二八巷弄

本來想試好出名的肉餅，但去得太遲賣晒，搵其他店食就發現呢間小店食到一半先記得影相XD唯有影下餐牌同高速婆婆www鹽酥雞扒外脆內嫩，大大塊，加上惹味的肉燥飯呢個價錢簡直超值唯一美中不足係飲品無乜選擇，只得紙包同汽水如果可以配埋手搖飲品成件事就完美了除左食物美味之外，店員的服務都非常好，用餐體驗一流！不過坐位比較少，而且係似吧台咁坐，對環境就不要有太高期待了XD…查看更多

二八巷弄 今日同朋友係西九龍中心溜完冰，想發掘下附近有咩隱世美食，最後俾我搵到間性價比幾高食台灣菜既小店，雖然呢度環境空間有限，但店主都好貼心，椅下位置準備滕籃安放私人物品。 ▪︎主食💫鹽酥雞肉燥飯 $44鹽酥雞外皮酥脆，內裡肉質嫩滑肉燥味道夠濃郁，唔會太膩，配料仲有半熟蛋同酸菜～💫薑蔥雞飯 $50肉質嫩滑且皮薄無脂肪，雞件有齊唔同部位飯粒吸晒雞油同蔥油，非常惹味～▪︎小食💫香酥柯仔煎 $55外皮煎到金黃酥脆，內裡蚵仔新鮮飽滿，內埋青菜同蛋，整體口感外酥內嫩＆層次豐富；有埋魚露同微辣醬俾你配搭💫椒鹽魷魚鬚 $35魷魚爽口彈牙，份量都唔少～脆漿唔會太厚同甩漿，口感酥脆可口～💫上湯雲吞(5粒) $25雲吞皮薄餡靚，蝦肉爽彈，餡料足夠湯底味道清甜鮮美，無味精感。💫鹽酥菇 $35外皮香酥脆卜卜，菌香突出且菇肉多汁；食落去調味分佈均勻，好香椒鹽味📊回頭指數：8.5/10📍深水埗欽州街37K號西九龍中心6樓美食廣場6FC27-29號舖…查看更多

又黎到西九食野，是晚就揀左位於六樓的二八巷弄，新店黎噃，上次黎都未見嘅。主打台式肉燥飯、酥炸小食、同滑雞飯，配撘都幾多款式，價錢親民。⭐滷蛋肉燥飯肉燥醬幾正喎，豬肉碎半肥瘦，入面仲有唔少香菇，混埋鹹菜一齊食好開胃。⭐椒鹽魷魚鬚又香又脆有咬口，正😍⭐鹽酥菇咬落水嫩多汁，菌香好正！⭐香酥蚵仔粒隻隻肥美飽滿，咬落鮮味香酥，好食！⭐冷泡茶跟飯加$5有紙包飲品😋炸物即叫即炸好香脆，份量仲唔少添，好味又抵食😍…查看更多

深水埗西九龍中心六樓food court(二八巷弄)隱世招牌台灣菜料理親民價錢抵......抵!!，地理位置好方便。❣️煎豬扒肉燥飯豬扒肉質鮮嫩juicy，肉燥香氣樸鼻，醬汁入味，米飯吸收肉汁鮮味十分可口❣️香酥蚵仔煎外皮金黃酥脆，內餡鮮嫩飽滿多汁的蚵仔，搭配蛋清香，口感層次豐富。加上荳板醬的點綴更增添風味❣️原隻脆皮豬手外皮金黃酥脆，脆中帶煙韌膠質口感，肉質鮮嫩帶咸香yummy❣️滑雞半隻(沙薑)肉質鮮嫩滑口，預制時間剛好，肉骨分離👍，配上沙薑醬清香更添惹味❣️椒鹽魷魚鬚外脆內嫩，鮮魷魚鬚的彈性十足，配上香濃的椒鹽，帶出微辣的刺激與香氣😋…查看更多

西九龍中心六樓Food Court真係好多野食，每間小店都設有數個堂食位置，或者可以坐中間長檯慢慢享用，種類多元化，今次就試台灣菜二八巷弄🤩價錢真係幾平，主食大概$38-$55，主要都係肉燥飯或者雞飯，我點左香酥蚵仔肉燥飯，蚵仔分開上，薄透炸衣，外皮金黃酥脆，肉燥加入大量香菇，勁好送飯😆小食額外叫左原隻脆皮豬手、鹽酥菇同沙薑滑雞，豬手份量勁多👍🏻好有膠質，不過皮再脆d更好，鹽酥菇入面好juicy，唔會覺得油膩，推介！沙薑雞肉質幾滑，調味唔會好鹹，整體都幾好食…查看更多

深水埗一向多好嘢食，西九龍中心都係其中一個地標，food court夠晒多選擇，除咗八樓之外，近期亦新開咗六樓嘅food court，今日來食台灣嘢。脆皮豬手肉燥飯 :豬手肉質鮮嫩多汁，鹹香味十足，外皮卜卜脆；肉燥飯味道微甜，有好香嘅香菇味，配飯嘅酸菜令整體更加開胃。香酥蚵仔煎 :超級大份，仲長過隻筷子，仲要好足料，有好多蠔仔，炸得好鬆化，令人一口一口咁食過不停。椒鹽魷魚鬚 :外皮炸漿夠薄，魷魚鬚入口彈牙，椒鹽味夠晒香口。…查看更多

同朋友到西九龍中心六樓美食廣場搵食，八掛下睇下有沒新野開、見到有間主打台式料理的「二八巷弄」，叫左幾樣招牌試吓。我地叫左肉燥飯、霸王雞飯同小食，大致整體真心吾錯婢美台灣正宗料理。鹽酥雞扒配肉燥面：鹽酥雞扒外皮酥脆，使用番薯粉或木薯粉裹粉，油炸後形成金黃酥脆的外殼，咬下去會有明顯的「喀滋」聲。雞扒經過醬油醃制，五香粉等並採用「二次油炸法」，先低溫炸熟，再高溫逼油，使肉質保持鮮嫩多汁。 加入五香粉、胡椒粉等，使雞肉入味，帶有咸香和微辣的風味。好有層次感。肉燥夠晒醬油香帶有豬油嘅香氣和醬油的濃郁味道。霸王雞飯：雞肉嫩滑，姜蔥夠曬入味、加上豉油醬香，一啖接一啖。椒鹽魷魚🦑：炸粉夠曬薄，金黃酥脆，魷魚爽彈，不會太干，加入五香粉、香酥柯仔煎：口感非常豐富，外脆內軟，邊緣酥脆，煎制時澱粉糊形成的焦脆外皮，略帶金黃鍋巴感。 內部軟糯、地瓜粉或木薯粉的糊化作用讓中心部分Q彈濕潤，類似軟糯的麻糬。新鮮蚵仔受熱後外層微凝，咬開時內里溢出海洋風味的汁水，雞蛋煎至半熟，包裹食材的同時增添蓬松質地，有時邊緣略帶焦香。總結：價錢合宜 高質台式料理…查看更多

尋日同friend去咗西九龍中心掃街，見到六樓美食廣場新開咗間叫「二八巷弄」嘅台灣嘢，就入去試吓。我哋叫咗個鹽酥雞扒肉燥飯同雲吞雞飯，再加咗幾款小食。講返個鹽酥雞扒肉燥飯先，啲雞扒炸得超正，外脆內嫩，啖啖肉汁，調味啱啱好，唔會太鹹。肉燥都好香，撈埋啲飯一齊食真係一流！至於雲吞雞飯，啲雞肉好滑，湯底清甜，雲吞皮薄餡靚，整體都唔錯。小食方面，我哋叫咗鹽酥菇、鹽酥雞翼同椒鹽魷魚鬚。嘩！真係要大讚佢哋嘅鹽酥系列，炸得勁香脆，完全停唔到口！鹽酥菇外脆內juicy，好正！鹽酥雞翼夠晒惹味，肉質嫩滑。椒鹽魷魚鬚都唔錯，夠晒彈牙，不過如果椒鹽味可以再重啲就好喇！總括嚟講，「二八巷弄」嘅嘢食都幾高質，價錢又合理，下次去西九龍中心一定會再去encore！…查看更多

二八巷弄😋😋😋美食大都會深水埗西九龍中心6、7、8、樓、美食聚會點、地道美食文化交流區、食客川流不息、大快朵頤！開放式bar台、品嚐台式肉燥飯、小食！別有一番風味😁✨脆皮豬手肉燥飯脆皮豬手肉質鮮嫩多汁、外皮香脆，帶有微微的鹹香和香料味、口感層次豐富、每一口都能感受到肉質的鮮美與香脆的對比、搭配肉燥飯、米粒粒粒分明、吸收肉燥濃郁香氣、令人垂涎、回味無窮😋✨煎雞扒肉燥飯手掌大雞扒、煎至外皮、金黃酥脆、肉質鮮嫩多汁軟綿綿、台式港版肉燥飯、滋味滿足！✨滑雞半隻（沙薑）沙薑滑雞色澤金黃、肉質鮮嫩多汁、搭配獨特醬汁、滑順口感、香氣撲鼻、令人回味無窮、美味無窮！✨上湯雲吞5粒清淡鮮美湯底、薄薄外皮包裹鮮蝦、口感滑嫩、心滿意足！✨椒鹽魷魚鬚台式版魷魚鬚、炸至外酥內嫩、魷魚爽口彈牙、灑上椒鹽、口感層次豐富、滋味又惹味！✨鹽酥菇鹽酥菇外酥內嫩、香氣四溢、經過香料調味、口感酥脆、每一口都能感受到菇類的鮮美與鹽香、大快朵頤😆二八巷弄深水埗欽州街37K號西九龍中心6樓美食廣場6FC27-29號舖港鐵南昌站D1出口、港鐵深水埗站C1出口…查看更多

週末同幾個朋友一齊嚟咗呢間喺西九龍中心嘅小店食午餐🤣$55「香酥蚵仔煎」：蚵仔煎 有好多蠔仔，外邊煎得脆脆哋，香口好食🤣；仲有，勁大份，份量真係好多🤩$50「薑蓉滑雞半隻」：雞肉不同部位有不同口感，總體嚟講都夠滑，沾埋薑蓉一齊食又惹味啲🤣，$50 半隻雞，好抵🤩$48「蚵仔肉碎泡飯」：呢個係潮州式蠔仔肉碎飯，蠔仔肉碎湯 同埋 白飯 分開上，幾特別🤣，蠔仔肉碎湯 裏邊有好多蠔仔，湯底味道鮮甜，將啲湯倒落飯度整泡飯，好味道🤣$50「蔥油豬扒雙蛋飯」：豬扒大大塊煎得幾香口，豬扒肉質軟熟，配埋煎雙蛋，連埋蔥油一齊撈飯食，好夾🤣$80「原隻脆皮豬手」：豬手皮脆脆哋，豬手肉有啲鹹香，都係香口幾好食😋$25「上湯雲吞五粒」：雲吞幾大隻，簡單好味🤣$6「無糖可樂」：要咗兩罐，凍冰冰嘅可口可樂就梗係好飲啦🤣…查看更多

二八巷弄 (深水埗)樣樣食物都擊中我嘅靈魂味蕾！先講個香酥蚵仔煎🦪，蚵仔大粒又鮮甜，煎到外層金黃酥脆，咬落去「卡滋」一聲，內裡軟嫩爆汁，再配上酸甜醬汁，真係食到停唔到口！仲有椒鹽魷魚鬚🦑，完全係下酒必點！炸到乾身唔油膩，椒鹽味均勻滲透每一條魷魚鬚，咬落去彈牙有嚼勁，香口到我連手指都要舔埋😋！炸雞腿🍗一上枱就香到我流曬口水！外皮炸到超級酥脆，一咬就聽到「咔嚓」聲，雞肉卻嫩滑多汁，仲滲住淡淡蒜香，我一個人就KO咗兩隻！最後嘅沙薑滑雞半隻🐔，雞肉嫩到好似豆腐咁，沙薑味濃郁又唔嗆喉，送飯一流！我成碗飯都被雞汁撈到清光😆！老闆娘勁親民，呢間舖真係掂到無朋友！食完即刻想帶埋成班friend再去食過！…查看更多

又去左西九龍中心搵食今日揀咗呢一間 二八巷弄叫左沙薑雞飯同蚵仔煎兩樣都幾有驚喜！🐔 沙薑雞飯：雞肉滑嫩，帶住濃濃沙薑香氣，連埋雞油撈飯食真係超香～食完好滿足！不過食嘅時候要小心雞件有碎骨！🦪 香酥蚵仔煎：香脆金黃，外皮唔會太厚蚵仔冇腥味，每一啖都勁多蚵仔配埋豆瓣醬同魚露，食到停唔到口。平時好少見蚵仔煎，今次真係一時口癮點知一上枱嚇左一跳，勁大份！CP值唔錯不過一個人食就唔建議好似我咁，因為真係食唔晒🥲🥲…查看更多

約咗朋友喺西九龍中心夾公仔！夾到咁上下去醫肚～見佢價錢都幾抵食就試吓！主食2款🌟脆皮豬手肉燥飯好足料！豬手脆皮肉唔鞋酸菜可以解膩～肉燥唔係好多肥豬肉嗰隻～送飯一流！🌟煎雞扒肉燥飯佢另外有鹽酥雞扒選擇 更有台式風味不過朋友今次想食煎雞扒 雞扒嫩滑～雞皮煎得好香～小食2款🌟香酥蚵仔粒一般都係食蠔餅多～呢個蚵仔粒幾特別而且份量都唔少 好似食極都有嘅😂🌟蜜糖腸佢個名叫係蜜糖腸，但其實我覺得佢似台式腸～$22/2條 size唔細價錢合理～…查看更多

【📍深水埗｜用心製作台灣地道口味】未講嘢食之前想先讚吓餐廳嘅店員，咁啱小編坐喺度等嘢食嘅時候，隔離嚟咗位喉嚨唔舒服嘅女士要堂食～但礙於餐廳本身冇唔凍嘅嘢飲，店員竟然為佢哋即場煲水認真貼心💕💕.🐨脆皮豬手滷肉飯 $48推薦度：⭐️⭐️⭐️⭐️⭐️️滷肉飯係台灣口味，相比起坊間舖頭冇咁濃味，反而多咗一種甜味，同埋好濃郁嘅香菇味，食晒一碗都唔會有好飽滯感。同埋有酸菜同滷蛋作配菜，會有好Flash嘅感覺刺激味蕾！脆皮豬手就咁睇就知佢夠晒香脆，肉同脂肪嘅比例都好好，入口食到鹹香又有油脂感，但唔會好肥膩。同埋豬手唔係死鹹，配埋芥末醬食認真惹味🍖🍖.🐨鹽酥雞翼 $32推薦度：⭐️⭐️⭐️⭐鹽酥雞翼即叫即炸，上枱嗰陣熱辣辣出晒煙。鹽酥酥皮唔會好厚，而且保持到入邊肉嫩同肉汁，對於台灣嘢食嚟講絕對有驚喜🤩🤩同埋單睇炸皮嘅顏色，感受到唔係用千年油嚟炸，唔會有油膱味。另外提供泰式辣醬，有助令植物減少油膩感，同時有一種微微嘅辣味，每一啖一啖想追住嚟食🙂‍↕️——☼——☼——☼——☼——☼——二八巷弄📍地址：深水埗欽州街37K號西九龍中心6樓美食廣場6FC27-29號舖🐨推薦度：😋😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡…查看更多

這間新開的台灣餐廳位於深水埗西九龍中心內的美食廣場，主打正宗地道的台式及港式料理，價錢定位親民貼地，食物份量非常充裕，炸物即叫即製非常酥脆可口。店前設有少量座位能觀察到廚房製作過程，看得見的乾淨衛生，又或早可到美食廣場中央的座位享用。鹽酥豬扒肉燥飯 - $48大大塊豬扒分為三件，薄透的炸衣毫不油膩，鹽酥的椒鹽粉鹹香可口，豬扒軟腍多汁；肉燥飯有滿滿的台式肉燥，免治豬肉的肥瘦肉比例較平均，淋上滷汁鹹中帶甜，口感細緻豐富；半邊台式滷蛋滷汁滲透蛋黃，綿密鬆軟非常香濃，還有少少酸爽的台式榨菜。魷魚鬚肉燥飯 - $48魷魚鬚厚肉的部位煙煙韌韌有嚼勁，而觸鬚位較香脆。香酥蚵仔煎 - $55金黃酥脆的蚵仔煎充滿豐富層次，渾圓肥美的蚵仔清鹹鮮甜，粉漿比例恰到好處，有濃郁的蛋香及蔬菜的清甜．鹽酥雞 - $30一粒粒雞腿肉無骨，啖啖肉嫩滑多汁。鹽酥雞翼 - $32肥美飽滿的雞中翼帶骨的肉香味更濃厚，咬開流出濃濃肉汁。汽水 +$6紙包飲品則$5。…查看更多