亞坤

來知新加坡的亞坤最出名的就是這個邪惡的咖央多士我當天大約５時到達位於尖沙咀的亞坤，由於當天是星期五的關係，所以都預備了需等候果不其然，門外有條短短的人龍，已比我想像中短，結果大約５分鐘後便有位置提供坐下後已即時點了這個咖央多士，大約15分鐘後便有食物到我的座前了一上菜便有濃濃的白煙由多士身上散發，果然上新鮮出爐的，咬上一口，鬆脆的外層便散開，再加上中間的冷凍的牛油，味道上是十分配合，果然是我期待的味道，由於我趕時間，便快快食完便離開了。…查看更多

運動前食個快飯，揀左亞坤，食下新加坡野。話說亞坤系新加坡一間十分流行的連鎖店，在新加坡遍布大街小巷，系新加坡人最喜愛的餐廳之一。如今來到香港，只有此一間店，要食亞坤也只有來呢度。店面都算幾大，仲有舒服的沙發的卡位。點左一個沙爹醬配炸雞扒餐，炸蝦片好脆，沾左沙爹醬的炸雞扒零舍好味，有菜有雞蛋，呢一餐都算十分豐富。套餐配一杯熱奶茶，系新加坡南洋特色的茶走吖，即糸用煉奶冲的，比一般的奶茶更重奶味，哈哈，都比較肥，不過陣間要運動，都冇所謂了。…查看更多

尖沙咀新加坡餐廳，朋友都話幾正宗，幾似新加坡果度整既味。今次點左一個套餐，有喇沙、咖央多同埋一杯奶茶。喇沙十分足料，但係味道比較淡，有好大陣椰香味但冇乜咸味，好似差咁啲野咁。而咖央多同奶茶就成為左成個餐既焦點，兩樣野都甜度適中，多士烘脆加上煉奶超好食。奶茶質素都幾好，師傅拉過份外香滑。加上價錢以晚餐來講都幾抵食，小推👍🏻👍🏻…查看更多

原來Hong Kong 都開左亞坤 就係tsim Sha Tsui! 甘就去食下啦！order左kaya butter toast, 新加坡油雞飯，另外叫左碗蝦noodle! 個人最like係個kaya butter toast,塊包烘到脆晒，入面有半溶既butter,咸咸香香夠，仲有d Kaya 醬係入面！超正！另外個雞肉飯，係比足半隻chicken leg,有個湯，同一碟菜，份量都幾足下！另外仲order左個Singapore coffee, 幾特色的，值得推介！…查看更多

之前未去英國已經會黎亞坤食嗰時覺得佢啲咖吔多士好好食塊多士好脆同香口咁 厚度剛好見咁耐無黎就幫襯下今㳄黎到發現佢多咗客人 !😮之前成日好多空位今日竟然啱啱滿座 等咗一陣唔知係咪因為佢食物款式多咗好多定係改咗落單形式呢🤔叫咗個新加坡雞飯 (=海南雞飯）個飯都好夠油香味 食落仲好乾身隻雞份量大同埋多肉 不過多皮同埋唔算滑跟餐要咗杯檸檬薏米水好鐘意佢啲薏米夠有咬口 啲腐竹都好味唯一係好甜🤭一定落咗好多糖槳如果冇咁甜就好最後叫咗份咖吔牛油多士望下個牛油幾大🙂我個人唔鐘意食牛油所以我整走咗佢黎食不過始終有少少遺留咗起塊多士上面所以都試到味不過份多士令我有啲失望比起之前佢啲多士雖然面積大咗 但係厚度薄咗好多攪到佢唔再好似之前咁樣咁脆同咁香口😔睇黎要食返之前既味道要去新加坡店先食到但係今次黎見到佢旺返少少都為佢開心既差啲唔記得講佢入面啲職員多數年紀較大 唔知係咪退休人士要欣賞既係佢地服務態度超好 成日笑笑口同埋好有禮貌…查看更多

聽說香港的這家Yakun family cafe是一個小攤位起家，如今的亞坤已是擁有七十年歷史的老字型大小，遍佈亞洲各國，在中國，印尼，菲力賓,泰國等等國家共開了一百多間分店。能夠嘗到新鮮特製和富有亞洲風味的主食，鬆脆的吐司做飯後甜點好滿足，牛油同咖啡椰奶的香味融合剛剛好，加上凍蜂蜜檸檬水，解膩又消暑，這個套餐好值，餐廳還有很多東南亞風味的食物，都可以嘗試一下。…查看更多

     聽說香港的這家Yakun family cafe是一個小攤位起家，如今的亞坤已是擁有七十年歷史的老字型大小，遍佈亞洲各國，在中國，印尼，菲力賓,泰國等等國家共開了一百多間分店。能夠嘗到新鮮特製和富有亞洲風味的主食，包括獨家特製椰漿飯，叻沙，馬來鹵面等等。這次點的酸辣米粉套餐配有咖椰牛油吐司和凍蜂蜜檸檬水。酸辣米粉的料非常足，有蝦、炸豬皮、水煮蛋等，酸辣味很正，正宗的新加坡風味，讓人停不下口。…查看更多

中午同朋友仔去尖沙咀行下行下！見到亞坤唔使等位，就去食啦。講真我係好鍾意佢裝修到白雪雪咁！因為這店主打白色格調。光線充足乾淨舒服，好有風味！我一向都食唔得太辣。以前喇沙我都唔敢食, 因為怕辣。但因為朋友話呢度啲喇沙唔係好辣喔！我就膽粗粗試下。星洲叻沙套餐配飲品！星洲叻沙米線個賣相好吸引！有蝦、魚片、蛋、芽菜、豆乾等材料簡單卻不失禮，惹味湯底帶沙嗲微辣！幾啱胃口，米線吸收了湯精華使米線更有味道！份量剛好不錯真的好夠味, 不過有啲辣囉（只是對我黎講) 咖央多麵包內夾有牛油和咖椰醬多士的表面很焦脆，味道真是誇啦啦 星馬式嘅奶茶是以煉奶調配而成。現埸睇住即刻拉出來！茶味夠，香滑而偏甜見到朋友仔的海南雞就較為失色。試試油飯雖然粒粒分明，但沒有米香。試咗件雞、雞其實都夠滑！但完全冇味道，很淡冇雞味！值得一讚嘅眼見餐廳內嘅員工個個都眼明手快收銀員笑容可㳟態度良好。總括來說：今次覺得這兩個餐平均味道還算不錯。加上店內客人不多，坐著亦頗舒適。…查看更多

小妹三個月前去完馬來西亞嘅沙巴，深深地愛上喇沙同埋咖央，心思思成日都想再食。適逢放假，就去尖東行下街咁啱見到呢一間餐廳就走入去食嘢。入到餐廳就梗係一定要食大名鼎鼎嘅奶茶呢杯奶茶就預先加奶嘅，所以比較甜大家下單之前記住同職員講要少甜呀。第二樣樣:雞肉叻沙依個湯底入口搶喉，微辣但會越食越過癮配既魚蛋白滑彈牙唯一雞扒沒調味，似白洽，但湯底夠料足以搭求味道咖也多士包又薄又脆，牛油份量適中，不過食的途中才上，味蕾感覺已經俾叻沙的味道已蓋過多士味，正確應該係上咗咖央先上喇沙，咁先至食到咖央既味，餐廳嘅環境就不過不失啦，如果同朋友嚟食嘅話就可能未必咁好坐喇結論：適合尖沙咀一個人吃，換一換口味既快餐。…查看更多

諗住星加坡開到香港，應該唔錯，可惜只有失望兩個字！叫了雞肉叻沙，雞肉份量真係好足，不過一D味道都無，好明顯完全無調味，而叻沙湯底唔夠熱，仲只有椰醬味，同正宗距離甚遠⋯ …查看更多

呢日落超級大雨，好似打風咁，尖沙咀行左一個下午，6點鐘左右，雖然未到晚飯時間，但因為雨愈落愈大，決定提早食晚餐兼避雨。6點左右，餐廳仲有好多位，揀左個窗邊沙發位，慢慢坐，慢慢食。之前試過喇沙湯粉好好食，覺得湯底好出色，今次決定試下新野，試左新加坡雞飯，當然唔少得最愛既咖椰吐司。仲有，媡奶奶茶真係好好飲！另外再點了一份咖椰吐司餐，包含水煮熟蛋兩隻。蛋方面就冇咩特別，又冇咩味，真係簡單水煮蛋。咖椰吐司就真係超級好味。個包烘到脆卜卜，然後加上咖椰醬同牛油，食完再食都唔會厭。雞飯反而有d 失色，雞比較鞋口，冇咩雞味，飯亦都冇咩雞油香味。青菜就正正常常，不過不失。下次。都係點喇沙食好了。價錢正常，套餐約$60-80。 尖沙咀地點來說，價錢算ok了…查看更多

法式咖央吐司，本以為是炸西多士，但實際是蛋煎吐司，很香蛋香，但較油和淋身。老闆慷慨的在碟邊附上足夠的咖央醬，偏甜而且香氣不足，更令人疑惑吐司內有沒有被塗上咖央醬，因為一點都吃不出來，或許是被雞蛋的味道蓋過了，我期望的是吐司中間有滿滿的咖央醬。新加坡奶茶味道很甜而且茶味不香濃。兩個溏心蛋有流心效果，沒有過熟，如果加上醬油帶出味道會更好。…查看更多

亞坤，並唔係食好西既坤哥，而係新加坡大名鼎鼎既亞坤。亞坤在新加坡就好似香港大家樂一樣，總有一間在左近。亞坤除左最出名既多士外，仲有雞肉飯，叻沙，溫泉蛋。叻沙套餐包左一碗海鮮叻沙，一份咖央多士，一杯大奶茶（加2蚊）。叻沙椰香味濃，辣度適中，米線彈牙，有蝦，有魚片，豆泡吸了叻沙湯更惹味，同新加坡既叻沙水準一樣。多士又薄又脆，咖央跟牛油既配搭好夾，非常好味。奶茶係由煉奶同花奶溝紅茶，所以又香濃又滑，特別好味…查看更多

$70 一份海南雞飯餐，有湯，有飯，有拉茶，有多士。可惜碟雞肉毫無味道，跟橡膠一樣，可能雞肉來貨貴吧，雪藏了多時。太難食，冇映相。不過自助快餐來說，環境寛敞，在尖沙咀中午一時，都可以一個人坐四人枱。…查看更多

今日放假，傍晚悶悶地，搭車嚟咗尖沙嘴逛逛，見好耐都無食過南洋嘢，所以決定嚟幫阿坤！一入到去，店內溫度似乎有點熱，不過唔緊要，照坐低睇下有乜好嘢食，望見餐牌幅圖畫好似幾吸引，就叫咗最貴嘅所謂招牌套餐「新加坡雞肉飯套餐」，價值七十蚊！等了一陣，充滿期待的套餐終到，噢！個賣相跟餐牌比較真是有點可憐，雞無雞味！份量又略少，個湯只是有咸味的水！感覺有點被人搵笨，我只覺得這份東西最多值$55！睇嚟我有排都唔洗再嚟！…查看更多