九龍餐室

有時太夜食飯，係附近見呢間比較光猛，所以就入黎試下之前路過都試過呢到既面包，中規中距餐廳環境呢到主要以卡位為主，都係一般港式茶餐廳既setting座位空間正常，唔會太窄但係衡生情況就一般，餐具都係洗下先用員工服務就一般，唔可能話好有禮貌架啦，但係就不拘小節落單都係快靚正啦食物評價叫左個星洲炒米，同埋小菜套餐—炒脆蝦球 $118呢個小菜套餐價錢唔係平野黎。但係佢中湯，餐飲，阿姐仲額外請我糖水所以我覺得OK，如果炒粉面飯就平D，近乎一半價錢就搞掂上次試過揚洲炒飯，好味喎！整體評價: 推介啦~唔係介意阿姐不拘小節, 反而呢到有種街坊既人性味咁唔錯喎！…查看更多

早上到深水埗買菜，順道在附近尋覓早餐。偶然發現一間未曾光顧的小店，外觀吸引，感覺不錯，便決定一試。點了早餐（E餐），自選配料為煙肉與煎蛋，搭配出前一丁，另加一件酥皮蛋撻作甜品。出前一丁加入麻油，香氣撲鼻，口感更顯滑溜，麵條煙韌有彈性，令人滿意；煙肉與煎蛋亦有水準，煎得恰到好處。可惜蛋撻未夠熱，若能微暖，層次定必更豐富；熱奶茶則香滑順口，但茶味略嫌不足，算是意料之內。整體而言，餐點質素不俗，價錢合理。若能在細節上再下點功夫，相信會更令人回味！#煙肉及煎蛋出前一丁 $42#酥皮蛋撻 $9#熱奶茶#九龍餐室 (深水埗)地址: 香港深水埗汝州街282號地舖電話: +852 31889566…查看更多

28/9係九龍餐室同朋友食下午茶，由侍應安排一卡座，點咗兩個菠蘿油餐，面包又凍而炒蛋火腿又凍又無味。大半個鐘後有一名男侍應過嚟用命令式語氣叫我哋坐埋一邊，是關有兩人要搭枱 ，我哋跟住坐埋一邊 ，但該侍應堅持要我哋兩個人坐埋一排 ，我地無理佢，該名侍應就話要收最低20蚊服務費用 ，我哋話兩個餐已經八十幾冇理由收我哋服務費 。佢就係咁鬧我哋 ，其後有一侍應勸交 ，跟住我哋就起身埋單 。以後都唔再去呢間咁差嘅茶餐廳， 影衰曬香港飲食業…查看更多

成日去食早餐，好鍾意佢嘅蕃茄湯底，好多蕃茄酸味味，今次叫左手撕雞，比較清淡。到我好啱夏天食同事唔知係咪新來，比錯隔離嗰碗我，好彩佢回收之後都係倒咗佢。整體都唔錯…查看更多

天要下雨、人要食嘢。從西九龍中心行出嚟，本來要再去福榮街買嘢，但天空下著微絲細雨，肚子又饑腸轆轆，此時咁啱就望到呢間冰室，決定入去飲啖茶，食個包。打開餐牌就被呢幾個字吸引“特大菠蘿油餐”，睇埋價錢-- $33包埋飲品，OK! 落order個菠蘿包真係好巨大，比成人手掌還要大，食落OK，面層都算鬆脆，包身亦夠軟綿綿。美中不足係個包唔夠熱，做唔到菠蘿油嘅賣點--冰火，而牛油亦唔夠香。整體評價係抵食，但未致於好食，不過唔係差。…查看更多

環境窄，衛生麻麻，食物差，態度更差。叫咗個炸雞脾薯條沙律下午茶餐，52蚊，比其他茶餐廳貴不特止，雞脾炸到又燶又乾，又少咗忽肉咁。而薯條個口感好似隔夜再翻炸咁，沙律就普通，因為好難整得再難食。之後同話得事嘅伙記反映食物質素，佢一句「喺咁㗎喎」就算，完全唔會想主動跟進，態度消極同負面，即刻無晒胃口。既然喺咁，就梗喺唔會再幫襯喇。…查看更多

唔知以為去咗大排檔, 好似80年代咁, 服務態度極差！啲職員嘈冤巴閉, 有手機落單都要大大聲講嘢, 若果要度噪音分貝, 起碼70度以上, 食食下又要人調位, 就出面啲客入嚟坐, 服務態度差到冇人有！唔怪得啲香港人返曬內地飲飲食食, 對呢間餐廳非常失望！…查看更多

九龍餐室，位於深水埗汝州街282號地舖。店內環境嘈吵，點了兩個下午茶，瑞士汁牛肉炒河$56、芥末醬熱狗$42、凍檸茶$3、熱齋啡。📍瑞士汁牛肉炒河$56 ~ 牛肉份量好少，完全食唔到有瑞士汁嘅味道。📍芥末醬熱狗$42 ~ 熱狗包好燶，連最簡單的熱狗都唔好食。📍凍檸茶$3 ~ 味道正常。📍熱齋啡 ~ 反而齋啡算可以，起碼夠熱。性價比低，唔會再嚟。🏷️溫馨提示 ~ 整個用餐體驗均屬個人分享意見，只作參考。九龍餐室地址: 深水埗汝州街282號地舖…查看更多

原本嗌咗一個雞扒榨菜肉絲米線+雞扒公仔麵。最後嚟到變咗雞扒肉絲公仔麵同豬扒公仔麵。啲嘢錯晒都算，一咬落去個雞扒係酸嘅。就算係炸佢都冚唔住個酸味，明顯係放咗好耐，而且啲肉係壞嘅。…查看更多

主食：蕃茄湯營養餐係用羅宋湯湯底個鷄絲似係煲完湯嘅湯渣碗米線細碗到食完好似冇食接受唔到呢個價錢提供呢啲食物另外叫咗個豬扒公仔麵個豬扒勉強可以接受，但公仔面都煮得好難食飲品：用個傳熱嘅鐵杯出熱飲，熱到用手掂唔到叫凍檸茶少冰，係出左勁多冰服務：落單冇禮貌，如果咁唔想同客講嘢，建議餐廳可以用QR code 比客人落單。態度非常之差，落完單飛。張單落枱整體來說：食物差，服務差不會再光顧…查看更多

完全不能接受的服務態度不會在光顧的茶餐廳餐廳衛生好有問題進食中好多烏蠅飛嚟飛去侍應服務態度極差要熟蛋裏面 蛋黃全是生的餐室內有好多空位但是不給客人坐 不斷要客人搭枱…查看更多

我愛吃麵包,尤其是剛出爐的。沿途經過九龍餐室,見一盤盤的麵包,就去選舖滿整盤剛出爐的菠蘿紅豆包。吃得菠蘿油多,推介試下這個外皮香脆內裡充滿紅豆蓉的,外脆內軟,紅豆蓉香比菠蘿油少了邪惡感......…查看更多

身為麵包控的我,放工經過九龍廠室,又見麵包出爐, 就只有交下過路費。一於就揀最熱騰騰的迷人的奶黃墨西哥包。話你知,識食的就一定要揀奶黃墨西哥包,因包面有牛油的咸香味,一口咬下又嚐到包內的奶黃甜滑,口感豐富,此包體積大份量足,我鐘意呀！…查看更多

放工經過九龍餐室,見一盤盤的麵包香噴就買一個雞尾包回家嘆下,返到屋企包仍是暖的,就速洗手,然後用手機後拍下準備一陣吃完就分享。雞尾包芝麻舖在脆面上,一啖咬下嚐到內裏的甜椰香....真滿足…查看更多

經過深水埗，見到呢間舖頭外面好多麵包賣，賣相好吸引，所以就買咗個返屋企食。今次買咗個菠蘿紅豆包，返到屋企用焗爐焗返熱佢黎食，好脆好好味！d 紅豆唔會太甜，甜度剛剛好！而且個麵包超級巨型！…查看更多