影片
同母亲大人嚟饮茶，下午两点至四点半下午茶时段特价，$60.8三个点心，茶又好饮，Lee度嚟过几次,好食过好多酒楼点心,有诚意之作！山竹牛肉、酱汁凤爪、叉烧包同金钱肚，全部水准好。可以一去再去点心饮茶ge餐厅！
继续阅读
———————————————————————————-喺青衣只要一想食点心就会叫点佢外卖，食过好多次好多嘢食都唔错，系最近食到一个药膳鸡脚觉得非常出色，觉得都系要出嚟写返个好评，叫咗好多次外卖都冇中过伏㖞，我谂到有几年都仲维持到质素都几难得以下平时必嗌而又觉得好好食嘅点心虾滑酿鱼肚好出色嘅药膳鸡脚马友咸鱼肉饼蒸饭烧卖咸水角马拉糕虾饺希望长做长有啦———————————————————————————-
继续阅读
笼仔蒸饭套餐（$78，星期六/日/假期 +$10）・凤爪排骨笼仔蒸饭，份量足，饭底尚算干身唔会湿淋淋，凤爪及排骨味道正常。・菜胆海底椰炖白肺，汤清唔油腻，材质足，味道可以。・白灼菜心，4大条菜心，还算爽口，唔老身。点心拼盘（$59）有六款点心（虾饺、烧卖、鱼翅饺、潮州粉果、菠菜饺、枣皇糕），款款味道都正常。萝卜千丝酥（$30），热辣辣，即炸，无回油，外层酥脆，里面萝卜蓉味道清淡。总括嚟讲，屋村酒楼，食物出品正常，味道可以，收费合理。PS：茶钱每位$9，全日免收加一服务费。
继续阅读
今日去亲戚屋企坐下，因为仲系饮食控制当中😂，想食得清淡d，就系附近揾到呢间点心铺试试😋。去食个阵正值下午茶时间有特惠，60蚊就已经包左3个自选点心同茶位，价钱算抵👍🏻。一如所见，餐厅装潢淡雅朴实，带住一丝丝旧式茶楼既风韵🕰，座位方面有散位同卡座，任君选择。今次我就点左3款都系蒸既点心，分别系棉花鸡🐔，牛肉球🐂以及系鲜竹卷🎋。点心来讲都系即叫即蒸既，所以落单后都需要d时间，呢个moment就叹住杯茶包普洱睇下电视新闻先。点心蒸好之后一次过3笼来晒，热气腾腾🍲，分量十足，绝对无话因为下午茶将价就货。首先讲下笼棉花鸡，鸡肉滑嫩鲜美，猪皮弹牙厚软，浸没系浓浓既汤汁之中，口感上乘🙆🏻♂️！再来系呢款鲜竹卷，鲜嫩既腐竹包裹住林林种种既素材，咬开口汤汁洋溢，素菜爽脆鲜嫩，素食者必点之选🤞🏻！最后就系个个都会点既牛肉球，念住同出面都系一样有普通发挥就收货。结果食落出人意表有惊喜！牛肉弹牙爽嫩，说明打肉个阵落粉唔多真材实料🤌🏻，蔬菜馅料更加系清爽脆口，食落无软柴既感觉，就算无gip汁之下已经非常鲜味🤟🏻！综合来讲呢间点心铺下午茶既性价比算高，食物质素有中价点心铺既水准不俗。但再睇返晚市价钱💸就同下午茶相比贵出一倍，CP值就跌W了，不过以社区内唯一一间点心铺来讲可以一试。
继续阅读
真系唔掂，我都好少写负评的。虾饺算合格，烧卖义烧包真系有馊味，珍珠鸡除咗鸡肉真系会吐返出嚟。小笼包又干又腻。总之，好耐无食过咁唔好食嘅点心。与其搅咁多花款，不如认真做好点心。
继续阅读