九爺牛腩

今晚想食清啲，咁啱見到呢間九爺牛腩就試下啦。首先叫左崩沙腩魚蛋幼麵，崩沙腩入口即化，牛味好突出，湯底清而不膩，魚蛋彈牙有魚香，幼麵吸晒啲湯汁，一碗落肚超滿足。另外仲有個切腩片頭撈粗，粗麵煙韌，十分掛汁，切腩片厚薄均勻，每啖都係牛腩嘅濃郁香氣，另外仲有個湯清清喉嚨添。我哋仲要左個小食拼盤，墨丸彈牙而且帶有墨魚膠香，魚片頭爽口熱辣，孜然雞翼燒得外脆內嫩，雲吞皮薄餡鮮，一次過試晒四款，再加埋個凍檸茶作結，冰涼解渴，甜度啱啱好。今次係我第一次嚟呢間舖頭，環境乾淨企理，職員全程有禮，做野都好爽手。呢餐整體消費二百蚊左右，性價比高，如果有街坊路過，可以嚟試下呀！…查看更多

嚟咗呢間喺荃灣西商場裏邊嘅港式粉麵店諗住食個簡單快脆嘅港式 late lunch 🤣$54「麻辣牛雜（細）」：牛雜應該有 牛肚、牛腸、牛肺、牛膀，都幾辣，味道非常濃郁惹味🤣$57「牛坑腩麵」拼「鮮蝦雲吞（+$6）」轉「伊麵（+$8）」」：「牛坑腩」肥瘦適中兼肉質軟熟有濃郁牛味😋；「雲吞」裏邊有啲爽口嘅鮮蝦🤩；「伊麵」有啲煙韌彈牙兼份量仲好多🤣加 $12「郊外油菜」：油菜 揀咗「菜心全走」，「菜心」幾新鮮，灼到軟腍腍，「全走」簡簡單單🤣跟麵「熱奶茶」：大大一杯夠濃郁夠滑😋$23「凍檸茶無糖可樂🍋」：凍冰冰嘅可口可樂加埋檸檬就梗係好飲啦🤣…查看更多

約咗朋友去Donki 買嘢🛍️，喺商場見到呢間牛腩麵店好多人，即刻入去試吓先～店員哥哥招呼周到 💁‍♂️，啱啱有張卡位，坐得好舒服 😌。招牌八寶湯河粉$62朋友心多多 😜，揀咗招牌八寶湯河，材料超豐富：有牛腩、牛筋、牛肚、牛丸、魚蛋、墨魚丸、貢丸及魚皮鮫。湯底清甜，河粉滑溜，每樣嘢都炆得夠淋夠入味，抵食！ 👍墨魚鬚肉碎泡飯$55 + 紫菜$6我叫咗墨魚鬚肉碎泡飯 🦑，加咗紫菜 🌊 更加正！墨魚鬚爽口彈牙，肉碎惹味，湯飯底好暖胃 ❤️‍🔥，份量十足。小食 & 飲品炸魚皮$23，份量好多，脆卜卜🐟，朋友話點湯食一流 😋。菜心$12（全走）翠綠爽甜 🥬。凍檸茶$9少甜少冰 🍋，熱奶茶$8茶香濃滑 ☕，兩杯都咁好飲 😋。…查看更多

今日喺荃灣海之戀試咗間牛腩粉麵叫做九爺牛腩我門口經過已經聞到震震香味，一於入嚟試下先，舖頭唔算好大，大約有10張枱左右，座位隨心選擇，埋單大約人均$60左右崩沙腩河醬腩炆得好香，崩沙腩經過慢燉，但肉質依然係比較有口感，不會太軟淋偏向有嚼口，牛腩帶上一條爽口膠質河粉都幾軟滑，但吾會一夾就散牛脆骨拼墨魚鬚河牛脆骨係比較少見到，佢係牛既喉嚨部位，肉質帶爽口有嚼口，愈嚼愈香，確實不錯之選淨食雲吞一碗有7粒，入口帶很重既大地魚味，而且蝦肉大隻好爽口。…查看更多

在荃灣的海之戀商場，九爺牛腩以其獨特的風味和實惠的價格吸引了眾多食客。這裏的食物不僅分量十足，更是充滿了家常的溫暖感。梅菜扣肉飯 扣肉經過慢火燉煮，外皮爽脆而內裡軟嫩，梅菜的鹹香與肉汁交融，，溫暖而充滿了滿足感。雲吞麵雲吞麵的湯底清淡卻不失鮮味，麵條彈牙，雲吞內餡豐富，肉質鮮美，令人回味。牛腩河牛腩煮得恰到好處，肉質軟嫩，河粉滑順，讓人感受到濃郁的牛肉湯底的鮮美。鷄翼鷄翼外脆內嫩，肉質厚身軟滑，醃製的味道恰到好處，讓人忍不住一口接一口。三文治餐餐蛋治配熱奶茶香口的餐肉炒蛋、柔軟的麵包，簡單卻又讓人回味，與熱奶茶的更是絕佳的搭配。…查看更多

踏進這間粉麵餐廳，感覺很開揚，座位闊落有空間感，主打牛腩牛雜粉麵，豬、雲吞、小食和粉麵飯套餐都有，先點了兩份至醒早餐。蠔香雪菜肉絲公仔麵湯底鮮美，肉絲鮮嫩，加上雪菜的鹹香，為整碗麵增添了層次感。沙爹牛肉公仔麵沙爹醬汁濃郁，配搭牛肉和彈牙麵條，是香港人喜愛的麵食。早餐選配了餐肉炒蛋和腸仔炒蛋，還有牛油多士和凍檸檸檬茶餐飲。鮮蝦雲吞雲吞皮薄餡多，蝦肉爽口鮮味，配以清湯和蔥粒香料，份外美味。手打牛丸牛丸爽口彈牙，肉汁豐富。孜然雞翼雞翼外皮香脆，熱辣辣肉質厚滑鮮嫩，入口充滿孜然香氣，惹味香口不油膩，令人回味。總體而言，菜品用心調製，讓人感受到這間粉麵餐廳的誠意。…查看更多

有次行過海之戀見到呢間粉麵鋪排晒長龍我地去開又試下撈粗有豉油王＆麻辣，今次揀豉油王鎮店切腩片頭撈粗$65牛腩厚切切到好似三角朱古力咁牛味濃郁，肥瘦適中魚片頭幾爽口，豉油甜甜地，粗麵幾有咬口皇牌牛四寶河$62牛四寶分別有牛腩、牛筋、牛脷、牛肚仲附送一粒好似齊天大聖金剛箍既牛脆骨牛腩炆到好腍，牛筋軟滑黏口牛脷彈牙有一定厚度，牛肚爽口份量十足河粉份量好多，男士都夠飽，滑捋捋淨潮州魚蛋$42魚蛋＆魚片彈牙爽口，幾有魚味酥炸魚皮$20脆卜卜唔錯，最抵讚係有啪啪袋，食唔晒可以拎走餐飲：要左兩杯熱咖啡店鋪光猛，真係幾多人，繁忙時段需要搭枱，店員都幾有禮貌…查看更多

今次嚟海之戀見到呢間九爺牛腩，幾有驚喜！首先個蟲草花鴨腿湯飯，鴨腿燉到冧晒一撕就開，蟲草花湯底清甜唔油膩，撈飯食簡直一流，秋冬食肯定仲正！麻辣牛腩牛筋撈粗麵係重口味之選，牛腩半肥瘦啱啱好，牛筋膠質爆燈，麻辣汁唔會死辣係香辣嗰種，撈勻粗麵掛汁力滿分，食到嘴唇麻痺先過瘾！另外叫咗碗淨魚蛋雲吞，魚蛋彈牙唔會粉咗咗，雲吞皮薄餡足，蝦肉豬肉比例啱啱好。飲品必點紅豆冰，紅豆煲到起沙但又保持到粒粒口感，淡奶甜度適中，解辣又解膩。整體分量足，價錢合理，海之戀商場環境舒服，一定會再encore！…查看更多

和老婆一起來, 見出面有幾個人等緊, 心諗應該是好食的餐廳. 入去之後本來是想試試這裡的牛腩的, 看了餐牌之後叫了個招牌菜之一的牛魔王河, 是餐牌裡第二貴的, 價錢比它們的兩個招牌牛腩河還要貴, 但換來的是極度失望.他們的牛麼王河原來是沒有牛腩的, 連牛肉都沒有, 只有牛肚和一些牛內臟之類的, 和他們餐牌中的相片嚴重不符, 更離譜的是份量很少, 只是其它店舖牛雜河的級數, 甚至以份量計可能更差. 而且即使以牛雜河的要求看待, 水準也只屬一般.老婆叫了個牛腩河, 我吃了一件牛腩, 水準也只屬一般, 但最起碼真係一碗牛腩河黎吖.總括而言我對這間餐廳的水平非常失望, 我絕對不會再來, 也建議大家不要來.…查看更多

今日去咗荃灣海之戀嘅:九爺九腩，每次經過都見到好多人幫襯,所以今日就決定要食佢嘅潮式粉麵!鋪頭幾光猛乾淨，除左潮式粉麵, 仲有其他湯飯😆叫咗碗崩沙腩河，個湯底好清甜，有濃濃嘅牛骨香，一啲都唔油膩。崩沙腩份量幾多，肥瘦適中，炆得夠淋又入味，河粉滑溜索晒湯汁，真心唔錯😋另外試咗麻辣九什撈粗，呢個辣得好過癮！麻辣醬香得嚟唔會死鹹，撈勻粗麵好掛汁，九雜有齊牛肚,牛肺同牛腸，每款都滷得軟腍，口感好豐富❤️小食拼盤有炸魚角、墨魚丸、炸雲吞同炸雞翼!全部即叫即炸，熱辣辣好香口,炸魚角同墨魚丸彈牙，炸雲吞脆卜卜，雞翼醃得入味，皮脆肉嫩😍呢間餐廳食物真係有水準，價錢又合理，真係會成為我既飯堂👍…查看更多

荃灣海之戀開左大眾價錢牛腩專門店！🍜 招牌八寶河 $62一次過試勻8款牛部位！包括崩沙腩、坑腩、牛筋、牛肚等，湯底清甜突出牛鮮味，河粉軟滑掛湯。崩沙腩軟彈帶筋膜感，牛筋炆得膠質滿滿，整體分量足，牛魔王必試。🍝 切腩片頭撈粗 $65乾身撈麵之選！粗麵彈牙有嚼勁，腩片切得薄身軟嫩，片頭炸香脆口。醬汁濃淡適中，建議加少許辣椒油提味。搭配例湯一碗，平衡口感。🍱 小食拼盤 $56即叫即炸組合：酥炸雲吞蝦肉爽彈＋脆皮不油、炸雞翼外脆內嫩醃得入味、炸墨魚丸彈牙有嚼勁。附甜酸醬及辣醬，送啤酒一流。✨整體評價• 牛腩品質穩定｜湯底清淡不搶戲• 小食炸功出色｜即製熱辣脆口• 環境新淨｜服務有效率📍九爺牛腩地址：荃灣海之戀商場地下#荃灣美食 #牛腩專門店 #港式粉麵 #海之戀商場…查看更多

🍜屋企附近商場開咗間粉麵小店，啱曬平時收工簡簡單單、快快手食碗麵呀✅呢間仲有崩沙腩食添👍🐮招牌雙沙河：崩沙腩口感一流，比一般牛腩更加軟嫰👍而且牛味重好重添🥳呢個招牌雙沙河係必食推介💯🍜招牌八寶河：呢個「招牌八寳河」啱曬款款都想食嘅我，入裡面材料豐富😍乜都🈶️❤啱曬樣樣都想試嘅我呀😋八寶🈶️牛筋、貢丸、牛丸、牛腩、魚皮餃、牛肚、墨丸、魚蛋🍡我最喜歡係牛筋同牛腩💕樣樣都夠晒又入味💯好味🦐鮮蝦雲吞：好大粒雲吞，入面隻蝦好爽口，一碗已經有7大粒，仲有好多蔥添，正呀喂🥳🍀腩汁菜芯：加碟菜就最健康喇，今日揀左跟腩汁，夠曬惹味呀👍🍹凍檸茶：天氣太熱，要叫番杯凍檸茶降一降溫先，茶底夠濃❤️爽呀🥳…查看更多

荃灣新開性價比高茶餐廳這家茶餐廳剛開業幾個星期，特意來試試他們的菜式。蟲草花鴨腿湯飯 $52白飯另上，讓你先可以品嚐湯的鮮美。湯裡的材料豐富，包括紅蘿蔔和紅棗，而鴨腿的分量也相當可觀，十分滿足。麻辣手撕雞撈粗 $58這道麻辣手撕雞撈粗麵味道非常開胃！雞肉經過手撕處理，保留了肉質的鮮嫩，與麻辣醬料完美融合！如果覺得單吃撈麵太乾，店家還提供碗湯可以浸濕，增添風味，讓整體口感更為豐富。每一口都帶有香辣的刺激感，讓人欲罷不能。麻辣墨魚鬚（細） $52這道小食極力推薦！雖然魷魚鬚小巧，但每一口都充滿麻辣的滋味，讓人食指大動。孜然雞翼 $30五隻雞翼都是新鮮製作的，外層皮特別脆，而裡面的肉則嫩滑可口，絕對值得一試。凍菜蜜 加 $8凍奶茶 加 $3📍 九爺牛腩 (荃灣)荃灣大河道100號海之戀商場地下G32號舖…查看更多

九爺牛腩即使係下午茶時段都全場滿座，可見其受歡迎程度～主打正宗潮州麵食，一試就知名不虛傳！🏅招牌雙沙河（崩沙腩+牛坑腩） 湯底濃郁得黎充滿牛腩油脂香氣崩沙腩肥瘦比例恰到好處每塊都帶着晶瑩油脂，入口即化又保留嚼勁搭配河粉特別滑溜厚身，吸附湯汁能力一流😛🍜切腩片頭撈粗崩沙腩肉質軟嫩中帶爽勁，片頭爽口彈牙豉油王調味鹹香適中，撈勻後每條麵都裹滿醬汁！比起撈公仔麵更加好食😆整體來講，最出色莫過於牛腩同湯底！避開高峰時期，唔洗等咁耐～不過我都係等咗5分鐘姐😎…查看更多

經過荃灣海之戀(九爺牛腩) 必選牛筋腩，下午茶時段超級抵......食$38起，選擇也非常之多.....❣️麻辣牛腩牛筋撈粗香辣十足，牛筋軟嫩，入口彈牙，牛腩肉質鮮美，醬汁醇厚，辛香撲鼻。搭配撈粗麵爽口彈牙更加美味❣️魚餃拼雲吞麵+飲品魚皮餃內饀鮮味，配上肉嫩蝦鮮雲吞，麵條彈牙，雲吞麵湯頭清淡郤不失鮮香❣️炸雞脾 + 西多半件 + 沙律 + 飲品炸雞脾外酥內嫩 + 西多的脆口感 + 什菓沙律清新爽口，水果的甜味與炸雞的鹹香形成完美對比，增添了層次感。❣️小食拼盤(炸雞翼+炸雲吞+炸墨魚丸+魚角)炸雞翼外脆內嫩，炸雲吞酥香可口，炸墨魚丸彈牙鮮美，魚角更添海鮮風味。每一口都充滿層次感，搭配醬汁更添惹味…查看更多