五要素食堂 (已結業)

上个星期同朋友去左尖沙咀嘅和风西餐厅 Fifth Element 食嘢，真系开心到爆！一埋位就食返个前菜:清新爽口嘅薯仔沙律，新鲜薯仔同埋多款新鲜蔬菜拌埋，配上特制酱汁，清爽开胃！我哋试咗佢哋嘅噌大虾手打快扭纹意粉同日式牛肉汉堡。味噌大虾手打快扭纹意粉啖啖大虾，面条弹牙爽口，配上香浓嘅味噌酱汁，味道丰富醇厚，令人回味无穷。日式牛肉汉堡啲牛肉肉汁丰富，入口即化，加埋啲酥脆嘅薯条，真系一绝！唔好忘记试甜品，特别推介意大利提拉米苏！佢嘅质感绵滑，入口即化，每一口都系浓郁嘅咖啡同甜甜嘅提拉米苏味道，绝对系完美嘅结尾！总括而言，Fifth Element 绝对系一间味道出色嘅和风西餐厅！下次一定会再去！…查看更多

Fifth Element Shokudo （尖沙咀） 一间融合西食同日式元素既餐厅，地点方便就脚。特大南蛮风炸鸡丼 （$98）主食点左一个炸鸡饭，一拎上黎第一感受就系多，用左非常多既炸鸡。而每件炸鸡都系刚刚新炸起，热辣辣，一咬落去好juicy多汁，加埋啲酱汁一齐，非常好味。极满足。🤩🤩五要素意大利芝士蛋糕 （$58）再配上一个好食嘅意大利芝士蛋糕，十分creamy，口感绵密，好似食蛋糕咀，咖啡味同酒味适中。…查看更多

星期五晚同我朋友去呢间餐厅度食饭，当时八点几个亚裔员工就话得门口𠮶张面壁枱同埋outdoor有位，我哋当然拣outdoor啦，跟住佢就指都冇指就由得我哋自己揾条路出去。跟住我哋同第二个员工落咗一个二人餐，个餐有汤有沙律，有两个头盘两个大盘两个甜品，仲有一支酒添。当然啲嘢好快就到啦，Sin嚟咗两个汤同埋两个沙律我哋都未开始饮汤，佢已经队个主菜嚟，十几二十分钟已经成枱都系食物，我哋食咗1/5都冇，个亚裔员工已经攞啲甜品过嚟，我同佢讲我哋大盘都未食完㖞！佢就话佢收9:30但𠮶阵时已经系8:54！隔咗10分钟佢再行过嚟好大声问「Finished?」咁我朋友唯有话俾多10分钟我哋，跟住佢话所有人走晒净系等我哋，然后喺我哋面前举起只手望表，好不耐烦咁拧转头走咗去啊！结果我哋未食晒就喺9:34离开，佢哋多谢都冇讲一声，仲要黑口黑面！如果你咁想准时收工嘅，一早唔好俾我哋入嚟啦！或者我哋叫嘢嘅时候话声我哋知你收9:30唔够时间食咁多嘢啦！我真系未见过啲咁冇礼貌嘅人！今次真系见识到！…查看更多

我来到这里品尝了他们的松露和牛芝士汉堡和烧熟成厚切牛舌丼，并配上柠檬胡椒薯条和热摩卡咖啡，让我对这家餐厅留下了深刻的印象。首先，让我来分享一下烧熟成厚切牛舌丼的感受。牛舌以厚切和熟成处理，每粒都是高质的嫩牛舌，再烧烤至金黄色，微微㶶边，混入炸蒜，每口都烟韧爽口。餐厅使用日本米和自家烧汁，味道香滑又唔腻，牛舌份量多，足够吃光了米饭也有剩，很足料。整个牛舌丼的口感非常出色，让我不禁想再次品尝。另一道令人印象深刻的菜品是他们的松露和牛芝士汉堡搭配柠檬胡椒薯条。汉堡的牛肉很嫩，而且有著特别的松露香气，柠檬胡椒薯条的味道酸辣开胃，让整个餐点更有层次感。…查看更多

今日系the one 行完街, 扫左好多层, 餐牌多选择之余, 卖相不错, 而且价钱唔贵, 所以都没有多想就入左去😁 🫃🏻松露双层和牛芝士汉堡同餐牌一样, 厚到颠🤣好彩系两个人share食, 份量方便要赞👍🏻 超足料, 除左有和牛汉堡之外, 仲有识拉丝既荷兰gouda芝士, 口感实净, 味道浓烈, 脂肪含量较一般芝士高, 食完变肥仔🤣不过好食, 做番运动balance！仲有脆既parma ham + 焦糖洋葱 + 松露椎茸蘑菇 + 超厚和牛, 层次丰富🫶🏻 松露味唔算好突出, 牛亦有少量筋位, 但总体黎讲都系好食+对得住价钱😁 薯条则系blue cheese酱吸引, 味道好浓👍🏻🫃🏻和风烟猪面肉椎茸忌廉手打意粉喜出望外, 意粉既质感好弹牙烟韧, 同机制好唔同🤔好食好多, 至于忌廉酱汁好入味, 加少量芝士碎 + 椎茸菇 + 半肥瘦猪面肉🐷 成个感觉好丰富好rich👍🏻 有一个细微扣分位, 油略略多左dd, 但都无阻对佢既好评😎总结：味道出色, 价钱合理, 可以再战🤪…查看更多