丼盛日本料理

Late lunch想食帶子刺身。行過灣仔呢條可以叫食街嘅廈門街，日式舖頭都有唔少。行近電車路口俾呢間menu色彩鮮豔嘅舖頭吸引入左去。間舖頭細細，大概可以坐20個人，木系裝修。午市套餐每個餐都跟沙律同麵豉湯，可以加15蚊轉佢哋個招牌魚湯。我揀咗有牛油果嘅火炙三文魚帶子丼。等咗一陣就上咗例牌嘅湯同沙律。到個主角，個丼飯都幾大碗，有四大塊三文魚，三隻一開二嘅帶子，牛油果佔咗三分一碗面，仲有啲蟹子。三文魚都幾肥美，火炙過都唔鞋。不過帶子就令我有少少失望，可能因為火炙到半熟佢有啲鞋，亦食唔到帶子應有嘅鮮甜味。反而牛油果同蟹子加埋醋飯就出奇好食，口感豐富，又creamy,又pop pop，鹹得黎又有啲甜，甜得黎又有啲鹹。…查看更多

最近又搵到一間高質嘅日本刺身丼飯專門店🥰位於灣仔廈門街嘅「丼盛日本料理」，地鐵站行過嚟唔使3分鐘就到，非常就腳👣醒目嘅招牌大大隻字寫住店名好易認👁️《 牛肉他他 》 $88 4 / 5埋位冇耐已經上咗前菜「半熟牛肉他他」🐂 全生嘅食得多，估唔到半熟嘅牛肉他他肉味更濃，而且咬落去仲好有筋道，越嚼越香😝夾塊生洋蔥片，點埋店家嘅秘製醬汁，微辛又爽脆令到味道同質感更有層次～《 茶碗蒸 》 $78 4.5 / 5跟住就嚟一份豪華版「茶碗蒸」，上湯蒸雞蛋滑捋捋，海鮮配料有鮮甜嘅海膽、大大隻爽彈海蝦同肉質厚身嘅帶子🐟 雞蛋吸收晒海鮮嘅精華，仲暖笠笠添～《 廚師發辦丼 》 $268 4.5 / 5前菜已經咁高質，估唔到主食更精彩！廚師發辦丼嘅新鮮刺身鋪滿飯上邊好似聚寶盆咁滿🤩新鮮大拖羅油光滿滿，魚香冇得頂！太刀魚經炙燒煥發出炭火嘅香味；赤背裙邊用海苔同青瓜包住手工一流，入口清爽😋 海膽拌青瓜更加係鮮甜滑溜，珍珠米飯索晒魚油香，成個丼飯真係好滿足！🤤《 壽喜燒 》 $118 4 / 5濃味醬油湯底滾吓滾吓肉香四散🐮牛肉肉質飽滿，醬油嘅香甜滲晒落肉入面，鍋入面仲有粉絲、野菜同豆腐等越食越開胃👍🏻總括嚟講佢哋嘅食材真係捨得用靚料，尤其是魚生真係食得出新鮮冇雪藏味，師傅嘅手工亦都好好！😎👍🏻 主打嘅丼飯仲有好多唔同嘅款式，期待下一次再試佢哋嘅靚丼飯！———————————————🏠環境舒適度：💛💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛————————————————…查看更多

很少寫食評，但真心推介這裏給各位。這裏的壽司材料新鮮，價錢相宜。海膽軍艦新鮮，紫菜脆。墨魚壽司，爽脆冇渣。三文魚腩壽司，大件夾抵食。最推介的是他們的魚湯，超濃的魚味，用料充足，一試返唔到轉頭！飲得出係用咗幾十條鮮魚用咗好多個鐘頭熬出嚟先會有呢一種味道！他們的串燒也是有驚喜！豆腐先炸再燒，在其他餐廳未食過這種口感。燒雞皮將所有油分迫了出來，十分爽脆。員工十分親切。已經多次光臨，就算唔係住灣仔都特登過嚟， 130相信未來還會繼續幫襯。很少寫食評，但真心推介這裏給各位。這裏的壽司材料新鮮，價錢相宜。海膽軍艦新鮮，紫菜脆。墨魚壽司，爽脆冇渣。三文魚腩壽司，大件夾抵食。最推介的是他們的魚湯，超濃的魚味，用料充足，一試返唔到轉頭！飲得出係用咗幾十條鮮魚用咗好多個鐘頭熬出嚟先會有呢一種味道！他們的串燒也是有驚喜！豆腐先炸再燒，在其他餐廳未食過這種口感。燒雞皮將所有油分迫了出來，十分爽脆。員工十分親切。已經多次光臨，就算唔係住灣仔都特登過嚟，相信未來還會繼續幫襯。…查看更多

叫左一碗飯、一碗麵、一杯酒。等左20分鐘，全場得3枱客。（一枱食緊，一枱剛到）見剛到既客都有酒、茶但得我地咩都冇（酒、茶都冇），要主動問！原來拎漏左杯酒（倒杯酒都係10秒既事）、未煮麵（味精湯既簡單牛肉烏冬）但戲肉係！！追單個陣，問左句：請問我地個枱有冇漏單？個待應話：我地得一個廚炸，我幫你唔到啊！???????咁既態度？其實簡單覆句：「幫你追下」…咁就得啦！仲要同早到既熟客不斷咁單單打打我地，講d有骨既說話比我地聽，話自己都冇辦法幫我地、點做姐……查看更多

今日去咗灣仔廈門街嘅日本料理。依間餐廳真係可以叫做係親民又隱世呀！餐廳晏晝主打丼飯，而夜晚就有其他特色嘅日本料理食。呢度嘅刺身真係好新鮮，真係不時不食啊，佢會推介一啲新鮮嘅食材，俾我哋去揀。我哋5個人叫咗八至九樣嘢食都已經覺得好飽好滿足1.牛他他平時食開嘅牛他他都係切開一條條，然後撈埋一齊食， 而依個牛他他，係成塊去切出嚟食真係好好食，脂肪分佈平均，所以食落唔會覺得太油膩，而又覺得好有油香，肉質都好鮮嫩，食落唔會有筋！就咁見到個樣都已經可以流曬口水喇2.蜜柑鯛餐廳啱啱翻咗新鮮嘅魚生，推介蜜柑鯛，顧名思義魚肉有蜜柑嘅味道，因為依隻魚係蜜柑大，所以會有蜜柑嘅味道。魚肉非常之鮮嫩實肉，食落好有咬感，但又冇筋而又有一絲絲嘅蜜柑，味道真係好特別。 咩都唔點就咁食都已經覺得好好食。 如果點埋佢附送嘅醬汁一齊食， 哇，真係覺得好正啊！佢個醬汁係經特別調製過，令食物嘅味道更加提升咗。3. 令和之怪物講起食日本蠔，就梗係唔少得令和之怪物啦，真係好大隻呀。平時食蠔都好怕食到咁大隻。 因為通常都冇乜味道，亦都唔係話好creamy。但呢個蠔真係好肥美，好有味道淨係加少少檸檬汁就已經令佢個味道就更加昇華，好鬼好食，好鬼滿足4.沙甸魚壽司廚師是日推介沙丁魚壽司，對於我嚟講沙甸魚壽司好似好奇怪咁樣，但食落又真係幾好食，魚肉夠曬。 嫩滑食落唔會有平時食沙甸魚罐頭嘅味道，而且最重要係佢啲壽司飯真係好好食，好多貴價日本餐廳做嘅壽司飯都唔好食，而呢度嘅壽司飯又真係估唔到做得好好，因為飯粒軟硬度適中，調味做得好，令飯唔會搶咗魚生嘅味道或者個飯冇味。 而且握製時處理得好，所以壽司飯夾起唔容易散。 但係擺落口真係易散開，非常正5.串燒我哋嗌咗啲串燒 佢推介都雞嘅內臟，佢依度啲內臟處理得好。 所以唔會有雪味，亦都將內臟嘅獨有味道減到最低，所以燒出嚟味道容易入口，好岩好怕食內臟味道嘅朋友仔試下6.魚湯我本身個人係非常之怕飲魚湯因為覺得腥。 但係呢度嘅魚湯我都飲得到， 魚湯味道夠曬清香又飲到魚嘅味道，但又唔會覺得腥，食完飯刺身後飲返一碗熱辣辣嘅魚湯，真係好舒服7.刺生丼飯依度本身主打當飯，就梗係要試吓啦 海鮮丼飯上面嘅海鮮樣樣都非常之新鮮，海膽非常鮮甜。，而蝦食落亦都爽口彈牙非常之正，其他嘅魚肉刺身都好新鮮。 帶子亦都非常爽口。 加少少豉油撈埋啲飯一齊食。 哇，真係好正啊整體嚟講，餐廳食物質素非常之高，而且價錢易亦都非常之抵。如果依一餐喺出邊日本餐廳食應該都要幾千蚊落樓， 但係呢度只不過係千零蚊非常之抵食。呢度又平又好食，真係好啱一班好鍾意食日本料理嘅朋友仔嚟食返餐…查看更多

I recently had the pleasure of dining at 丼盛, and I must say, it was an exceptional experience. The atmosphere was warm and inviting, creating the perfect setting for an enjoyable meal. The sushi was simply outstanding! Each piece was meticulously crafted, showcasing the freshness and quality of the ingredients.The staff were incredibly attentive, providing excellent recommendations and ensuring that our dining experience was nothing short of perfect. Thank you, 丼盛, for the unforgettable sushi experience! I look forward to my next visit.好好味既隱世小店. 串燒好味. 壽司質素好! 價錢又唔貴!…查看更多

Lunch喺附近見到新開，店舖唔係好大，坐到大約15人，我哋一人一個，叫咗個魚生雜錦lunch set丼飯，有salad+soup，salad係mixed veggie + sesame sauce，湯我哋要左三文魚湯，幾鮮甜同幾好味，唔油而且溫度啱啱好。不過丼飯就好一般，魚生無咩味，海膽唔係好新鮮，而且壽司飯比較濕身同埋煲到有啲散，mix埋魚生食個飯會爛爛地😅😅不過可能岩岩新開張，始終都要啲時間，普通試一次OK。…查看更多

上星期四晚（重陽節假期前夕）和友人不知到那裏吃，路經利東街隔離的汕頭街見到一小店-日本舖，門口有餐牌，價錢非常合理，便入去試一試，朋友點了魚生飯，我則吃了牛扒飯，我的牛扒略嫌韌，反而朋友點的魚生都幾新鮮，最令我驚喜的是碗自家製魚湯，味道濃郁但不肥膩，小店地方雖然小些，但服務尚算親和，埋單又不設加一，現在本地樓下小店買少見少，都應該支持一下😄…查看更多

#香港美食 不過不失的日本丼飯：同朋友嚟食壽司，比其他舖頭小人，就選擇入去坐，餐牌嘅選擇多種類，有日式嘅丼飯，壽司，手卷，刺身同串燒等等，選擇種類嚟講都算OK。本身打算叫兩碗當飯填飽個肚，食完之後覺得唔多，試咗個刺身沙律，啲刺身尚算OK但係刺身丼飯會比較新鮮一啲擺盤亦都比較靚同埋肥美。最好壽司方面，份量唔錯，刺身夠新鮮。而我最鍾意就係串燒，燒出嚟嘅美食很香，醃肉都有考究心思。唯一美中不足嘅就係汽水唔夠凍。由於天氣太熱，一坐落嚟就叫咗杯凍飲，所以特別要求罐汽水係想凍，但係唔凍。另外會免費有抹茶熱飲，不需要加錢，但有加一收費服務。有電視機，但冇畫面，純粹着住覺得爭咗啲氣氛，至於坐等方面環境整理整潔，但座位唔夠舒服地方比較狹窄！可有進步嘅空間。埋單加一消費，價錢偏貴總共食咗二百幾蚊，當飯價錢一般都徘徊百$100以上。如果計性價比嚟講，都是一般。可以有更多進步空間。…查看更多

返工搵到啲好食嘅日本料理好食又平先難，介紹比大家呢個午市和風套餐，包括泡菜豚肉丼+前菜+飲品$78*套餐附送時日前菜和面豉湯或汽水另外可以選擇加$15轉招牌魚湯…查看更多

上星期無意間路過，見到新開有間日式店，啲相幾靚，諗住入去試吓。我糾結咗好耐揀咩，因為款款個樣都好靚。 最終叫了熟嘅牛油果三文魚帶子飯，同相片一模一樣，好鮮味，個蛋又出奇地好食，帶子都鮮，價錢唔貴，店舖乾淨，下次會再來。因為係新開，暫時冇乜人識，下次會再嚟多幾次。 …查看更多