五谷香粥店

今日忽然間想食粥，上openRice睇下有咩推介，搵嚟搵去最近係呢一間，但評論有D差，但夏天條街好熱，諗住近近地膽粗粗試吓，心諗應該唔會係咁差嘅，買左碗豬紅滑牛粥同炒米粉，個粥都仲入得口，個個米粉一打開，首先有（油益味）心諗，唉，但我再望真D，好彩有(油益味），如果唔係食左仲大鑊，原來入面仲有小強。。。第一次試，即刻中，果然係評論所講，咁垃圾。。。餓死都唔會再試既粥鋪…查看更多

呢間毫不起眼嘅小店，平時經過冇入去。完全冇裝修，似係街市内的普通粥麵店。主打粥粉麵飯但竟然有即叫整腸粉，有好多種，基本上嘅牛腸、雞蛋腸、豬膶腸、蝦腸等都有。今日叫咗個鮮蝦腸粉，竟然好食過我呢兩個月喺幾間酒店中菜廳（holiday inn, harbor grand Kowloon, cordis)食嘅腸粉。係完全冇期望之下，個腸粉出奇好食。皮薄喊靚，蝦腸多韮黃，豉油嘅味道啱啱好,好食,忍唔住要分享，支持小店😋…查看更多

第一次係OpenRice寫食評，因為呢間野實在太差！😡😡😡😡😡😡從未試過食一間粥店啲魚片係好似瘦肉咁嘅色，黃黃地又霉霉地，味道酸酸怪怪，廚餘都靚仔過佢😖😖😖勉強食咗幾啖都驚腸胃炎。另外叫咗碗艇仔粥都係怪怪地，剩係得啲碎牛😔😔😔，唔講仲以為自己叫咗碎牛粥。剩係得條牛脷酥個樣算係正常😭😭😭😭😭😭😭唔明點解呢間野唔執笠🤬🤬🤬🤬🤬🤬特登寫200字黎提醒大家千祈唔好幫襯!…查看更多

《充滿人情味嘅古早粥店》🥰今日經過銅鑼灣等朋友，等耐咗見有少少肚餓。出咗銅鑼灣地鐵站F出口轉左行一陣就見到呢間舊式粥鋪。咁岩天氣開始轉涼又想食少少暖嘢，所以情不自禁入左去。老老嘅裝修，舊式嘅餐桌，呢種嘅粥店喺香港真係算碩果僅存。近嚟工作不太如意，所以叫咗碗及第粥，食其喻意希望能夠狀元及第。但個人嚟講我又幾鐘意食皮蛋，就問伙記可唔可以加皮蛋。師傅默默點頭。。。等了大概5分鐘皮蛋及第粥隨即上檯。暖暖嘅白粥，豐富嘅粥料，伴隨住嘅係一張充滿人情味嘅帳單，係因為師傅免費幫我加皮蛋！今日呢餐，我唔單止食到足料嘅及第粥，而係滿滿嘅人情味。☺️…查看更多

今晚經過 老公叫左個咖喱雞飯$38叻 銅鑼灣邊度仲有咁平。我哋冇試佢啲粥仲要免費俾咗個例湯我哋飲雞係鹹雞 ... 咖喱味道啱啱好，唔會好鹹又唔會好辣店係舊左的 但好有家庭感覺又好好人…查看更多

呢排香港一片混亂😑 #小秘書 專重大家不同嘅意見，不過就絕對唔認同嗰啲故意阻塞道路、傷害他人嘅示威人士，為大眾帶嚟不必要嘅麻煩。我喺呢幾日正正就重複經歷呢種所謂「民主自由」而衍生嘅交通阻礙🚫 可以點？忍讓吓囉！呢日因為紅隧堵塞，雖然已經食飽晚飯，都只好喺銅鑼灣搵個地方坐吓，希望啲人生生性性快啲開漸返條路我返過九龍😑 入到舖頭齋坐又點好意思吖，就幫襯老闆買個外賣，晏啲返去孝敬吓阿媽😅我叫咗個 #艇仔粥、#牛脷酥，無諗過銅鑼灣都有平嘢食，$28埋單... 抵！好在無幾耐就聽到紅隧開返，我仲唔拿拿臨走咩？！返到屋企已經係40分鐘之後嘅事，不過碗粥都仲熱㗎，阿媽過食唔哂，叫我幫手食啲😏 見佢盛意拳拳，就裝咗少少試吓。個粥底都唔差，不過餡料就少許啲，清清地ok嘅😏 至於條 #牛脷酥，唔會太油膩，比我想像中有質素，而且仲暖暖地。平平地做宵夜都係一個唔錯嘅選擇😉…查看更多

上星期五想食粥，經過呢間粥店，未幫親過就外買左一個粉腸豬肚粥同油條，企左喺門口無睇住佢整，店員亦無講一句，攞完就返屋企。點知一開揾極都咩無料，由底去到面成碗得一條粉腸一舊豬肚........嘩真係好過份成$2X碗無理由得咁少，原全唔叫得做一碗粉腸豬肚，而且粥入面好多黑色一點點唔知係咩，好似燶左嘢！雖然近排豬肉價係貴左但都唔係咁呀，無咪同返我地話唔夠豬轉第二樣好無?佢當然無講，你食你事，原全不負責任，所以唔會再幫親!!!!!離普！…查看更多

头一天晚上喝酒点多，第二天早晨没有太多的胃口，本来想在附近的茶餐厅解决一下，但是都没有周就跑到这家店随便吃点。点了皮蛋瘦肉粥，艇仔粥等几种粥，加上油条，豆浆和鸡蛋肠粉。做的口味还算凑合吧，分量也还成，但是里面的料有点少。味道，不过不失把，豆浆油条就那样吧。总的。来说口味一般般。但是店里环境稍微差了点，还有小飞虫飞来飞去的。服务嘛有些过度推销，总是想让人多点的样子。总得来说不过不失，偶尔去一次对付下简餐还凑合。…查看更多

扒完龍舟超肚餓，喺銅鑼灣搵食，落車時見到有間粥麵店，因為唔想食太飽，所以就選擇咗去粥麵店醫肚。入到店內感覺比較冷清，可能是非繁忙時間的關係吧，店內只有一枱食客。坐低後，點了牛肉豬紅粥及一碟炸兩，牛肉不是滑牛，是碎牛，當然下單時也是知道是碎牛的（因為滑牛沒有可能是$21咁平）但沒有想過，碎牛內的牛肉會少得如此...估計加埋也沒有尾指的第一節咁少，起碼90%是炸米粉另外點了一份炸兩，人生從未吃過一碟這麼難吃的炸兩，腸粉的皮很厚，一點也不滑，內裡的油條也很淋，擺放得太夠才會這樣淋...為何好多人說，在肚餓的時候，吃甚麼都是好吃？…查看更多

今日咁岩係銅鑼灣出現丶想食粥。原來銅鑼灣皇室堡附近粥舖唔多，所以就近去左五谷買外賣。皮蛋瘦肉粥+齋腸。皮蛋瘦肉粥偏咸丶只有可憐比試紙更幼丶比尾指還短既瘦肉數條丶皮蛋加加埋埋應該有一隻。齋腸厚到咬落去一口糕咁丶仲要個質地唔係滑過隻(真係米漿糕咁)。本來諗住好一餐唔好又一餐食飽算丶但係到最後真係忍唔住要post下d瘦肉有幾「瘦」、d腸粉有幾厚…下次真係寧願去遠d或者直情唔食好過😥可憐的瘦肉從未食過咁厚既「腸粉」…查看更多

今日係銅鑼灣interview ，到中午諗住隨便食啲粥就算。哩間外表睇落都幾正常就入去試下。 炒米粉 凍嘅 同埋好硬生滾牛肉粥 啲牛肉散嘅，同埋味道好奇怪 唔敢食買單46 我食左兩啖就頂唔順 一定冇下次…查看更多

都係想搵間粥食下，順手支持下地區小店，但係真心失望。叫左個艇仔粥，18蚊，再加個牛俐酥9蚊。價錢其實都已經唔係平，不過體諒佢舖租貴，都一定貴過普通粥舖。先講碗艇仔，個碗係比平時食既細小小，已經覺得sad，肉碎魷魚尚算正常，但溫度唔夠熱，食到一半已經變凍。牛俐酥係極度失望！有咩理由係淋架，你都唔好意思攞出尼比人食啦，淋既程度係100%，小小脆都無，講真，真係倒自己米。所以結論係，無得揀都唔好咁hea好wor，粥舖都應該有尊嚴，唔係平就難食。…查看更多

外賣自取小菜餐應該有湯佢話賣曬我仲奇怪點解只得一盒，問佢佢仲話冇錯，返屋企打開係碟頭飯份量，$40貨收我$61 。。。。。。。。。。。。。。。。。。。。。。。。。…查看更多

唔舒服先食粥係我嘅宗旨，所以一年都唔病一次嘅我竟然病左嗰日都要出門，由於真係好唔舒服，所以朋友就帶左我去呢間粥店。首先店鋪移動空間細到一個點，所以點坐都係逼，不過諗住快食就算啦。我叫左基本皮蛋瘦肉粥，份量黎講都幾大碗，粥就煮到好溶，如果唔係傑傑地真係以為自己飲湯。佢d 肉好多好大條，不過唔難咬，但食多兩啖就會覺得佢太咸😣對一個病人黎講其實真係唔係咁好，一係就味精一係鹽，總之too much la.朋友話想食炸兩，我口痕食左件，咁就出事啦，好難食呀！d 油炸鬼好似放左兩日咁又油又淋，出面嘅腸粉又係油仲唔話，醬汁又太多，所以又咸又油又淋，仲好唔抵添！至於三絲炒面係抵食嘅，但味道就普普通通，有好多材料，不過都係油左d ，如果銅鑼灣有多幾間粥店，我唔會再食囉。…查看更多

外賣粟米粥同碎牛粥加油條油條唔脆都算正常因為隔咗10分鐘先食但2碗粥D料都係酸嘅！？！粟米粥裡D粟米粒係酸嘅碎牛粥𥚃D碎牛係叔叔臭臭咁離哂譜！ 永遠唔會再幫襯！！ …查看更多