樂意點心

香港有唔少点心专门店，但每次经过尖沙咀 "乐意点心"，发现门口排长龙，好奇之下，呢日就去咗食依度嘅绝配套餐，另拣选几款点心。店内地方虽然唔系好大，但装修颇有格调，环境舒适，服务亲切友善。点心用料上乘，卖相精致，好比酒店级嘅中菜厅里嘅点心。点心种类都唔少，无论系传统蒸点、煎炸、肠粉、包点以至蒸饭和甜品，都应有尽有。而且系即叫即制，保证新鲜热辣。绝配套餐                $68有一个蒸饭、一个炖汤及可+$10追加精美点心，非常抵食。而且还可以加钱换成比较贵价的食材。这次食好一点，加了$20 转换为「笼仔蒜蓉海虾饭」及 +$10 腊肠一份。开边海虾肉质弹牙，腊肠肉味香浓，海鲜嘅鲜味被蒸饭所吸收，再加上蒜蓉的蒜香，每一啖都非常享受。「椰子炖乌鸡汤」，一上枱就闻到浓浓嘅椰子同乌鸡香气，汤底清甜顺喉，饮落暖胃又滋润，真系身心都满足！以套餐汤品黎讲，质素远超预期！碧绿叉烧肠粉             $28叉烧份量非常多，肉味浓郁而软腍，配合有米香又滑溜嘅肠粉，高质。青瓜蚬仔捞汁             $26蚬肉同青瓜份量颇多，蚬肉鲜甜，青瓜爽口，配自家制酱汁，带少许辣，味道都不错。芝麻虾多士              $22虾多士每一件都好大件，上面铺满芝麻增加风味，咬一口特别香脆完全唔油腻，沾一下酸酸甜甜嘅酱汁更滋味。鲜竹牛肉球               $19手打牛肉球都几大个，肉味浓郁，加入香菜和马蹄，食落特别爽口。…查看更多

每次行过尖沙咀汉口道，都见到✨乐意点心门口排晒长龙，成日都好奇，究竟有咩咁好食，会咁多人排队等？🤪今次终于食咗佢哋嘅 绝配套餐，仲加咗啲点心同饮品，真系食到停唔低口！环境舒适，服务亲切，喺尖沙咀呢个地段黎讲，性价比真系好唔错！✨荔枝玫瑰茶话说佢哋嘅茶选择好多，除咗传统嘅香片、普洱、菊花，仲有啲特别嘅选择，例如白桃乌龙同荔枝玫瑰茶。我拣咗荔枝玫瑰茶，饮落真系好舒服！有淡淡嘅荔枝甜味，仲有玫瑰嘅花香，解腻又令人心情愉悦。✨笼仔金针云耳蒸鸡饭 + 腊肠（另加 $10）金针同云耳吸晒鸡汁嘅鲜甜，配上软糯嘅米饭，每啖都好有层次感。特别加咗 $10 嘅腊肠真系神来之笔，油香满溢，同豉汁嘅咸香好夹，捞匀一齐食，简直系停唔下来！✨云腿鸡脚炖鲍鱼汤呢个汤真系套餐嘅灵魂！一上枱就闻到浓浓嘅火腿同鸡汤香气，汤头好醇厚但完全唔腻。汤料好有诚意，有只迷你鲍鱼弹嫩，鸡脚炖到软糯入味，饮落暖胃又滋润，真系身心都满足！以套餐汤品黎讲，质素远超预期！✨白灼菜心菜心爽脆又多汁，简单嘅白灼做法突显咗食材嘅新鲜，作为配菜帮忙平衡其他浓味嘅菜式。✨豉椒蒸排骨 ($25)排骨蒸得软嫩入味，豉椒嘅香气好浓，仲有少少辣味提鲜，食到胃口大开！份量适中，适合同其他点心一齐share，热辣辣食系最好味。✨蟹籽烧卖 ($19)皮薄馅靓，蟹籽点缀加分，入口鲜甜多汁，热腾腾食风味最佳。✨鲜虾腐皮卷腐皮炸得香脆，内里嘅鲜虾弹牙多汁，口感对比好强烈。调味唔会太重，保留咗虾嘅鲜甜，系一款经典嘅点心。✨越式米网炸两肠 ($35)呢道越式炸肠外皮酥脆，内里软糯，米网嘅口感特别，为整道菜加分。✨乐意水果茶 ($16)水果茶真系一个惊喜！新鲜生果份量多，饮落清爽又解解腻✨蛋散 ($22)蛋散香脆可口，蛋香好浓，系一款简单但好正嘅甜点。下次再黎，会想试吓其他点心拼盘，期待有更多惊喜！乐意点心📍尖沙咀汉口道19-21号地舖…查看更多

平时lunchtime 时间真的等不了这家店，总是太多人排队，除了旅客喜欢外，也有不少本地街坊支持，这里的点心好多选择，连茶都有一大壶不同味道的茶，优惠时段再有88折，真的太吸引！🟣绝配套餐如果和同事或朋友一起来的话，点一份绝配套餐加点心超幸福！这次我们吃的饭是原只！原只！花鷼蛋白腊肠蒸红花蟹饭配椰子炖乌鸡汤，椰子炖鸡汤底清甜滋润，汤头鸡肉依然嫩嫩的，两个人刚好一人一大碗～等饭的时候虽然等了好一段时间，但上桌一刻真的是‘咩都抵返晒！’原来这个蒸蟹是即叫即做，把大大只红花蟹蒸熟确实需要一点时间，而且里面还有大大条很有咸香的腊肠和滑溜的蛋白，蟹肉非～～常鲜甜，我们一边吃一边说，这真的太划算，而且好满足呀！！！！！🟣芝麻虾多士虾多士每一件都好大件，上面铺满芝麻增加风味，咬一口特别香脆完全不挂油，沾一下酸酸甜甜的酱汁更滋味🥰🟣蟹籽烧卖必须要热吃！因为它放凉了入口依然很轻甜多汁，不会很难咬，能够一口吃掉味道更丰富呢。🟣荔枝虾球卖相好精致的这道点心外层香脆带浓郁荔枝味，这份天然的果甜和里面超足料的虾肉组合在一起很有独特性。🟣三色小笼包这个大小绝对要叫大笼包😂三款味道都很鲜明，黑松露咸香突出，红色的带辣很开胃，里面很多汤汁～🟣薄荷青柠梳打天气热想冰凉一点，这里也有多款特饮，这杯特别冰爽解热，整体不会太甜，配点心也很合适。…查看更多

难得星期一放假，做完嘢后就去咗乐意点心食个lunch，本身早一日就谂睇下食啲乜，最后拣咗呢间人气唔错嘅点心餐厅。店嘅面积唔大，一般只适合2-4人左右，座位嘅数目亦唔系多。虽然舖仔细细，但都好卫生企理；食物方面，点咗6样嘢，其中《笼仔凤爪排骨饭》同个汤系一个set嚟，各样菜式均各有惊喜。首先系嚟个汤，我哋点咗《鲜无花果雪耳沙参玉竹炖排骨》，个名就好长，到底系咪真系咁巴闭呢？佢个汤饮落系有无花果嘅清甜味，淡淡沙参玉竹嘅轻药材味，好有下火嘅感觉，而且真材实料，呢个汤出面饮至少都$4-50蚊，而且唔系清一色嘅例汤味，呢个汤真系绝赞。第二样上菜嘅系呢个set嘅主角《笼仔凤爪排骨饭》，见到呢个排骨饭忍唔住哇咗一声，会唔会太大啊！一个人食我觉得会食唔哂。呢个蒸饭，有荷叶放响底，令到个饭蒸出嚟有荷叶嘅香气，而且响上面加上葱、蒜、莞茜同洋葱，将佢地捞埋个饭一齐食，连同排骨同凤爪嘅精华夹杂响一齐，各种嘅香气一同爆发，一滴豉油都唔使落，味道亦十分足够，$68蚊(连汤)就食到呢个我食过最好食嘅排骨饭，呢个系真正嘅平！靓！正！有人会觉得排骨饭上嘅青色东东好恐怖，但我不但可以接受，而且非常喜欢。个饭食到一半左右，第三样《芦笋虾饺》登场！唔好睇佢只系得两粒，但佢系大大粒，外表非常饱满，而且皮亦够薄，完全透视到皮入面嘅虾肉；最紧要系，虾唔系细细粒，再加一堆笋扮虾；呢度嘅虾饺绝对系真材实料。目测有两粒虾仁，咬落去系十分爽脆，而且有虾嘅鲜香味，虽然点都唔会用新鲜虾整，但至少冇食到果种雪藏嘅味道。嚟到第四样系《带子菜苗饺》，外表十分吸引，带子虽然系开半，亦唔会觉得寒酸。佢个皮冇完全包住啲馅料，可以清楚见到入面嘅馅料，除咗个主角之一嘅菜外，仲有爽脆嘅虾仁，入口系软绵绵，同一般嘅菜苗饺嘅质感完全唔同，佢呢个菜苗饺，有种好新鲜嘅感觉，食落好清新。跟住第五样系《怀旧马拉糕》，我一向麻麻地食马拉糕，但点咗嘅我点都会试下。入口系好松软，亦带出好香嘅焦糖味，而且唔会太甜，味道刚好，佢跟排骨饭个餐只系加$10蚊，钟意食马拉糕嘅foodie ，我都觉得值得去试下。到第六样系我觉得去到边间点心店或茶楼都要点嘅烧卖~《蟹籽烧卖》。佢呢度嘅烧卖有样得意嘅系，佢有一阵花雕酒味，我谂我唔会食错挂，呢个味道同烧卖放响一齐又系另一个境界，能够将成粒烧卖嘅鲜味提升，加上佢肉质鲜嫩有口感。佢同虾饺一样只系得两粒，同样地都系大大粒，食落令人非常满足。最后一样系我平时甚少会叫嘅《蟹柳棉花鸡》，呢个棉花鸡同一般嘅外表都系差不多，只系多咗件蟹柳仔。我好钟意佢啲鸡肉够嫩滑，连埋个汁一齐食个味道好鲜，冇雪藏味，处理得好好，加上我最爱嘅鱼肚，啲汁完全渗哂入鱼肚，非常juicy同入味。佢个汁好鲜甜，唔系一般好咸果种，最后连啲汁都饮埋。埋单两个人食连茶钱都系$187蚊，我觉得算好抵食，唯一缺点系地方比较细，好似我11点到已经要等几枱。但即使要等一阵，食到咁正嘅点心，我觉得都系值得。…查看更多

每次经过汉口道都见到劲多人排队.我好好奇, 究竟有几好食先可以令到有咁多人排队呢？今次我叫咗个绝配套餐再加咗个点心.依度嘅茶都几多选择.有传统嘅香片、普洱、菊花.排咗咁耐就梗系试吓啲特别嘢啦.我拣咗荔枝玫瑰茶.另外嘅白桃乌龙都几多人拣.荔枝玫瑰茶饮落几舒服, 有淡淡嘅荔枝味.啲点心好快就上枱.碧绿叉烧肠粉 (HK$28)个皮唔会好厚, 味道正常.都几多叉烧.绝配套餐 （HK$68): 鲜虾花甲粉丝汤 (+HK$10)都几多材料㗎.不过我就觉得个汤味道偏淡, 同埋啲蚬好似洗得唔系好干净.笼仔土鱿肉饼饭呢个肉饼饭份量都几多.味道都OK嘅.系个肉饼有啲散.奶皇包 （+HK10)个奶皇包系有流心㗎, 好好食.蟹籽烧卖 (HK$19)味道正正常常, 同普通烧卖差唔多.依度嘅点心系几抵食嘅.除咗个汤, 其他点心味道都系唔错.依间餐厅都几多韩国人帮衬, 有冇人话到俾我点解呢？…查看更多