五味俱全車仔麵

喺美荷樓附近，全部都係好闊落嘅卡位，坐得舒服，雖然啲位個設計係有啲怪，但唔影響用餐體驗。叫咗三餸車仔麵，揀咗米線，跟餐包埋可樂都係$49，好抵食，餸嘅選擇亦多。揀咗酸辣湯底，似出面啲金湯，唔算太辣但夠味，濃香得嚟唔會膩。我鍾意個米線比一般出面啲幼少少，而且口感幾滑。豬軟骨入味，通菜正常，要讚係蒜香炸雞翼，似係用氣炸鍋整，外皮好脆但唔厚粉，肉嫩冇雪味。跟餐+$3叫咗鴛鴦，不過就比較失色，味道淡，咖啡味唔夠，茶味都唔突出，正常茶仔水準以下。整體嚟講，價錢親民，味道唔錯，又未去到好特別，要特登去食嗰種，但去開附近佢都係一個可以的選擇…查看更多

是日紅雨，帶住個仔係附近小學interview.見係車仔麵鋪面乾淨企理就入左去。見到餐紙上面麵底有湯腸粉選擇，印象中應該係第一次見，另外揀左5個餸同個仔share.腸粉幾有驚喜，有米香又夠滑，同個豬骨湯底幾夾。配料都正常好食。全場卡位， 比一般車仔麵店圓枱櫈仔座得舒服鬆動。姐姐都好好，見到我帶住小朋友，主動問我使唔使小朋友碗仔同叉。價錢五餸一麵，62蚊， 加2蚊 有奶茶咖啡等等， 價錢係石硤尾黎講都唔算貴。好再番黎食…查看更多

食過幾次，湯底同餸都好一般，沙嗲湯麻辣湯唔夠濃，淡到好似溝左水咁。唯一可取係價錢平，但如果係買外賣會俾好少湯，少到以為自己食緊撈麵，呢間唔難食但距離好味爭好遠。…查看更多

叫咗牛腩豬大腸同魚肉春卷河粉，味道一般般，而且超級鹹。牛腩雖然感覺算新鮮,但冇乜特別;大腸嘅口感就差啲,外面太軟，入面太彈，甚至有啲硬;魚肉春卷就細份且脆度一般，同埋係麵粉做，唔太得。河粉滑嘅程度都勉強及格,冇乜令人難忘嘅感覺。如果唔係特別想食車仔麵嘅場合,我估我都唔會再光顧啦。…查看更多

方仲滿，人稱 moon 姐，香港飛碟學會會長，如果有留意開 UFO 或外星生命嘅人士相信無人不識，唔識就好打有限啦! 難道 moon 姐係石硤尾 JCCAC 攪講座展覽，於是去捧吓場，離開之後，經過哩間五味俱全車仔麵，又有段時間無食過車仔麵，於是推門入去幫襯.另外吸引我入去嘅原因係裝修，牆上掛上好多七八十1年代電影海報! 單單見到"最佳拍擋千里救差婆" 嘅電影海報，回憶馬上返哂嚟! 而裝修環境同樣充滿舊香港風味.車仔麵點咗幼麵，豬皮，蘿蔔，豬軟骨，女友小熊點咗米粉配冬菇，牛腩同魚肉春卷，另外蒜香炸雞翼同吉列豬扒分開上.蒜香炸雞翼同吉列豬扒分開碟上做法要俾個讚! 唔會浸濕哂影響口感，而兩者同樣脆口，由其係吉列豬扒，豬扒又厚切，外脆內軟口感豐富，最值得推介!另外出色嘅仲有豬軟骨，軟骨部位脆口得嚟鬆軟，豬肉入味，同樣值得推薦.蘿蔔份量比其他車仔麵店份量大，而且鮮甜，抵食.最失分係飲品，點咗杯凍菜蜜但味道較淡.埋單離開時.... 好想問佢地邊到搵翻舊海報出嚟，但我估問D侍應人佢地都未必知道囉....…查看更多

抵食高汁車仔面, 女友覺得仲好食過深水埗文記. 價錢平之餘份量多, 好多餸都好味. 蘿蔔: 最好味呢樣, 每次必點, 味道自然清甜, 唔會死甜, 一份有四大舊牛腩: 每舊肉都一層肉一層脂肪, 質地夠淋, 非常入味, 一份四大舊豬大腸: 大舊厚肉又入味, 冇膻味冬菇: 大舊又厚肉, 蠔油好入味魚皮餃: 唔知係咪自已整, 好味過出面嗰d和風牛肉: 吉野家嗰種洋葱牛肉, 可惜比較乾, 比較細塊同碎卤豬手: 冇乜卤水味, 係爽口彈呀嗰種 (唔係我鍾意嗰種)(面) 湯腸粉: 非常滑, 好飽肚, 浸左湯好鮮甜, 同雞湯/豬骨湯夾d(面) 烏冬: 普通啦, 勝在唔駛加錢(湯底) 沙爹湯底夠香濃檸茶既檸檬有時幾新鮮, 奶茶茶味香濃, 好有誠意阿姐擺低碗麵好輕手好温柔, 唔係好慣hahabtw拉麵碗好靚, 隻顏色好似星空咁…查看更多

第一次食都係沙嗲湯底 濃郁 可以當湯飲而且個次好多餸😰🤢🤢🤢🥴🥴🥴今日完全係水水水🤧💦💦💦💧普通湯底 冇咩味而且三餸得好少好少🤏🤏🤏感覺好求其：上次食豬手有好多豬毛 好恐怖不值一試…查看更多

同朋友深水埗一日遊，去左美荷樓同上左山，見呢頭附近開左好多野食，就搵左間價錢相宜既入左我地一行六日大概6點幾到，唔使等位，不過再夜少少都有多人食。 座位都闊落，6個人坐唔覺逼。一睇餐牌都覺得抵食！5味俱全梗係要叫5個餸啦！都係$48，仲要不論價錢任揀，超抵！餸既選擇都多，但手打魚肉就可能會賣晒，今次無緣一試。5餸餐，烏冬、通菜、菇、大腸、貢丸、蘿蔔加汽水，因為太熱加多左$4要冰底。 通菜新鮮，菇同大腸好入味，腸仲爽口既，蘿蔔夠甜，貢丸都好香食落唔會成口油。感覺高質！我地仲試左小食風味茄子🍆秘製醬汁酸酸地加埋咸咸地既茄子，好夾。但就多油左少少🤏蒜香雞翼，好香口，係生炸既感覺，唔會太油，雞都好滑。總拾，咁既價錢同質素真係超值，d餸絕對唔係得一兩粒，會再黎！…查看更多

一月份食過一次，感覺唔錯，$48 有五餸一麵，仲包罐汽水，加$3可以轉即沖飲品。就咁聽可能覺得好貴，但其實份量都唔係少，都夠滿足講真，隔幾條街嘅文記，呢個價錢可能得一、兩款餸咋！對我嚟講，食嘢最好大堆頭五個餸就真係 very good 今次我揀咗水魷魚、滷水豬大腸、陳皮魚蛋、蒜香雞翼、牛丸，油麵配麻辣汁。本身好鍾意食水魷魚、豬腸、魚蛋，呢度嘅陳皮魚蛋真係正，陳皮好入味！魷魚同豬腸都唔錯，牛丸同炸雞翼就一般啦。麻辣汁都ok，夠辣朋友就揀咗糟鹵豬手、滷水豬大腸、手打魚肉、韭菜餃、牛柏葉，油麵加底 ($10)，配腩汁。朋友話豬手同豬腸都唔錯，其他就一般啦。飲品方面，汽水就唔使講啦，凍檸茶又沖得幾好喎！茶味夠濃啱晒我呢啲 “檸檬茶精” 會再幫襯！…查看更多

新屋邨樓下開咗幾間舖，全部都試過！只差依間未試，放假特意去點知差到一個極點 😣😣😣蘿蔔有渣、湯底清水、 豬紅一夾就散 ，麻辣汁得個死辣，質素差唔怪得完全冇人！ 有一樣都可以讚嘅大腸洗得都幾乾淨冇味！…查看更多