二鍋頭 (好運中心)

营业中

休息中

同事生日，所以放咗工約埋一齊去食放題，大家都係住沙田，所以諗住喺沙田搵放題或者自助餐食，其中一位同事推薦二鍋頭，佢話性價比高，所以我哋就決定去呢間，好彩提早book位，我哋平日晚上18:30去到已經座無虛席～我哋揀咗安格斯120分鐘放題 ；首先我哋就食咗火焰牛尾煲先，上枱好有氣勢打卡一流，牛尾好入味，而且好腍，之後再食惹味雞煲，好多配料所以好香濃，好入味，而且份量十足，繼續再嚟酸菜魚，湯底調配剛剛好好醒胃，魚肉好嫩滑，食咗三個煲之後我哋就開始打邊爐，火鍋食物種類好多款，肉類、海鮮、丸類、蔬菜類…..仲有多款嘢飲，汽水、茶品、啤酒，而且仲有多款雪糕雪條任食，我個同事真係無介紹錯，真係性價比高！

今晚我哋一行幾人，放咗工一齊去沙田食放題，係得沙田食放題一定揀二鍋頭 ，@hotpot2f 位置好方便，就係好運中心，係沙田站行過嚟都唔使5分鐘，餐廳環境寬敞，座位舒適，乾淨企理～麻辣惹味雞煲；份量十足，夠香濃惹味，配料十足、味道濃郁～酸菜魚鍋；魚肉香滑，勁正呀～火焰牛尾煲；上枱氣勢一流，打卡正呀！炆得好香濃，牛尾好淋又好滑，好好味～食完三個煲之後繼續打邊爐，我哋揀咗泰皇冬陰功湯底，食得好飽呀！呢度食物種類多元化，你想點配搭都有，真係好誇張！仲有多款啤酒、汽水、茶品選擇！一次過大滿足，絕對係性價比高嘅放題～

最近天氣涼番少少，又係時候約埋朋友打邊爐啦! 今次去左沙田一間幾出名既火鍋任飲任食火鍋放題店價錢由$288起已經可以120分鐘任食雞煲、牛尾煲、豬手煲、酸菜魚鍋同打邊爐，CP值超高! 沙田分店更設獨有午市火鍋放題，有90分鐘 或120分鐘火鍋放題可供選擇架煲類有四款可以選擇，包括：惹味雞煲、香濃黑椒豬手煲、秘製火焰牛尾煲及嫩滑酸菜魚煲大推牛尾煲，平時放題店比較少見，一放上枱會點火，店員會炒吓啲牛尾，打卡一流牛尾炆得好腍又易咬，夠曬入味之後仲試左雞煲同酸菜魚煲，雞件滑溜，酸菜魚酸味香濃，啖啖肉唔會好多骨之後可以轉打邊爐煲打邊爐，有成9款湯底，今次揀左冬蔭鍋肉類海鮮類要用手機QR CODE落單 ，打邊爐配料例如丸同菜就喺自助區拎牛肉方面有牛板腱、安格斯封門柳、手切金錢展、本地鮮滑牛肉特別推介牛板腱，肉質軟腍重牛味，食落一啲都唔韌海鮮都好多選擇，脆鯇魚、蝦、蜆、吊桶仔、青口，款款都好新鮮😙最後食埋個麵真係好飽，大滿足😆飲品都有好多選擇，記住留肚食埋雪糕，多款口味實有款岩大家😙

-啱啱入秋🍂 天氣涼返少少梗係要打邊爐啦😍 今日去咗一間以120分鐘任食套餐聞名嘅火鍋店 真係好驚喜！😋 呢個套餐內容豐富到不得了B餐 嚴選安格斯牛+秘製火焰牛腩煲 💰$268首先 套餐入面包咗個一個任選嘅熱食 可以揀雞煲 豬手 牛尾 或者酸菜魚 我哋心血來潮試咗個秘製火焰牛尾煲🤤 牛尾煮得軟嫩 仲有一陣香料味 食落去令我口水直流🤤🤤 職員即場炒 當火焰燒起來嗰刻 氣氛瞬間提升 真係好有feel！🔥🔥食完之後就換成打邊爐😋 嚴選安格斯牛火鍋每片牛肉切得剛剛好 肉質鮮美又多汁 油花分布得恰到好處 真係肉食愛好者嘅夢想🤤 配上養生滋補嘅鷓鴣鍋湯底 清淡又唔失味道，食完令我整個人都暖晒❤️除咗牛肉 仲有西班牙豬梅肉同紐西蘭羊卷肉 就算唔識牛嘅朋友都有得揀 🐖🐑 豬肉嫩滑 羊肉有獨特風味 煮幾下就熟 食落去一啖接一啖 根本停唔到😋😋套餐入面仲有好多新鮮蔬菜同小食 令火鍋更加豐富🤩 而飲品方面 任飲選擇多到爆 無論係果汁果凍爽 定係想健康啲嘅涼茶都有 隨時解渴🥤最後 當然要提下套餐入面嘅雪糕都係任食㗎 仲有榴槤味添😍總括來講 呢間火鍋店嘅任食套餐唔單止食材新鮮 仲超級抵食 今日嚟食嘅時候全場滿座

沙田好運中心翻新之後開咗好多新嘅食肆，今日同朋友嚟一間叫二鍋頭，晚上七點火鍋店已爆滿，店員話有一張二人枱啱晒我地。😋120分鐘火鍋放題🅱️餐，有惹味🐔雞煲、黑椒🐖豬手煲、火焰🐂牛尾煲同酸菜🐟魚鍋4款煲無限任食，我地揀咗火焰牛尾煲，店員即場製作加入玫瑰露酒點火燒牛尾，酒香四溢，牛尾炆得好軟，牛味又濃好好味道。上豬骨湯底及送上兩客安格斯牛小排，任叫項目可叫牛板腱、安格斯封門柳、金錢展及鮮牛肉。封門柳肉味最濃，金錢展有咬口，牛板腱就最軟腍，另外有海蝦🦐、花枝🦑、蜆等多種海鮮。自助區有很多台式丸類，蔬菜，響鈴，炸魚皮等好多選擇。飲品櫃有啤酒🍻🍷汽水各式飲料任揀，雪糕選擇亦唔少。總之就各式其色，總有啱食嘅食物，總括而言食物選擇很多而且新鮮，任食火鍋食物質素都很好。

同朋友聚會，見好運中心多左咁多食肆就即管試下，見冇乜心水就求其搵間烚下烚下，見網上都話算抵食，又見可以食幾款煲，之後再打邊爐，咁就試下喇。平心而論食物質素係可以嘅，只係可以選擇嘅食物都係大路嘢，又冇話有乜特別好同特別伏，但環境真係好一般，地方窄都算了，打邊爐除咗個爐之外最緊要係冷氣，簡直熱到好似冇冷氣咁，焗到冇胃口。最唔得係員工嘅服務質素，由入催開始就催落單，催催催，其實作為客人，入座開始計時，我地都唔急你有乜咁急呢？睇下餐牌駛死咩？反正係咪都計我120分鐘，咁鍾意催不如轉行吹管弦樂喇！到左剩低30分鐘個四眼瘦瘦嘅待應就開始不斷提我地，20分鐘又提，5分鐘開始執嘢，最後未超時就已經講有人緊黎叫我地走，其實出面根本冇人排隊，更加冇客人要入座，竟然可以擘大眼講大話，咁嘅趕客態度真係祝佢好運。

最近又食多一間放題邊爐✌️安格斯牛任食 $268呢個套餐佢包咗任食雞煲、牛尾煲、同埋豬手煲，仲有新出嘅酸菜魚煲🤩今次我就揀咗牛尾煲，因為佢唔係間間放題店都有，一於試吓正唔正！店員一放上枱就會幫我哋開爐 ，會係我哋面前幫我哋炒吓牛尾 。牛尾炆得好腍，好入味，唔會過太鹹太淡。好快就已經KO晒成個煲，食到舔舔脷😋食完之後就可以要求店員轉打邊爐煲，有成9款湯底任你揀😍 我就揀咗胡椒豬肚雞，清得黎又有雞湯味，我自己就好鐘意🫰肉類海鮮類就要用手機落單 ，其餘打邊爐配料，例如丸同菜就喺自助區度揀。今次我哋揀呢個套餐，仲送咗兩碟牛小排🙊肉質非常非常之腍，好有牛味，一啲都唔韌，好好食！如果有得任食就更加好啦😂套餐有得任叫牛板腱、封門柳同金錢展。3款牛都各有千秋。我自己就最鐘意牛板腱，肉質腍又有啲好軟腍既筋又唔會太肥。海鮮都好多選擇，有脆肉鯇、吊片、蝦、蜆、鱔片，樣樣都好新鮮！打邊爐打得健康都有好多菜俾你揀，有成6、7款架😙最後食埋個麵嚟做結尾😆有讚岐烏冬、出前一丁、韓國麵，食到肚都爆🤣飲品有成超過10款揀，最最最後記住留肚食埋雪糕，原來cocoberry既雪糕都幾好味架喎！🙊

位於沙田好運中心火鍋放題，放題選擇價錢有三種，今次就中間B餐，眼見B餐肉類都不少，同朋友二人就食B餐啦，如果朋友多啲可以選擇C餐，肉類質素會更高選擇更多。放題一開始會介紹四款煲，有惹味雞煲，香濃黑椒豬手煲，秘製火焰牛尾煲，嫩滑酸菜魚窩，四款煲都可以任食喜歡的話可以食齊四款，今次同朋友就叫咗個秘製火焰牛尾煲，上菜時店員會幫你個牛尾煲再炒一炒撈勻啲配菜然後加入酒精點火，好有特色，牛尾煲味道香濃，有花椒洋蔥炒埋一齊，牛尾炒到入晒味，件數仲要唔少，同朋友食完已經有五成飽，然後食完牛尾煲可以叫店員換上打邊爐湯底，而今次湯底就叫咗胡椒豬肚雞鍋，湯底清甜草胡椒味。-火鍋配料，外面有凍櫃放咗好多丸款同蔬菜，有需要可以自己到凍櫃自己揀。-配料仲有多款海鮮自己叫，牛肉方面牛味濃郁，厚薄剛好。-飲品櫃及雪糕櫃多款選擇，汽水茶類任揀。所有套餐星期一至四加$60仲可以升級為無限時，想同朋友慢慢傾偈慢慢食可以選擇升級。

呢間嘢係一個平日夜晚去食，我哋揀咗任食打邊爐，中間個價位。食完個雞煲之後，職員同我哋講可以繼續試下其他煲我哋先知仲有咁多選擇 btw雞煲幾好食，如果食得落我哋會叫第二轉。我哋叫咗酸菜魚，不過就覺得麻麻地，試唔到其他煲因為要留肚食牛肉，下次會再試其他煲牛肉品質就普普通通，可能要揀最貴果款先得，其他菜品都唔錯，蔬菜好新鮮，嘢飲選擇都好多。總之非常抵食，坐兩個鐘都夠，好啱同朋友聚會吹水，係我哋下次會再揀既餐廳。

沙田任飲任食雞煲、牛尾煲、豬手煲、酸菜魚鍋、打邊爐，全部都係任食！無限添！喜歡吃中菜的真是非常適合！而且價錢不貴！價錢由$288-318！好抵食！更是任食120分鐘！先介紹煲類，總共有四個煲可以選擇，包括：惹味雞煲、香濃黑椒豬手煲、秘製火焰牛尾煲以及嫩滑酸菜魚煲。這次先吃牛尾煲，非常入味！香味俱全！而且肉質又易咬，易誰骨，很好吃！之後再吃豬手煲，滑嘟嘟好香濃！接著便開始打邊爐，選了皮豆芫茜鍋。牛肉方面有牛板腱、安格斯封門柳、手切金錢展、本地鮮滑牛肉。海鮮有脆鯇魚腩、脆鯇魚片、青口、鮮吊桶仔、活海蝦、活海蜆等等。真是十分豐富的任食！

3小時任食4款鍋物再加火鍋放題超吸睛！必試即席秘製火焰牛尾煲🥘 秘製火焰牛尾煲、惹味雞煲、黑椒豬手煲、酸菜魚、火鍋，我們統統都想試 ! 這次「舞」朋友們的聚會來到位於沙田好運中心的二鍋頭。餐廳最近推出3小時任食烤魚雞煲火鍋放題套餐，雞煲+牛尾煲+豬手煲+酸菜魚都任食，最後更可以打邊爐 ， 又是餓底組出動的時候了!🐮 安格斯牛火鍋套餐 $268/位 (+$60可升級至無限時放題)🐮 秘製火焰牛尾煲店員即席加白酒落點火，視覺效果一流。醬汁味道香濃，牛尾啖啖肉，炆得入味易入口。🐔 惹味雞煲雞煲可自選辣度，雞件份量份量慷慨。女生們比較眼闊肚窄，吃了2款鍋物已經半飽，只好留肚吃火鍋。🥘 湯底香茜皮蛋鍋/蕃茄薯仔濃湯鍋/川椒麻辣鴨血鍋/懷舊沙嗲鍋/泰皇冬蔭功鍋/正宗豬骨鍋/越式香濃牛肉鍋/胡椒豬肚雞鍋/清湯豆腐鍋由於吃了兩款比較濃味的鍋，湯底方面挑選了較清淡的清湯豆腐鍋，平衡油膩感。🍖 肉類及海鮮:餐廳會送贈每位一份安格斯牛小排。另可點選封門柳、美國牛胸腹、牛板腱、金錢牛𦟌。海鮮方面有鮮蝦、蜆、墨魚仔、魷魚、脆肉鯇魚等。火鍋配料各款丸類、蔬菜、公仔麵以及飲品和雪糕都可以在自助區任取。

【沙田區】【二鍋頭】同我幾位上司同親屬一行四人去咗沙田市中心打邊爐，我呢啲為咗搏取升遷機會而乜都做得出嘅「博升玩具」當然係樂之不疲。好運中心裝修之後有呢間任食火鍋都未食過，就食佢哋嘅「120分鐘火鍋放題」。揀最平 $228 嘅「精選牛肉」套餐，就我，窮。先食佢哋任食嘅「二鍋頭惹味雞煲」，正常水準。而我哋火鍋個餐包咗任食安格斯牛板腱、西班牙豬梅肉、紐西蘭羊卷肉同超過 100 款火鍋配料、蔬菜、飲品、雪糕，湯底要「正宗豬骨鍋」，以呢個價錢嚟講，啲嘢算有交待，都唔太可能要求得太多喇。我哋係喺星期五、六、公眾假期及前夕幫襯佢哋嘅，所以要喺價錢上面再加 $10 一位，再另收加一，埋單價四位係 $1047，位位兩舊幾。埋單嘅時候有個小插曲，餐廳居然唔收信用咭，但係收現金或者 Payme 之類，搞到同事爭啲儲唔到商場電子消費積分。。。（地址：沙田橫壆街1-15號好運中心3樓3109及3110號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #fo

上次去完尖沙咀店～覺得牛尾煲好正 今次再同朋友們嚟沙田～ 不過今次就唔食烤魚太飽 剩係牛尾、雞、豬手煲任食+$258 安格斯牛放題~3小時夠晒皮 今次同行朋友唔食辣~牛尾仍然好正，非常入味，膠質重，有咬口得嚟唔韌。雞煲唔辣較為遜色～無計朋友bb辣都食唔到～ 食完兩款雞煲就打邊爐，揀左清湯豆腐湯底清d～更加突出安格斯牛既味道～因為每位會送安格斯牛小排～食原汁原味 肉類： 除左安格斯牛小排，仲叫左安格斯封門柳、牛板腱、手切金錢展，前兩款好重牛味，後兩款比較有咬口。 海鮮： 海蝦、蜆、墨魚滑 海蝦幾大隻，有蝦膏，肉質彈牙 蜆唔算大隻勝在鮮甜 墨魚滑幾有咬口 自助區： 拎左蔬菜、芋絲、丸類、粟米、金菇、響鈴、魚皮等 除左食肉都要配番d蔬菜，均衡飲食好緊要 飲品櫃： 啤酒、汽水、茶好多款唔同自由選擇～ 我地就飲雪梨海底椰潤下、馬蹄爽、無糖茶 雪糕專區： 有朱古力、雲尼拿、芒果等 我試左椰香芋頭雪條都唔錯 當日都爆滿，有自己一個人、一家細＆三五之己，3小時一路傾一路食，真係好滿足。

未試過打邊爐冇冷氣，好運商場冷氣已經唔夠，裏面個個食到成頭汗，叫個湯底冇叫雞煲等左15分鐘唔止，一路食一路成身汗，冇下次啦，食咁多間未試過食到成肚氣，成身汗，d職員仲慘，成日走來走去，成頭汗🥵🥵🥵🥵🥵

睇完馬田條片去好運中心搵食見到呢間雞煲都幾熱鬧就決定入去試一試揀雞煲嘅時候最特別係除咗辣定唔辣🌶️店員會問食唔食雞腳同芫荽都唔肯定啲雞腳係人地唔要定係額外加嘅😂整體味道偏鹹🧂反而香料味唔重係有少少失望嘅至於雞肉不過不失🐥每件細細舊呢度可能係半隻雞左右?!🤨食完之後店員話可以再加但我地決定留肚打邊爐呢到仲有一個特別之處係個邊爐同個雞煲係分開嘅🤡<澳洲M6和牛>呢個勁厚身食落好煙靭肉味好濃郁油花都好靚㗎但係都係不怎麼樣...<黑安格斯牛頸脊>正正常常但我覺得切得太厚啦🤏🏻所以口感真係麻麻地...<南非和牛>見到呢個幾得意想試下都係失望而回嘅😿明明啲花紋幾靚👐🏻但食落都係牛味唔算重口感好煙靭👽<頂級安格斯牛>呢個係咁多款牛最好食嘅一款👏🏻有肉味口感又唔韌都值得encore多一碟☝🏻<美國極黑和牛>冇和牛嘅味道同口感 甚至肉質有啲柴唔推薦😿<日本熊本豚肉>豚肉麻麻地🐷因為厚身 所以口感比較韌🥲<牛舌>牛肉味都OK~口感都OK~至少唔會咬唔斷都係合格嘅牛舌👅<沙嗲湯底>唔