丼丼屋 (德福廣場)

啲人话唔钟意食集团餐厅，我觉得本住佢地养左一大班员工，都要去帮衬吓啦，但原来佢地除咗加晒价之外，而且质素系无改变过架，以前去会觉得丼丼屋滑蛋猪扒好正好吸引，但依家卖成九十蚊，仲要加一。虽然望落系好吸引，事实系三文鱼薄切，吞拿鱼真系好一般嗨，唔系唔好食，而系卫生系依家个疫情系咪要著重啲呢！鱼生放太耐或者温度唔合适会影响了食用时的感觉架虾系大只既，，但系一只新鲜，另一只就一般，甘既质素卖壹佰陆拾再加一。。。。…查看更多

本来谂住求其揾间餐厅食，见冇咩人排队就入咗去，做嘢𠮶阵时职员态度唔系太好，叫左何滑蛋虾丼定食，点知虾无虾味，蛋又冇蛋味，个荔枝乌龙茶，又系冇荔枝味，只喺度饮茶，d 茶同大家乐冇分别！另外，叫咗个和风汁牛煮牛肉配饭，啲牛肉真心仲衰过吉之家，个牛肉系大块，但系系完全食唔出有牛肉味，跟住到啲牛肉汁啦，我觉得佢唔放汁仲好过放，食物水准真心一般。职员又好似唔愿做咁，态度一般般，我哋落单𠮶阵时有疑惑，都冇主动出声。呢间野真系唔值得推介！…查看更多

今日虽然系平日，不过仲放紧大假，就想揾d好少少嘅嘢食。但撞正系放食晏时间，就唯有外卖拎走，免人多，免等位嘅嘛烦同危险啦。始终疫情都仲存在。咁见佢有得apps pre-order,咁我可以20分钟后去到就有得拎，几方便就拣佢。个完全失望嘅名物牛筋丼收$78.2鳗鱼饭就收$91.8冇餐饮，就咁得盒饭🍱，其实都有啲贵！不过鳗鱼饭都ok的，鱼算大件，米都真系珍珠米。不过牛筋饭就真系各有各口味！唔系我杯茶😅因为牛筋又硬，而且好多都有肉连住，其实叫牛腩就仲似样！而筋又唔淋，根本就咬唔开的。加上，沙律酱捞饭咁，好心佢就酱另上，等人可以健康啲就自己落少啲酱😑 虽然佢个酱都几好食，不过真系一啲都唔健康！好应该餐牌注明个饭系沙律酱饭啰😅呢个牛筋饭，冇下次！！😑 不过，而家apps预订，用alipay今次平$20即系两盒饭先$150就算la😓 …查看更多

星期日想在大商场揾食颇艰难，每间餐厅都排队，呢间人龙短啲，可以即刻入座！餐厅浅木日式装修，干净企理，比咗靠墙一个2人枱我哋，几阔落唔嘈吵！星期日无套餐，所有食品散叫，餐牌连图片都无，参考性不高名物牛筋丼（$68）完全无念过碗面会唧满沙律酱🥺而且牛筋是粒粒状，成碗饭数落得5-6粒，加上炆唔淋，食落似鸡软骨咁有粒韧韧哋嘅口感，其他嘅系煎过嘅肥膏，加上大量沙律酱，根本咩味都食唔出，只系沙律酱嘅味，加上七味粉嘅辣味，饭是珍珠米饭，正常嘅，讲真真系唔啱我口味！而份量又细，女嘅都唔够饱果茶（跟餐）正常茶味，唔假肥髀食：三色海鲜丼（$83）炸芝麻鸡翼（$18/2只）青森苹果梳打（$25）讲真散叫价钱真系唔抵，质量比想像中低（肥髀个饭啲刺身仲差过我在超市寿司部买嘅）店员正常服务唔会再试…查看更多

见外卖自取有折又好耐无食过就拣左佢呀本来想食咖哩饭既但见到有乌冬又有少少心动虽然未食过呢度既乌冬试下啦点左~吉列虾辣汤乌冬本身都担心会唔够饱点知看似唔算好多既乌冬食完都够加埋果三只炸虾虽然冻左但质感仍然不错个炸粉份量适中冻左都唔会淋晒至于个辣汤底唔算好辣只系微微味道正常少少重口味啱我~朋友点的黑咖哩猪扒饭佢话都几好饭既份量望落唔多但食埋个猪扒就好饱唯一美中不足就系个咖哩唔辣如果有少少辣味就更惹味了…查看更多