雲川百味

营业中

休息中

元朗市中心新開咗間雲川百味，主打雲南米線、四川粉麵、雲吞及水餃等等，一於不坊試吓啦。店內地方比一般米線舖大，格局類似茶餐廳，環境明亮潔淨，坐得舒服。餐牌內種類都好多，有單餸套餐 $48，揀一湯底嘅粉/麵及一款餸，另加多一款餸 $10。湯底有多款，可配米線/麵或紅薯粉 ; 餸有三十幾款選擇，真係好多。除咗湯粉麵仲有飯類、拌麵、特色小食及飲品。麻辣湯紅薯粉 依碗湯底濃郁，帶少少辣，亦飲到麻椒味，好開胃，湯底有大量芽菜、韮菜、蔥同辣肉碎。依碗餸揀左蒜香雞扒同香辣腩肉，煎得香脆嘅雞扒，加入蒜蓉好惹味，腩肉陣陣香辣味，肉質軟嫩，配埋爽滑嘅紅薯粉，都好掛湯汁，食落依然好味。鮮魚湯米線    另一碗點咗鮮魚湯底，啖啖鮮香，魚香味散發出來，無味精同無魚腥味，飲完整碗都唔會口渴，清甜嘅湯底配埋米線，食落好爽滑，吸入魚嘅湯汁，魚湯米線個人覺得最喜歡，配合爽口芽菜同葱。揀咗兩款餸，香茅豬扒同墨魚餅，豬扒同墨魚餅都煎得脆口，豬扒肉嫩鮮爽，墨魚餅入口軟綿，墨魚味特出，都好滋味啦。滷水雞中翼 $30依款滷水唔同港式製法，味道唔會過鹹，帶有淡淡嘅滷水香料，雞翼肉質嫩滑，食起嚟唔會膩，口味特別，唔錯嘅選擇。

第一次食這間，米線是比較軟身，是好吃的米線，豬骨湯底微辣，可以接受。豬軟骨有三四塊，芝士腸有四五條，墨魚餅有三四塊。整體感覺不錯，不得不提，這間店的翻枱率好高，根本有人埋單就有人坐，還要排籌等位。

喺元朗市食碗米線，見呢間光猛大大間就入咗去。佢地有好多外賣單，外送係咁響之外有極多街坊嚟自取外賣，幾受歡迎。地方闊落，唔使坐得好迫湯底口味有8款，配料選擇算多，麵可選米線或麵或紅薯粉，另外仲有飯類。酸辣米線配菜有辣肉碎，芽菜，蔥，韭菜同酸菜，味道OK。餸我揀咗豬軟骨同豬大腸，個豬軟骨好大件，煮得夠透入味，幾好食！豬大腸有嚼勁，份量大方。另一碗叫咗鮮魚湯米線，配料有芽菜同葱，餸揀咗豬潤同韮菜水餃。鮮魚湯好鮮，豬潤煮得啱啱好。米線滑，質地偏淋身。口痕叫多份小食，唔算厚但都算大塊，剪開大約有8件，開心share啱啱好。咬落去有微微香茅味。加錢配飲品餐牌：

個人嚟講我都幾鍾意食米線，以前成日食雲川，而家又見到元朗有間叫做雲川百味，入去試下有冇咩特別先。餐廳好多人差唔多坐滿曬，店員服務態度都唔錯，不過人太多就要搭枱，座位比較窄，唔係坐得太舒服所以都係食完就走。今次叫咗蕃茄湯底米線，餸就繼續係我最鍾意食嘅豬頸肉同埋豬大腸。單叫一款送價錢就$48,另外每款加十蚊，凍飲加三蚊。米線嘅份量正常，不過就冇芽菜或酸菜等等配料。蕃茄湯嘅濃郁，有幾舊蕃茄，但係比較奇怪嘅係，佢啲鹵水豬腸雖然好入味，但係覺得嗰陣鹵水味比較奇怪...好似太過濃郁？而豬頸肉我就覺得稍為過咗火喉，食落開始有少少燶嘅苦味😅不過今次係第一次嚟食所以比較唔到平時味道係咪一樣。。。印象中，好耐之前試過洪水橋嗰間都係叫雲川百味，味道都ok唔知係唔係分店。仲睇嚟講都係另一間「雲川」好食啲。

原來雲川百味元朗大馬路開左分店，咁大件事無人講？食開佢洪水橋分店，鍾意佢地個湯底啱口味，是日經過元朗店即刻試下佢。元朗分店店很大，冷氣十足好舒服。好好彩坐到卡位‘即刻落單先。⭐腩肉豬紅酸辣米線朋友叫左酸辣湯底，餸揀左腩肉同豬紅。份量很足，腩肉同豬紅都多件，腩肉半肥瘦入口即化，豬紅有口感，湯底酸酸辣辣好開胃，正🤤⭐肥牛蘿蔔胡麻米線自己就點左胡麻湯底，餸就要左肥牛同蘿蔔。湯底辣中帶鮮勁正，蘿蔔鮮甜無渣好好食，成碗粉連湯都飲埋，太對胃了😍⭐炸大腸仲叫左份小食炸大腸，炸得香口脆身，內邊煙煙韌韌，點下辣椒粉同酸甜醬更好味。⭐凍鴦鴛 & ⭐凍檸茶食辣野梗係配凍飲，大大杯又夠凍，正！想食米線嘅好選擇！好食過連鎖店，足料大碗又好味😋

元朗有不同的米線店鋪，有本地, 台灣，四川派別, 每日經過也見到學生們填滿店內的位置，今早終於可以輕鬆地吃過早午飯了食物 ： 腩肉豬膶魚湯米線 + 凍檸茶 $61味道 ： 腩肉可以，難得豬膶不硬而軟 👍🏻, 魚湯就不太似魚湯，下次可能要轉其他湯底作評分吧！在元朗少店米線種類多，這一間味道方面也可以，但係價錢就比較偏貴，其實現時吃什麼店舖的米線食物是差不多這個價錢，不過只係得二個餸就好似貴了少少，車仔麵檔就可以吃三個餸吧！如果有下午茶時段更好👍🏻

呢晚一家人係元朗廣場行完街，突然好想食米線！見到呢間有卡位坐又多人就入來試下🥰.大讚姐姐人真的超好👍🏻對小朋友也好，連bb車都俾我枱入來😂粉和配料、小食選擇超多❗️真的要慢慢揀.老公好辣點左麻辣米線中辣，真的辣得過癮🌶️我就點左酸辣的微辣，對我就剛好🥰真的大大碗好足料👍🏻好多芽菜、肉碎和蔥，配菜份量也好足，大愛豬腸淋身入味，豬耳夠哂爽口，肥牛配辣一流，蝦卷大大條又彈牙👍🏻.小食雞翼也好出色，脆口又juicy，點泰式辣醬好好味😋再點多碗豬扒米線走辣俾個女，食到停不了大叫好食！豬扒份量太多了幾個人努力食到食不完🤣.呢間真係好有驚喜，平民價錢，食物大大份又好味😋店員又好親切，一定會再幫襯！

📍 雲川百味｛元朗｝ 人氣米線🍜雲川百味開左黎元朗，當然要去食番餐，再番工🤭🤭印象最深刻嘅一定係佢嘅蕃茄湯底，夠晒酸夠晒惹味，之前都不停食，今次黎到必食🩷✨ 紅薯粉-大酸辣見到一碗滿滿炸醬嘅紅薯粉喺我面前，真係好滿足😌 螺旋藻索咗啲湯連埋薯粉食有啲口感～湯底係大酸辣，酸得好突岀，辣得好香口，湯頭唔會太鹹，食完唔會口渴👍✨ 紅薯粉－番茄湯好推介紅薯粉，口感極煙韌！滑嘟嘟 掛滿香濃醬汁好香好惹味🥢尤其是係蕃茄湯，吸收晒湯汁嘅精華，最後變咗蕃茄濃湯撈，勁好食😋配埋花生、炸醬、芽菜、蔥花！我哋仲加咗兩款餸，豬頸肉、韭菜水餃🥟韭菜餃搭配肉質鮮嫩，韭菜的清香，完美包裹住豬肉的鮮美🐷豬頸肉啖啖都好爽身，又入味！✨ 香脆蝦春卷原隻鮮蝦，咬落爽口彈牙，脆卜卜又香口！

同朋友專登搭輕鐵去元朗食酸辣粉🌶️🍜，點知一入到舖頭已經滿座，等咗一陣先有位！不過啲嘢食份量大到嚇人，味道又夠晒正。仲有卡位坐，邊食邊睇住大西北獨有嘅輕鐵都幾舒適🚊☺️📌香辣腩肉豬大腸酸辣湯紅薯粉🐷🐷🌶️🍜湯底酸辣平衡，夠刺激但唔會辣到咳！紅薯粉爽滑彈牙；腩肉軟腍入味；豬大腸彈牙無怪味，吸晒湯汁嘅精華仲有成堆配菜，辣肉碎香辣惹味、酸菜夠開胃、芽菜爽脆、韭菜同蔥加添香氣！😋 份量多到我同朋友差啲食唔晒📌香茅豬扒蒜香雞扒豬骨湯台灣麵🐔🐷🍜原本走咗配菜，點知畀咗一堆新鮮娃娃菜我，爽甜又 juicy配濃而不膩嘅豬骨湯底香茅豬扒嫩滑入味；蒜香雞扒煎到金黃香脆，台灣麵 Q 彈有嚼勁，飽到飛起！📌日本海苔魷魚燒🦑魷魚燒外脆內軟，裹上日本海苔粉咸香得黎唔會太重口，啱晒邊食邊傾偈！📌咸檸七 & 📌咸檸無糖可樂🥤🥤咸檸七酸酸甜甜，清新解膩，仲有陣陣檸檬皮嘅香氣無糖可樂加咗咸檸，飲落好似汽水升級版，夠晒特別！🥤📍雲川百味元朗青山公路 - 元朗段242號福德樓地舖#雲川百味#元朗#福德樓#酸辣粉#台灣麵#米線#酸辣湯#豬骨湯#蕃茄湯#鮮魚湯

元朗米線鋪每間都有自己特色同味道，呢間我鐘意佢大大間，有卡位坐，又有陽光，同埋我鐘意佢個豬骨湯底，唔係清湯顏色個種，叫咗微辣，但其實完全唔辣！米線套餐包一款餸$48，每加一個餸就$10，送熱飲，個價錢都ok！一碗係豬骨湯米線配咗豬扒條同墨魚咀，豬扒條都算淋，墨魚咀幾多粒。另一碗係酸麻樂金湯米線配豬頸肉同豬軟骨。酸麻樂金湯味道會比較酸，一開始飲嘅時候有啲麻，之後就有酸菜嘅酸味，同豬骨湯嘅顏色好接近！呢度個人覺得最好食嘅係豬頸肉同豬軟骨，豬頸肉好入味，豬軟骨就好淋好大舊。我哋仲叫咗一款小食，日本海苔魷魚燒，呢款幾大食，魷魚幾粗身。

🌟 評分3.5/5 ⭐（雞扒驚豔・墨魚丸伏位）🍜 必試推薦 ✅ 煎雞扒蕃茄湯米線 -雞扒超水準：外皮金黃脆口，肉質嫩滑多汁，醃料入味不死鹹，絕對值得為佢回頭！ - 蕃茄湯底：酸甜自然，無人工香精感，濃度剛好唔會過鹹，開胃度滿分～ ⚠️ 伏位提示 ❌ 墨魚丸 - 口感偏粉無彈性，鮮味不足，有「空氣感」，建議轉配其他配料 🍹 飲品 - 凍檸茶：普通茶記水準，解渴合格但唔好期待有驚喜 💡 用餐體驗-環境：典型米線店格局，乾淨企理 -服務：落單上菜效率快，午市人流多但唔使等好耐 📌 總結 「為煎雞扒值得一試！墨魚丸可skip，蕃茄湯底自然酸甜～」

最近去咗元朗嘅雲川百味，麻辣米線仲可以自選辣度，從微辣到超辣完全啱晒自己嘅口味✨豬頸肉 & 蒜香雞扒麻辣米線 豬頸肉肥瘦適中，嫩滑有咬口；蒜香雞扒外香內嫩，配上濃郁麻辣湯底，辣得嚟又帶微麻，口感層次豐富🌶️豬頸肉 & 韭菜水餃麻辣米線 水餃皮薄餡足，加埋豬頸肉同麻辣湯底，味道層次更加提升🤤水餃皮仲吸收晒湯底嘅精華，食落特別惹味❗️家鄉手撕雞手撕雞肉質嫩滑，配埋麻醬同辣油，又有辣嘅後勁，底層仲有清爽嘅青瓜墊底，平衡味道之餘仲多咗一份清新感🥒凍檸茶 食麻辣米線一定要飲杯清新解膩嘅凍檸茶，茶底清爽🍋

有一個星期六嘅夜晚去咗食呢間米線，七點幾去到差唔多坐滿晒，感覺呢間米線店都幾受歡迎～豬頸肉米線（麻辣湯底微辣）呢碗真係有驚喜！一上枱已經聞到陣陣香味，麻辣湯底微辣啱啱好，辣得黎又唔會太刺激。豬頸肉係成餐嘅亮點，香氣十足，燒得好香，肥瘦比例啱啱好，每一啖都超滿足，真係好味到令人想再嗌多碗～😋腐竹肥牛米線（酸辣湯底）酸辣湯底真係幾開胃，酸酸辣辣，成碗湯底係辣中帶爽嘅口感。肥牛片厚薄適中，腐竹都吸收咗湯底嘅精華～🔥日本海苔魷魚燒呢個炸魷魚絕對值得一讚，炸得香脆，外層嘅海苔味好突出，咬落去仲有少少彈牙，外脆內彈🤣🤣魷魚又唔韌～真係幾滿足。呢款小食好適合鍾意炸物嘅朋友🦑麻辣雞腎麻辣味調得唔錯，香麻入味，辣度啱啱好。不過雞腎係淋身嘅，唔係脆口嗰種，對於我呢個鍾意爽脆口感嘅人嚟講就唔算太啱，不過勝在份量夠多，鍾意麻辣嘅人應該會幾鍾意～🙈🌶️小總結✨✨呢間米線店除咗湯底幾有水準，小食款式仲好多選擇，睇到好多其他枱都有嗌唔同嘅小食。整體嚟講都幾滿足～炸魷魚係另一個亮點，下次嚟會再試吓其他小食，想試豬大腸😋～🍜

話說呢間店由裝修開始我已經有留意，因為見到招牌上店名與另一間自己食開嘅屯門某米線店只係多兩個字，一開始以為佢哋分店。但我已同店員fact check此雲川百味只係同洪水橋分店有關係，同屯門嗰咋呢就⋯⋯名物豬頸肉、處理腐竹絲嘅方法，甚至酸辣湯米線湯底，點菜單據個夾嘅顏色設計其實都同屯門嗰間一樣咁滯，難怪坊間有人會以為兩者係同一間嘢。不太清楚當中來龍去脈，知情的能否寫寫滿足下我嘅好奇心～第三次嚟食，都係食佢哋嘅豬頸肉，又係啦，香口嘢帶點焦脆嘅邊，切到一條條咁上，加上本身豬頸肉嘅口感，好食！又嗌咗腐竹絲，又係剪到一絲絲，但對比返屯門嗰系列，屯門係剪得幼細啲，呢度就闊咗少少，個人認為幼啲口感好啲。見到佢餐牌上都係有炸大腸不過我冇叫。呀另外再加咗份生菜，即係三個配菜。酸辣米線要咗小辣，嚟到就真係小辣嘅，酸味足，感覺佢哋係比其他米線舖嘅酸係偏酸少少，I like it！跟餐$3有凍飲，叫咗杯凍檸茶少甜少冰，冰真係有少到嘅，茶底就正常嘢，檸檬片有四塊不過係好薄切，不過督完飲落係夠檸檬味嘅。呢度有啲座位好flexible，食食吓隔離吉位多咗張細摺枱坐兩個人，繁忙時間走盞又多兩張單。雖然多人到打仗咁，我

㊗️各位吃貨「金蛇喜迎春，蛇年行大運」！🐍 小編今日來到元朗一間米線店「雲川百味」，在屯門有5間分店的米線店，主打5款米線湯底，分別為酸辣湯、麻辣湯、鮮魚湯、豬骨湯、酸麻金湯，可選熱拌米線，成為米線關注組十大米線，被譽為屯門及元朗區最強米線🙌🏻 大推秘製豬頸肉、炸醬、豬扒、香辣腩肉等米線配料，米線控不能錯過🍜「酸辣湯小鍋米線」必食米線3餸「秘製豬頸肉」，豬頸肉切成條狀，醃製入味，然後煎至焦香，表面加上蜜糖帶甜香🍯 「香辣腩肉」口感極軟嫩，經過長時間熬煮，秘製滷汁非常入味，味道帶甜辣✨ 「螺旋藻」帶香甜鮮味，具有排毒、降三高、消脂和抗氧化等功效🙌🏻「日本海苔魷魚燒」魷魚鬚炸超級酥脆，口感彈牙，加上海苔味炸粉，更提升魷魚的鮮味，香口惹味，推介各位的滋味小食🦑 🍽 ：酸辣湯小鍋米線（單餸，加餸額外$10）👅好味指數：8.25/10💰消費：HK$68📍 地址：雲川百味 (元朗)元朗青山公路 - 元朗段242號福德樓地舖