享樂餐室

元朗茶餐廳多，但好多時都係話衛生麻麻，野食一般，冇咩禮貌。係op 見到間好評度相對高既餐廳，雖然主要介紹午餐晚餐，但都一於黎試下佢既早餐。態度&餐廳位置：店員有禮貌，店內位置多，卡位都任坐，仲會主動提冷氣風口。衛生：枱面地下唔會立痴痴。食物：價錢相宜，選擇都唔少，味道同質素都係中上。多士有得揀花生醬煉奶，都係少見同有誠意。出餐：落單唔使1 分鐘就出到茶，主食都係2-3分鐘就黎到，速度快到驚人，廚房明明得兩個人。8點9左右黎到，餐廳有1/3滿 ,但9點左右就越黎越多人。呢間餐廳有下次！…ดูเพิ่มเติม

晏晝自己食飯，經過見到呢間餐廳，都好近圖書館，12點半已經差唔多滿座。入面有幾張卡位同枱，都幾寬敞，就算搭枱都有好多位置。嗌左個西炒飯，熱辣辣上枱，好重穫氣但唔油。直徑接近 30cm大圓碟，飯堆如山，絕對夠兩個女仔一齊食，蝦仁有好多隻，隻隻都飽滿彈牙，仲有腸仔粒同蕃茄，食落好開胃！茄汁炒飯乾爽粒粒分明✨酸酸甜甜幾好味！飲品都好多可以揀，最後都係揀返凍檸茶，茶底係自己沖，放幾片新鮮檸檬，浸耐左都唔會苦澀。 …ดูเพิ่มเติม

今日帶住女女試吓呢間茶餐廳 見佢環境都乾淨企理坐得舒服住咗喺元朗咁耐都係第一次嚟職員亦都好有禮貌亦會照顧我小朋友 問下要唔要飲水咁❤️❤️❤️❤️❤️❤️❤️❤️我哋兩個人叫咗一個福建炒飯 因為佢真係超級大碟 有菜有肉有海鮮有菌類營養又夠曬均衡面頭嘅餸同埋汁超級超級多 啱晒小朋友口味 送飯一流再加一杯小朋友最愛嘅冰凍阿華田濃度不錯 最怕有啲茶餐廳係淡到死價錢都對得住食物質素既 會有下一次！🫶🏻🫶🏻🫶🏻…ดูเพิ่มเติม

元朗鑊氣炒粉麵飯餐室突然好想食鑊氣小炒，今日經開元朗工作就去搵間餐廳開餐。豉椒斑腩炒麵：個麵係炸麵底，香脆可口，斑腩新鮮，和豉椒玻璃芡汁混合一起非常好吃！紅豆奶茶：奶茶香滑美味，紅豆香腍夠晒味是日例湯：花生雞腳湯，家的味道餐廳空間都大，設有卡位，有下午茶（2:00開始），下午茶時段都有鑊氣炒粉麵，包熱飲，下次有機會可以再來。…ดูเพิ่มเติม

每個月都會到呢間享樂餐室，簡單舒服，食物穩定又好味、服務唔錯嘅茶記！沙嗲牛肉麵湯底濃郁香滑，牛肉嫩滑，配上彈牙嘅麵，簡單又滿足 🥢🍜。火腿奄列煎得金黃，內裏滑嫩，搭配牛油多士，外脆內軟，香氣撲鼻 🍞🧈。豉椒牛肉炒河鑊氣十足，牛肉鮮嫩，豉椒味濃郁，配料豐富，炒得好有水準 🍛🐂。最後試埋西多士，外脆內軟，花生醬香滑甜美，再加紅豆冰，成個餐更圓滿 🧊🍹。呢間餐室價錢合理，食物款式多，難怪每次都想返嚟！😋…ดูเพิ่มเติม

太想食西多士，路過見到呢間茶記下午茶時間都差唔多滿座，都決定入去碰碰運氣。一坐低已經聽到廚房傳來陣陣嘅鑊鏟聲，睇嚟佢嘅炒嘢一定有啲料到。望住佢嘅餐單，平均一個下午茶4-50蚊已經有炒粉麵飯，難怪有咁多客人。生炸雞脾配沙律 $39 - 雞脾都好大隻，而且炸到個皮好脆，啖啖肉，朋友都話唔錯。乾炒豬扒公仔麵 $50 - 認真鑊氣十足一上枱就聞到好香，好怕平時出去食嘢會太咸，但呢到炒得好香之餘，味道亦都岩岩好，夠味而且唔會太咸，岩哂我口味，豬扒亦都唔會乾爭爭，讚！！經典西多士 $33 - 好怕啲餐廳會一早幫你落埋糖漿，呢到係成支比你可以自己倒，呢點好欣賞，西多士入面搽滿花生醬，可以食到少少花生粒，口感豐富左好多。…ดูเพิ่มเติม

又到下午茶時間，今日點咗星洲炒米。呢份炒米嘅份量比午餐少咗啲，有啲驚訝，但裡面撒上芝麻，添咗啲香氣同口感。 不過，碗炒米有啲鹹，建議多啲蔬菜嚟平衡鹹味，同增添清新感。 幸好裡面配菜都幾多，整體味道唔錯。至於熱檸茶，味道正常，無乜特別驚喜，但都係一個合適選擇，可以解渴同清爽。 服務方面，侍應嘅招呼唔錯，態度親切，但冇特別亮點。總括嚟講，今次嘅星洲炒米有啲鹹，但配菜多樣同芝麻加分咗不少。如果改善咗鹹味，就更加完美啦！…ดูเพิ่มเติม

第一次光顧有驚喜服務員好有禮貌，食物好好味，叫左炸魚柳炸得好有水準，芝士肉醬焗意粉非常高水平，未吃巳聞到好香芝士肉醬味，凍檸檬茶好好喝，比起其他連鎖餐廳好好多，一定會再去😋😋😋…ดูเพิ่มเติม

這間在元朗開張不久的享樂茶餐廳，外面門面寬敞而且內裏裝修企理、地方整潔，卡座闊落坐得舒服，還設有圓枱、適合三五知己，或者假日一家大小來聚餐。餐廳店外設有雅座適合帶有寵物人士選擇。原條脆脆炸魚（配炒滑蛋、茄汁豆、花生醬厚多士），加$10還可以選配火腿通粉或者雪菜肉絲米粉。原條鯰魚柳炸至金黃色，雖然外面炸到鬆脆但內裡保持嫩滑，點些千島醬來吃。滑蛋加茄汁豆都是我最喜歡的。菜遠肉片炒河肉片出奇地炒到嫩滑入味不會過老，菜心爽甜，河粉炒到分明不會黏在一起，而且吃得出很夠鑊氣。茶餐廳必點西多士加紅豆冰西多士裡面塗上粗粒花生醬，炸出來金黃色、加上糖漿和牛油每一啖都很有咬口。…ดูเพิ่มเติม

今日放假，決定前往元朗享受放鬆療程。療程順便在元朗食飯。時間逼近，只好找了位於附近的茶記。餐廳裝修比一般茶記光猛新淨，外面還有一些戶外位方便帶寵物或抽煙人士。餐牌同一般茶記差不多，主要分早餐，午餐，常餐及下午茶。但特別之處是他標榜炒粉麵是有鑊氣並且是即炒的。因此我叫了我最愛吃的乾炒牛河。顏色充滿光澤，面上煲碗芝麻增加香氣。牛肉份量十分豐富。牛肉的口感鮮嫩多汁，並沒有用太多梳打粉遮掩其原味。河粒每條都獨立分明，不會過於粉及黏作一團。亦合乎餐牌上的鑊氣。是一碟100分的乾炒牛河。朋友不太餓，只點了一份下午茶的經典小吃——西多士。這份西多士炸得金黃酥脆，外皮鬆脆，內裡鬆軟，吃起來一點也不油膩，加上小小糖漿，十分好吃。鹹檸七以罐裝方式呈現，提供了半粒檸檬，清爽解喝。小總結❤️❤️❤️❤️❤️📌乾炒牛河鑊氣十足📌環境乾淨坐位闊落…ดูเพิ่มเติม

今次嚟到同朋友食下午茶元朗食呢間朋友推介嘅茶餐廳，都見到有好多經典嘅茶餐廳菜式可以試吓 滑蛋叉燒飯滑蛋嫩滑香濃，配搭微微焦香嘅叉燒，而且肥瘦適中加埋滑蛋汁非常送飯 吉列魚柳配薯條魚柳外層炸金黃酥脆而且炸皮唔會太厚，內裡魚肉鮮嫩唔會好乾，非常邪惡。而且薯條炸得啱啱好唔會太乾加上少少椒鹽嘅味道非常香口經典西多士厚厚的多士經過煎炸，外層金黃酥脆，內裡鬆軟濕潤，淋上豐富蜂蜜，甜而不膩每一啖都係香脆鬆軟嘅麵包同香甜嘅蜂蜜中間仲有一層火腿食落去非常香口。…ดูเพิ่มเติม

個日去開元朗嘉城整甲，整完一啲肚餓就揀咗呢間好近嘅茶記，價錢嚟講真係好抵，食物分量都好多！乾炒牛河: 先讚下的料頭，爆得好香，洋蔥都炒得好腍。河粉滑而不黏，每條都均勻包裹住豐富嘅豉油醬汁，鹹味恰到好處，夠油香但唔會油淋淋。牛肉切片厚度適中，煎得外焦內嫩，同河粉嘅口感完美結合，每啖都充滿了肉香和煙燻味。生炸雞髀配薯條: 雞髀外皮炸得金黃酥脆，啖啖肉保持嫩滑多汁，搭配上手切薯條嘅鹹香，食落口感豐富，食落去好滿足，雞肉調味啱啱好，唔會太鹹或者油膩。搭埋旁邊嘅薯條，外面酥酥哋，入口即溶，兩樣嘢一齊食真係太正、太邪惡。呢個組合食落去真係開心！…ดูเพิ่มเติม

路過見下午茶時段坐滿9成人，應該唔差吧，一於入去試下呢間先😏 一坐底就聽到廚房傳嚟逢逢聲係好大火氣嘅聲音，二不話說即叫碟干炒牛肉河試一試佢😏干炒牛河 ＋熱奶茶 $50 一上枱已經好香聞到勁有鑊氣，下午茶份量都唔細碟，條條河粉炒得分明唔太油膩，有埋韭黃芽菜蔥段面撒上芝麻夠香口😋生炸雞脾配薯條 ＋ 涷檸茶$39＋$3雞脾唔似某d 鋪sell 勁大隻個d，係正常size 夠食的，最重要係炸得個皮好脆好薄咬落有卜卜聲，內裡肉嫩，一切開好多肉汁流出嚟🤩 雞脾薯條都係即叫即炸，上枱熱辣辣👍用木托盤上菜，好特別啱打咭😝檸茶茶底夠香濃紅茶味，仲要唔孤寒有四片新鮮檸檬咁多😍 令整杯檸茶好好飲👍…ดูเพิ่มเติม

突然好懷念細個食大排檔"蓬蓬聲"💨💨💨嘅感覺，聽親戚講元朗有間好有鑊氣💨💨💨嘅小炒餐廳，廚師即叫即炒，甘一於去懷緬一番。餐廳有室內同室外嘅位置，一入到餐廳不斷傳來"蓬蓬聲"💨💨💨，估唔到連晏晝都會聽到，所以一於就叫個炒河同炒麵泥試一試下先。📌羅漢齋麵對於羅漢齋炒麵係有一個情意結，一見到menu有就一定叫。一上枱已經好香，份量亦都好大份，炒麵脆卜卜連埋黑木耳、炸枝竹、菇等餸菜，炒得好有鑊氣，每一條炒麵都掛上醬汁，不吃不可😍😍😍📌菜遠班腩炒河炒河係最後一碟，手快有手慢冇，上到枱都香噴噴，每一條炒河都炒得好香，條條分明，煙煙靭靭，仲有好多舊嘅班腩，每一嚿魚嘅魚質都好實淨，唔似平時溝粉嗰啲甘，真材實料，炒野果然名不虛傳，好好食，有傳統大排檔風味♥️♥️♥️📌生炸雞髀配薯條超大量嘅薯條，仲要係粗嘅，點上茄汁都仲好有薯仔味。生炸雞髀炸得皮脆肉嫩，每一間都好juicy。用上呢個木托盤即刻high class曬，啱曬打卡🤳🏻📌經典西多士金黃嘅西多士炸到四邊脆卜卜，一切開，就見到鋪滿厚厚嘅花生醬，果然係細個食開嘅味道，係香港童年必有嘅回憶🤖📌凍有檸🍋檸茶 & 熱有檸🍋檸茶茶味濃嘅紅茶配上而家好少見嘅新鮮檸檬，真係寧舍唔同，新鮮檸檬絕對係檸檬茶嘅靈魂，好飲👍🏻📌熱檸水🍋新鮮檸檬沖熱水唔使落糖亦都唔會有苦澀味🧃📌熱朱古力🍫最後以一杯能夠促進身體釋放多巴胺及血清素嘅朱古力作完美嘅句號，眾所皆知血清素係一樣負責腦內神經傳遞物，有助調節心情，令人感到開心快樂，成個人即刻開心曬😁P.S. 仲撞到教主tim😜📍享樂餐室元朗金輝徑2號金安閣地下A-B號舖#已共你一年記憶亦同樣新鮮#如像蓋著蓋掩永久保存#從未間斷在回味每種感覺加倍念記#享樂餐室#元朗#鑊氣小炒#即叫即炒#茶餐廳#大排檔#蓬蓬聲#教主#ansonlo…ดูเพิ่มเติม

平時好小入元朗🫢今日一早做完野🥵見到間環境企理又感覺舒適嘅餐廳就入去試下😛本身就好鍾意食薑湯豬膶通粉所以一坐低見餐牌有就即刻二話不說叫左黎食🥰食得出豬潤新鮮👍🏻又大又夠厚👏🏻又唔會硬仲超級嫩滑爽口😋勁易入口🤩相信好多人都會驚豬潤有陣腥味但呢間絕對冇🤤之後再似埋啲湯薑味極重因為面頭有薑蓉但唔算好辣啱啱好👍🏻 薑湯配豬潤簡直絕配因為可以霹走啲腥味👏🏻套餐仲配埋火腿午餐肉炒滑蛋🍳蛋味好重好香🤤火腿午餐肉好足料唔會薄👍🏻蛋都唔會煎得好老仲好滑😋套餐仲有牛油多士烘得啱啱好🤤 再配埋最愛熱朱古力奶甜度啱啱好超香濃😬…ดูเพิ่มเติม