更多
2025-07-27
59 浏览
呢個舖位近乎每間餐廳做得唔長,將舖位定位為冰室都係近年首次。的確本小區冇乜邊間叫‘’食得吓‘’嘅茶記冰室,所以落去試試。成間餐廳連埋外面大約30個位左右,一入門口姐姐係有禮貌有招呼。街坊式嘅服務,認得好多熟客,記得佢哋想食啲乜、唔要啲乜,今時今日買少見少 餐牌簡單屬少款式,的確符合餐廳大細嘅設定。餐廳環境張貼咗好多 夠‘’地‘’ 嘅港式正能量字句,得意嘅加分位沙爹牛肉麵 跟 餐蛋方包 配 茶走少甜 $39,呢個價錢、質素,成份早餐我俾80分以上 - 麵湯有味、牛肉軟嫩,沙嗲汁比較“大路”正常發揮。個麵浸咗差唔多五分鐘先食,個質感都係可以接受, 成個組合係有心機,唔係粗製濫造。餐肉同方包正常嘢,炒蛋係用扒爐炒,較可惜係面頭過熟、內裡濕潤。茶走少甜係用茶粉配電餅爐造,茶色醒神,奶份量啱啱好;茶底厚薄適中,唔會好淡或者過龍。淨係呢杯奶茶,足以夠我決定一定會再嚟食早餐,希望店家加油可以keep到整體質素。
成間餐廳連埋外面大約30個位左右,一入門口姐姐係有禮貌有招呼。街坊式嘅服務,認得好多熟客,記得佢哋想食啲乜、唔要啲乜,今時今日買少見少
餐牌簡單屬少款式,的確符合餐廳大細嘅設定。餐廳環境張貼咗好多 夠‘’地‘’ 嘅港式正能量字句,得意嘅加分位
沙爹牛肉麵 跟 餐蛋方包 配 茶走少甜 $39,呢個價錢、質素,成份早餐我俾80分以上 -
麵湯有味、牛肉軟嫩,沙嗲汁比較“大路”正常發揮。個麵浸咗差唔多五分鐘先食,個質感都係可以接受, 成個組合係有心機,唔係粗製濫造。
餐肉同方包正常嘢,炒蛋係用扒爐炒,較可惜係面頭過熟、內裡濕潤。
茶走少甜係用茶粉配電餅爐造,茶色醒神,奶份量啱啱好;茶底厚薄適中,唔會好淡或者過龍。淨係呢杯奶茶,足以夠我決定一定會再嚟食早餐,希望店家加油可以keep到整體質素。
张贴