九號冰室

茶餐廳向來是眾多港人飯堂，食物種類包羅萬有，定價亦算相宜，今晚來到「九號冰室」就是吃頓便飯，乾手淨腳，去完就走。家家茶餐廳格局都大同小異，但難得這裡座位編排得不算密，牆上除了有不同的菜式推介外，最有趣是貼上好些打工金句，非常搞笑。翻一翻餐牌選擇十分之多，但講到最划算非晚市二人套餐莫屬，包例湯、一道鮮魚或鮮雞菜式、一道是日晚餐款式、油菜、是日例湯及熱飲，另加錢轉凍飲或升級特飲。茶餐廳的基本設定，就是將所有餐具、基本調味料都已放在枱旁櫃桶內。先來兩碗「老火例湯」，入口果然夠老火，味道清甜，攪拌一下，看到有很多湯料，製作一點也不馬虎。首先來的是晚餐B的「陳醋骨」，睇睇賣相，再嗅一嗅，嗅到一陣陣酸香味，感覺已十分吸引。入口 一字骨肉質非常鬆化，有少少脂肪香，亮點莫過於這個陳醋醬汁，酸香醒為，拌飯一流。油菜是蠔油生菜，算不上有甚麼特別，灼得剛好，帶著玻璃生菜的口感。鮮魚、鮮雞菜式我們就選了「清蒸馬友」，因為一向吃魚鮮清蒸最能吃出魚的鮮味，簡單少少薑蔥蒸，確實令到鮮味盡出，馬友的肉質超級嫩滑，不過，小心多骨喔！既然晚市二人餐這麼划算，所以，餐飲就升級了「紅豆冰」及「雪山朱古力」，前者一看便知有非常多紅豆，而且，煮得綿香又青甜，值得讚的是，不是加奶水，而是鮮奶來，更加好喝。至於朱古力，加上很多忌廉，跟朱古力拌勻，更香滑。雖然店主推介他們的霸王雞，可惜我們也吃得很飽，下次再來定會一試。…查看更多

一入門就看到一塊「食飯最緊要開心」的螢光字牌。對！每次食飯都好開心。靠牆有是舒適的卡座，中間還有長枱和圓枱，座位不少，整齊企理，坐得舒適。多份餐牌，選擇不少，有二人套餐、晚餐、常餐、焗飯、咖哩飯、炒粉麵飯、小菜、蒸類、小食、飲品等。二人套餐（$138）有魚或雞揀，另選一樣小菜，配有油菜、白飯/例湯/飲品。揀咗古法蒸馬友，古法是用肉絲、冬菇絲和紅棗蒸，很特別！魚很新鮮，蒸得剛好，又滑又嫩，肉質鮮美。 另一小菜是三杯雞，啖啖肉，皮脆口，鹹香惹味。油菜（$0/跟餐）係灼生菜，很清爽鮮嫩，少油少鹽，清新健康！例湯（$0/跟餐）係蓮藕蘿蔔豬骨湯煲得夠火喉，蓮藕粉糯微爽，沒有味精，家的味道。乾鍋椰菜花腩片 （$78）熱烘烘上枱，鍋氣十足！用料十足，五花腩煎至焦香煸出油脂，吃落一點也不油膩；椰菜花及各配菜都煮很剛好，很爽口！味道香辣惹味，很有風味，推介！型男餐（$65）包一大碗豬扒鮑魚日本出前一丁、火腿奄列及大大個菠蘿油，份量十足，一定夠型男飽肚。豬扒煎得香口，肉腍嫩有肉汁；原隻鮑魚爽口；出前一丁有咬口，滿有麻油香，此組合一流！火腿奄列也不錯，香嫩的蛋皮包着不少火腿絲，豐富！暖烘烘的菠蘿油夾冰凍的牛油，很軟熟，滿口牛油香。凍檸檬蜜（+$3/跟餐）、熱檸檬蜜（+$0/跟餐)都足足有三至四大片檸檬，酸咪咪的檸檬加了甜美的菜蜜，既滋潤又解膩。…查看更多

同同事係黃埔放工，決定一齊食埋飯先返屋企經過依間冰室，門面光鮮整潔，放工時間都有唔少街坊食客，睇落夠晒穩陣😎😎再睇睇餐牌，食物選擇多，仲有個百幾蚊嘅二人套餐，都幾吸引。雞/ 魚，二選一，再喺當日晚餐餐牌度揀一樣小菜，仲有油菜，仲有白飯、例湯、熱飲！超抵食！例湯 竟然比我遇上粉葛湯，可以食到粉葛，屋企嘅味道呀！蔥油雞賣相非常靚仔！勁多薑蔥！超正！我就最鍾意雞髀位置，夠晒滑溜，連埋薄薄嘅雞皮、薑蔥、白飯一齊食，超幸福既味道🥰🥰另一款小菜我哋就揀左當日晚餐餐牌上有既西蘭花炒班球。有驚喜喎，好有鑊氣，有少少蒜蓉味道，好惹味。班腩份量好多，啖啖肉，爽😊蜜餞薯仔牛柳粒諗住散叫多一個小菜，大家食得開心啲，好彩冇揀錯😎😎薯仔粒超級好食，入面好軟熟，外面有少少脆皮感覺，正！蜜餞效果令到每粒牛柳都甜甜地，好味😎😎朱古力雪山我見有好多食客都揀紅豆冰，我就揀咗依杯朱古力雪山，工作太攰，實在需要滿滿嘅朱古力味黎攻陷自己😂😂配搭cream, 成杯朱古力即刻好飲咗好多，超開心簡簡單單，食咗餐性價比非常高嘅晚飯，遇到依間冰室，真係意外收穫！…查看更多

成日經過見到有室外 / 室內, 啱哂d又想放狗又想食茶記嘅狗奴才 😊地方乾淨企理, 燈光舒適, 坐得舒服, 真係可以慢慢食慢慢傾慢慢飲今次絕對係比套餐138$ 吸引咗黎見Set包2飯 1 油菜 1魚/雞 1 小菜2 飲品 (嚇死人咁抵食)一坐低已經人頭例湯, 好足料, 飲完亦都無口渴無哂倉魚 我地揀咗豉汁 - 枝竹 - 蒸黃花 魚肉新鮮無霉霉嘅口感, 肉骨都好易分離, 推介比怕魚骨人士, 啖啖肉枝竹炆到好冧, 非常掛汁, 配白飯真係絕Set 加20$ 有胡椒豬肚雞煲 (用gas爐上真係好有heart)味道辣辣地好惹味 豬肚爽口 配埋西芹﹑雞件﹑豆卜, 味道唔會死咸, 感受到有係經過長時間煲先有咁嘅火侯, + 20$ 絕對推介另外仲叫咗2個煲仔 + 1 炒嘢試試佢- 蝦乾粉絲雜菜煲：澎湃份量, 蝦乾香口, 粉絲吸哂湯汁精華, 菜量又多, 一家大細必叫- 乾鍋椰菜花腩片：微辣送啤酒小食一流，花腩川肥瘦適中， 相當惹味- 豉椒排骨炒河：估唔到排骨份量咁多，真係大方過好多餐廳！豉椒汁加埋河粉真係幾飽都會食哂總結：無諗過冰室有大排檔水準，茶記價錢，冰室環境，大隻佬都必飽份量， 絕對推薦！…查看更多

週日晚上我哋幾個人嚟咗呢間冰室食晚餐🤣$78「涼瓜肉碎煎蛋」：涼瓜切幼條加埋肉碎一齊煎蛋，煎蛋煎到薄薄哋一大片，香口幾好食🤣呢度有好抵食嘅 $138「晚市二人套餐」可以自由組合，咁我哋揀咗「清蒸馬友魚」同埋「金針雲耳蒸雞」，套餐仲包「油菜」，配「例湯/白飯/熱飲/凍飲（+$3）/汽水（+$5）/特飲（+$8）」🤣例湯係「紅蘿蔔雪耳湯」，味道幾清新🤣油菜係「唐生菜」，唐生菜新鮮幾爽脆🤣「金針雲耳蒸雞」：滑雞🐓真係夠晒滑，仲啱啱蒸好熱辣辣🤣「清蒸馬友魚」：馬友魚肉質新鮮兼幾滑，清蒸簡單得嚟食到原味🤣$52「清湯豬扒麵」加 $6 轉「日本版出前一丁」，配「牛油多士」🤣：豬扒勁大塊，鋪滿咗成個碗🤩，豬扒🐷🥩煎香咗肉質軟熟🤣；另外出前一丁就梗係好食啦🤣「火腿煎蛋」同埋「牛油多士」都係簡單幾好食🤣餐飲叫咗兩杯「熱檸檬水🍋💦」同埋一杯「凍檸檬🍋可樂」，兩樣都清新，簡單得嚟好飲🤣我哋3個人都食得飽飽🤣…查看更多

今天下午 ，我去到 紅磡民泰街，九號冰室(紅磡) ，午餐。餐廳牆上掛著一句口號：「食飯最緊要開心」。這句話真是至理名言。#蔥油豬扒飯$60我點了一份蔥油豬扒飯，香氣撲鼻， 加上豬扒嫩滑，讓我胃口大開。另外，我還選擇了凍青蘋果汁，跟餐只需加$8，原價$28，這樣的優惠實在吸引人。飲料端上來時，清新的味道，讓我心情愉悅，喉嚨也感到一陣舒爽。用餐的過程中，我享受著美味的食物，心裡充滿了幸福感。最後，當我埋單時，只需$68，讓我感到物超所值。這段美好的用餐經歷，讓我更加認同那句口號，食飯確實最緊要開心！…查看更多

👫晚市二人套餐 $138呢度既晚市二人餐超抵食，先揀蒸魚/半隻雞，之後可以3揀1揀一個小菜，再送一碟油菜同埋白飯，再配例湯同飲品，兩個人食真係夠晒飽，性價比超高👍🏻👍🏻🐟清蒸馬友蒸魚都有好多選擇，有倉魚、馬友、黃花、鯇魚，仲有不同的蒸法。今日我哋揀咗清蒸馬友，馬友好新鮮，魚蒸得剛剛好👍🏻肉質嫩滑鮮甜😍🥘咸蛋蒸肉餅肉餅入口鬆軟有彈性，唔會過咸過膩，鹹蛋獨特的鹹香同豬肉既鮮甜結合，帶來濃郁的風味👍🏻👍🏻好食！🐮蜜餞薯仔牛柳粒 $88係menu見到呢道菜真係忍唔住要嗌😆我最愛既蜜餞牛柳粒👍🏻 薯仔炸到金黃香酥配埋嫩滑既一口牛柳粒，加上香甜既蜜汁😋好味！要encore ！…查看更多

位於紅磡的港式冰室，地點便利，出地鐵站附近就到了。裡面空間寬敞，有卡位座位；牆壁上貼滿玩味十足的字句，引起香港上班族的共鳴。餐廳跟一般茶餐廳差不多，款式繁多，晚市也有套餐，很划算。晚市二人套餐 套餐有老火湯水、兩款小菜、油菜、飲品及白飯，非常抵食之選，一份小菜是蒸魚或半隻雞，另一款是是日晚餐之選。先喝老火湯，有青紅蘿蔔，豬骨湯濃郁足料。小菜一：蒸倉魚倉魚蒸熟，魚肉嫩滑，上面蓋滿麵豉醬，味道鹹香，很下飯。小菜二：潮式蠔餅新鮮即炸起的潮式蠔餅，金黃酥脆。入面蠔仔份量不多，不過蠔肉大粒飽滿。精美小菜：涼瓜肉碎煎蛋一大塊煎蛋，煎得脆邊。入面餡料有豬肉碎及涼瓜片，口感豐富。晚餐：老壇酸菜魚金湯湯底酸香，有寬粉、酸菜、魚片、雲耳、豆芽等，非常豐富，而且入味，辣度不高，蠻開胃的。…查看更多

雖然現在的冰室已經進化成可以吃早午晚三餐的地方，唔似我小時候睇過的劇集裡面的場景。不過我對冰室一路都有特殊的情意結。這間「九號冰室」就在黃埔站出口步行一分鐘的地方，在油尖旺過去也不過十多分鐘。望着厚厚的一本菜單根本做不了選擇，最後就點了個“首頁推薦”雞扒飯。哦莫哦莫 兩塊大大的雞扒，本食肉獸見到已經狂喜，食落肉質口感很好，煎的程度也十分啱我口味。再點一個經典粵菜生炒骨，將成座山咁高、大大碗的米飯全部吃嗮🤣。既然來到冰室，當然要特地將飲品轉成“紅豆冰”啦！嗯，冇錯，就係呢個港式紅豆冰的味。位置真係好易揾，黃埔站一出嚟就會見到。重點是服務很好，聽到其中一個后生仔的普通話比我好。…查看更多

今天中午，我到紅磡民泰街，光顧一間叫做九號冰室的店。走進去，立刻被那種懷舊的冰室氣氛所吸引，牆上掛著玻璃鏡寫著的九號冰室的鏡牌子，感覺特別。我點了個鰻魚蛋蓋飯，這碟飯真係唔錯！鰻魚煮得恰到好處，肉質鮮嫩，搭配上滑蛋，味道超級好。飯底吸收了鰻魚的鮮味和汁醬，每一口都令人滿足。還有我最愛的凍咖啡，冰冰涼涼的，正好解暑，咖啡的香氣讓人心情大好。坐在冰室裡，享受美食，一邊想起舊事，時間過得特別快。這種感覺讓我想起以前在冰室裡渡過的快樂時光，真的很懷念。九號冰室不單止食物好，人氣十足，座無虚席，還有那份懷舊的情懷，讓人忍不住想再來。…查看更多

今晚去黃埔搵朋友食飯，帶咗我去佢平時食開嘅飯堂試吓。果然冇介紹錯，樣樣都幾好食，抵讚！先講個涼瓜肉碎煎蛋，苦瓜爽口唔太苦，煎蛋邊脆脆哋，夾埋肉碎一齊食，好送飯。蒜茸炒時菜夠鑊氣，菜翠綠爽甜，蒜香十足。蟲草花蒸滑雞幾驚喜，雞肉真係滑溜，蟲草花個味清清哋，健康又好味。豉汁蒸䱽魚夠鮮甜，豆豉味濃但唔會太鹹，魚肉嫩滑冇腥味。跟餐有熱杏霜同熱檸檬蜜，杏霜香滑潤喉，檸檬蜜酸甜開胃。仲有例湯送，唔係求其味精湯，真係有火候㗎。整體來講，呢間飯堂食物質素唔錯，價錢合理，係街坊抵食之選。一定會再嚟！…查看更多

🍽️九號冰室📍紅磡民泰街53-73號地下F1號舖今次同朋友嚟到紅磡覓食，呢間冰室位置就腳，地鐵站行過去大概三分鐘。入到去係典型港式冰室格局，卡位同圓枱都有，位置闊落我哋先叫咗個晚市二人餐，$138可以喺當日ABC餐入面三揀一，再配魚或者半隻雞，🐟魚有倉魚、馬友、黃花、鯇魚四款任君選擇，仲可以自己喺八種蒸或者炆法入面揀鐘意嘅炮製方法，我哋揀咗蝦球蒸水蛋同豉汁蒸馬友，🥚水蛋蒸得幾滑，蛋香十足，好似豆腐花咁入口即化😋，馬友魚幾大條，火候唔錯，肉質嫩滑唔會散開，豉汁味道濃郁惹味，呢個餐仲有送油菜、例湯同白飯🍚，係性價比之選!~蝦乾粉絲雜菜煲用傳統砂煲上，面頭舖滿蝦乾🦐、蝦仁同蜆仔，🥬底下雜菜有生菜、椰菜同菜心，煮得淋甜，加上蝦乾嘅鹹香帶出鮮味，味道清淡得嚟幾鮮美，最後全埋索晒湯汁嘅粉絲，😍正呀!~乾炒牛河鑊氣十足！河粉偏幼身，夠曬入味，炒得醬色均勻又夠乾身，香口惹味🤤牛肉片幾嫩滑，仲有啲芽菜同蔥段增加口感，好滿足✨…查看更多

餐廳晚市二人餐❤️好抵食，食物有水準，性價比高！清蒸馬友❤️好鮮甜，啲魚肉嫩滑，蒸得啱啱好，保持原汁原味，食落唔會太油膩。同埋係每日新鮮街市買返黎，大大條，絕對推薦！！沙薑雞❤️三黃雞肉夠香口嫩滑，白飯殺手，雞味香濃，沙薑惹味唔死咸。老壇酸菜魚❤️啲酸菜夠晒酸香，魚片啖啖肉，湯頭又清又鮮，仲有小量蔬菜同寬粉，正呀。跟餐仲可以配油菜❤️，紅豆冰❤️同熱檸水，紅豆冰唔會太甜，紅豆綿密，份量十足。另外散叫嘅豉油王炒麵❤️，味道好經典，係我細個食既味道，勁有鑊氣！豉油味香濃，麵條夠彈牙又唔會太油，好易入口。杞子豬膶浸菜苗❤️ 豬膶夠嫩滑，食落唔會膩，零騷味，好健康。呢到食物質素好好，價錢合理，餐廳服務好貼心！！…查看更多

今晚，我和朋友決定去紅磡的九號冰室食晚餐。一進去，店內的氛圍就讓人感到好舒服。我們首先點了例湯，湯底清淡可口，令人開胃。接下來是杞子豬潤浸菜苗，菜苗鮮嫩，搭配香氣四溢的豬潤，簡直是絕配。最驚喜的是XO蝦乾炒豬頸肉，肉質鮮嫩，配上特製的XO醬，味道濃郁，讓人忍不住多吃幾口。然後，我們還點了豉汁蒸倉魚，魚肉滑嫩，豉汁味道恰到好處，真係好好味！最後，我們選擇了雪山紅豆冰和熱檸檬蜜，甜而不膩，真係令人心情大好。整體來說，九號冰室的菜色不單好味，還帶有濃厚的香港情懷。下次再來一定要試試其他菜式！…查看更多

成日都聽啲同事話呢間九號冰室嘅質素ok所以今日我都嚟試下。地方唔算細，仲有室外位。佢嘅醒神早餐有十一款可以選擇，以早餐嚟講都算多選擇，而且佢每個套餐都標配3.6牛乳炒滑蛋，呢個都算高質素，唔係hea炒蛋。我就嗌咗個自選扒餐$50雞扒出前一丁麵，腸仔牛乳炒蛋，配丹麥多士，熱奶茶雞扒肉質唔鞋，丁面爽口，丹麥多士夠曬香，杯奶茶出色，茶味奶味都好足。同事嗌咗歐陸早餐吉列魚柳，全熟煎蛋，跟厚多士，凍檸茶呢個配搭完全係一個全日早餐，而且質素比其他餐廳嘅好啲，價錢都係51蚊，今時今日茶餐廳嘅價錢抵食啦！…查看更多