五龍薈

最近喺荃灣 Plaza 88 發現咗間新開茶樓 五龍薈，環境裝修好靚、企理乾淨👍，服務員反應快，加水加茶都主動，服務態度令人加分！  🍤 招牌點心推介•雪茄春卷 🍤：外層炸得超香脆，每口都有蝦肉爆晒出嚟！蝦味十足，賣相更令人忍唔住影相📸。 •花膠灌湯餃 🥟：餃皮薄滑，湯汁鮮甜，蝦膠與花膠質感豐富，飲落有小清新嘅懷舊感覺。 •牛肉球／蝦餃／瑤柱珍珠雞：蝦餃皮夠薄彈牙，牛肉球普通但整體水準，珍珠雞米香滲味。 🥘 小菜與特色•鬼馬炸両：外脆內軟，上面仲有豬肉鬆增香，口感層次有心機，食得出師傅功夫。 •星洲炒米：咖喱味濃香醒胃，適合重口味朋友享用。 ☕ 氛圍與服務店內座位舒適，裝潢簡潔有心思，雖然位處新商場偏遠，但座位寬敞唔迫。侍應唔會唔理你，反而加茶加水都主動，服務算貼心。點心上菜速度不錯，傳菜效率一般但不拖慢節奏。  💰 價錢 & 抵食度人均約 $100–200，點咗幾款小點、炒米與湯飲，埋單唔超過 $300，質素配得上價錢。雖然無蒸飯／套餐選擇偏少，但如果食點心或下午茶絕對夠。  ⸻🌟 最終評分（5⭐制）•味道／質素：⭐⭐⭐⭐☆ – 雪茄卷同灌湯餃好有驚喜•食材豐富度：⭐⭐⭐⭐☆ – 點心選擇多但有少少局限•環境／衛生：⭐⭐⭐⭐⭐ – 商場新開乾淨企理•服務：⭐⭐⭐⭐⭐ – 主動加水加茶，反應快•抵食度：⭐⭐⭐⭐☆ – 點心抵食，無套餐略少選擇⸻總結嚟講，五龍薈喺荃灣 Plaza 88 裏面係一間值得一試嘅茶樓，特別啱下午茶檔返工打卡或者齊人食點心聚會。味道地道、環境舒服、價錢合理，值得返訪！🐲…查看更多

員工衛生常識奇差！ 食完點心後叫了2份芒果布甸，上桌時發現布甸上的藍莓都發霉了，跟制服員工投訴後，她竟然回答（原文直出並無修改）：「呢粒係裝飾嚟，你可以唔食佢！」 ？？！！ 我答：「粒藍莓發曬霉放享個芒果布甸上面，個芒果布甸有曬霉菌喎！」 我唯有向另一位疑似更高級既制服職員投訴多次，才肯把2份芒果布甸拿走並從單中取消。神奇在此酒樓員工並沒有正常既衛生常識，只叫客人「唔食佢」便可以，實在太痴線！本來是叫給小朋友食，幸好我拿起望多眼！…查看更多

好好食咼！但竟然冇乜人嚟（可能時間尚早？）！睇返有人話佢地服務唔好，但我嚟到啲服務又好好。主動加茶加水，要既嘢好快就送嚟俾我地，主動換碟依家真係少有！🤣我既加分位！講返食物，睇咗廣告話提早一日訂座可以優惠價揀“$298 足8両雞煲翅”或“$68 京式烤鴨（1食）”，所以訂定位嚟試個翅！好夠翅，雞味亦好夠，係差咗啲咸味（不過我食開味濃）。乳豬皮薄又夠脆好好食，冇臭豬味！（未影相就食咗…翅幅相既一角有影到少少）龍蝦都好多肉，又係讚！什菌扒素鴨個個食完都話好食！一定會再返嚟！冇乜人，坐得乾淨舒服❤️❤️❤️💛💛💛💚💚💚…查看更多

接近$40一碟油菜，得幾條切開一半歡迎減肥人士試一試支持炸物，新鮮鬆脆，唔油膩，炸得啱啱好強烈推薦鹹水角，腐皮卷等位時間比較長，建議先喺app度攞飛，星期六日，如果有人包房做活動等得更加耐…查看更多

一班人聚會飲茶，有人說荃灣五龍薈食物不錯，心思思想去剛好住荃灣友人約食飯，便相約於五龍薈🫖☕️首先是，位置較偏，遠離市中心不好找，幸好朋友早到，開了茶位，並叫了幾樣食物，我到了再多叫幾樣点心其次，看店門面頗有氣勢，但現場環境嘈雜，侍者多帶有鄉音，服務態度一般，與想象完全兩回事正價較貴，下午茶有七折下午茶時段，特多人排隊等位點心選擇頗多頗清新的一道菜，鮮准山爽口但帶点酸，百合鲜甜惜太少。乳鴿皮炸得不夠均勻，有些地方焦黑，有些沒炸到，不皮脆肉嫩，不juicy上桌夠熱，味道正常腸粉粒蝦好大隻，但無乜味吃不到薑汁味，味道還可以薄餅上桌不夠熱，口感像超市售的薄餅。裏面很小的一塊不知是否魚肚？雞肉大件但不太新鮮。完全吃不出有蛋味，像吃普通布甸總結：這裡地方偏遠，環境一般，可能因為人多，點心上桌不是全部都是熱的，個人對食物基本要求是，價格與食物質素必須相等，個人認為這酒樓CP值不高。…查看更多

鄰住買購買特價片皮鴨，第一次在此酒樓吃晚餐，先看評論，多數負面，彈多過讚，心裏覺得不安，因為已經購買片皮鴨套餐，所以硬著頭皮去酒樓，去到酒樓門口，門口帶位服務员朱小姐態度慇懃，酒樓環境不錯，坐位幾舒服片皮鴨大件夾抵食，食物一般，招待評價不過不失，例如：在眼前看到鄰近幾枱，客人一舉手，帶位服務员看到即時回應等等…查看更多

酒樓唔算大，目測都唔缺人，但係唔知點解啲服務員永遠睇唔到你舉手，同埋都成日落錯單，我哋正價時段去，今日仲要平日，唔算太多人，但係見到我哋同隔籬枱都有落錯單嘅情況。…查看更多

星期二朝早同媽媽去飲茶，10:50am 落單，總共點咗4 碟點心，其中3 碟11:10am到咗，10分鐘唔洗就食完。另外仲有一碟腐皮卷等到11:53am 先到，足足等左1hr03mins, 如果趕時間，又或者好肚餓就唔好叫啦，真係有排等！我喺10:43am期間都有叫個男職員幫我跟一跟，我話等咗成個鐘了！但係佢回覆嘅係，都未夠一個鐘！唔通要等一個鐘係正常嘅？…查看更多

第一次去食，遇上被不禮貌對待，和早幾個食評一樣，有幾位阿姐態度極之惡劣，對客人的要求亦十問九唔應，其實酒樓唔算缺人，真係唔知點解啲阿姐服務態度咁差，貼錢買難受，幫襯前請三思！…查看更多

去飲下午茶 張紙上面淨係寫住點心特價價錢 唔知點心以外有咩係特價 咁去問侍應 個個講嘅嘢都唔同 一個求其答完行開咗仲一副唔想答你嘅嘴臉 一個啲答案唔知/唔肯定 問左三個三個答案有啲唔同 態度極差冇下次 …查看更多

星期六與家人去這間酒樓飲茶，叫了一個點心一直未到，因為其他食物都已經吃完了，怕是酒樓漏了落單，所以問一位穿黑色西裝的女部長，想了解一下是否漏單，點知女部長看也不看枱號及單據，甚至頭也無抬，也眼也不看下個客，掂行掂過，背對着張枱D客，敷衍說了兩個字：就到。如此服務態度，不要再說為什麼香港人不留港消費，香港飲食業就係比這些敗類搞死的了。但是看見有不少客人對這間酒樓的評價都是服務態度好差，對比上述這個部長的情況，只是敷衍，本人遭遇相對也是較幸運的了。…查看更多

我婆婆成日話五龍薈點心好好食， 不過有位著件卹衫， 唔知佢係咪部長， 成日大聲叫好似大排檔， 成日都會畀佢嚇親， 上一次已經投訴過， 不過冇人理會， 都唔明五龍薈啲高層同老闆仲要請啲咁嘅員工…查看更多

揾地方聚餐，睇下平台，見食平真係彈多過贊，不過荃灣主要酒樓都試過幾次，昨晚就約在這間試試。來到唔洗等位，除包廳房外，散客只有四分一，都有點驚會中伏。叫了全包十二位三千多試試，第一道焼乳豬，有點驚喜，皮脆肉嫩，味道非常好，正！其他出品都很好，份量足夠，大廚有點料到，可惜冇拍相。服務也算到位。所以今早原班人早茶，星期六10點前有早市優惠。點心水準在中上，環境舒服，枱也唔會太迫。人均消費95元，性價比算好，又多一個聚腳點。…查看更多

一家人來食飯預定了一隻烤鴨片皮鴨點知超肥份量極少求其切幾片就算跟服務員反映服務員態度非常差完全無禮貌埋單亦計錯數最後搞咗好耐先肯退番多收的錢總括來說畀錢買難受一定唔會再來…查看更多

一家人去食飯，坐兩圍枱，禮貌叫職員幫忙影多張相，有個戴眼鏡著白色恤衫男職員態度極差講岩岩咪影左？又影？之後藐嘴藐視望住我地。咁既服務態度真係搵鬼去食。 食餐飯開開心心影張相都要受氣…查看更多