九爺牛腩

今晚想食清啲，咁啱见到呢间九爷牛腩就试下啦。首先叫左崩沙腩鱼蛋幼面，崩沙腩入口即化，牛味好突出，汤底清而不腻，鱼蛋弹牙有鱼香，幼面吸晒啲汤汁，一碗落肚超满足。另外仲有个切腩片头捞粗，粗面烟韧，十分挂汁，切腩片厚薄均匀，每啖都系牛腩嘅浓郁香气，另外仲有个汤清清喉咙添。我哋仲要左个小食拼盘，墨丸弹牙而且带有墨鱼胶香，鱼片头爽口热辣，孜然鸡翼烧得外脆内嫩，云吞皮薄馅鲜，一次过试晒四款，再加埋个冻柠茶作结，冰凉解渴，甜度啱啱好。今次系我第一次嚟呢间舖头，环境干净企理，职员全程有礼，做野都好爽手。呢餐整体消费二百蚊左右，性价比高，如果有街坊路过，可以嚟试下呀！…查看更多

嚟咗呢间喺荃湾西商场里边嘅港式粉面店谂住食个简单快脆嘅港式 late lunch 🤣$54「麻辣牛杂（细）」：牛杂应该有 牛肚、牛肠、牛肺、牛膀，都几辣，味道非常浓郁惹味🤣$57「牛坑腩面」拼「鲜虾云吞（+$6）」转「伊面（+$8）」」：「牛坑腩」肥瘦适中兼肉质软熟有浓郁牛味😋；「云吞」里边有啲爽口嘅鲜虾🤩；「伊面」有啲烟韧弹牙兼份量仲好多🤣加 $12「郊外油菜」：油菜 拣咗「菜心全走」，「菜心」几新鲜，灼到软腍腍，「全走」简简单单🤣跟面「热奶茶」：大大一杯够浓郁够滑😋$23「冻柠茶无糖可乐🍋」：冻冰冰嘅可口可乐加埋柠檬就梗系好饮啦🤣…查看更多

约咗朋友去Donki 买嘢🛍️，喺商场见到呢间牛腩面店好多人，即刻入去试吓先～店员哥哥招呼周到 💁‍♂️，啱啱有张卡位，坐得好舒服 😌。招牌八宝汤河粉$62朋友心多多 😜，拣咗招牌八宝汤河，材料超丰富：有牛腩、牛筋、牛肚、牛丸、鱼蛋、墨鱼丸、贡丸及鱼皮鲛。汤底清甜，河粉滑溜，每样嘢都炆得够淋够入味，抵食！ 👍墨鱼须肉碎泡饭$55 + 紫菜$6我叫咗墨鱼须肉碎泡饭 🦑，加咗紫菜 🌊 更加正！墨鱼须爽口弹牙，肉碎惹味，汤饭底好暖胃 ❤️‍🔥，份量十足。小食 & 饮品炸鱼皮$23，份量好多，脆卜卜🐟，朋友话点汤食一流 😋。菜心$12（全走）翠绿爽甜 🥬。冻柠茶$9少甜少冰 🍋，热奶茶$8茶香浓滑 ☕，两杯都咁好饮 😋。…查看更多

今日喺荃湾海之恋试咗间牛腩粉面叫做九爷牛腩我门口经过已经闻到震震香味，一于入嚟试下先，舖头唔算好大，大约有10张枱左右，座位随心选择，埋单大约人均$60左右崩沙腩河酱腩炆得好香，崩沙腩经过慢炖，但肉质依然系比较有口感，不会太软淋偏向有嚼口，牛腩带上一条爽口胶质河粉都几软滑，但吾会一夹就散牛脆骨拼墨鱼须河牛脆骨系比较少见到，佢系牛既喉咙部位，肉质带爽口有嚼口，愈嚼愈香，确实不错之选净食云吞一碗有7粒，入口带很重既大地鱼味，而且虾肉大只好爽口。…查看更多

在荃湾的海之恋商场，九爷牛腩以其独特的风味和实惠的价格吸引了众多食客。这里的食物不仅分量十足，更是充满了家常的温暖感。梅菜扣肉饭 扣肉经过慢火炖煮，外皮爽脆而内里软嫩，梅菜的咸香与肉汁交融，，温暖而充满了满足感。云吞面云吞面的汤底清淡却不失鲜味，面条弹牙，云吞内馅丰富，肉质鲜美，令人回味。牛腩河牛腩煮得恰到好处，肉质软嫩，河粉滑顺，让人感受到浓郁的牛肉汤底的鲜美。鸡翼鸡翼外脆内嫩，肉质厚身软滑，腌制的味道恰到好处，让人忍不住一口接一口。三文治餐餐蛋治配热奶茶香口的餐肉炒蛋、柔软的面包，简单却又让人回味，与热奶茶的更是绝佳的搭配。…查看更多