京都勝牛 (MONTEREY Place)

我一直都好鐘意食牛，生日飯當然首選食牛啦！可能早到，所以不用等位就可以入座第一次食，我order了京都勝牛三味套餐佢哋選用來自美國、澳洲及日本牛肉，而呢個套餐入面包含3款吉列牛肉，分別係翼板、菲力和醬味薄牛，牛味濃郁而且熟度剛好，唔會話太生或者太熟， 個炸粉偏薄，唔會厚過肉 另附上 9 種蘸料，可調出唔同口味去配吉列牛，店員會講解返俾我知係咩味，好細心。最後我想講，呢度嘅麥飯、椰菜沙律 & 味噌湯全部都係無限續加，正！…查看更多

未有疫症前去京都食過京都勝牛，一直都念念不忘，Cafe Deco Group 將佢引入左香港。，已經有幾間分店。今日就嚟咗將軍澳呢間！食完仲可以上去行吓Donki，來一趟偽日本旅行小食炸特選大海老炸廣島生蠔大海老鬆脆咬落爽口彈牙，生蠔就外脆內軟，套餐（包味噌湯，飯同椰菜任添）京都勝牛雙味 (翼板及菲力）香脆炸里脊豬排套吉列牛有兩款，翼板有咬口重口味，菲力偏軟淋。可以點唔同嘅醬汁或者調味，味道多變化。吉列豬扒厚切，肉質爽口Juicy。炸物嘅炸漿薄薄地一層，酥脆得嚟唔會有油膩嘅感覺。牛扒嚟到嘅時候比較生，店員會俾埋一個煎pan，咁就可以按自己嘅喜好，煎返熟啲。白桃蒟蒻冰茶 一杯冰茶配炸物，微甜清爽嘅感覺。棉花糖雪糕 燒焦左嘅棉花糖包住雪糕，甜甜地加埋脆卜卜嘅餅碎…查看更多

日本要排隊先食到，係將軍澳walk in就食到京都勝牛。在Monterey商場搭電梯落一層, 都搵左一陣先搵到, 好處係唔洗同人迫，簡潔木紋裝修，坐得舒服。翼板及菲力雙味套餐吉列外層酥脆，肉質都算嫩翼板肉質較厚實，味道可以再濃返少少就perfect，set 仲有漬物、飯、味噌湯棉花糖雪糕賣相吸引，外層係軟棉棉的棉花糖，而且用火槍燒至微焦，裡面係涼浸浸的雪糕，出面煙韌，入面細滑，口感好特別！而且唔會太甜，味道剛剛好。員工服務態度都唔錯，幾細心會問你需要啲咩，可以再去幫襯。…查看更多

呢邊新開咗好多餐廳，本身男朋友好鍾意食牛所以就走咗入去呢間到食唔知係咪因為肚餓嘅關係，見到咁大份真係好開心🥳同埋因為我好鍾意食飯嘅關係，呢間餐廳重點係可以任裝白飯同湯😍😍😍😍真係啱晒我，我同男朋友一致好評，佢點左牛我就點咗吉列蝦，兩個餐都好食，佢配咗好多醬料，店員都有講解返俾我哋知係咩味，好細心。麵豉湯我都成日飲，但係呢間係特別好飲👍會介紹俾身邊朋友食嘅餐廳👍👍…查看更多

#chuchuintseungkwano—𝗠𝗲𝗻𝘂 𝗼𝗳 𝘁𝗵𝗲 𝗱𝗮𝘆 ☁️🍱京都勝牛雙味套餐名物翼板伴大海老套餐♡𝗗𝗿𝗶𝗻𝗸𝘀 𝗮𝗻𝗱 𝗗𝗲𝘀𝘀𝗲𝗿𝘁𝘀 ☁️🍶棉花糖雪榚熱情果鮮桃特飲青山綠水特別純米酒—日本關西過江龍炸牛排店🇯🇵係香港開左幾間分店🤔🤔見荃灣分店要等位 黎到將軍澳donki呢間分店人流唔係太多 可能始終有啲僻🤔🤔—雙味套餐擺盤比較靚✨又可以試2種翼板牛➕菲力牛既組合🥩菲力牛味較翼板重 脂肪比例亦高啲 好食啲🥰翼板少失望 比較多筋😖好難咬❣️如果認為太生 可以同職員講 會比爐仔自己燒❣️♡另一個套餐係翼板➕大海老套餐翼板同樣係比較多筋同靭🥲🥲好彩隻蝦夠多肉♡溫泉蛋➕$15 撈飯食🤭有超多醬💞〰️招牌牛扒醬➕咖喱醬同芥末醬油我就認為牛扒醬幾好食😋係有啲李派林喼汁既感覺🤣仲有四款唔同既鹽➕七味粉山椒鹽同松露鹽香氣都唔錯❣️❣️—➕$72就包埋野飲同甜品野飲普普通通無咩特別🤭甜品叫左棉花糖雪糕🍦可能始終係棉花糖 燒過真係好重甜味🙈另外仲叫左青山綠水🍶覺得米粷味幾重 唔錯🤭🤭💞—另外餐廳提供既茶💓🍵好飲好重花香味🤤🤤🤤問過職員係茉莉綠茶黎✨✨〰️—老實講呢個價$唔會預期食到有筋既牛🥺以過江龍餐廳黎講都幾失望😞—💰hkd $675 w/ 10% service charge (2ppls💞)📍 Kyoto Katsugyu (MONTEREY Place)Shop B03, B/F, MONTEREY Place, 23 Tong Chun Street, O’South Coast, Tseung Kwan O.🌈🥨welcome to follow my foodie ig @eating.chuchu.…查看更多

本身餐廳企理乾淨，座位寬闊好坐舒服，服務質素正常唔錯！ 餐牌上的食物亦吸引和presentable!點了兩個餐，其中一個是名物味噌牛排套餐，個麵豉湯正常嘅，牛扒套餐亦賣相吸引，D椰菜加咗芝麻醬正常都好好食，個牛扒其實已經跟咗味噌醬汁，但係放入口嘅時候，牛肉入邊冇味，好明顯煮之前完全冇用鹽或者胡椒粉醃過，皮係脆嘅，牛肉片生，正常咁生應該唔會韌，但係片肉煙韌度一個點，一係成舊吞，一係吐出來⋯。仲要每一片牛肉都係咁煙韌⋯究竟發生乜嘢事？另外，京都勝牛雙味套餐，D牛肉雖然有兩種，但係一樣咁煙靭，又係咬極都唔難⋯ 雖然有好多醬汁、好多種鹽去配搭，但係個主食唔掂，其他再花巧都係多餘！而家講緊係每個餐220，唔係次次食嘢都抱有希望，但係at least 唔好失望而回😰…查看更多

之前禁堂食禁左好耐，味蕾都唔記得左出面野食係咩味😅放寬有返晚市堂食後，第一餐就揀左黎呢間餐廳😄唔知係地理位置既問題定係當時岩岩放寬左，餐廳食客人數可以用一隻手數得完😅一向都鍾意食吉列炸蠔，佢又真係整得好好。本身隻蠔好大隻之外，佢落既炸漿真係不多也不少，咬左一啖之後，係咁出煙、隻蠔好好面，入面都仲好juicy添😋另外都叫左個吉列牛，本身碗左4款醬俾你點牛食。而麵豉湯、白飯同沙律菜係可以任refill,吉列牛麵好好味，好嫩仲有汁而呢個滑蛋吉列豬扒飯，同樣咁好味，真係外脆內嫩，蛋又整得好夠滑👍🏻…查看更多

京都勝牛係日本關西第一炸牛排專門店🤩 好耐冇去過日本🫠 食下日本既過江龍過下隱🤣 環境真係好有日本feel，好多日式燈籠🏮 座位空間好大，坐得好舒服😌🔸🐮京都勝牛雙味套餐 $198佢哋選用來自美國🇺🇸、澳洲🇦🇺及日本🇯🇵牛肉，而呢個套餐入面包含兩款吉列牛肉，分別係翼板同菲力，兩者牛味都濃郁而且熟度岩岩好，唔會話太生或者太熟👍🏻 佢個炸粉偏薄，唔會炸粉厚過肉🤣 兩隻牛一食就食得出分別，翼板牛偏嫩，而且牛既油香味比較出眾，而菲力牛比翼板牛更更更嫩，但牛味相對比較淡🤣 前菜既漬物都一食就食得出唔係超市最平果隻得個酸字既漬物，依個都值得一讚！👍🏻 佢仲附上多達 9 種蘸料，可調出唔同口味去配吉列牛，我個人比較鐘意佢海鹽同埋芥末，佢個芥末香但唔會好攻鼻😆🦐特選海產套餐 $208除咗吉列牛排，呢度都供應多款特色海鮮菜式，呢個套餐有曬我想食既海鮮🤩 有炸廣島蠔、大海老同鰻魚💖 好少食炸鰻魚，個皮炸得好脆，唔會好油膩，亦都保持到海鮮既鮮味👍🏻 鰻魚好肥美，蠔唔會好腥，個蝦超大隻！咬落去好彈牙😋 加埋檸檬汁更加fresh🤩 配埋他他醬好好食🤤 仲可以點芥末添😆🐮元祖牛排炸串(3串) $52外層金黃酥脆，牛肉鮮嫩多汁🤤🦪炸廣島生蠔(2隻) $52其實同上面特選海產套餐既炸廣島蠔一樣😆🍨日本清酒豆腐雪糕 $58第一次食清酒味既雪糕，好特別😆 清酒味好濃烈，同豆腐gelato都好夾😋🍰抹茶紅豆流心蛋糕 $58未做到好流心，但抹茶味好濃，唔會太苦，仲配埋雲呢拿gelato😆🍵紅豆宇治冰抹茶 $32抹茶味唔算好濃，但有好多紅豆🫘😍🍑白桃蒟蒻冰茶 $32白桃味濃，好清甜好fresh! 食炸野配佢幾正🤤 仲有好多蒟蒻，好有咬口😋…查看更多

吉列炸牛係我哋去京阪神之旅食過幾鍾意嘅菜式😋可惜一路未可以重遊🥲🥲真係好懷念！雖然而家開始政策放寬，不過相信短期內都未咁快可以去到🥺好彩宜家有過江龍，日本關西第一炸牛排專門店，可以一解思鄉之愁😌唯有喺呢度回味下家鄉嘅味道😙😙🍢元祖牛排炸串 ($52)分量都唔少，有三大串🤩咬落外面鬆脆，入面肉質非常軟熟，仲唔會乾爭爭，正👍🏼👍🏼🥟自家製豚肉餃子 ($52)煎得香脆嘅冰花餃，餃子皮薄帶煙靭，餡料又多，口感好豐富😋🥩京都勝牛雙味套餐 ($198)雙味可以滿足兩個願望😙一個餐已經有齊翼板牛同菲力牛🥩菲力牛肉質軟淋，入口即化，而翼板牛就脂肪分佈平均，牛肉味比較重，兩者各有特色，都令人愛不釋手🤤每件牛哪外層都炸到金黃酥脆，內𥚃鮮嫩多汁，但如果想再多變化，可以試下附送嘅多9 種蘸料，調出最啱自己嘅口味😉🥘和牛壽喜燒套餐 ($188)食咗咁多炸野叫返個鍋物平衡下先🤓和牛肉質嫩滑冇筋，肉味勁濃😋😋又有好多配料，有菜有豆腐，仲有日本生雞蛋，可以減輕吓炸物嘅油膩感😁另外壽喜燒嘅汁真係好好送飯🤤但因為配嘅係燕麥飯，所以食多啲都唔會有罪惡感😛🍡棉花糖雪糕 ($58)好可愛嘅外型😍原粒棉花糖包住雲尼拿雪糕，外表經過燒焦，微微溶化，好有BBQ感覺🤩煙靭棉花糖配搭冰感十足嘅雪糕，再加上周邊脆脆餅碎，口感豐富😋🍵抹茶紅豆流心蛋糕 ($58)係抹茶版嘅心太軟😋切開之後濃濃嘅抹茶醬，茶味甘香唔苦，同紅豆蓉真係好夾🥰而呢個雪糕似Gelato，奶感比棉花糖雪糕重，同流心蛋糕一冷一熱，正👍🏼🧊藍柑荔枝味有汽特飲 ($36)顏色鮮艷吸睛😁甜甜嘅荔枝味好出，炎熱嘅天氣飲冰凍有汽飲品真係好爽🤣🍑白桃蒟蒻冰茶 ($36)清涼嘅冰茶😙白桃味唔會過甜，又唔假，仲有大量蒟蒻🤣🤣飲完佢都好飽😆…查看更多

📍 牛カツ京都勝牛-#5🫶🏻係最高 環境：🫶🏻🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-終於試到吉列牛啦！~\(≧▽≦)/~佢地嘅吉列牛外層酥脆 而且食落又唔會好乾 佢仲配左有九種嘅蘸料 任君選擇 另外佢嘅炸廣島蠔同大海老 都好大隻 食落好鮮甜 又唔乾佢嘅棉花糖雪糕 棉花糖比較甜 但雪糕好重牛奶味 如果係單雪糕🍦會比較好相反佢嘅士多啤梨沖繩黑糖雲呢拿雪糕就好好食 唔會太甜 同樣都重牛奶味 …查看更多

依間成日見到好多人食完都話good，依次同屋企人去返餐～果然正💗呢度嘅招牌係吉列牛排，選用咗來自美國丶澳洲丶日本嘅牛肉～套餐種類都好多👍🏼除咗牛仲有多款特色海鮮菜式，例如炸廣島蠔、大海老丶鰻魚⋯樣樣都好吸引。🔶 京都勝牛雙味套餐 $198依款包括咗招牌吉列翼板牛同埋菲力牛～都係炸到三分熟💗 外層金黃酥脆， 2款都超嫩！而翼板牛油花均勻，口感有彈性，菲力牛油花較少，都好鮮嫩多汁。仲附上咗9 種蘸料，包括了～咖喱醬丶芥末丶七味唐辛子丶招牌牛扒醬丶鰹魚和風露丶玫瑰鹽等等，可以自己按喜好調出不同口味🥳而套餐附上嘅麥飯丶椰菜沙律同埋味噌湯～都係可以無限續加。服務生話如果有啲食客鍾意食熟啲，都可以上枱之後開個pan再稍微煎煎👍🏼我就係覺得佢呢個熟度真係恰恰好～Very Good 呀。🔶 和牛壽喜燒套餐 $188D和牛超嫩質感正！油花分布均勻～入口有脂香🤤沾蛋汁一起吃，入口即化好嫩滑～壽喜燒湯頭好鮮甜，入面仲有好多配料～厚冬菇丶本菇丶豆腐等等～食得好滋味！🔶炸廣島蠔呢個超推薦的～每客有2大隻，隻蠔真係超大🦪啖啖鮮味～炸得好香口，我屋企人都讚不絕口。🔶 元祖牛排炸串 每客有3大串，炸完之後外面金黃香脆，一咬落去裏面牛排好鮮嫩可口。🔶甜點棉花糖雪糕 $58造型好特別～原來係一粒大棉花糖裏面包住雲呢拿雪糕，而棉花糖外面稍微烘過，外脆內軟外熱內冷，再灑上一啲乾果和脆脆，多種質感好滋味。抹茶紅豆流心雪糕 $58抹茶同紅豆嘅味道真係好夾～半溶流心啖啖抹茶香🍵再配埋一球雪糕和脆脆，超滿足。🔶 飲品飲品選擇都好豐富🥳白桃蒟蒻冰茶好清甜透涼～細細粒蒟蒻Q彈有口感。另外，紅豆宇治冰抹茶味道香濃，紅豆蓉甜甜味美，充滿日式feel💗…查看更多

今天到此試下lunch食吉列牛不錯另外吉到豬扒都正吉列蝦仲夠晒大隻定食都唔錯 齊整好味 環境都好好坐係服務員差啲啲總結都唔錯 野食都好味下次都會再食係附近 近近地得閒會再食…查看更多

忍不住特登開open rice account 都要寫呢個食評，帶位的職員以及其中一位搋水的職員態度極差，本身好聲好氣表達意見，後來跟我們吵起來，無中生有，當客人是訓話的對象，一句不好意思都沒有，只顧指出是客人的錯，本來開心地到達目的地都變得不快。…查看更多

話說上次去京都旅行 (已經係5年前🥺)，食完京都勝牛嘅吉列牛之後，一直念念不忘，宜家喺香港終於有得食，仲要喺將軍澳(超近屋企)，好幸福呀🥰餐廳座位算寬敞，同朋友黎傾下計都幾適合。餐廳好細心咁準備咗漏斗，每燒一次就轉一次漏斗，確保生熟程度剛剛好👏🏻<京都勝牛三味套餐>一次過試哂3款牛！有翼板、薄片醬味牛、菲力，菲力牛肉質非常嫩，薄片醬味牛啖啖都充滿甜甜嘅醬，翼板就最有”口感”，肉質煙韌，肉味亦好濃郁👏🏻<鮮嫩脆炸豬柳伴鰻魚套餐>估唔到除咗牛之外，炸豬柳同鰻魚都好出色。豬柳質地軟腍，唔會太乾身，推介！套餐配有麥飯、椰菜沙律、味噌湯，我encore 咗椰菜沙律，另外仲有好多款醬料🥰<芒果奇異果味有汽特飲><白桃蒟蒻冰茶>…查看更多

A pretty nice place for wagyu katsu and tonkatsu! I was surprised by how flaky, crispy and light the panko was. It marks a nice contrast to the tender and juicy meat inside! Both the tonkatsu and wagyu were soft, with the latter one being melt-in-the-mouth delicious! If you find the wagyu too raw for your liking, you could request for a pan to reheat it. What’s best is that the cabbage salad and rice were refillable!For this meal, we ordered the most expensive kind of beef, but the restaurant offers a wide selection of cuts and beef at different price range. All in all, we strongly recommend this over Kobekyu, the Korean restaurant for wagyu katsu!…查看更多