串皇 (已結業)

咁岩係又新街轉車，等緊巴士個時見到呢間串燒就試下佢。個名叫串皇咁有霸氣，所以就試試佢。點知就中伏一開頭見到個雞皮六蚊串咪諗住試下，原來個個係BBQ package先係咁平。就咁叫係18蚊兩串一拎上手望見到個柄個度有牌子就知係來貨野，唔係自己整，質素大家都明。食落去同想像中一樣，唔係好脆，無乜味。咁既質素重要18蚊兩串，真係想支持下本土經濟都搞唔掂。希望店家可以俾多小小心機係d食物質素個方便。大家一齊努力！😄…查看更多

好耐冇食串燒喇經過串皇，見冇乜人排隊😜價錢都唔算太貴叫咗兩串牛柳黎試吓😛(*^^*)(*^^*)(*^^*)推薦度：3.5/5(*^^*)(*^^*)(*^^*)我唔係好記得我以前有無食過所以亦都比較唔到以前同而家既質素我前面有兩張單等左一陣先有得食我係即食既因為拎走就唔好食喇我覺得～🤪🤪燒完果牛柳色水都好靚加左少辣既沙嗲汁佢果汁唔係我最鐘意果款又甜又香既沙嗲有d偏中式同埋偏辣不過都係好味既而牛柳好冧，厚度都算唔太薄份量亦都適中…查看更多

晚上返元朗又新街落車有少少餓就諗住食兩串串燒頂下肚先去到串皇冇人買野冇人等緊見佢不斷燒緊司華力腸，唔通好好食嘅🫢🤪即叫即燒雞柳串-雞肉都滑，大概有4舊到啦魷魚串-好食，唔韌！大概7-8舊已經即叫即燒，望住佢燒，係旁邊即刻食，但係都唔係好夠熱👎🏻個辣汁幾香，唔算係好辣👍🏻感覺味道同熱度大不如前而且兩串加埋三十幾四十蚊都屬於偏貴😵‍💫如果簡單醫肚真係寧願去旁邊食下燒賣，感覺好似仲開心😅😅…查看更多

串皇係又新街都開左好多年,佢地既串燒係元朗應該都冇咩人唔識,每次經過都會聞到濃濃既燒烤香味,而佢地既串燒種類都非常玉,由一般既豬牛雞,到司華力腸,茄子,什至好多人都怕怕既七里香,即係雞屁股都有,有興趣既一定要試下…查看更多

元朗人氣嘅串燒鋪，之前聽啲朋友講話特登搭車入嚟食，今日終於第一次試。叫咗豬頸肉，牛柳，雞柳。串燒本身已經燒好咗，所以大概5分鐘左右就有得食。本身有啲擔心佢燒好再翻熱啲串燒會乾，但係又冇事喎。最好食非雞柳莫屬（ $15 ），燒得岩岩好，脆邊肉嫩多汁，非常香口，自家醬汁配搭一流，又唔會太咸。豬頸肉（ $15 ）呢個就冇咩特別，類似平時燒嘢食嗰啲豬頸肉咁嘅醃料味道，切得比較薄，個人覺得串燒或者燒肉厚切係非常重要，因為咁樣先可以食到個層次。牛柳（ $15 ）呢個價錢食牛肉就唔好期望有牛味啦，不過牛柳好淋身，太淋，少咗牛肉本身嘅質感，好似花園餐廳食嘅牛柳咁。整體我覺得雞肉我係會再食嘅，其他就唔會啦，不過果然如傳聞中佢嘅醬汁係最正，叫咗小辣都好辣，係齒頰留辣。…查看更多

次次去串皇都唔記得影相，因為好食到完全諗唔到。串燒大串抵食，醬汁味道一流，“七里香”同雞皮絕對係必試，不過辣椒醬好夠辣，食唔到太辣既朋友都係叫bb辣好d。次次入元朗都要食先得…查看更多

串皇既串燒真係好多款式選擇，仲有特制辣醬同沙嗲汁，最愛佢既秘制醬汁，今次叫左串燒牛肉，煙肉腸，原隻燒雞翼，全部都係即叫即燒，同埋係網燒既，雖然鋪頭細細，但人龍不絕，好多人排隊買嫁。掃街之選。…查看更多

間中都會有一鋪宵夜癮！早幾晚又發作，即刻拉埋男朋友去買串燒食！🤤元朗串燒一講起就會諗起串皇，款式多醬汁又好食！每次想食串燒會過去買！今次叫咗雞全翼、秋刀魚、羊串、牛舌、翠玉瓜同埋雞軟骨等！佢嘅牛舌真係燒得好淋，好好食，唔會咬唔開，有啲外脆內軟嘅感覺添！每樣野燒完都仲好多肉汁，唔會燒到乾曬！🔥另外不得不提係佢個辣汁，真係好惹味好香口！沙嗲醬亦都好正☺️ 羊方面唔會好蘇！唯一美中不足嘅係要等較耐，而且店員態度都一般般。。。…查看更多

經過元朗食野 唔理由唔去食下串皇叫左雞皮 菠蘿 同魷魚老闆問要唔要辣 我爽快咁答左辣點知真係唔可以低估去佢既辣 因為係好辣雖然我唔太食得辣 但佢既辣醬係好過癮個隻 食物方面 質素就一般 鍾意食辣既朋友就唔可以錯過呢一間…查看更多

元朗又新街出名係美食集中地，但好多鋪頭都好快就轉手，而串皇就係其中一間屹立不倒嘅平民串燒店。前排路過，見到佢裝修，搞到冇得食。過一排又約朋友過嚟，終於都裝修完啦！裝修完鋪頭光猛咗，餐牌都無咩轉。我地嗌咗雞肉，因為配沙爹汁係最好食既！朋友嗌咗脆肉瓜。一路等就去幫襯隔離既燒賣王后，再去買杯珍珠奶茶，返嚟已經燒好喇！鋪頭出面有幾張櫈，我地就坐喺度食，環保d之餘又唔係拎住串嘢周街滴汁。燒得好惹味，雞肉唔會難咬。沙爹汁好香，熱辣辣，下次會食佢既邪惡燒雞皮！…查看更多

今日去元朗搵食，第一站先黎食串燒XD我地點左幾款，因為怕太飽食唔到其他，但其他我地食既時候不停話... 早知叫埋啦... 但又好快話之後仲有其他野食XD串燒一向要等，好食既亦唔介意等... 我地叫左:雞軟骨 $15 - 雞軟骨係食口感，個汁其實真係好好食雞皮 $15 - 我唔食，但朋友食，一個order有3塊，佢話脆口似薯片牛脷 $20 - 我覺得比較un，食既時候真係好有french kiss既feel XD魷魚鬚 $20 - 呢個都燒得香，無牛舌咁un,好食牛柳串 $15 - 等緊見佢出左一串俾之前個客，我地就死跟，加碼! 呢串野好嫩，好好味!但總括黎講，佢個汁係靈魂，而如果你食得辣，一定要食辣汁，我地幾串野食個辣汁食到好開心，問佢可唔可以再加汁，老闆話唔夠再問佢! 我地都話如果個汁用黎點埋之後既燒賣應該真係perfect~…查看更多

元朗呢間串皇我成日食。每次必食有豬頸肉。雞肉。司華力腸。真係好大食。但都食得晒。當晚餐。出名又開分店當然係秘制酱汁拉好惹味。而且焼得夠火候。外脆內多肉汁。雖然好熟氣。但真係忍5住買番串。…查看更多

老實說，街頭小吃 ⋯⋯ 大家都不會期望吃到什麼驚為天人的味道，十數塊元的串燒，如果筆者描述到味道是天上有地下無，我想我不是收了廣告費，定必是傻_左。我認為今時今日以這個價位來吃串燒，已經算是好好了。(要留意的只是各位的耐性，因元朗阜財街的小吃店大都排滿人龍)司華力腸 ($15) - 十五元的司華力腸，筆者認為性價比已是十足，大大條的司華力腸，「煙韌」的外皮包著好「淋」既腸肉，不錯。墨魚丸 - 四粒鬆軟墨魚丸的味道正是筆者喜歡的墨魚丸的味道。(非筆墨所能形容) [主觀]牛柳 - 味道其實還好，只是有一點「韌」而已。雞肉 - 只是一般的味道，我想是雞有雞味。豬頸肉 - 筆者認為應冠名為豬頸肉乾更為合適🤔醬汁 (不辣) - 味道不濃，蒜味亦不重，但為串燒欲是配得剛剛好。先謝過。…查看更多

《雞柳串燒》黎到一條雲集極多小店嘅食街，由街頭一路幫襯到去街尾，串燒，甜品，茶飲，餅店乜都有，一於唔食正餐，齋食小食食到飽😋黎到呢間串皇，串燒之皇咁話，淨係個名都覺得夠霸氣夠串啦。門口絡繹不絕，好多人排緊隊。我叫左一串燒雞柳，等左十分鐘左右終於到我開餐!!! 雞柳經過燒烤之後仍然keep住非常嫩滑多汁，咬到去有啲水份咇出黎，唔會乾爭爭，個醬汁係自家配方，偏辣，係後勁凌厲嘅辣，佢唔係一般食開嗰啲沙嗲醬咁甜甜地帶花生鹹香味，嗜辣嘅朋友應該會幾鐘意，但我個人就覺得辣得滯，不過肉質係要一讚👍🏻…查看更多

串皇，細細個ge時候已經黎食過。最近無黎一排，佢個鋪位比幸福堂租左，串皇就搬到去前2間位置。眼看它由大搬到細到合租，真係好似我都大個左不少😂魷魚係我每次黎都必叫之選，今次就選擇左唔辣。等左大概15分鐘，熱辣辣ge魷魚終於到手。滿心期待的，可惜咬下去比以前的略為硬身，很有咬口，味道則沒太大轉變。但小小一串的魷魚已經被加價到20元，略微性價比不太高，基於回憶ge關係，我都會返去食的 有時食野係食回憶ge魷魚串 $20 評分6.5/10…查看更多