五月花港台日料理 (已結業)

係團購見到好似幾抵就去食，點知加埋服務費完來根本無差別既，只係唔洗加一咁囉，都有少少覺得唔抵嫁喇，不過如果食物好就無所謂啦(以為佢應該唔差)，點知中晒大伏囉！:(服務員態度十分差，完全好似我差佢錢咁。可以話係呼呼喝喝既態度，就連遞交Order紙都黑口黑面咁，可能佢地係餐廳工作壓力都好大啦！所以都無理了，不過講真做得飲食業既真係好重視態度囉如果講刺食既，最緊要一定係新鮮啦！但係我竟然可以係墨魚片度食到發泡膠粒，仲有三文魚食到有骨！坦白講食左咁多間都真係第一次( 返企仲輕瀉)至於壽司、手卷，賣相唔吸引都算，d飯係極淋呀，完全唔乾爽咁:(之後到佢地既甜品，除左泡葵係正常之外，其他都好似無咩特別咁，唔算好伏既，但就唔好味囉:(不過佢既熟食係okay既，值得推介咪有炒蜆啦、肉躁飯啦、三文魚腩、雞翼啦，都真係好熱同好味既…查看更多

今次黎左依到食野,佢真係非常多款式,咁我地都算多人既,一開始就叫左幾款小食,有依個蟹籽肉鬆沙律、中華沙律、同埋螺肉，小食黎講依到唔錯嫁,碟碟都係細細碟最岩咩都想，試到個味就夠喇。個蟹籽沙律唔錯,有少少肉鬆係裹面，青瓜絲同蟹柳絲都幾好味，食落幾開胃嫁，酸酸地唔過頭就可以喇！而個螺肉就比較濃味,幾好軟軟地唔會太硬。。刺身料理刺身，就叫左三文魚、甜蝦、墨魚片、鮑魚片咁樣。其實款式都算多,雖然唔係咩高質素既刺身,但食起上黎真係一DD唔差，感覺仲幾新鮮，之後就到燒物,依樣要得比夠多,鹽燒秋刀魚、鹽燒鯖花魚、雞肉串、凡立貝串,鹽燒雞中翼同埋和風燒薄餅。燒秋刀、燒鯖花就一般唔係好鮮,食落味道都唔差既，燒雞腎反而幾好食，個汁好正,凡立貝就真係非常好，一串兩粒好大既帶子，非常好。 …查看更多

一黎到..唔駛點等位,就入得去了...佢一黎就送左一盤刺身比我地食,三文魚同甜蝦OK,其他刺身麻麻...黎杯野飲先...叫左洛神花梳打,佢隻杯幾令...配埋特別既攪攪捧,味道酸酸甜甜的,幾好飲:)我地開始叫左D刺身同壽司,三文魚好普通味...但當你唔係叫好多,正係叫5片到,D味又會好味D,所以如果真係去,請少量咁叫..會整得好味D..其他野食雞翼麻麻地...花之戀好奇怪,,面上用左青瓜做面..其他多數都係用蟹子係上面..攪到食落好怪..唔鍾意:(牛柳粒...好普通...炸蝦冇咩味,,,正係得火X三文魚食得過...呢個就真係好味的...不過計番條數用成17X食我就覺得唔抵...得咁少野好味PS(我部電話係會影得D野食比較好睇D,但真實真係要食落先知哦~) …查看更多

3年前跟太太教會嚟過依度掃場一次，記得嗰次印象唔錯，食得大家好開心，事關有教會補貼，每人只喺出一舊水就唔停咁食足兩粒鐘，個次食評最後嘅總結喺：「其實依個教會價真係抵食到爛，不過你話俾番正價都可以考慮吓，整體質素屬中間位高少少，始終有唔少嘢都好食，但同時亦有啲質素未達標，唯一好處喺一個地方食三處唔同地方嘢，一班朋友又好，一家大細老嫩又好，都可以各取其所！」今趟重臨舊地，同樣又喺太太教會搞大聚餐，再嚟掃過場 。事隔3年，環境都無乜點變，食物類別都大同小異，但似乎款式多咗，不過啲點菜紙就靚咗好多，色彩鮮艷，有圖有相，並加埋數字同顏色嚟區分，12張點菜紙，No.1-12，類別由日式小食、汽水啤酒、刺身料理、台式料理、東瀛燒物、日式揚物、粉 / 麵 / 飯類、港日式料理、新菜推介、壽司 / 手卷、火鍋料理到精美潮流甜品，應有盡有，食物超過180款 。以今晚星期六晚5:30-6:00pm入座計，成人都喺收$159+10%（我哋人多餐廳免咗），任飲任食兩小時，其實都抵架，當然，今晚我哋又喺俾緊教會價啦$100，哈哈！其實見佢周不時晌飲食雜誌賣廣告，有心剪埋低啲優惠券，就仲可以慳多少少。教會人多勢眾，依類聚餐一向都自由組合，既然有時限，快快手搵齊幾個相熟老友，圍埋一枱6個人就密密點，準備喪食。因為12張點菜紙有12個類別，除汽水嘢飲外，為免重複點到亂晒，大家分頭行事負責點唔同食物，唔使問邊個啱唔啱食，喜歡食啲咩，總之隨個人喜好樣樣點少少一齊分享 ，啲嘢總有人啱食嘅，況且，有我包底嘛 。 日式小食6款日式小食點咗其中3款：蟹籽肉鬆沙律、中華沙律、味咐螺肉，最鍾意喺碟碟都的的骰骰，試到個味就夠喇。個蟹籽肉鬆沙律真喺有落肉鬆架，此外仲有青瓜絲同蟹柳絲，沙律用嚟開開胃嘅，酸酸咪咪就可以啦！而個味咐螺肉較濃味，螺肉軟軟腍腍，喺最驚遇上「擦膠」螺肉啫。 啤酒 / 汽水 / 熱飲小弟今晚試飲咗兩款嘢：玫瑰洛神花梳打和凍青蘋果綠茶，以前者好飲啲，洛神花梳打酸酸甜甜，不過玫瑰味似乎欠奉。 刺身料理刺身點都喺屬於貴價少少嘢，亦喺同枱較多人有興趣嘅和食，所以，先後點咗3碟，離不開三文魚、甜蝦、八爪魚、墨魚片、鮑魚片、馬刀貝、鯛魚、榮螺片等等。雖然唔喺咩高質素，但食起嚟都唔差，感覺算鮮味，至少唔會古古怪怪，又或有咩異味。 台式料理台式料理點菜紙一共有9款食物，不過，有啲唔多似台式喎。不過，都唔理台式唔台式，啱食就喺合適。台北路邊田螺、馬拉盞炒時蔬兩款都喺惹味菜，尤其前者，都好耐無食田螺喇，而且啲螺都幾大隻！ 東瀛燒物可能大家都鍾意食香口嘢，所以燒物同揚物都點得比較多，就好似東瀛燒物類，剔吓剔吓就10款中揀咗7款，包括：鹽燒秋刀魚、鹽燒鯖花魚、炭燒雞肉串、汁燒雞腎串、機燒凡立貝串（唔喺磯燒，喺「機」燒，唔通搵機燒）、鹽燒雞中翼及和風燒薄餅。燒秋刀、燒鯖花麻麻哋，汁燒雞腎反而幾好食，而凡立貝串最有睇頭，一串兩大粒帶子，最普通喺個和風燒薄餅，流流哋。由於相片上載所限，只好「下篇」再繼續分享埋餘下7類 ！…查看更多

因為太太教會又搞大聚餐，翻兜「五月花」，所以重臨舊地再次大擦一餐。「上篇」講到日式小食、汽水啤酒、刺身料理、台式料理、東瀛燒物等5個類別，跟住「下篇」就再繼續講埋其他。 日式揚物我哋點咗好多海老天婦羅（炸蝦），亦點咗一大籃蕃薯、南瓜天婦羅，以及軟殼蟹天婦羅，粉漿稍微有啲厚，不過，點幾多俾幾多，無縮水俾少啲，算喺咁啦！蕃薯、南瓜天婦羅幾好食，夠粉香 :) 。 粉 / 麵 / 飯類飽肚嘢盡可能都唔點，不過，有朋友想試鮑魚雞絲粥及滋味水蟹粥，覺得喺粉麵飯類中，依兩款似喺貴嘢。咁老實講，兩碗粥又真喺有鮑魚雞絲同蟹鉗，已經可以話喺好意外，無欺場啦。粥底算夠綿，味道不俗，相信朋友滿意收貨 ！ 港日式料理估唔到，我哋晌港日式料理堆中，亦點得唔少嘢，12款嘢揀咗6款，一半一半咁啦。清酒骨湯煮大蜆、咖喱炒青口、黑椒薯仔和牛粒、田園什菜炒野菌、魚籽醬炸青蠔、一口炸豆腐，以後兩者最深印象，尤其個魚籽醬炸青蠔，其實喺青口嚟，唔喺蠔，不過酥炸後加少少沙律醬同黑魚籽醬，鹹鹹鮮鮮效果唔錯，而一口炸豆腐上次都有試，外皮炸得甘脆入口熱呼呼，裡面保持滑嫩，所以確喺好食呢 ！ 新菜推介除咗個汁燒墨魚鬚串唔覺有咩特別外，其他5款都點齊一試，包括香芒醬爆珠沙律、黑魚籽三文脆餅、關東銀蘿酥、日式胡麻牛舌、香茅串串雞腿。個爆珠沙律其實無咩特別，只喺用咗大大粒人造香芒醬爆珠，反而黑魚籽三文脆餅及日式胡麻牛舌帶嚟驚喜，前者三文魚刴蓉加入黑魚籽放晌加拿餅，鹹鮮脆，配拾幾好 ；而牛舌厚切粒粒食落煙煙韌，配胡麻汁，麻香好食，又用雞尾酒杯盛載，賣相別緻 :) 。 壽司 / 手卷壽司、手卷喺另一類飽肚之物，所以，就算有成十多款選擇，我哋都只喺點其中兩款過吓口癮，三文魚壽司、鮑魚片壽司，不過不失，壽司飯亦唔會太鬆散，三文魚、鮑魚片都幾鮮甜。其實依家睇番，有幾款都仲可以不妨點嚟試試，如燒芝士牛肉反卷、芝士吉列蝦反卷。 火鍋料理記得上一次點過火鍋料理，即喺涮涮鍋，比較花時間搞，雖然有成30多款配料，不過都喺無謂費時失事，所以火鍋料理喺今晚唯一無試嘅類別！ 精美潮流甜品甜品肯定比上次嚟多咗好多，一大張甜品紙共有14款甜品，真喺比一般日式放題勁多 。以小弟咁多心又鍾意食甜品，無可能唔叫齊咁多樣嘢囉！唔講你可能唔信，以下張相叫齊晒咁多款甜品，其實都喺我嘅一人份 ，當然老婆都有黐啲嚟試，所以，同枱朋友都睇到眼傻，話我使唔使咁誇，哈哈！14款甜品分別有果仁慕絲蛋糕、意大利芝士蛋糕、藍莓乳酪蛋糕、富良野鮮奶蛋凍、北海道牛乳布甸、楊枝甘露、益力多紅豆糕、日式泡芙、杞子桂花糕、磁燒棉花糖、雪糕糯米糍（改咗雀巢雪糕）、懷舊糖不甩、朱古力脆吐司、彩虹水果撈。其實整體份量唔算多，因為樣樣都細細件！啲蛋糕類唔錯，尤其件藍莓乳酪蛋糕；鮮奶蛋凍同牛乳布甸中規中矩；益力多紅豆糕味道幾得意，而杞子桂花糕好多子同桂花；最唔得喺楊枝甘露、彩虹水果撈，前者水汪汪，好似飲緊淡味嘅芒果汁，後者只喺求其搵啲罐頭雜果撈埋一碗。懷舊糖不甩真喺好耐無食過，而朱古力脆吐司喺烘熱嘅脆餅唧啲朱古力漿，似件過口癮嘅零食 。雖然今晚嚟食喺俾緊教會價，不過若以正價，近二百樣嘢任飲任食兩個鐘，而質素好好又未算，好差又唔喺，雖知一分錢一分貨，唔通你想蔗渣嘅價錢，想食燒鵝嘅味道咩 ！至於侍應或經理態度方面，我又無乜遇到其他食家所講咁唔好，或者我哋以教會名義嚟食，在佢嚟講喺大客啦，因為幫襯最早嗰輪，又一次過百多個客嘅生意咁做，所以招呼都好啲啦 :) ！…查看更多

聽朋友講都ok，咪去試下囉，點知就中左伏！我係琴日去食，打電話去book枱既所以都唔洗點等，我22：15入既，個時都無咩人，見到好多空枱，我同男朋友望落去都覺得環境唔錯，咁就開始落單啦，點知就發現真係好大獲，個價錢同佢既服務同食物完全唔配合囉！我以後都一定唔會再利！   係咁漏單！大佬丫，得個幾枱客，我真係唔多明點解會漏咁多單囉，可以誇張到我要落3-4張一模一樣既先會利反一次。。:( 佢一早賣晒既野，佢唔會講聲，等到我地等左勁耐，忍唔住問佢先知無！係咪如果真係唔問，咁我地就要一直等？食物質素差+量少+賣相差！（最誇張既係蜆類同甜品類既食物）叫左1客清酒蜆，大約10隻，竟然係得面頭個3舊肉，其他全部係空殻。。2客芝士蛋糕，細到誇張，好心佢就唔好用咁大隻碟去襯托啦。。1客既糖不甩，係1pat野咁，真係見到都唔開胃。。（有相） 服務態度勁差！完全係無視，齋收左單就算，想問野，佢地明明就聽到我男朋友叫佢，但係竟然可以照樣走左去！…查看更多

認真，第一次食野食到咁嬲！！1）係咁漏單！2）佢一早賣晒既野，佢唔會講聲，等到我地等左勁耐，忍唔住問佢先知無！3）食物質素差+量少+賣相差！（最誇張既係蜆類同甜品類既食物）叫左1客蜆，大經約10隻，竟然係得面頭個3舊肉，其他全部係空殻。。2客芝士蛋糕，細到誇張，好心佢就唔好用咁大隻碟去襯托啦。。1客既糖不甩，係1pat野咁，真係見到都唔開胃。。（有相）4）服務態度差！完全係無視，一係就齋收左單就算，想問野，佢地明明就聽到，但係照走左去…查看更多

     當天補完習就去五月花吃個LUNCH,試下個肉醬茄子便當~有味附小吃-中華沙律~初頭食果幾啖唔知點解有少少異味,有時真的不明白係我唔LIKE果種怪味,還是食物有問題呢… 想不通………便當的3文魚刺身都幾肥美,又厚切TIM!正呀,甜蝦就OK ,但尤魚UN左少少~  WASABI又好夠辣~~很嗆鼻子呢~質素都OK GA, 另外 蟹子沙律的醬汁過多:( :(青瓜絲+蟹柳絲的配搭永遠是很配的~新鮮O既,份量又多~:) 而主角的肉醬茄子 份量都頗多~無異物的存在~不過味道略為咸左少少O既,少少重口味~ 飯粒軟身,入口的口感OK~整個便當KO掉也是非常之飽~值得一試O既~冷氣又夠涼爽~環境都OK!又是唯獨SERVICE麻麻地…….…查看更多

當天買新相機前去近近地O既五月花食野,環境一向都OK O既~卡位又坐得舒服, 看完想吃什麼款的SET LUNCH便自行填好再交比職員~雖然隔左很久無幫襯,SERVICE仍是非常差勁~我點左1客 南瓜蛋白炒飯 很多生菜絲伴碟,而且杞子也很入味,顏色又SHARP~南瓜+翠玉欣切到非常之細細粒~整體來說都幾爽口,再配上很多生菜絲~賣相就很不錯了~顏色很好的配搭~小許油膩!味道不錯~飲品配- 熱檸蜜~甜度略為甜.... :( 不落砂糖已經夠甜...…查看更多

趁勞動節放假去食放題可以一早就去到食第一round~好彩book 定檯，walk-in 隨時無位~ 完全full house~新既點食紙，好多選擇打邊爐、炸物、壽司、熱食、甜品.. 應有盡有唔知係咪擔心d 人oder 太多刺身而浪費，一坐低每檯都會送一客刺身雜錦三文魚、鮑魚、八爪魚等等，新鮮甜美令到我地更加想order 得更好刺身~好差啊.. 凍既~只食到炸粉… 一d 軟殼蟹都食唔到.. 失望好入味，正~比較特別~ 無諗過會有呢type~好好咬~ 仲要好林tim~勁爽口，juicy~燒左既部分好脆，其他位置夠軟林林煙煙un un.. 又唔會太甜，幾好~唔洗食足兩個鐘都已經好飽~ ho yeah~…查看更多

見聖誕節，雖然Boxing day 都過左一日，就同D朋友一齊聚下去食放題。我地4個人book左晚上9點去食，去到就9點11到啦，都見仲係位，大家心諗都原來唔洗book喎好啦，成班朋友入到去就開始選食咩啦。大家都心裡有數，所以都寫多d份量，望他會黎多d。點知都係無用，我地4個人都係三文魚發燒友，三文魚刺身同三文魚壽司都叫得多嫁啦....點知第3次比單個陣，不單至miss左張單。已經同個waiter講話要10件三文魚壽司，結果黎到個陣，得2件-___- 我個朋友都係到講[大佬，我就有4個人。你除4都好d，你e+除左5喎]仲有個三文魚刺身雖然唔係好腥，但係有鱗片咁我就當五月花你多人，忙，miss單我諒解。我地9點11先入座。結果10點20分就同我地講話要last order。我地食左1個鐘咋喎大佬。我地有朋友就同個waiter講:[下?我地唔係食2個鐘嫁咩?] 個waiter就講:[下，係last order嫁啦喎! 食9點個d都係咁]我地成班朋友完全呆哂! 大佬你唔係2小時放題就唔好寫係咁! 9點後入座無2小題任食就唔好放出黎比人幫襯! 超唔公平! 今時今日咁既服務都有?!! 個陣大家完全火哂! 算!都要比錢我地就忍啦!遇左下一次唔會再幫襯嫁啦!!照落order，結果照miss order，叫左6個雪糕有人想食多1個。結果照係一人一個! 大佬你咁做野都有!! 去到10點40個陣，仲要吹我地走! 完全火囉!!!!明明未夠鐘，已經幫我地汁枱，茶都唔比多杯，完全放工樣!下次唔會再去五月花嫁啦!!!!!!!!!!!!!!huffy…查看更多

同一班同事去午餐...總共5個人...O個時未算多人...即刻有位...叫左五個餐....五杯野飲先o黎...等左十分鐘....四位同事o既野食已經到左...我o個份餐仲未到...唯有飲住野先...催左waiter 一次...話整緊...又等左十分鐘...再催一次...又話o黎緊...再過十分鐘...同事都食哂...仲要飲埋野...我已經好火...就算有得食...我都食唔切...要返工!!!我同經理講...我唔食...取消個order!!經理: 有喇wor...我: 等左半個鐘...而家我都食唔切...經理: (態度好惡劣) 不過你飲左野...我: 咪只係比杯野o既錢lor....幾錢丫??經理: 餐飲價兩蚊!!!我不滿o既係...1. 佢身為經理...做錯左....少少歉意都無...2. 我唔係介意 o個2 蚊....不過...我飲o既只係熱檸水...又唔係咩特飲....如果係其他餐廳...佢地自己做錯事...相信佢地會好大方...唔會收呢兩蚊!!!不過我估唔到五月花做錯左...仲可以好厚面皮去收...對唔住都無一聲!!!P.S.其實已經係上年O既事...本來諗住唔寫....不過又有同事O係呢間野有不開心經歷...所以我先打番比O黎....…查看更多

笑臉、喊臉 fifty-fifty, 荃灣區只餘下這間放題未試過, 只好選最便宜嘅時段再加埋雜誌coupon去探險吓。6:00pm-6:30pm 期間入座 $139, 雜誌coupon每位減$10, 由6:20pm食到8:20pm, 食就2小時但1個半小時就last order。雜誌廣告有推介的新菜: 579 雪花香蕉天婦羅, 580芥茉一口多士, 581沖繩海瓜子軍艦, 582蓉岩脆芋條, 583蜜餞豚肉球, 584七味葱燒雞腎。579的味道最正常, 580是油炸透的方包粒再沾芥茉沙律醬, 581的紫菜腍晒而且飯團黏牙, 582是薯蓉上面插幾條零食, 583是最難食, 炸豬肉粒是勁鹹味但上面淋上勁甜的糖漿, 正宗又鹹又甜584的四季豆煸得透, 但調味勁鹹。和食都只是叫了刺身、壽司, 軟殼蟹天婦羅是勁油膩, 壽司飯是黏牙的, 刺身是比室温低少少的涼温度 唔夠膽再叫估唔估到那堆青瓜絲是什麽? 青瓜沙律??? No......答案是粟米沙律台北路邊田螺原來味道不是新鮮田螺味；清酒骨湯煮大蜆反而又甜又厚肉麻婆豆腐是素食, 很滑滑江南涼伴海帶的味道是鹹鹹地酸酸地；A菜很新鮮甜品的其中一款是益力多紅豆凍糕, 甜甜地酸酸地好有多多味道…查看更多

:(老婆帶我去嘅，初時幾有期望下。服務極差，經常漏單唔知上D乜菜，本來叫佐軟殼蟹天婦羅，上佐個唔知乜天婦羅。問服務員呢系乜，話天婦羅，我要話我要系軟殼蟹天婦羅，先收走話睇下單先。第一次落柯時點佐薑蔥三文魚腩，之後上佐唔知乜鹹魚味排骨。從頭到尾都冇吃佐薑蔥魚腩！間嘢唯一可以推薦就系台灣路邊田螺，連點三份味道唔錯！:(千萬唔好2個人去，四五個人亂點一翻，2個人經常漏單！…查看更多

本人與朋友一行六人到五月花港台日料理(荃灣)店晚膳，真是無明火起:食物質素其實同其他放題差唔多，選擇亦都差唔多，但我最興gei 係，我地入紙叫刺身同埋其他相對貴價的食物(例如天婦羅蝦)，佢都要等好耐好耐，其且份量非常少，即使你狂入紙，叫經理投訴都係一樣......其實D餐廳好狗，一早預左budget, 見你6條友就是旦執俾你.(唔理你寫幾件)...成晚1K 多，食埋D下價野，好似雞串，腸仔呀....(仲要勁Un，好似營養不良)...未夠鍾就吹Last Order.....非常無良.....投訢D嘢晚又解釋做唔切...我已後一定唔再去.....不平人…查看更多