以任叫，帶子，蝦等海鮮都係，不過就冇第一盤上嘅咁新鮮。蔬菜，唔同類嘅肉丸，甜品，汽水，果汁，茶，係出面任拎，呢度地方比較細，可以選擇嘅食物比較少，限制得2小時而要過4百蚊1位，感覺性價比唔高。