丼吉日式吉列豬排專門店 (朗豪坊)

幫襯咗好多年，好鍾意食，尖沙咀又一城都去過，但唯獨是旺角朗豪坊嗰間個馬髮女經理真係好X煩，次次去親都sell我買現金券，我次次都有買，因為我成日都會去食嘅，最後去嗰次又Sell，之前嗰啲都未用晒，埋單嘅時候不停講真係好煩，我去其他分店係冇呢個情況，所以以後都唔會去旺角朗豪坊呢間分店…查看更多

去完日本仲心心念念當地吉列定食，番到黎香港間唔時想滿足口慾，搵番間類似嘅一解思鄉之愁。但香港唔係有好多餐廳都專做吉列定食，上網一搵就出現旺角呢間丼吉，地理位置超級方便。入座後男職員即刻奉上熱茶，我都無慮即決，叫左個炸蝦同炸帶子定食，再加炸蠔！海鮮盛宴🤣落單時職員都有提到因為係新鮮即炸，要等番10-15分鐘。等待途中仲嗌左杯梅子梳打，食飯前飲非常開胃食完仲好解滯，大推！上餐時男職員介紹番枱上醬汁嘅用法，帶子勁大粒炸蝦食到好新鮮好彈牙，生蠔就略顯普通。椰菜絲用番枱上嘅西柚汁淋少少已經好開胃，食完職員見到仲即刻幫我再加。先知原來白飯同椰菜絲可以不斷添加！整體而言，同日本比就點都仲差些少，但都叫做好滿足，食到捧住個肚走。不過唯一美中不足大概係價錢略貴，但冇計而家香港食咩都貴，係睇下自己覺得值唔值，我就覺得呢個價錢間唔時食一兩次都可以，值得一試。…查看更多

前一兩日前，路經朗豪坊，入去行一行，見到呢間叫TONKICHI 嘅日式餐廳，覺得佢哋嘅裝修好特別，最重要我見佢主打係炸嘢，我個人都好鍾意食香口嘢，所以就入咗去試一試。我哋叫咗個二人餐，有吉列豬扒同炸蝦，唔係講笑，豬扒彈牙多汁正呀仲有配埋呢個豬扒汁簡直一流啊仲有炸蝦都可以搭埋呢個他他汁呢更加鮮味突出彈牙呀👍🏻👍🏻👍🏻真係好香口好好食，仲有白飯同沙律菜係任食添。服務態度好好，我不停咁叫沙律菜食，佢哋都係滿面笑容。下個月，我一定要帶埋啲朋友一齊嚟食。 …查看更多

難得放星期日緊係周圍搵野食,行完西洋菜街,行完旺角道都冇乜令我有衝動入去既餐廳. 走上去朗豪坊睇睇啦,好多餐廳林立,之後見到有間好有日式風味既餐廳,吸引左我埋去睇下MENU,行埋去門口職員都已經即刻同我介紹佢地係吉列專門店,有30年歷史.見佢咁熱情,都即刻抱住一試既心態去試下.見你吉列豬扒咪問佢幾款豬有咩唔同,咁佢地都好詳細介紹,咁反正都係試,就試最正果個啦厚切豚,叫完餐都即刻比左個芝麻我,介紹埋點用點食同埋D 汁醬,果然專業~豬扒一上到黎,金黃色GA 豬扒同翠綠既椰菜絲,睇見都流晒口水,一咬落去果然D 油香都滲透晒係豬肉到,合為一體咁.食得多件都即刻要食D椰菜絲解下,搭配埋柚子汁,一絕.椰菜絲清爽甜,有埋柚子汁既併配.解膩一流,我都ENCORE 左幾轉.白飯又雪白,陣陣飯香.都係一絕.飯後仲有生果同玄米茶做個完美既結尾.下次一定要再黎…查看更多

之前去睇kuromi 所以先去朗豪坊，買完心頭好之後，望到呢度都開左間tonkichi .幾年前係the one 見過，感覺佢地啲豬扒應該幾正。今日難得遇到去試下先，原來都開左兩年。叫左個豬柳定食，冇肥肉，啖啖肉，正呀，充滿肉汁😍😍服務員啲服務態度好好，不斷為我倒菜添小菜。唔錯good👍🏻…查看更多

中午時間去食，環境舒適，一個人都比左個小卡位我，幾好坐。吉列牛好好食，入口即溶。椰菜絲清爽 ，職員話可以配紫菜汁或者西柚汁，我個人鍾意紫菜汁多啲，比較香濃員工服務幾好，知我第一次食都好多推介。下次黎再試下吉列豬…查看更多

今日終於黎呢間tonkichi食佢地出名既吉列豬扒，一叫左個吉列豬扒併蝦，一落完餐職員拎個芝麻過黎，教埋我用同介紹啲汁醬，豬扒充滿肉汁，大蝦爽彈，正👍店員話椰菜絲同飯可以任加，仲不時問我需唔需要加菜。最後我食左兩碗飯 加左三次菜🤣🤣佢仲有啲2人餐，3人餐同唔同款既炸物，下次叫多啲朋友一齊過黎食先，可以食多啲野，試唔同款，佢地話想要房可以打電話搵佢地預約定房間，咁就更加好啦，可以私隱度高啲😹😹…查看更多

路過朗豪坊見無人排隊所以入去食 環境舒適 開始座低有杯烘茶飲 食完仲有杯玄米茶幫助消化 炸豬扒脆卜卜👍 炸蝦都好大條👍👍侍應有sell現金卷優惠 耐心介紹檯面醬汁 服務幾好👍👍用完餐職員再送上水果 👍會再幫襯⋯！！…查看更多

以為連鎖店會有保證，點知近$200一個晚餐定食，連個味噌湯都冇，個飯仲細過吉野家個飯，炸豬扒又唔見出色，魚生只有非常迷你既三件，就好似$200價錢食緊仲衰過吉野家既質素，仲要收成$9茶錢，當自己茶樓嗎？而我只飲左杯水，餐牌上冇寫明會收茶錢，到食完俾錢時先發現，咁偷雞摸魚法⋯唔怪得知咁多連鎖店執，咁嘅質素點留住啲客！成日話人唔支持香港消費，但性價平咁低，叫人點支持？呢間野可以black list，永不光顧！…查看更多

加一over 200 一個lunch set。唔好食，唔會再食。店內不斷sell 餐券，但真係唔會再吃。豬排一般，唔特別有味道，角切壽司飯也不覺得新鮮好味，呢個價錢，可以有其他更好選擇…查看更多

放工嚟到朗豪坊搵嘢食，見到丼吉日式吉列豬扒專門店，諗起好耐無食過，就入去搵個位置坐低了。呢度最出名當然係吉列豬扒，炸得香口之餘，亦保持肉汁，唔會炸到乾噌噌，好juicy😋😋除咗豬扒之外，其他炸物同樣出色，例如宮崎牛肉、帶子、廣島生蠔等等….今次冇叫豬扒，叫咗個吉列深海大蝦半北海道帶子定食，另外加多兩隻廣島蠔，好豐富嘅一餐🤭🤭不過今次啲帶子同大蝦炸得有少少乾，不過都好食嘅～～順帶一提，呢度嘅珍珠飯同埋日本椰菜絲係可以免費添食，當然要量力而為，食得幾多添幾多啦！…查看更多

這間「丼吉」日式吉列豬扒店由銅鑼灣世貿廣場開的時候已經有光顧，第一次去是妹妹生日，然後我們排了一個多小時才入座。但當吃到了他們的炸豬扒，就明白等待都是值得的之後他們在不同的區都有開分店，但感覺沒有銅鑼灣店那麼好吃。這日剛好到朗豪坊打咭哈利波特，剛好看到他們在電梯旁開了一間分店，決定係度解決晚餐。款式選擇好多，印象中豬柳沒有豬扒好吃，所以選了上級豬扒定食（💰218）。枱面上有三個不同的醬料 - 豬扒汁、紫菜汁及西柚汁。豬扒汁是沾豬扒吃，而另外兩個汁就是用來拌椰菜絲來吃。豬扒表面非常鬆脆，裏面的豬扒非常juicy肥瘦均勻，肉質一點也不柴。每咬一口豬扒，吃上一口白飯再加一口新鮮椰菜，簡直絕了。他們的白飯跟椰菜都可以無限添加，不過白飯我吃不了太多，只是加了一轉椰菜味噌湯料很足，有豆腐、海帶跟蜆肉。不過味道有點咸。最後仲有西瓜做甜品，食完真係飽到上心口但又超級滿足餐廳是有加一服務費的，要注意啦。總結：味道非常好，晚市價錢較貴，中午去食抵食啲，上級豬扒定食必點，豬扒外脆內嫩，絕對值得再去！…查看更多

去過銅鑼灣、金鐘，同旺角三間，得旺角一間啲豬扒係好食既，點解可以差咁遠既？ 人哋呢間鋪頭明明出名炸粉散脆、醬汁好味之餘，啲豬扒係汁同肉均勻交錯，好好味架嘛，但係港島區兩間食親都係咁差，啲豬扒有根、夾住一條脂肪，其餘部位就全瘦，係唔係收錯貨呀🥲。最慘係，食完旺角果間好味，係金鐘食多次，今次叫既係880蚊果個set, 全部野都一般，只得刺身好味，勁哂錢😰😭埋單930蚊換失望！ 隔離枱客同經理熟，話專登去金鐘搵佢幫襯，唔知佢哋果舊豬扒會唔會係正常啲，不過我果舊就真係覺得被搵笨。（附圖咬唔開既有根豬扒）…查看更多

聽店員講佢哋嘅舖頭已經有30年喺香港😱😱食得出啲蝦唔係太cheap😂廣島蠔都好食，豬扒都好軟熟! 其實真係一分錢一分貨，佢嘅質素真係唔差、梅子梳打都好好飲！服務人員又好禮貌👍絕對會再幫襯！ …查看更多

食物新鮮，每次回港必去！店長推銷餐券手段靈活，不會強迫，就算不買態度仍然非常良好友善，今天點餐時可能與員工交流不足，單點變了套餐，員工立即替我們更換，店長知道後向我們道歉，而該員工亦一再致歉，非常專業👍🏼…查看更多