五味俱全車仔麵

喺美荷楼附近，全部都系好阔落嘅卡位，坐得舒服，虽然啲位个设计系有啲怪，但唔影响用餐体验。叫咗三𩠌车仔面，拣咗米线，跟餐包埋可乐都系$49，好抵食，𩠌嘅选择亦多。拣咗酸辣汤底，似出面啲金汤，唔算太辣但够味，浓香得嚟唔会腻。我钟意个米线比一般出面啲幼少少，而且口感几滑。猪软骨入味，通菜正常，要赞系蒜香炸鸡翼，似系用气炸锅整，外皮好脆但唔厚粉，肉嫩冇雪味。跟餐+$3叫咗鸳鸯，不过就比较失色，味道淡，咖啡味唔够，茶味都唔突出，正常茶仔水准以下。整体嚟讲，价钱亲民，味道唔错，又未去到好特别，要特登去食𠮶种，但去开附近佢都系一个可以的选择…查看更多

是日红雨，带住个仔系附近小学interview.见系车仔面铺面干净企理就入左去。见到餐纸上面面底有汤肠粉选择，印象中应该系第一次见，另外拣左5个𩠌同个仔share.肠粉几有惊喜，有米香又够滑，同个猪骨汤底几夹。配料都正常好食。全场卡位， 比一般车仔面店圆枱櫈仔座得舒服松动。姐姐都好好，见到我带住小朋友，主动问我使唔使小朋友碗仔同叉。价钱五𩠌一面，62蚊， 加2蚊 有奶茶咖啡等等， 价钱系石硖尾黎讲都唔算贵。好再番黎食…查看更多

食过几次，汤底同𩠌都好一般，沙嗲汤麻辣汤唔够浓，淡到好似沟左水咁。唯一可取系价钱平，但如果系买外卖会俾好少汤，少到以为自己食紧捞面，呢间唔难食但距离好味争好远。…查看更多

叫咗牛腩猪大肠同鱼肉春卷河粉，味道一般般，而且超级咸。牛腩虽然感觉算新鲜,但冇乜特别;大肠嘅口感就差啲,外面太软，入面太弹，甚至有啲硬;鱼肉春卷就细份且脆度一般，同埋系面粉做，唔太得。河粉滑嘅程度都勉强及格,冇乜令人难忘嘅感觉。如果唔系特别想食车仔面嘅场合,我估我都唔会再光顾啦。…查看更多

方仲满，人称 moon 姐，香港飞碟学会会长，如果有留意开 UFO 或外星生命嘅人士相信无人不识，唔识就好打有限啦! 难道 moon 姐系石硖尾 JCCAC 搅讲座展览，于是去捧吓场，离开之后，经过哩间五味俱全车仔面，又有段时间无食过车仔面，于是推门入去帮衬.另外吸引我入去嘅原因系装修，墙上挂上好多七八十1年代电影海报! 单单见到"最佳拍挡千里救差婆" 嘅电影海报，回忆马上返哂嚟! 而装修环境同样充满旧香港风味.车仔面点咗幼面，猪皮，萝卜，猪软骨，女友小熊点咗米粉配冬菇，牛腩同鱼肉春卷，另外蒜香炸鸡翼同吉列猪扒分开上.蒜香炸鸡翼同吉列猪扒分开碟上做法要俾个赞! 唔会浸湿哂影响口感，而两者同样脆口，由其系吉列猪扒，猪扒又厚切，外脆内软口感丰富，最值得推介!另外出色嘅仲有猪软骨，软骨部位脆口得嚟松软，猪肉入味，同样值得推荐.萝卜份量比其他车仔面店份量大，而且鲜甜，抵食.最失分系饮品，点咗杯冻菜蜜但味道较淡.埋单离开时.... 好想问佢地边到揾翻旧海报出嚟，但我估问D侍应人佢地都未必知道啰....…查看更多