享樂烘焙

同事推介呢間bakery，所以試吓我買左黑芝麻酥皮撻（$28）同開心果麻糬牛角包（$22）啲開心果牛角包擺左喺抹茶牛角包隔離，大家都係綠色，好易拎錯，開心果牛角包上面有啲開心果碎以作分辨開心果牛角包個樣都幾靚，個包上面有啲類似菠蘿包皮的脆脆，中間夾左層薄薄地嘅麻糬同開心果醬，個牛角包中間有好多窿窿，成個presentation 好靚。不過可能凍左，我食唔到牛角包同佢上面啲脆脆的酥脆，有少少韌。本身個牛角包無乜味，中間啲開心果醬甜甜地，為個包加左啲味，但開心果味唔係好出，中間舊麻糬軟腍腍咁。至於個黑芝麻撻，佢個撻本身幾高身，上面有層流質嘅黑芝麻醬。酥皮本身比牛角包鬆脆，切落去仲會shap shap聲，啲芝麻醬本身好甜，不過加埋酥皮同芝麻蛋漿就岩岩好，就係啲蛋漿唔夠滑囉。聞說啲bagel 好出名，下次再試吓…查看更多

上個月 17 號，去咗元朗形點「享樂焙培」買「麻糬波波」食。見未試過想試下新野，因為之前成日都見好多人排隊。最後買左三個腸仔包，三個朱古力麻糬包。個包好硬，入邊啲腸仔冇咩味道。麻糬包口感好煙韌入面係實心，以為個口咬緊 D 紙皮。…查看更多

享樂麵包店的貝果真是令人難以抗拒。每一口都能感受到那種煙靭的口感，讓人回味無窮。這裡的貝果種類繁多，無論是經典口味還是創新搭配，都能滿足不同顧客的需求。其中，最值得一提的是台灣南瓜煙肉貝果。南瓜的自然甜味與煙肉的濃郁香氣相得益彰，每一口都充滿驚喜。無論是當早餐還是下午茶，這款貝果都是絕佳的選擇。…查看更多

呢個開心果撻真係好好味！撻皮酥脆，內餡香滑，開心果嘅味道濃郁，帶有淡淡嘅甜味，口感非常豐富。每一口都令人感到滿足，唔會過於膩。裝飾精美，視覺上好吸引，無論係下午茶定係聚會甜品，絕對係個好選擇，值得推薦！…查看更多

抹茶系列check-in lists增加（元朗）@ly_bakery .享樂嘅多元化同埋更新速度令我一直都有好多款式未試過抹茶控嘅我 今日經過元朗分店唔小心又帶咗呢兩件 同埋 抹茶紅豆撻返去（呢個出過）🤣究竟味道 營養資訊如何呢？.1.抹茶奶酥包🍵呢個係我無試過嘅 之前都見佢唔到我估係新品？🆕🤣賣相好開胃 綠油油 一切開 滿滿嘅奶酥餡料 重點係非常濃郁👍.上面嗰層抹茶甜甜地 脆脆哋 配合杏仁片形成一種波蘿包皮嘅口感！包體係好鬆軟嘅！感覺上係食 抹茶版嘅墨西哥包🤣.甜度係正常甜度 唔算太甜 油度適中焗後更爽對於抹茶控好推薦！.2.抹茶麻糬小吐司🍞.呢個之前有朋友仔推薦要試試話同佢哋嘅「湯種吐司」口感 味道都唔同賣相好得意 係一條過賣一條有兩個細細嘅原個吐司.一切開！內有乾坤！平均又一層夾一層嘅 抹茶奶酥 & 麻糬整體味道上同抹茶奶酥包有少少似👆但口感上 呢到嘅吐司就相對紮實同埋佢地嘅麻糬都係感覺偏淋 同埋甜dd味道綜合上 抹茶感 ：甜度比例會比抹茶奶酥包低dd..相對甜感更出！但口感多元程度 & 扎實口感 佢高d.兩樣感覺似 都target嘅群眾唔太一樣鍾意吐司紮實口感 & 麻糬嘅人下者鍾意鬆軟似食墨西哥包嘅麻糬控就上者.至於想要實打實的衝擊抹茶紅豆撻真係爽百吃不厭！🤣.🙏🫶🏻.…查看更多

今日入面唔多人～一於入去睇吓有咩好食～好多嘢都好吸引～但作為😎抹茶麻糬控😎～最後一於決定食佢～🥐小山園抹茶麻糬牛角🥐💰26💰睇外表已經非常吸引眼球～超多麻糬爆曬出嚟～牛角包：外脆內鬆軟～唔會太乾～麻糬：超煙靭～可以好似芝士咁拉絲👍～抹茶味：濃郁～帶少少回甘～餡料：估唔到中間仲有濃郁嘅抹茶醬～超多醬~咬第一啖已經爆出嚟～好驚喜～第一次食佢嘅牛角包系列～今日真係冇揀錯🥰～值得一試👍～CP值：🈴味道：🈵#抹茶 #麻糬 #牛角包 #爆餡 …查看更多

真心想俾啲 管理層睇到呢個留言每個禮拜都幫襯3、4次元朗店，2024年9月15日, 3-4 pm收銀果位女仔真心無禮貌🙄 ，你講：「多謝晒」 係無問題，但啲語氣係唔据人果種， 其實你可以唔做架，唔開心都唔好拎啲客出氣，自問俾完錢就走，唔稀罕果句「多謝晒」， 你覺得攰，就唔好講啦，人地買個包食，又無得罪你！！！！…查看更多

！強烈建議翻焗！焗後外層月餅酥鬆不油潤有淡淡奶香及牛油香👩🏻‍🍳加熱方法：預熱160度後焗5分半鐘…………….…………….…………▫️開心果軟心迷你月餅 （8.5/10）💰$188/盒 [共4粒]⚖️一顆45g 203kcal由日本及伊朗開心果製成內餡呈軟心狀 開心果濃度中高 覺得跟享樂開心果卷酥相似甜度比卷酥低 約7-8分甜 ෆ ̖́-有開心果堅果香同時不失淡淡奶黃香味 平衡得很好一顆不算大 因此不會很甜膩是剛剛好的份量❤️…………….…………….…………▫️鐵觀音流心月餅 （8.8/10）💰$188/盒 [共4粒]⚖️一顆48g 229kcal想不到好有驚喜✨月餅皮帶茶香及牛油香內裡流心順口 同樣有茶香及甘甜作為一個非茶控覺得其鐵觀音茶味很香醇濃厚🤎整體甜度約7-8分 幸得甜味平衡因此茶香濃而毫無苦澀感好讚.ᐟ.ᐟ.ᐟ…………….…………….…………▫️流心大甲芋泥麻糬酥（8.9/10）💰$188/盒 [共4粒]⚖️一顆48g 229kcal往年推出的芋泥麻薯酥就回購了很多次🙂‍↕️💖今年出品加入了流心蛋黃餡味道更有層次 更有中秋感覺煙韌麻薯甜度比往年低 更合我口味芋泥味香 外層酥化 整顆甜度約6分非常喜愛這個combination( •̤ᴗ•̤ )♡…………….…………….…………*以上價錢為網上預購價如果喜歡我的飲食記錄，記得按個𝗹𝗶𝗸𝗲及𝗙𝗼𝗹𝗹𝗼𝘄我fibee_food…查看更多

幾年前佢哋嘅bagel超出名，我已經試過幾次，個人感覺冇講到咁好食，可能我覺得偏硬，但係每次經過見到咁多人排隊都仲係好想再試😂今次心思思想試吓佢哋其他麵包😳由入門去到排隊位，已經被好多唔同款式吸引咗眼球，賣相真係好吸引。本身只係諗住買兩個，最後尾掃咗四五款😂肉鬆芋泥，芋泥口感棉密，肉鬆要幾啖先食到開心果麻糬牛角包，牛角包牛油味重，香口，入邊夾有開心果醬，可惜開心果味唔算重，麻糬配合得口感好好…查看更多

每次去YOHO都一定會去依間麵包店買包，仲一次過買兩個包一個今日食一個聽日食。今次就買咗兩個麵包分別係開心果脆脆酥同南瓜麻糬包。開心果脆脆酥表面有勁多開心果碎，每一啖都充滿着開心果。麵包質感酥脆可口，有濃郁嘅開心果味，一定滿足到開心果控嘅朋友！南瓜麻糬包外表係好靚嘅淡黃色，入面有非常多嘅麻糬同南瓜餡，麻糬充滿奶香味。南瓜蓉有着淡淡嘅清甜味，夾埋麻糬奶香味，真係好好食！就算第二日先食麵包質感都非常軟熟👍🏻…查看更多

今日未食晏，見有Quota有時間就去咗享樂烘焙買包食。行到入去已經選擇困難，本來一心諗住食鹹Bagel嘅，結果太多款都唔知食邊樣好。最後揀好食紫菜芝士肉鬆貝果啦，轉個頭又比我喺角落頭見到開心果麻糬牛角包！作為麻糬控真係無辦法放過佢，於是就兩樣買晒返去。未行到出商場已經忍唔到口開咗個牛角包食，一咬落去真係驚為天人。牛角包層次分明，上面有焗脆嘅開心果醬裝飾，入面有煙韌嘅麻糬，怕你食唔到開心果味仲再加開心果醬喺入面！真係食到超幸福，唔夠三分鐘已經直接清咗個包。個包都非常頂肚，所以另一個貝果我要第二日先有胃口去食。紫菜芝士肉鬆貝果我就覺得不過不失啦，紫菜味係喺麵糰入面嘅，肉鬆餡入面無紫菜。芝士嘅存在感都好低，所以只係個包體好食，個餡料一般般，唔會再回購呢隻味了。下次都會想試吓其他貝果／牛角包～…查看更多

睇到烘焙享樂老闆，早前參加烘焙比賽設計了一系列酥皮產品，其中包括福糉，當時已經覺得好靚。估唔到係端午節，佢推出市面，每日限量發售，端午節當日未夠鐘，中午12點已經有人龍，結果人龍太長，我買唔到，售罄🥹死心不息，我要第日下午未夠三點再去排，終於俾我買到最後一隻福糉😆回家焗3分鐘，酥皮外層香脆，麵包質地，內餡有芋蓉同埋肉鬆，不過食落芋蓉唔夠軟綿，肉鬆略嫌太少，不過整體係好食，仲好似一件藝術品，售價$3️⃣2️⃣都好合理…查看更多

💛享樂烘焙 (元朗)元朗元龍街9號形點I1樓1097號舖@ly_bakery 享樂有新產品，見到布丁🍮已經好想試，賣相吸引☁️焦糖布丁酥菠蘿$28用招牌脆皮菠蘿皮，再配上順滑焦糖布丁，口感細膩，不會太甜☁️開心果布丁酥菠蘿$32布丁用上蘭王雞蛋製作，香滑，用上頂級日本及伊朗開心果製作，口感特別。菠蘿酥皮脆口，兩者加埋非常夾#元朗#yoho#元朗美食#香港#hongkong#食好西#相機食先#麵包#蛋糕#貝果#水果撻#芝士#黑松露#抹茶#水果酥#hkfood#hkfoodie…查看更多

見到好多人排隊，所以走入去睇吓嘅麵包店款式好多，花多眼亂同一款麵包都有好多隻唔同嘅味佢哋一路焗，成間舖頭好香見好多人買bagel我都即刻唔執輸買返幾個口感唔錯，好豐厚買咗伯爵味，好香濃茶味口感煙靭另外仲有買咗杯杯蛋撻都係好好味佢個名叫做布丁撻買咗抹茶同埋伯爵味流心抹茶醬唔會太甜，亦都唔會太苦澀我仲有買到北海道芝士條好多芝士，非常足料雖然整體嚟講成間店舖嘅產品價錢都略為小貴但覺得佢哋嘅食物質素對得住個價錢值得一試…查看更多

不嬲都係享樂烘焙fans ～以往在九龍灣買多間唔中經元朗都會特登過嚟買麵包始終呢間Yoho 店由西鐵行過嚟都需要10分鐘左右.我買開都知呢度麵包其實唔係好平可以係話有少少貴不過以前都覺得係值得因為產品特別 味道一般都有水準 又多餡料.但最近就覺得價錢可能無變 甚至有啲款好似減價咁例如伯爵茶麻糬包$28 -> $24不過實情係size都同麥當勞包一樣縮水甚多😖$28 個 size 係8字形可以分兩餐食 .食一邊都好飽添$24 係一邊嘅size 夠食一餐 $20+ 一個嘅Bagel 都愈黎愈細隻買唔落手.老實講如果真係有質素& 鍾意食嘅係唔介意加價但你要俾返相應嘅質素完…查看更多