五要素食堂 (已結業)

今日丫妹早放工, call咗我出去尖沙咀陪佢行街食飯。前排同朋友去咗The One呢間餐廳食牛舌丼, 令我食過返尋味, 今日順道帶丫妹黎試試。假日黃昏時段, 餐廳內未見人流, 順利安排入座。自行scan QR code落單,急不及待order咗【熟成厚切牛舌丼】HK$88丼飯份量望落唔多, 但足夠一個人食。每粒牛舌都很厚, 口感爽彈不韌, 而且帶有肉汁, 夾蒜片食, 更為香口; 飯底淋上鹹甜嘅醬汁, 牛舌份量多, 每啖飯都食到厚厚嘅牛舌, 推介!【蟹肉味醬薯條】HK$68選用咗幼薯條, 鬆脆不油, 灑上了紫菜碎; 而精粹在於個蟹肉味醬, 沙律醬中加入了蟹肉碎, 點黎食, 惹味提鮮。…查看更多

呢日同女朋友喺尖沙咀睇完戲諗食咩好，見到間餐廳明明係一d 西式菜式為主，偏偏做到好日系幾得意，見晚餐時間尚早可以walk-in 就即刻試下先！原來大部份食材都係日本產，係真．和洋食屋，月手機落咗order 之後好期待佢嘅手勢！其實除咗京都宇治抹茶出名之外，靜岡抹茶都好有名氣架！第一次試到呢種抹茶嘅Matcha Latte，抹茶味濃郁，估唔到都可以咁好飲！薯條點味噌醬咁特別？仲要有蟹肉！隻醬嘅蟹味好出，拎嚟點薯條有驚喜，鹹香味配搭幾好，薯條面仲有紫菜粒點綴，超正！牛舌燒得啱啱好，外脆內軟，入口好甘香，落埋檸檬汁夠晒fresh！想講佢個米係用富山縣天盛米，係從來未試過嘅飯。係珍珠米無誤，但係粒粒分明唔會一pat 飯咁，有口感得嚟又香！呢兩樣跟丼飯加$18就有，但係一d 都唔hea 嘅薯仔沙律，調味上平衡得好好，鹹鹹地又有青瓜、洋蔥同沙律菜補充口感，加埋芝士碎，幾種香味係個口入面齒夾留香，絕對唔比其他菜式失色！係洋蔥湯胡椒味太搶，d 洋蔥味同菇味出唔到，少少可惜。:(當然要有甜品埋尾啦！d 蘋果同肉桂煮到焦糖化，上到枱係超香！女朋友係肉桂控即刻好興奮切嚟食。食落去連個窩夫都有驚喜！唔係脆口即散個種，係少少煙韌但又少少脆，牛油味好足，配埋cream 就唔會太乾，成件事好perfect！Feel 到佢所有嘢食都好盡善盡美，呢種味道足以令我會想番兜好多次！嗰日見到隔離枱食緊Pizza好吸引，下次會想試埋！…查看更多

呢排有套戲好旺場，為咗要買到靚位，今晚收工就過左去尖沙咀買定戲飛，再食返晚餐先返屋企！地點方便嘅The One有非常多餐廳，今晚就揀咗日式洋食 — Fifth Elements。餐廳算半開放式，感覺幾開揚，未入餐員工就已經好客氣地招呼，而估唔到嘅係，員工全部都係講英文，令我有置身係西餐廳嘅感覺🤣熟成厚切牛舌丼（$88）呢度用料幾用心，用咗日本產富山縣天盛米，粒粒珍珠米食落好香，落咗少少醬同紫菜增加風味，牛舌煎到外面好香，入面肉質好軟嫩又juicy，加埋炸蒜片一齊食真係幾正！另外，加$18可以加配定食，有濃厚男爵薯仔沙律同日式洋蔥湯，個人好鍾意個薯仔沙律，有洋蔥、青瓜同薯仔，面頭芝士味超濃！蟹肉味醬薯條 （$68）非常特別嘅送酒佳餚，新鮮炸起嘅超香口薯條，蘸一蘸有唔少蟹肉嘅沙律醬，完全食到停唔到口！肉桂富士蘋果日式鍋夫 （$68 ）全部係自家製日式鍋夫，比起平時食嘅牛油味同蛋味冇咁濃，比較脆身，配埋好香嘅肉桂同酸酸甜甜嘅富士蘋果，係好好嘅飯後甜品。凍靜岡抹茶拿鐵（$42）奶味好香但抹茶味唔算太濃。下次黎要約多幾個朋友試吓佢嘅手工製作薄餅、創意料理同飲下酒！…查看更多

同同事行The One，經過三樓呢間”Fifth Element”，見餐廳幾有feel，價錢又唔算太貴，餐牌上面嘅日式料理又幾吸引，於是就入咗去。我同同事一人叫咗一個丼，我要咗「熟成厚切牛舌丼」加隻温泉蛋，同事就要咗個「美國黑毛和牛丼」，而每個餐會跟碗湯同個沙律。牛舌切得比較厚，見到其他食評話嫌佢太厚，不過我覺得係要切到咁厚先至啱啱好，味道濃郁，再加埋個飯嘅醬汁、紙菜同温泉蛋，食落好滿足。小食叫咗碟「海苔水牛城雞翼」，碟雞翼有隻藍芝士醬點，藍芝士隻味好重，我覺得ok不過就未必人人都接受到，雞翼辣辣哋不過不失。餐廳除咗日式丼飯，仲有手打意粉同薄餅，呢啲就等下次嚟再試。…查看更多

熟成厚切牛舌丼「熟成」嘅意思真係講緊佢會全部熟晒，就唔係tender pink 嗰種七成或者五成熟。不過，咁樣就唔代表佢會好un or 癡牙。基本上，除咗有一舊肥膏連埋筋腱位之外，九成嘅牛舌都係彈牙，可以簡單輕易地咬開。而且每粒牛舌都燒得咁上下，有金黃色香脆嘅顏色。有啲會特別彈牙，好有𡁻口😛。 黑毛和牛牛扒丼青森溫泉玉子食完第一個無玉子蛋版本，就會明白：原來隻溫泉蛋其中一個用途，係撈埋火箭菜一齊食，如果唔係就會比較似心食草😂 因為佢嘅份量都唔少，確保到有足夠嘅纖維😂 兩碗嘅牛丼飯都有確切嘅炸蒜片，為牛肉加添左風味😍👍🏻 雖然講係和牛牛扒，慳始終華都貴，所以其實係薄切嘅🥲 但係都有大概九到十塊，每塊直徑都有返咁上下，都唔會令人太失望👍🏻環境風格如果你想喺香港可以偽裝日本旅行，呢間餐廳都幾值得嚟自我安慰一下😂 餐牌係日文，服務態度都有日本旅行咁好，當然要加一服務費啦。😏 露天雅座。我去嘅時候，大部份顧客都係坐室內，但其實室外嘅陽光，即使正午12點都唔會直接照住，所以如果天氣好，就可以喺出邊享受到。…查看更多

今日行經Fifth element shokudo，裝修好簡潔舒服咁，所以入左去食lunch。我地order左一個黑毛和牛牛扒丼同熟成厚切牛舌丼。黑毛和牛牛扒：第一下會食到炭燒既香味，然後會有牛肉既油脂香，最後就會食到嫩嫩既牛肉。唔錯！估唔到只需$78就食到充滿油脂香味既牛肉👍🏻😋熟成厚切牛舌：更好味！牛舌不但有油脂香，亦都好爽口彈牙得黎又易咬，恰到好處！兩碗同樣有好多火箭菜，飯既份量都好充足。我鐘意將d 火箭菜、飯同醬汁撈埋一齊食！火箭菜好fresh，食完成碗丼感覺好健康，又夠飽！👍🏻雖然價錢望落唔平，但最後我地都覺得價錢對得住食物質素！👍🏻P.s. 最後我地先發現有室外既枱，感覺幾chill~下次如果好天可以坐出面！…查看更多