丹麥餅店

营业中

休息中

 🔍賣相先吸睛  總結：雙味齊飛，各有乾坤  兩款豬扒包簡直「雙子星」！上面走清新平衡路線，下面踩重口味加速帶，包體都保持鬆軟冇甩轆。唯一小缺點：若豬扒再厚一丟丟、包邊烘多陣更脆，就完美到上天～ 鍾意豬扒包嘅朋友，絕對要試呢種雙重滋味，保證食完返唔到轉頭！🚀 

有鋪嘅外觀、裝潢，已經可以感受到佢嘅年月。 店內都係幾個老人家主理。炸雞髀係非常傳統嘅港式做法。 雞髀炸得非常香脆，而肉質就比較乾身，不過唔會嚡。至於份量， 以而家各種超級巨脾相比之下，大細算係中等。 炸好熱辣辣，上面加左淮鹽，非常香口惹味。通常會要熱狗，都幾好食，但今次想轉轉口味，要左魚柳包。 麵包有先烤過。 魚柳炸到表面香脆，以入面肉質仲係嫩同有魚味。而且好厚身，完全填滿咗個包，好有滿足感。 呢啲咁傳統嘅餅店，而家買少見少，要回味下傳統味道就趁手。

別以為是普通包包啦😌一睇就個呢間鋪頭係老字號❣️經過諗住咬啲嘢🤣🤣呢個係新鮮出爐既魚柳包 即叫即炸！好脆好香口～～竟然落左茄汁醬 出奇意外地夾🥰其實我次次嚟到都有選擇嘅困難，因為好多包款都想試 而魚柳包係比較多人嗌嘅 等我都試埋一份仲有好多唔同款既包包 下次我要試炸肶👐🏼老字號靠既係街坊既口啤👍🏻幫手推一推先😃推介

唔係講笑！1958年開到宜家，成間舖得阿公阿婆👵👴坐鎮，收銀機仲老過我，就係香港人嘅集體回憶【鎮店豬扒包🐖】睇落平平無奇麵包夾住塊肉🤣▪️ 麵包即叫即煎🔥：用扒爐壓到金脆焦香，港式軟包吸晒豬油香▪️ 豬扒現炸⏳：外皮酥脆入面肉質嫩過小鮮肉零肥膏仲要醃到鹹香透骨▪️ 雙醬夾擊🍅：沙律醬+茄汁嘅經典組合，酸酸甜甜中和左油氣，直接秒殺連鎖店💡 包同扒都堅持現炸現烤、即叫即製   ‼只收現金💵‼

Chef Ecy’s Dining Experience:🥰 Food | Service | Price | Easy Access | Wheelchair | Easy Parking 🙂 😠 Pet Friendly | Cake Cutting Fee | Restroom Cleanliness | Corkage Fee | AmbienceThis traditional bakery shop has a long history in Hong Kong. It is located in the prime area in Causeway Bay for a long time. It is just around the corner of the street going towards to the Hong Kong Stadium. Many students or seniors like going there to buy buns, cakes, hot dog, fried chicken thighs, lemon tea, coff

丹麥餅店嘅魚柳包好耐冇食過啦~~係回憶嘅味道啊 咁岩出銅鑼灣就去咗食返一個 回味下中學嘅時光✨石斑魚好大塊 仲要炸到好脆 熱辣辣麵包仲好鬆軟，另外加咗沙律醬同埋茄醬 中和咗冇咁油膩 味道啱啱好

因為人客多，負責炸嘢既女士非常晦氣沒禮貌，我幫趁諗住支持下老店，點不知人哋生意好到發客人脾氣，又以為我打尖，之後包食物又一野丟在紙皮箱上等我自己執，真係冇下次，唔知點解要受氣。

炸石班魚柳包（$22）即叫即炸，份量比M記大。係咪真係石班魚就唔知，但口感不錯，肉質紮實，魚肉唔會一咬就散。炸粉薄，香脆。麵包微溫，用鐵板“辣”過，所以有少少脆邊。醬汁有茄汁同沙律醬，酸酸甜甜。軟豬仔包（$6）飽滿，脹卜卜，食落唔會似咬空氣。

去到銅鑼灣，咁啱俾朋友帶到去呢間老字號嘅餅店。應該之睇過條片講呢間老舖嘅名物熱狗，朋友問我要唔要試下，反正睇完戲個胃都有位當然可以試一試。店舖保留住舊式麵包店嘅風格，如果你經過的話一定知佢係老店。嗰種老店應該係七、八十年代或更早嘅風格。熱狗會喺一個玻璃室內即叫即做，呢種感覺，好似去到一個我無經歷過，只係喺電視上見嘅年代咁，好得意。以$15黎講，我覺得都幾正，腸熱辣辣，不過就細左啲，佢都有沙律醬，如果有埋黃芥辣就更好了。聽朋友講呢間麵包店有好多人幫襯，有幾會嘅話，會再試埋佢其他即做嘅包。

好後悔點解會咁遲先認識呢間麵包店，食完呢間真係翻唔到轉頭，老麥果啲魚柳包真係即刻比下去。宜家物價貴，以前細細個食老麥明明塊魚柳大過麵包，唔知幾時開始包入面嘅沙律醬覆蓋面仲大過塊魚柳，再者好多時候塊包一拎上手就冧晒，酸菜沙律汁又好酸，0誠意同0心機，所以我都冇食好多年了😂適逢今朝早心血來潮，想去吓啲老店當做支持下老人家老闆。其實好耐之前已經略有聽聞過啲住港島嘅朋友話呢間嘅麵包唔錯，但我當然因為佢嘅簡約、殘舊嘅店舖而卻步啦，真係有眼不識泰山～ 最近我去多咗銅鑼灣，幾乎每次經過都見到好多人買，令我對呢間舖頭充滿好奇心，相信佢應該係大家嘅食堂🫢果然冇令我失望🤤鋪頭對包都幾講究，由其係招牌有餡料包🤩（熱狗、漢堡包、魚柳包、豬扒包etc) ，每次都會先用鐵板烘一烘熱塊包，塊包去咁上下溫度就會翻炸石斑魚塊，令佢非常之脆口，加上又大塊，仲熱辣辣添，完全食唔到雪藏味。麵包亦都好鬆軟，脹卜卜，賣相幾好。我嗌左少醬（茄醬同沙律醬），味道啱啱好，醬汁唔會掩蓋佢嘅脆口，又唔會太鹹，交俾我嘅時候仲好細心咁用牛油紙包住，再入紙袋👍🏻鋪頭有好多捧場客，我買嘅過程中都遇到幾個熟客仔。佢哋大多嚟買菠蘿包、熱狗同埋奶茶咖啡

想當年正在讀小學，學校在銅鑼灣舉行運動會，爸爸在送我去南華會運動場途中，經過這間快餐餅店，買了我人生第一個漢堡飽給我作早餐。當時真的十分開心，因此現在每次經過都很想買個漢堡飽回味一番。今日經過，未吃午飯，就入去買了一個漢堡飽和一隻熱狗吃。店內的佈置很古舊，跟當年差不多，老闆和員工都已是一把年紀的長者，每天仍努力地營運著這間懷舊小店。漢堡飽很港式，跟美式連鎖店不一樣，餐飽是微微在鐵板上烘過，乾身帶少少脆，牛肉餅咬落應該並不是百份百純牛肉，加了些其他配料及調味，較美式的嫩滑一點，但亦少了點牛肉味，而醬計是茄汁及沙律醬。熱狗的餐飽也是烘過，微脆，熱狗腸是一般雞肉腸，放了沙律醬作調味，份量不算大。論食味，當然不應與那些美式餐廰或快餐店的燒烤牛肉及饀料豐富的漢堡飽比較（價錢也有距離)，但存感恩的心，懷緬一下過往的味道，也是別有一番風味。

🥳丹麥餅店十分懷舊，店內需要排隊(可能我星期六下午去)，我前面的食客，來來去去也order魚柳包、熱狗及雞脾！仍用人手寫單，十分特別！🥳: 我點了個熱狗($19)，到手仍然暖暖的,腸仔肉質鮮美，令人回味！我下次要試吓炸雞脾！😏🤭

這家外賣麵包店以懷舊港式熱狗和魚柳包聞名。當進入店內，即可感受到一股懷舊的氛圍，讓人彷彿回到了過去的時光。首先，熱狗特色在於香腸口感鮮嫩多汁，配以香濃的蛋黃醬和酸甜的蕃茄醬，每一口都讓人回味無窮。接下來是他們的魚柳包。這款包子以酥脆的魚柳為主要配料，外皮金黃酥脆，內裡鮮嫩多汁。搭配著濃郁的醬料，味道更加濃郁豐富。這個組合讓我彷彿回到了童年時光。除了熱狗和魚柳包，他們的外賣麵包店還提供其他美味的麵包選擇。他們的麵包軟中帶點韌勁，口感非常好。服務方面，店員們非常友好和熱情。可能因為店員都是老人家，而我帶着小孩所以他們更耐心地照顧我們。而且他們的外賣服務非常迅速，保證食物的熱度和新鮮度。總之，這家懷舊港式熱狗和魚柳包外賣麵包店是一個值得一試的地方。不僅食物美味，而且店內的懷舊氛圍讓人感受到香港的獨特魅力。

丹麥餅店📍銅鑼灣禮頓道106號禮信大廈地舖丹麥餅店好有歷史，雖然叫餅店， 但佢主打係賣豬扒包、魚柳包、熱狗。最出名就係豬扒包同魚柳包豬扒包個麵包脆脆地有烘過，外脆內軟，再中間搽咗沙律醬同番茄醬，蕃茄醬同沙律醬都酸酸地，中和咗炸豬扒油膩感。但佢都有返啲歷史，所以唔好太介意佢嘅衛生程度。畢竟都係老店，係食回憶嘅～————————————#hkfoodie #hkfoodblogger #hkfood #hkfoodshare #hkfoodblog #hkfoodlover #foodstagram #foodlover #hkfoodporn #foodphotography #foodieig #hkig #hkfoodieblogger #hkfoodielife#香港美食 #食好西 #吃貨 #相機食先 #homehong #foodie #hkfoodielife #hkfoodlover #hkrestaurant #香港 #hkig #香港好西 #hkcafe #香港好去處 #香港美食 #instafood#hkfoodblogger #打卡美食 #instamood #慢活

繼續在銅鑼灣開會。行過附近，見到一間傳統麵包店。當然又係一啲舊回憶湧現嘅時候了。好想食，豬仔包！即刻買個，嚟食先。鬆軟嘅包心， 芝麻點綴在外，簡單得來，令豬仔包有一種柔韌嘅活力感。