丸丸 洋食居酒屋

营业中

休息中

還原日本居酒屋味道‼️價錢相宜，環境寧靜⭐️推薦‼️明太子忌廉烏冬 $108好濃嘅忌廉香加上明太子同紫蘇嘅鹹鮮，但唔係撈烏冬得少少汁嗰種，而係湯烏冬，可以想像到佢幾重本🤭咖喱吉列豬扒飯定食 $168（飲品+$10） 吉列蠔 $35個豬扒真係好似我喺日本食過嘅北海道豚肉，肉味鮮香同時充滿脂香。兩樣吉列都炸得酥脆而無油膩感，外面乾爽入面juicy🩷三文魚刺身 $30 赤蝦刺身 $53新鮮足料，三文魚勁厚切。意式水果雪糕 $42原個水果入面有Gelato, 飯後甜品一流🫰🏻呢間味道真係拍得住日本，推薦‼️

朋友約我到太古丸丸洋食x居酒屋食晚餐。餐廳以日式料理裝潢，猶如置身日本感覺，位置安排空間感十足，加上店員有善，食物質素很不錯，值得推介Mimosa野菜蛋沙律 $68臨近聖誕節，成日出街食，諗住清清地叫一個野菜蛋沙律，日本沙律菜新鮮爽口，夠健康和牛壽喜燒配稻庭烏冬 $198今天天氣轉冷，叫左個暖笠笠的和牛壽喜燒，湯底濃郁加上和牛牛味濃，仲有豆腐、野菜、菇等等配菜，大滿足滑蛋豬扒飯 $158+28 配前菜、沙律及味噌湯滑蛋豬扒飯，滑蛋幼滑，豬扒炸到剛剛好，外層非常香脆，肉質幼嫩，加$28仲有前菜、沙律同味噌湯添，份量足夠

呢日經過太古城見到兩個大大嘅人形紙牌，原來係一間日式餐廳🇯🇵係由兩個日本人主理，唔同種類嘅日本料理入面都有得食，例如炸豬扒、鍋物、刺身、串燒等等😆和牛壽喜鍋配稻庭烏冬 $198凍凍哋嘅天氣最啱食啲暖笠笠嘅鍋物🔥呢個壽喜燒火鍋嘅材料都好豐富，拎埋嚟嘅時候比碟牛肉嘅份量嚇親🫣竟然有成二十塊，而個鍋入邊本身都有滿滿嘅蔬菜，例如紅蘿蔔、大蔥、香菇等等🥬食到最尾仲可以加埋滑捋捋嘅稻庭烏冬入去煮，索滿晒入面嘅醬汁精華😝吉列豬排定食 $148呢度嘅吉列豬扒採用低溫二段油炸方式，可以保持肉質柔軟之餘，仲可以令外層更加金黃香脆😗而佢哋用嘅豬肉都大有來頭，係日本嘅三元豚🐷定食除咗大大件炸豬扒之外，仲有芝麻豆腐、沙律、麵豉湯同白飯，而且佢哋嘅炸豬扒醬汁都係自家製，酸酸甜甜咁，好啱點炸嘢食😎焗蟹肉配黃金多士條 $88呢款小食有驚喜！兜仔入面係焗到好香嘅蟹膏加蟹肉🦀入口帶啲creamy嘅感覺，多士已經焗到每條都脆卜卜，食完覺得唔夠喉😆自家製西京味噌焦糖布甸 $48味噌湯就飲得多，用味噌整嘅甜品就真係好少見🤣佢嘅質感唔係好似布甸，反而有啲似雪糕🍨面頭加咗一層味噌醬，入口真係食到啲味噌味，又唔會覺得鹹，完全冇違和感

呢間餐廳有好多日式古老既懷舊擺設，仲有好多浸左既生果同埋樽放響位置兩旁好特別，呢度用左二段低温油做法去炸豬扒，食落豬扒又脆口又無甘油膩甘，豬扒大大塊肉係厚切既，沾上沙律醬食好夾，半肥瘦既豬扒口感岩岩好，層次分明。另外仲叫左一份和牛鍋物烏冬，和牛勁軟綿綿既口感，小編最愛食牛肉，呢度既擺盤好日式仲要將牛肉片砌成花花一樣既美感，視覺上已經拎晒分，加埋半熟蛋，烏冬既軟熟，牛肉片既入口即溶口感真係大滿足嫁。

🎀太古。居酒屋達人✖️洋食料理匠人合作新式體驗⚜️🎀🪄店名* #丸丸洋食居酒屋 #BistroMaruMaru🔮地址* 太古太豐路3號太古城星輝台金星閣地下🔮🗾分店地區🗾 沒有分店💰價錢$492 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_太古剩系食呢一類👉食物類型搜尋🔍🍜#pickyme_日本菜➖➖➖➖➖➖➖➖➖➖➖➖➖🎵餐廳環境🎵平時真係好少去太古區 見到呢間日式居酒屋食物款式都幾新穎 於是過黎試下～一出地鐵站大約行5分鐘就到 附近都係靠近住宅區 所以環境會比較安靜 裝修比較簡約舒適 就黎聖誕節所以都有佈置裝飾 幾有氣氛 有靠近窗邊位置 都設有沙發cushion位 及類似omakase靠近師傅坐檯～🍽️食物質素🍽️食物數量唔算太多 但整體都幾特別新穎 賣相都好少會系香港見到 食物系由資深料理匠人大嶺主廚坐鎮 延續原店精髓 及加入主廚巧手洋食和獨門肉類料理 打造出洋食與居酒屋體驗！👀評分💖💖💖💖💖🪄 吉列豬扒定食$148平時好少系香港食到甘高質素既豬扒 之前試過好多間日式都唔滿意 今次真心推介 而且價錢都合理 外皮酥脆 豬扒超級厚切 咬落去都夠j

介紹返💁🏻‍♀️。。🇯🇵 居酒屋 在太古 🇯🇵。丸丸 洋食居酒屋 bistro MARU MARU。太古城星輝台金星閣地下G1019號舖。二段低溫油吉列豬排Tonkatsu+ Deep-Fried Pork Loin。HKD148 + 10% @ 定食。HKD128 + 10% @ 每件焗蟹膏蟹肉配黃金多士條Crabmeat & Crab Miso Gratin。HKD88 + 10%帆立貝刺身 Scallop。HKD63 + 10%赤蝦刺身 Red Shrimp。HKD53 + 10%雞皮串燒 Skin / 豬五花串燒 Pork Belly。HKD28 + 10% 番薯串燒 Sweet Potato。HKD25 + 10% 翠玉瓜串燒 Zucchini。HKD18 + 10%🤫 尋晚約咗阿V喺太古城呢邊食飯談心..講緊嘅就係呢間叫做丸丸嘅洋食居酒屋..丸丸係地舖嚟嘅..喺Apita對開嗰個金星閣..即係郵局隔離..如果熟悉太古城嘅朋友應該知我講緊邊度😉🤫 呢個地方都算係幾大..好鍾意佢哋深木色系嘅桌椅裝潢..每張餐桌都有一定距離..私人空間充足..傾偈傾得耐啲都唔會覺得太過阻住人嗰種.

今日去太古城探朋友，夜晚順便喺太古城食飯～喺太古城中心外圍發現咗呢間居酒屋～唔想用腦嘅我哋，叫咗個居酒屋二人前套餐😆蟹肉蟹籽沙律，份量剛剛好，上面有唔少嘅蟹肉，而且蟹肉幾甜👍🏻小食我哋揀咗山葵八爪魚同埋燒鱈魚片，八爪魚嘅Wasabi味唔算太重，少許甜甜地，連平時唔食Wasabi嘅我都覺得唔錯👍🏻燒說魚片少許脆口，兩款小食送酒都一流刺身有三款，切得超厚，鮮甜肥美😋揀咗四款唔同嘅串燒，燒番薯超好食，雞翼皮脆肉嫩，好味👍🏻👍🏻炸物我哋揀咗吉列大蝦配吉列蠔拼盤，即炸好鬆脆，唔會好油膩，蝦同蠔都非常大隻，好足料日式炒雜菜，味道同份量都唔錯套餐嘅飯我哋揀咗迷你A4和牛飯同迷你刺身飯，飯量都唔迷你😂和牛好稔，好有油香，肉味濃郁；刺身飯用料都幾豐富，鮮甜最後仲有雪糕做甜品添😆套餐+$28可以加配自家製果實醋特飲，我哋揀咗奇異果，菠蘿醋梳打同紅酒蕃茄醋梳打，味道特別得嚟好好飲，仲要平時好少見👍🏻今晚呢一餐真係超級豐富，而且非常好味😋

🐮和牛壽喜燒鍋 $198牛肉系A4和牛 味濃 油脂分鋪均勻 再點埋蛋汁 包實成塊肉 口感更滑👏🏼另外有不同野菜 烏冬🥢明太子忌廉烏冬 $108雖然明太子分量睇落吾多 但原來都幾夠味 辣辣地忌廉汁creamy 烏冬掛汁 食落順滑😂🔥串燒拼盤 $148 5款🔸️自家製免治雞肉幾特別 入面加左啲雞軟骨 所以爽口🔸️雞翼燒雞翼 我至中意食🎵🔸️雞皮燒到好似薯片咁 卜卜脆🔸️牛舌爽口彈牙☺️🔸️豬五花肉💭餐廳環境舒適 系居酒屋風格 食物味道吾錯 種類又多元化👏🏼

又係太古發掘到一間隱世高質餐廳❤️ 依間日本過江龍居酒屋🤗 裝修帶有昭和時代特色😉 去打下卡影下相都非常合適👍 多款經典懷舊玩具飾品都好值得影相留念🌟 㨂咗熱門推薦嘅和牛壽喜燒😚 鍋物原鍋連明火爐送上，保證熱辣辣😍 鍋內有大量吸味配菜，令人可以盡情享受甜美可口嘅壽喜燒😋 和牛紋理分明，油花均勻，色澤紅潤明亮，勁高質❤️ 與壽喜燒湯底一齊食，真係勁夾勁好味😘 米蘭薄炸雞排一樣出色😚 大塊香口嘅雞排切件送上，藏於清爽沙律菜內，好豐富嘅配搭🥰 酥香惹味嘅雞排，夾埋爽口解膩嘅沙律菜齊齊食，絕配之選😆 㨂咗幾款串燒，分別係月見免治雞肉、雞翅、雞軟骨同埋蕃薯✅ 全部即叫即燒，上枱時香噴噴好吸引🤤 好喜歡月見免治雞肉😚 脆卜卜的雞肉棒沾上滑溜香口嘅蛋汁醬油，滋味一級棒😍 甜品㨂咗必食嘅鯛魚燒👍 微微溫熱好香🤤 食落外脆內軟，紅豆蓉甜絲絲😆 好好味喲😋宜家只需like 餐廳嘅社交平台, 即送西京味噌焦糖布甸一客🥰 切勿錯過喲🥳 

#20241119 📝📍 #丸丸洋食居酒屋 太古太豐路3號太古城星輝台金星閣地下G1019號舖➖➖➖➖➖➖➖➖➖➖➖➖➖➖➖➖➖#和風明太子薯仔沙律 $62💭 呢個上枱既時候已經好打卡able📸啲薯仔泥好似個游泳池咁中間裝住個蛋黃🥔食果陣將面頭個蛋黃同埋底下既明太子撈埋，成個薯仔沙律個味即刻豐富左好多，最正係佢仲有啲青瓜係入面，唔只味道，就連口感都豐富埋🥗.#厚切豚鐵板燒配咖喱醬 $155💭 聲稱經過31次反覆測試，成功搵到精準既時間同方法去慢煮呢隻三元豬係最好味，想講即使塊豬扒係極厚身，但係一啲都唔韌，少少韌都無，食落係爽彈既質感，真係不愧要用44個鐘去整😎叫左咖喱醬比起平時食啲日式咖喱稍微帶啲辣味，不過食到啲配菜又會有返啲蔬菜既鮮甜味，超推薦🐷.#豆乳海鮮鍋配稻庭烏冬 $238💭 個鍋入面有勁多海鮮，沙白、蜆、蝦、蠔、魚柳、帶子樣樣齊，用豆乳去煮清清淡淡就更加食到啲海鮮既原味，期間店員姐姐仲好好人過尼幫手煮，慎防啲湯瀉晒出尼，食完啲料仲可以有個煙韌既稻庭烏冬，最尾可以連湯都飲埋就暖笠笠🍲.#西京味噌焦糖布甸 💭 依家只要幫襯佢地堂食，然後like佢地社交平台，即送呢個甜品，咁著數點

有個朋友仔介紹太古有間食吉列定食好出色🤩而且價錢黎講唔算貴，比起其他吉列專門店性價比高，今晚一於試試佢😌吉列什錦定食🦐🦪🐖呢個定食有大蝦、蠔同兩件免治豬，大蝦夠晒彈牙而且仲好大隻🤭吉列蠔處理得好好，冇腥味而且仲保持到隻蠔濕潤，火侯掌握得好好👍🏻而我最欣賞既係免治豬🤗外面吉列皮已經夠晒鬆化，內裡免治仲有驚喜，食落完全唔乾身而且仲好有甜味好鬆軟，令人想一食再食🤤吉列豬柳定食🐖雖然老母平時麻麻地中意食豬，但吉列又唔同講法🤭呢個豬柳唔會又柴又乾爭爭，仲有少許肉汁微微濕潤，而且吉列皮整得好好，炸得非常鬆化🤩真係有驚喜😍聽店員講返，佢地既油係每日都會更換，唔怪得炸出黎既色水咁靚🥰而且吉列皮用嘅麵包糠都係用新鮮麵包整成，所以會咁鬆化😍完全睇得出食得出師傅係幾咁用心同認真去做😍自製咖啡燒酎☕️咖啡燒酎係店舖自家製，我就揀左加奶🥛咖啡味香濃之餘後勁有燒酎嘅酒味，係大人嘅味道凍檸檬柚子蜜🍋🍯食炸嘢係要飲返啲清新啲嘅飲品解一解膩，檸檬柚子就啱晒😌西京味噌焦糖布甸🍮味道同口感有啲似卡達拉娜，雖然西京味噌加落甜品度聽落好似好怪😂但其實唔係幾食到咸味，反而仲帶起咗甜品嘅味道🤤餐廳仲做緊promotion，Like

今日去左太古城SHOPPING,  晚餐去左試下間洋食居酒屋MARU MARU, 係由日本居酒屋達人堀田店長精心主理，仲同洋食料理匠人大嶺宗善合作，打造全新「洋食料理.  單係日本人主理, 都已經好吸引.  店內裝修都好簡潔, 好日本FEEL. 菠蘿奇異果醋梳打  $38蜂蜜生薑檸檬醋薑味汽水 $42餐廳自家浸製嘅果醋, 都幾酸, 幾開胃. 果味香甜, 解膩. 雪糕脆筒吞拿魚他他  $83呢個菜都好特別,    幾創新用雪糕脆筒香脆黎配搭吞拿魚 , 食法新穎 , 擺盤有特色.  吞拿魚蓉中加入中式菜脯、韓式辣椒醬, 海鮮醬, 鮮味滿滿. 脆筒敲碎, 伴他他入口, 多重口感 !唔錯. 串燒拼盤 (5款) $148自家制免治雞肉, 雞翅, 雞皮, 豬肉五花, 牛舌. 火喉剛好. 有微焦香味. 食材都係好高質. 特別一提係雞皮. 勁香脆. 二段低溫油吉列豬扒定食   $148定食份量好足, 配有麵豉湯,前菜,沙律,白飯. 採用日本三元豚,豬扒肥瘦平均, 二段低溫烹煮  油溫要嚴格控制,   利用唔同溫度低溫慢炸兩次，做到外皮酥脆, 肉質嫩滑多汁, 吉列炸皮炸得金黃酥脆,  果然係餐廳招牌菜佢

最近我嘗試咗呢一家餐廳嘅二人set 😋😋個set入面有個明太子意粉，整體來說非常好食！意粉煮到恰到好處，口感滑順，搭配明太子醬汁香濃，帶有一絲微辣，讓人一試成主顧。每一口都充滿了海味，讓人欲罷不能。🥰🥰🥰不過，和牛的表現就有啲失望啦。肉質相對較硬，咀嚼起黎無想像中咁嫩滑，味道都唔算係特別突出，讓整個用餐體驗有點打折扣。總的來說，明太子意粉值得推薦，但和牛就不是首選了。希望下次能有更好的表現！價錢唔平，不過喺呢個位置黎講，都明係正常價位。

位於太古城星輝台的丸丸洋食居酒屋是一間極具日式、洋式風情的居酒屋小店。餐廳裝潢簡約，有一種溫馨小酒館的感覺。當晚我們點了幾款精選菜色，每一道菜都相當美味。豆乳海鮮鍋配稻庭烏冬（$238）：這道菜的湯底以豆乳為主，呈現出絲滑、微甜的豆香，湯裡有新鮮的蝦、帶子、鱈魚肉、廣島蠔等海鮮，給人濃厚的海洋風味，與稻庭烏冬的嚼勁相得益彰。海鮮鮮甜而有彈性，湯汁濃郁不油膩，暖胃之餘帶來一絲滋補感。原條鯖魚一夜干定食（$158）：這款一夜干經過適度風乾，保持了魚肉的鮮味與質感。魚皮烤得微焦而香脆，與嫩滑的魚肉形成鮮明對比，每一口都散發著鹹香。配搭的飯、湯和其他小菜，讓這個定食的營養與味道更為豐富。. 串燒（$25）和 串燒（$25）：串燒是日式居酒屋的靈魂，這裡的雞腎串燒口感軟滑，帶有微微的煙燻香，令味道更加突出。雞軟骨串燒則呈現了脆口的質感，鹽調味精準，沒有過度覆蓋食材本身的鮮味。

位於太古既洋食居酒屋，主打二段低温吉列食物、洋食同沖繩料理等，餐廳採用大量木系裝修，牆身貼上多款手繪食物圖片✍🏻充滿日式居酒屋風格🇯🇵焗蟹膏蟹肉配黃金多士條（$88）蟹膏混合蟹肉🦀同埋芝士🧀一齊焗味道香濃，食到一絲絲嘅蟹肉👅幾足料，多士條表面香脆，內層鬆軟，配蟹膏蟹肉食，幾夾👍🏻二段低溫油吉列豬扒定食（$148）定食配有麵豉湯、前菜、沙律🥗同白飯🍚豬扒係採用日本三元豚，肥瘦均勻，經二段低溫炮製而成，即嚴格地控制油溫，將豬扒利用唔同溫度低溫慢炸兩次，做到外皮酥脆，肉質軟嫩👄唔油膩~明太子忌廉烏冬（$108）牛乳混合豆乳調制而成嘅湯汁，加上明太子、味道鹹香濃郁😋烏冬採用較為幼身嘅烏冬，口感煙靭，幾掛到湯汁🍜最中雪糕夾餅（$48）雪糕有抹茶/芝麻/紅豆/柚子味選擇，我地揀咗芝麻味，芝麻味道香濃👅配上脆口既夾餅，好似食緊雪糕三文治咁~自家製西京味噌焦糖布甸惠顧堂食，follow 餐廳社交平台即可免費獲贈，焦糖布甸幾香蛋味👅口感有啲似雪糕嘅質感，表面塗上西京味噌，炙燒至焦糖化，鹹鹹甜甜，幾有特色👐🏻蜂蜜生薑檸檬醋薑汽水（$42）餐廳自家浸製果醋，配上薑味汽水，酸酸甜甜，帶輕微既生薑辣味，幾開胃😆