九龍餐室

早餐C 特濃蕃茄手撕雞湯通粉幾豐富嘅早餐！個蕃茄湯幾濃味，煮到啲通粉入晒味，雞絲都唔少，一早食係會令人好開胃同精神啲。而奄列入面都加左好多火腿，夾落個餐包到食仲正，成個早餐加埋超飽🤣可以唔使食晏晝了…查看更多

剛巧接近6:30前經過此處，見到店外食物照片好像很好吃的樣子，便入座。職員都說仍然可以點下午茶。於是我點了一個大路的「瑞士汁乾炒牛河」。因為好耐沒食過啦。突然間好想食。再加了一杯熱檸檬水。等了不是很久，先送上熱檸檬水（有3大片檸檬🍋） 之後便到「瑞士汁乾炒牛河」上場。一看樣子，感覺色水未夠，不過，心諗味道夠便可了吧。我先試第一口河粉，都算滑，而且幼幼、都有火喉，但略嫌偏淡咗少少。之後食咗啲芽菜同埋椰菜，發現椰菜好生（可能我比較喜歡食林身一點）但洋蔥🧅都好生，有點辣。主角牛肉。。。食完第一啖之後，真係感到十分之失望！成碟牛肉，我得三片牛肉可以吞到落肚。其餘嘅牛好韌。，雖然不算乾，但完全食不到「牛味」。真係十分之失望…查看更多

噚（7-9-2024 Sat）晚，又同老公去完宜家傢俬攞咖啡渣用後，又諗食乜嘢，其實我又未肚餓，但老公就話要正常食嘢，咁佢諗啦，行到嚟眾安街呢邊，佢就話嚟九龍餐室，啊，OK。我哋嚟到係啱啱一半full，坐低後睇下menu再睇下晚餐價錢由$88.00 - $128.00不等，好貴，再睇返menu探索，最後決定要：2.跟餐加$3.00嘅凍奶茶呢個茶味較淡，但都算OK。3分4.加$6.00嘅熱檸水呢個普通，就算我冇乜篤啲檸檬都有澀味。2.5分1. $52.00嘅魔鬼夾心菠蘿油餐，加$10.00要豬扒，另一樣就揀芝士嚟到睇見菠蘿油大大個，個面佢脆，豬扒軟熟但鹹咗啲，唔係夾埋芝士食都覺得鹹。4分3. $66.00嘅菠蘿咕嚕豆腐飯睇見咁得意嘅配搭，所以叫呢個，嚟到見到豆腐都唔少，食落，豆腐唔係脆口，我唔知係咪都應該要將豆腐炸脆，但我就有啲失望。講返味道，汁嘅味微微偏酸，之後一路食，啲汁就稀到好似水咁，因為豆腐內裡有水，唔知係咁，所以冇乜人整呢個‘’懷舊菜‘’。3分服務：會自動俾一人一杯水。唔錯，當我落單要菠蘿咕嚕豆腐飯時，女侍應提我呢個係齋。環境：梳化開始有啲爛，明白嘅，唔緊要，但我個位冷氣唔夠，我一路食一路流汗。上次食評係2023年2月4日刊登嘅呢篇 ：https://www.openrice.com/zh/hongkong/review/blue-%E4%B8%80%E8%88%AC-e4701838…查看更多

放低個仔去補習，下午茶兩公婆去揾嘢食，走咗入去坐低，叫咗兩份菠蘿油加奶茶菠蘿油上枱，仲大過隻手掌但係唔熱唔暖，若果可以叮叮佢會好啲⋯⋯塊油用冰鎮住幾好，但若然再大塊多少少加厚切會更加perfect 👍👍👍最後，杯奶茶，一啖入口有少少𠲵，攪勻多兩嘢再入口，茶葉味幾香幾農，茶味幾出，10分會比8.5分嗰隻，幾好👍…查看更多

今日，屋企有事，我自己食飯，去咗九龍餐室食嘢，我叫咗個水煮牛肉加凍檸茶同中湯，我搭位坐，跟住之後，佢哋好繁忙，我搭位個個走，佢哋主管想做生意，我本身坐嗰個位，有空間，邀請我去近廁所位坐住食，不知所謂，有其他位都唔叫人坐，因為我本身坐嗰個位係四人位，態度又差，又講粗口，飲食業嘅敗類…查看更多

-食物品質正常-餐廳內一位中年帶眼鏡的女侍應態度及說話極度不友善（事原：本人入座時間是晚上7：15，朋友遲了來餐廳大概7：30到， 其後用餐，之後傾偈及談論一些保險事情傾耐了，時間去大概9點40分， 我都知唔係太好意思，坐咁耐， 該位侍應話有客等位， 我們都立即終止對話起身埋單讓客人入座， 但女侍應臨尾講多句“下次唔好喺度傾保險”仲要語氣態度不友善，自問侍應同我講要埋單讓位，我絕對接受， 但後面嗰句，乜覺得有須要咁講嘢嗎？…查看更多

早餐唔知食咩好，走咗去九龍冰室食，沙爹牛肉麵早餐配煎蛋腸仔同餐包，仲有凍檸茶。實話實說，食物質素是不錯的，沙爹牛肉麵應該是鋪頭招牌，坐低一陣已經聽到 5-6 個人都係叫呢個餐，食落沙爹汁香濃，牛肉一塊塊，而且份量不少，比起某啲茶餐廳嘅沙爹牛肉碎濕濕咁，呢間真係算唔錯👍🏻服務態度就真係一般，明明有幾個卡位都夾硬要兩個人坐一邊，卡位坐位又窄，服務員態度又唔好，環境清潔度不足，枱面未抺乾淨，椅上有麵包碎，冇人清理，加上坐位又迫，所以快食就離開。…查看更多

26号下午约3pm, 我倆有背囊及手提包, 被安排角卡位, 人流一般, 坐了十分鐘, 食物到了, 被要求左一邊, 说假期人多, 背囊及手提包放哪裏呢？ 我要求給我多十分鐘, 吃完便走, 沒有理會. 兩個客人入坐, 大家面对面, 大家都轉唔到身, 何解要食得咁辛苦, 五分鐘還食完走人, 外面冇人排隊, 呢啲服务态度, 服务员己经变成機械人, 灰口灰面冇反應, 一世都唔會再光顧…查看更多

對於一個常餐鐵粉來說食過咁多間，呢間最好食沙嗲牛肉公仔麵或通粉配火腿奄列配牛油多士，呢個先係傳統鐵三角嘅常餐，啲豬扒雞扒炒蛋no no no先講講沙嗲牛肉一定要份量夠多，先可以包裹到每條面都有醬汁，牛肉非常軟淋入味火腿奄列絕對比煎蛋或炒蛋豐富有誠意，雞蛋煮到剛熟，是剛熟，而不是未熟，點解咁多餐廳都會煮到未熟牛油厚吐司，麵包軟熟唔硬，就係唔夠多士咁脆呢度嘅奶茶好好飲，唔會溶唔澀，啱女仔簡單一個公仔麵餐收50幾蚊，呢個質量值呀老公話呢度鐵板豬手好味呀不過呢度嘅炒粉麵飯就略嫌唔夠鑊氣仲有雜扒餐係無牛扒，只有豬扒雞扒腸仔煙肉，如果想試雜扒餐嘅就不推介了！…查看更多

📍 九龍餐室(荃灣眾安街)🗓️ 6 August 2023又叫咗我好鍾意食嘅沙嗲肥牛炒河粉，而家已經唔係好多茶餐廳有得賣。就咁睇份量都會見到真係好大盒，我每次基本上都食唔晒，要分兩餐食。而且睇得出河粉，亦都有時先炒過，非常用心。不過價錢的確比較貴，河粉價錢為$76，凍檸茶加$9，另加$3外賣錢，所以埋單為$88。🍴 沙嗲肥牛炒河粉 $88另外餐廳亦設有每天午餐，每個星期不同，餐單看上去也非常之吸引，大家可以參考下圖。…查看更多

呢嗰疫情，令到好多食肆嘅營運模式都有所轉變，夜晚9點半後好難係荃灣揾食，食咗好多閉門羹🤗 好難先揾到兩間夜啲收，銀龍同呢間九龍餐室🫣 見到佢放係門口嘅包好吸引，所以決定入去‼️ 三個人叫咗兩嗰是日晚餐同雞尾包🤗 是日晚餐會包白飯、湯同餐飲🤓椒鹽脆皮腰果一字骨 $88 - 賣相都真係okay嘅，但味道真係一啲都唔好食😅上湯菜膽雲吞滑雞煲 $96 - 嗌嘅時候無雲吞，店員無話俾我哋聽，嚟到先知道🫣 佢用咗啲蝦取代🙍🏻‍♀️ 啲雞嘅質素又真係好麻麻🤯不過嗰雞尾包係唔熱嘅情況下有呢個質素，同咁夜都有呢嗰質素嘅茶走，都加返啲分🤓 不過真係未必會再嚟😳…查看更多

朝早去完葵廣後，晚上就去左荃灣繼續掃街，經過九龍餐室時買左個菠蘿油 ($16) 黎食。菠蘿油 ($16)平時見開的菠蘿油都係11, 12 蚊。以定價16蚊黎講，我本身對佢期望相對大，但可惜佢個菠蘿包唔脆的，比一般麵包店更普通，牛油都夠凍但唔夠大塊。下次食菠蘿油就唔會黎依間食了。。。以下係我的評分（滿分為５分）：味道：3分環境：(外賣不評)服務：(外賣不評)價錢：2分推薦程度：2.5分九龍餐室網址: https://s.openrice.com/QrbS0NkC600~uKZISBA地址: 荃灣眾安街14-16號地舖電話: 24777288…查看更多

再次嚟到荃灣呢間冰室，不過今次就嚟食個下午茶。選擇都幾多下，最後就選擇咗個葡國雞扒焗飯。焗飯即叫即焗，大約都等咗十分鐘有多先熱辣辣咁上枱，份量唔算太多，作為下午茶我認為份量都算合理，食物方面雞扒咬落都算嫩口，要挑剔的話係略嫌細塊咗啲同配菜較多，下次有機會的話會試埋其他嘅菜式。…查看更多

今朝早起食過早餐睇大狀（妟咗成個月先有時間睇）接過阿仔放學去補習，之後兩公婆去食嘢行過見到呢間，據聞幾好食，咁就入去試吓坐低叫咗黑椒牛肉炒意粉凍檸茶黑椒意上枱，賣相可以一咬入口，黑椒味香口，牛肉唔嚡但少滑，但食到尾得番紅椒嘅辣，一般一般…查看更多

荃灣食肆林立，要搵嘢食話都無咁易，當晚非常寒冷，咁啱經過呢間餐廳就比餐牌吸引到想食番個羊腩飯暖暖肚，估唔到比想像中更有水準落單後差不多等咗10-15分鐘先上菜，眼見其他顧客都係叫羊腩煲嚟食，大膽推斷我所叫果碟飯都係同一種造法嚟，所以即使我好肚餓都無催侍應。羊腩非常入味又唔會「騷」（個人感覺，本身自己好怕呢陣味），而且又夠冧，件數都算多應該都有6-8舊，最緊要係夠熱！證明真係即刻整出嚟嘅，加埋啲入曬味嘅支竹真係無得頂，一開頭都覺得個價錢好似貴咗啲，但食完後絕對覺得對得住個價錢…查看更多