影片
元朗市中心新开咗间云川百味，主打云南米线、四川粉面、云吞及水饺等等，一于不坊试吓啦。店内地方比一般米线舖大，格局类似茶餐厅，环境明亮洁净，坐得舒服。餐牌内种类都好多，有单𩠌套餐 $48，拣一汤底嘅粉/面及一款𩠌，另加多一款𩠌 $10。汤底有多款，可配米线/面或红薯粉 ; 𩠌有三十几款选择，真系好多。除咗汤粉面仲有饭类、拌面、特色小食及饮品。麻辣汤红薯粉 依碗汤底浓郁，带少少辣，亦饮到麻椒味，好开胃，汤底有大量芽菜、韮菜、葱同辣肉碎。依碗𩠌拣左蒜香鸡扒同香辣腩肉，煎得香脆嘅鸡扒，加入蒜蓉好惹味，腩肉阵阵香辣味，肉质软嫩，配埋爽滑嘅红薯粉，都好挂汤汁，食落依然好味。鲜鱼汤米线 另一碗点咗鲜鱼汤底，啖啖鲜香，鱼香味散发出来，无味精同无鱼腥味，饮完整碗都唔会口渴，清甜嘅汤底配埋米线，食落好爽滑，吸入鱼嘅汤汁，鱼汤米线个人觉得最喜欢，配合爽口芽菜同葱。拣咗两款𩠌，香茅猪扒同墨鱼饼，猪扒同墨鱼饼都煎得脆口，猪扒肉嫩鲜爽，墨鱼饼入口软绵，墨鱼味特出，都好滋味啦。卤水鸡中翼 $30依款卤水唔同港式制法，味道唔会过咸，带有淡淡嘅卤水香料，鸡翼肉质嫩滑，食起嚟唔会腻，口味特别，唔错嘅选择。下午来到点套餐跟饮品，拣咗奶茶及好立克，茶味够突出，口感香醇，好立克带微甜，好饮。
继续阅读
第一次食这间，米线是比较软身，是好吃的米线，猪骨汤底微辣，可以接受。猪软骨有三四块，芝士肠有四五条，墨鱼饼有三四块。整体感觉不错，不得不提，这间店的翻枱率好高，根本有人埋单就有人坐，还要排筹等位。
继续阅读
喺元朗市食碗米线，见呢间光猛大大间就入咗去。佢地有好多外卖单，外送系咁响之外有极多街坊嚟自取外卖，几受欢迎。地方阔落，唔使坐得好迫汤底口味有8款，配料选择算多，面可选米线或面或红薯粉，另外仲有饭类。酸辣米线配菜有辣肉碎，芽菜，葱，韭菜同酸菜，味道OK。𩠌我拣咗猪软骨同猪大肠，个猪软骨好大件，煮得够透入味，几好食！猪大肠有嚼劲，份量大方。另一碗叫咗鲜鱼汤米线，配料有芽菜同葱，𩠌拣咗猪润同韮菜水饺。鲜鱼汤好鲜，猪润煮得啱啱好。米线滑，质地偏淋身。口痕叫多份小食，唔算厚但都算大块，剪开大约有8件，开心share啱啱好。咬落去有微微香茅味。加钱配饮品餐牌：
继续阅读
个人嚟讲我都几钟意食米线，以前成日食云川，而家又见到元朗有间叫做云川百味，入去试下有冇咩特别先。餐厅好多人差唔多坐满晒，店员服务态度都唔错，不过人太多就要搭枱，座位比较窄，唔系坐得太舒服所以都系食完就走。今次叫咗蕃茄汤底米线，𩠌就继续系我最钟意食嘅猪颈肉同埋猪大肠。单叫一款送价钱就$48,另外每款加十蚊，冻饮加三蚊。米线嘅份量正常，不过就冇芽菜或酸菜等等配料。蕃茄汤嘅浓郁，有几旧蕃茄，但系比较奇怪嘅系，佢啲卤水猪肠虽然好入味，但系觉得𠮶阵卤水味比较奇怪...好似太过浓郁？而猪颈肉我就觉得稍为过咗火喉，食落开始有少少㶶嘅苦味😅不过今次系第一次嚟食所以比较唔到平时味道系咪一样。。。印象中，好耐之前试过洪水桥𠮶间都系叫云川百味，味道都ok唔知系唔系分店。仲睇嚟讲都系另一间「云川」好食啲。
继续阅读
原来云川百味元朗大马路开左分店，咁大件事无人讲？食开佢洪水桥分店，钟意佢地个汤底啱口味，是日经过元朗店即刻试下佢。元朗分店店很大，冷气十足好舒服。好好彩坐到卡位‘即刻落单先。⭐腩肉猪红酸辣米线朋友叫左酸辣汤底，𩠌拣左腩肉同猪红。份量很足，腩肉同猪红都多件，腩肉半肥瘦入口即化，猪红有口感，汤底酸酸辣辣好开胃，正🤤⭐肥牛萝卜胡麻米线自己就点左胡麻汤底，𩠌就要左肥牛同萝卜。汤底辣中带鲜劲正，萝卜鲜甜无渣好好食，成碗粉连汤都饮埋，太对胃了😍⭐炸大肠仲叫左份小食炸大肠，炸得香口脆身，内边烟烟韧韧，点下辣椒粉同酸甜酱更好味。⭐冻鸯鸳 & ⭐冻柠茶食辣野梗系配冻饮，大大杯又够冻，正！想食米线嘅好选择！好食过连锁店，足料大碗又好味😋
继续阅读