九町屋

長沙灣麗閣商場外型似貨櫃，是本區特色景點，這裡有間平民日本居酒屋-九町屋，環境開揚舒服，有定食、拉麵、便當、丼飯、壽喜鍋等，價錢十分平民抵食，份量大。下午茶就更加抵食。豚肉壽喜燒配飲品都只是$66, 轉烏冬+$10, 烏冬彈牙，豬肉份量十足，湯底香甜，熱度十足。內邊還有粉絲，冬菇, 豆卜，大量娃娃菜，好夠飽。照燒雞扒便當都十分豐富，有大件厚身雞扒，燒汁很好送飯，仲有不同前菜的小配搭，連小甜品都有，很滿足。…查看更多

深水埗的一期一會，暖笠笠壽喜燒之夜🍲深水埗呢區真係卧虎藏龍，估唔到轉個彎有間咁有 feel 嘅日式小店「九町屋」。一推門入去，嗰種木系裝修加上柔和嘅黃燈，即刻令人放鬆晒，完全隔絕咗出面街市嘅嘈雜聲，感覺好似瞬間飛咗去日本啲隱世居酒屋咁。【暖身首選：黑豚肉壽喜燒】今晚同朋友想食得舒服啲，一人叫咗一個鍋物，呢種天氣食鍋物簡直係一種救贖。我叫咗個 黑豚肉小火鍋 配 壽喜鍋湯底，個湯底一滾起，嗰陣甜甜地嘅醬油香氣就撲埋嚟，聞到都流口水。啲黑豚肉切得幾靚，粉紅得嚟又有油脂分佈，淥幾淥就食得。黑豚肉本身肉味濃郁，吸埋個壽喜燒湯汁，入口嗰下係充滿肉汁嘅鮮甜，完全唔會有嗰種平價凍肉嘅雪味，真心正！朋友個 牛肉小火鍋 我都試咗兩啖，牛肉同壽喜燒湯底本身就係絕配，肉質夠嫩滑，咬落去有種幸福感。最抵讚係佢跟餐杯 手打蜂蜜檸檬水（凍，少冰），飲得出係真材實料，檸檬味好 fresh，唔係死甜嗰種糖水味，剛好中和返壽喜燒嘅濃郁，成個配搭好 refreshing。【驚喜小食：吉列炸芝士】除咗正餐，我哋貪得意叫咗個 吉列炸芝士（配威士忌汁）。呢個真係要極力推介！一上枱熱辣辣，金黃色個皮炸得好酥脆，一咬開入面啲芝士即刻「拉絲」，個畫面勁治癒。最驚喜係個威士忌汁，本身以為會好奇怪，點知個酒香反而令到芝士冇咁膩，帶出一種好大人嘅層次感，好特別！【甜品作結：迷你甜番薯串】食完鹹嘢當然要食甜品作結，叫咗份 迷你甜番薯串（2串）。細細粒好得意，外皮有少少焦香，入面軟糯香甜，係嗰種天然嘅番薯甜味，唔係加糖嗰種假甜，食完心情真係靚晒。成餐飯無論係環境定食物質素都好有驚喜，埋單個價錢喺深水埗嚟講算係物超所值，絕對會回頭！…查看更多

性價比爆燈！鰻魚飯同炸物控嘅天堂🔥作為一個不折不扣嘅鰻魚控，經過深水埗見到「九町屋」門口個餐牌，二話不說就衝咗入去。舖頭雖然唔大，但係座位幾闊落，唔會坐到背貼背，加上店員服務態度幾好，第一印象已經加晒分。【大滿足！蒲燒鰻魚定食】今次主要係衝住個 蒲燒鰻魚定食 嚟，個餐一上枱，我就知冇叫錯！個定食陣容好鼎盛，除咗個飯，仲有蘿蔔菜湯、前菜青瓜漬、雞蛋卷同螺肉，成個盤滿晒，睇見都開心。講返主角條鰻魚，燒得好靚，個皮帶少少焦脆，肉質肥美厚身，唔係薄切切嗰種貨色。蒲燒汁嘅份量啱啱好，夠撈飯得嚟又唔會遮蓋咗鰻魚本身嘅鮮味。啖飯撈埋汁，再加一啖肥美嘅鰻魚，嗰種油香喺個口入面爆發，真係冇得輸。配菜方面都好有心機，個螺肉好彈牙入味，青瓜漬酸酸地好開胃，唔係隨便擺兩條菜就算，睇得出廚師對出品有要求。【必點炸物：吉列黃金蝦】另外單點咗份 吉列黃金蝦（配手作他他汁），身為炸物愛好者，呢個蝦我畀高分！個炸粉薄薄一層，咬落去「卡嚓」一聲超響脆，入面隻蝦肉仲係爽口彈牙，最緊要係唔油膩。重點係個 手作他他汁，食得出係自家製，有洋蔥碎同蛋碎喺入面，酸甜度調得好完美，點蝦食簡直係畫龍點睛，令到成個炸蝦昇華咗。【解膩飲品】飲品方面，個定食跟咗杯 手打蜂蜜檸檬紅茶（凍，少冰），茶底夠濃，檸檬味突出，解膩一流。朋友叫咗杯 芒果綠茶，芒果味好香，同綠茶個清香好夾，唔會太甜，飲完好順喉。呢餐飯無論係主食定小食都冇雷點，尤其係個鰻魚定食，咁嘅價錢有咁嘅質素同份量，仲要有埋咁多款精緻前菜，性價比真係高到離譜。如果你喺深水埗想搵間坐得舒服、嘢食又有水準嘅日式餐廳，呢間絕對係首選！…查看更多

九町屋地址: 香港深水埗東京街12號麗閣商場地下28號舖我本身都有幫襯開九龍灣個間，一來可以帶狗狗員工友善，同日本野食好抵架！今次就同朋友來到深水埗新開架分店！照燒雞扒便當，一格格放得好靚，前菜顏色又搭得靚，有煎蛋，日本蕃薯仔！雞扒醃到甜甜地幾好食豚肉壽喜鍋，想食多疏菜就呢個。有豆腐金菇等，仲包碗米飯包大大杯飲品$10 跟主食就有啦加左個小食同朋友齊齊share 蝦多士，炸到脆卜卜，喜歡香口食物一定要點唔洗加一，人均$80-100 左右九町屋 #九町屋居酒屋 #九町屋深水埗 #平民美食 #香港美食 #深水埗美食…查看更多

長沙灣麗閣商場以工業風為主題、外型似貨櫃，是本地特色景點，今日來打卡時發現一間平民日本居酒屋「九町屋」，有定食、拉麵、便當、丼飯、壽喜鍋等，下午茶餐性價比極高，同朋友即入去試試。玉子鰻魚丼飯：大大塊鰻魚肉質細緻綿密軟嫩，淋上蒲燒汁的白飯搭配蛋香味濃的玉子，十分美味。豚肉壽喜鍋：配料豐富有薄切豬肉、魚豆腐、青菜、金針菇、冬菇、長蔥、娃娃菜、麵等多種食材，與甜味湯汁在鐵鍋燉煮，食材吸收湯汁精華，風味濃郁。雞皮餃子：外皮金黃脆口有少許煙韌，雞肉餡軟嫩爆汁，雞味香濃。芝麻蝦多士：多士上層大量黑白芝麻香氣撲鼻，中層蝦膠彈牙，下層麵包烘烤香脆可口，多士新食法。手打蜂蜜檸檬水：酸酸甜甜，手打檸檬香氣十足，清香解膩暖胃。總言之，食物有質素，份量大，上菜快，簡直是平民飯堂，附近居民每日都有口福。…查看更多

今日嚟到長沙灣搵食，見到間日式餐廳壽喜燒鍋只需要69蚊，即刻吸引咗我地走入去試吓。📌牛肉壽喜鍋熱鍋上枱保持住溫度，牛肉份量好多，加埋蔬菜豆腐等配料，份量都幾多下，湯底幾甜，我揀咗加十蚊配烏冬，感覺好似冇配飯咁膩。📌牛肉生薑燒便當便當色彩好繽紛，而牛肉片薄而入味，生薑香氣明顯，除咗主角牛肉外，仲有車厘茄、冬菇、蘿蔔、中華沙律、甜番薯、魚板、醃蘿蔔同甜品哈密瓜麻糬。 一個餐可以試咁多嘢好開心😆。📌炸雞皮餃子創意十足嘅料理，外皮炸得鬆脆，內餡飽滿。📌芝麻蝦多士蝦膠厚實彈牙，芝麻香氣濃郁，整體口感非常鬆脆。📌照燒雞扒醬汁濃郁偏甜，雞扒外表微焦，肉質好嫩滑。📌手打蜂蜜檸檬紅茶清新解膩，蜂蜜香甜與檸檬酸味平衡。📌百香果紅茶果香味濃郁，我揀咗小甜，茶底幾清爽。 #九町屋 #九町屋居酒屋 #九町屋深水埗 #平民美食 #香港美食 #深水埗美食…查看更多

牛肉小火鍋x壽壽鍋湯底除左厚實牛肉，仲有菇、娃娃菜，豆腐丸，吸飽哂壽喜湯嘅鮮甜精華勁正，湯底越煮越濃郁。雙色芝士燒牛肉牛肉表面鋪左兩種芝士，芝士量足，完全包住牛肉表面，融化後形成誘人拉絲，咸香中帶著淡淡甜味，一點都唔膩。芝士奶香、牛肉肉香濃郁。吉列炸芝士外皮炸得金黃酥脆，芝士爆漿，口感綿密～芝麻蝦多士金黃吐司煎得外脆內軟，邊緣微微焦脆，內裏鬆軟，表面芝麻分布均勻，香氣濃郁，口感層次豐富。鹽燒牛舌簡單調味已經好香，牛舌Q彈，肉香在嘴內慢慢散開，咸香適中，越嚼越香。…查看更多

剛剛搬到長沙灣居住，對附近的食肆非常陌生，今天下午，便到附近的一間新開日本食肆，享受一頓午餐。牛肉生薑燒便當$69 ，跟餐百香果綠茶。牛肉生薑燒便當，牛肉份量十足，牛味濃郁，醬汁帶點甜味。除了牛肉之外，還有番薯、蘿蔔、冬菇、玉子燒、蕃茄、海帶等等，非常豐富，盒內還有一顆蜜瓜大福，作飯後甜品非常合適。百香果綠茶，酸酸甜甜，甜到適中。牛肉壽喜鍋轉烏冬加$10，跟餐百香果綠茶$79。牛肉壽喜鍋轉烏冬，牛肉份量十足，牛味濃郁，如果放在鍋內的時間短一點更好。烏冬煙煙韌韌，爽口彈牙，吸收了就起燒醬汁之後，更加美味可口。芝麻蝦多士配威士忌汁$37，蝦膠爽口彈牙，多士不覺得油膩感，加上帶點酸味的威士忌汁，可以減少油膩感。…查看更多

今日就同朋友去左九町屋餐廳環境好有日式風情，有多款日式料理選攞，除左丼飯，仲有一人定食，小火鍋等鹽燒鯖魚便當魚皮燒到外皮焦香，魚肉多汁鮮美，帶有淡淡鹽香，旁邊仲有沙律菜同多款配菜牛肉小火鍋火鍋配料豐富，牛肉肉質鮮嫩，脂肪分怖平均，仲有大量蔬菜，配搭奶白濃郁既豆乳雞湯底，索滿清甜湯汁，層次豐富芝麻蝦多士多士炸得金黃酥脆，蝦肉彈牙鮮甜，面頭怖滿芝麻，配撘威士忌汁，香口惹味手打蜂蜜檸檬紅茶蜂蜜檸檬酸甜平衡，配上醇厚紅茶，味道清香，解渴又解膩…查看更多

🌟🍴   【長沙灣•九町屋】 💥💥✨📍 九町屋 (深水埗)深水埗東京街12號麗閣商場地下28號舖🍖🥟🍟🥚🍰🍲🍇 • 🥪🍓🍤🍪🍜🍡🍹 手打蜂蜜檸檬水（凍 少糖）新鮮檸檬現切手榨，蜂蜜慢火熬到剛好不膩，一杯下去酸到齜牙又回甘！冰涼少糖版喝完零負擔，夏日續命首選！鹽燒鯛魚厚切真鯛魚身，簡單岩鹽＋少許檸檬汁炭火直燒！皮「喀啦」焦脆，魚肉雪白彈牙，一咬鮮甜爆汁，零腥只有海的味道！香煎三文魚扒定食 + 多飯 + 百香果綠茶（凍少冰少糖）挪威三文魚厚扒平底鍋中火煎到外金內粉紅，牛油香＋淡淡焦邊超犯規！定食配味噌湯＋玉子燒＋漬物＋多飯直接變兩碗，米粒吸滿三文魚油香。百香果綠茶酸香撲鼻，少冰少糖版清爽解油，一餐吃到超滿足！照燒雞扒便當雞腿肉去骨煎到金黃，再刷三層自家照燒醬收汁到鏡面！雞皮焦香、肉質軟嫩多汁，便當格子裡還有玉子燒、時蔬、薯仔沙律，一盒拿在手就聞到幸福味，午餐戰鬥機！🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 200✨🥢🍣🍕🍜🍴🍰✨ #長沙灣美食 #web3長沙灣 #九町屋…查看更多

九町屋喺深水埗東京街，位置都幾易搵，就係長沙灣a1出口，一出就係 😂地點方便！今次叫咗幾款嘢食，街坊價錢，份量都夠飽肚。首先試咗雞軟骨小丸子串，一串兩粒，咬落去脆脆地，雞軟骨口感好正，唔會太硬，調味啱啱好，唔會太鹹，作為小食好開胃！✨照燒雞扒係另一款驚喜，雞皮煎到微微脆，雞肉嫩滑又多汁，照燒汁甜甜地，好入味，😘送飯一流。如果鍾意食濃味啲，呢個絕對唔會失望。香煎牛板腱定食跟咗飲品，😊我揀咗百香果綠茶，飲落清新解膩，百香果味突出。牛板腱煎得剛好，肉質軟腍，唔會韌，配埋多飯真係好滿足。定食仲跟咗湯同前菜，性價比高！👏🏻溫泉蛋燒肉片唔錯，燒肉片薄切，😍肥瘦適中，撈埋溫泉蛋同醬汁，撈飯真係無得頂。叫咗多飯，果然清晒！👏🏻…查看更多

屋苑商場黑色型格貨櫃外型的日式簡餐店用料扎實，地鐵站就喺側面，環境乾淨舒適，出餐速度快，性價比高，lunch time過嚟都完全不趕。午市套餐價錢親民實惠，包括一杯凍或熱飲，非常划算！雙色芝士燒牛肉飯：濃郁雙色兩款芝士香濃，牛肉份量多，厚實嫩滑，拌飯超入味，芝士控一定鍾意，配凍百香果綠茶酸甜解膩。鹽燒鯖魚便當：魚肉新鮮多汁，鹽味適中，配菜清爽，營養均衡，熱蜂蜜檸檬紅茶溫潤暖心。芝麻蝦多士（配威士忌汁）：蝦肉厚實彈牙，芝麻香濃，威士忌汁獨特提味，創意滿分！炸雞皮餃子：外皮酥脆帶油香，內餡飽滿，咬下去咔哧作響，小食首選！不論是午餐便當還是休閒小食都值得一試，推薦俾附近上班族和日式料理愛好者。…查看更多

深水埗嘅 九町屋 主打家常日本料理，價錢親民、份量唔欺場，平日食個便當都好滿足。🍱 牛肉生薑燒便當 $68生薑味道幾突出，帶微辣暖香，牛肉薄切但唔鞋，夠入味。仲有前菜小配搭，食落更豐富。以呢個價錢嚟講，算係好有誠意。🔥 牛肉壽喜鍋（配飯）$68甜鹹味平衡，牛肉吸晒壽喜燒汁嘅香濃味道。配埋白飯就更加和味，天氣涼食一流。🦐 芝麻蝦多士（配威士忌汁）$37表面炸到金黃脆卜卜，蝦膠鮮味足。威士忌汁係亮點，帶少少香甜煙燻氣，點埋個汁一齊食幾夾，強烈推薦。🍹 百香果綠茶（+10）清爽解膩，果香明顯，食完熱食飲一啖好爽口。🍋 手打蜂蜜檸檬水（+10）酸度同甜度比例啱啱好，檸檬已經幫你篤好曬，真手打。整體嚟講，九町屋勝在價錢抵食、味道穩定，啲小食仲有啲小創意，適合附近街坊或者經過想食啲輕鬆日式飯。…查看更多

📍 深水埗日式料理新發現 今晚去咗深水埗九町屋，鋪面新淨光猛，卡位坐得舒服，周圍掛滿日本地標裝飾好有心思。晚市人均$100連小食，性價比爆燈！ 🍚 七味豬頸肉溫泉蛋飯✅ 必食推薦： - 🥚 溫泉蛋流心效果完美，撈飯一流 - 🐷 豬頸肉炭燒香濃，七味粉惹味唔嗆喉 - 🍚 米飯煮得剛好，吸盡蛋汁同肉香 - 💥 味道層次豐富，食到停唔到口 🧀 雙色芝士牛肉飯- 🧀 芝士量多到拉絲，濃郁鹹香 - 🐄 牛肉片正常發揮，不過不失 🍗 唐揚炸雞（跟餐小食）- 🐔 即叫即炸，外脆內嫩肉汁爆棚 - 🥣 手打他他醬完美配搭 - 🔥 炸粉薄脆，唔會一口油 🥟 餃子（4隻）- 🥢 皮薄餡多，煎到金黃脆底 - 💦 咬開有肉汁，唔乾唔油 🍵 百香果綠茶- 🍊 果香自然，甜度適中 - 🌿 茶底清新，冇人造糖味 - 💡 建議可加配料（如椰果、爆珠） 回頭指數：★★★★★ （為咗個溫泉蛋飯同炸雞，聽日都想再encore！） $100人均食到咁高質，真心推薦大家去支持～ 🎌…查看更多

對於坊間太多嘅日式小店，九町屋係我初次賞試，味道，菜式，都比較大眾，味道中上，會再回頭嘅店舖之一，唯獨份量方面比較偏細，作為一個運輸佬嚟講，一個主食真係唔夠喉，要加多個小食，有好有唔好，好就係可以試多樣，唔好就係，一個大食人嚟講，會唔夠飽今次試嘅食物，虾多士，雞皮餃子，壽喜燒煱，照燒雞扒定食！虾多士係最有驚喜，虾肉彈，唔梅，唔會太油！照燒雞扒唔錯，入味之餘，唔會柴皮，仲有配菜都幾好！手打檸檬茶，一定要試！…查看更多