中哥廚房 (已結業)

星期日睌一行三人到中哥晚膳，坐在外面一桌，叫了三個菜。三個菜到齊後，正吃著，看到下單的老闆娘捧著兩個竹蒸籠，她放下了一個在我們後面那桌，回過頭來說手上剩下的一籠是我們落單的，我們答説沒有，她仍嘀咕著說我們剛才明明有叫的。我們再三肯定說並沒有，她就黑著面走開。她進入店後，不久便找到ordered那籠小菜的客人，但她竟然沒有出來向我們解釋及道歉！天啊！這是甚麼服務態度？！竟然有這樣蠻不講理的人。她不介意得失一枱客人，我們也不介意不再光顧的。畢竟，香港是美食天堂，選擇多的是！小菜的味道其實不俗，但這樣差劣的服務態度，實在另人失望！…查看更多

【#飲食】C+搵食團 || 不平凡住家風味 - 【北角】中哥廚房最近搵開朋友行開北角開飯，北角除左食雞蛋仔之外，仲多左好多其他特式野食，今次就由地膽朋友，帶左我去街道轉角，食一餐不平凡住家風味 - 中哥廚房。 ******************************中哥廚房位置，係正轉角位，容易搵到門口。不過門口望落去，唔算特別特出，門口放左今日精選的大黑板，仲有好多唔同既既菜式相片。 我地去既時間較早，但已經有幾枱客，一入去果個應該係老闆娘，好落力咁招呼我地，仲同我地介紹唔同既菜式，入面都有一個大黑板寫住有咩特別推介。 原來呢到有特別既新疆菜食，不過朋友唔太好，所以我地先食中菜，下次再同其他朋友再試新疆菜。 ******************************#拌飯一流\\ 梅菜扣肉 - $90最愛的菜式之一，呢個係邪惡茶式之一，不過欲罷不能，用黎拌飯一流。豬肉燜得好入味之餘，唔會太咸，扣肉睇落好肥，都可以做到入口即溶的感覺，食多幾件拌白飯一流。 ******************************\\ 金牌話梅雞(半隻) - $118平時外出食雞，多數都係食炸子雞 / 風沙雞，多數都係乾身既雞，話梅雞都係第一次食，話梅當小食既味道，大家都知道係點，話梅整既雞味道又唔同，入口味道充滿酸酸甜甜的話梅，醬汁都算好多，鋪滿半隻雞，雞的肉質都Keep到幾滑，配上醬汁食，唔會太油膩。 ******************************瑤柱豆苗 - $98叫左兩個肉肉之後，當然叫返個菜平衡返。呢個係老闆娘介紹的菜。生論菜的份量或是瑤柱的份量都算多，菜唔會煮到太老，豆苗配上瑤柱，呢個都算係絕配，味道冇得輸。 ******************************中哥廚房北角錦屏街21號A舖 …查看更多

放工拖住疲憊身軀，經過呢間廚房……陣陣鑊炒香氣撲鼻而來，咁仲唔揾位坐低試下有冇"味不對辦"?睇下餐牌，原來有分新彊菜和廣東菜，今晚唔想食辣，咁就點咗脆皮牛腩和中哥小炒王。牛腩醮滿脆醬炸粉，難得炸過嘅牛腩唔韌，咬開仲有一絲絲，肉質保留不會過鹹，呢道菜幾有創意，唔怪得都幾多人叫……小炒王係咩呢？……蝦乾、魷魚、鮮蝦、炸菜、韮王、唯獨冇豬潤，不過好有鑊氣，送啤酒真係唔錯！再嚟多盅海底椰燉豬雞腳湯，足料滋潤絶對唔係"例水"，食咗咁多炒炸嘢，飲完佢喉嚨順番曬！…查看更多

新疆大盤雞🐓一向好中意食啲大漠風情既菜式😛。今次尼間餐廳，既有港式小炒亦有新疆菜，難得見到，當然要試一試啦。大盤雞等左半個鐘先上枱，陣味好淫賤啊😱，食落非常濃味，半隻雞肉唔多，不過夠滑，連薯仔都炆得好淋好入味！底下仲有手工麵🍝，索曬汁好好食喎。叫左中辣🌶，辣度相當足夠，但唔會好似川菜咁辣到嘴到痺，好香好辣食完仲想食。記得叫返個新疆手抓飯配住黎食！中哥廚房地址：北角錦屏街21號A舖分數：8.5/10…查看更多

好耐無喺呢條街食野次次黎都好似有野唔同左定係其實以前一路都無留意？呢間凍左好多餐廳可能為方便而開住度門坐低等朋友嘅我就好凍坐好遠都好大風呢度食新疆菜未去過但都幾鐘意食太早到未有其他客...主廚推介嘅寫晒出黎因為夠多羊肉同重口味！蒜茸炒豆苗正常嘅炒菜蒜夠多，但菜炒耐少少會好d,鐘意食林菜羊肉酸辣米線正啊呢個！鐘意食d最簡單嘅野！爆炒嘅半肉，酸竹荀，多葱，而家諗返都流晒口水！！！係肥d,但好L正！！！夠酸夠辣！！！新疆炒烤肉(走辣)呢個嘅炒羊肉應該同米線一樣不過用佢地自己做嘅夾包黎夾似"摩",肉夾"摩"不過層表皮少少癡牙可能我掛住食米線 放耐左個包…查看更多

When I saw photos on openrice, there was a mix of Cantonese dishes and Xinjiang dishes so I decided to check it out because I love Uyghur Lamb Pilaf.Bayi used to be the only place in HK that serves it until I discovered this place.Got there and the lady said they do both Cantonese and Xinjiang dishes so diners can choose Cantonese dishes as well if they don't like Xinjiang dishes.Anyway, I went for the Uyghur Lamb Pilaf and a Spicy lamb appetizer.Also picked this tofu dish which was Cantonese because it was coated in salted egg yolk.+++++++++Spicy lamb appetizer:Similar to the Sichuan appetizer, it had Sichuan peppercorns, cucumber, green bean sheets and lamb belly.A tasty dish that went well with the rice pilaf.+++++++++Uyghur Lamb Pilaf:This was a dish of rice mixed with carrots topped with lamb meat. The rice was flavoured and delicious so I was glad I ordered it because it went well with the dish above.+++++++++Crispy tofu coated in egg yolk:It was nice because it was coated in aromatic salted egg yolk but because the Xinjiang dishes were strong in flavour this turned out to be quite boring.+++++++++Roselle tea:A refreshing Roselle tea but to me it tastes like Ribena.+++++++++Not sure how this dish would taste but it is cooked with fish liver!!…查看更多

今天和一位老朋友聚舊，選了大家工作地方附近的食店一聚，是一間名為「中哥廚房」的中式料理餐廳。餐廳門面張貼了無數實物的料理照片，讓食客容易選擇，事關餐廳有很多特色的地道菜例如新疆菜、廣東菜等等，我們依照相片選了幾道菜。:)主菜有金牌話梅雞，話梅當小食就吃得多，和雞配搭的確非常特別，醬汁充斥著濃濃的話梅香氣，入口時話梅酸酸甜甜的，非常開胃，醬汁佈滿了雞塊，而且雞塊非常滑且不老，配上話梅後不但一減肥膩感外更令雞塊的鮮味帶出，入味得很。飯食方便點了XO醬大宅門海鮮炒飯，海鮮有魷魚蝦粒，炒飯非常夠獲氣，粒粒分明夠乾身，XO醬佈滿每粒飯粒，非常滋味。另外點了蒜茸炒豆苗，鮮綠有光澤的豆苗，入口爽口、不老、蒜茸的香味撲鼻而來。最後不得不提店員服務態度良好，經常主動奉上滿滿的熱茶。…查看更多

港🐷今日心思思想食下中菜 行過北角地鐵站 見到大大個招牌 而且都多人食 於是入去試下🤗----------椒鹽豆腐（$68）豆腐好滑 唔算好鹹 啲椒鹽粒都幾平均 但唔一齊食的話豆腐味就會淡啲 份量都幾多同大粒 而且唔會一夾就散😂-脆皮牛腩（$118）食落個皮有啲似春卷皮😂但牛腩超淋同軟 炸完都唔會硬同乾 仲喺好juicy 值得一試👍🏻-魚香茄子煲（$78）好大個煲 同平時見嘅唔同 味道唔會太鹹 見到好多辣椒但其實唔辣😂 份量都唔少 茄子肉碎都多😆-菠蘿提子雞粒炒飯（$68）望落好清淡 但其實味道啱啱好 炒飯唔會太乾 仲好多提子乾 清清地幾好😈…查看更多

婆婆細細個就照顧我，最近屋企人去哂旅行得番我同婆婆喺屋企，一於同婆婆出街食。老人家喜歡食中菜，搵到間中菜館去試試。餐牌選擇有好多，有小菜、炒粉麵等。主食叫左個撈麵。蕃茄肉碎撈麵。喜歡清清甜甜咸香，味道清新不會濟口。我最鐘意食脆皮牛腩。牛腩肉嫩不乾身，入口略帶油香，牛腩外層脆口粉薄，炸得不會油膩。喜歡牛腩帶點油香軟腍不失咬口。秋葵炒肉碎。秋葵爽脆不會鞋口，中間黏口清甜，肉碎炒得香口帶點微辣香口，調味濃厚不油膩。…查看更多

今晚媽媽遲放工無買餸煮飯，番到屋企就話好攰，沖個涼出街食飯。附近有間中菜餐廳，好似茶餐廳但其實是一間中菜館。餐牌有好多選擇，有小菜外仲有炒粉麵。酒樓最常有芝士大蝦伊麵。今晚都叫左一碟試試。滿滿芝士汁鋪在伊麵上，伊麵入口彈牙唔會好霉好腍，好怕入口太軟腍的麵質。芝士味道清清不太濃厚，輕輕芝士香味，大蝦爽彈無蝦腸。黃金琵琶豆腐。咸蛋黃撈炸豆腐，豆腐外脆內軟，外層濃濃咸蛋黃香，入口咸香滋味，食到停唔到。新薑羊肉。羊肉粒粒香嫩羊羶味不重，薄餅麵粉香口油香重，入口不太油膩。…查看更多

小店不難找, 北角站B1 出口左轉行到尾眼望右邊就見到中哥廚房了, 和好人氣的青藏牛肉麵在同一條小街上.3人點了京果陳醋骨 - $88, 一上枱已經聞到陣陣陳醋香, 排骨肉腍入口鬆化而帶脆口, 味道酸甜適中醋味不搶喉, 京果原來就是葡萄乾, 不錯金沙琵琶豆腐 $68  - 琵琶豆腐炸得有點過火了, 鹹蛋王也略嫌少了點不夠鹹香新彊炒烤肉 $158 - 樓面阿姐推介, 阿姐說烤肉是羊肉, 羊肉粒配以大蔥粒洋蔥粒和多種香料爆炒, 離遠未上枱已聞到我喜愛的孜然香, 把滿滿的羊肉碎夾入附上的夾餅內一口咬下, 複雜的香料味和點點羊膻味在口腔內爆發, 好一個新彊大漠風味, 好味 但這個餸一定要快食, 一涼了就會覺得滯口, 因羊肉粒蠻肥的. 最後點了生磨杏仁蛋白茶 $38 - 有杏香也吃得出是生磨, 但是太稀了, 失望…查看更多

簡單的一頓晚餐但滿載濃濃的煮家心意，喜歡餐廳的菜式，更感受到老闆的熱誠。甫坐下先端上一壺熱茶和餐牌，在晚市時間餐廳沒有加一，但會收取茶錢 $5/位 餐廳菜式與一般住家飯感覺有點相似，有晚市炒飯/小炒、時令小菜、燉湯和大廚特別推介，為了食到惹味的菜式，當然首要先考慮廚師推薦。中哥小炒皇 $90 小炒好夠鑊氣，而且例牌果然好大碟，份量足料，加入菜脯仔去爆香，再將韭菜、鮮魷、新鮮蝦仁和蝦乾落鑊快炒，配上小蕃茄，口感爽甜，好惹味，送飯一流！精美小菜類別選了芝士蝦球伊麵  $118 鋪上芝士焗成的伊麵多一份美感和「芝」味，芝士漿多到溢出，完全蓋住伊麵底，要翻幾翻去拌勻。蝦球色澤均勻有光澤，算大隻的蝦身吃落爽脆彈牙。平日也愛素食的朋友點了滋味鮑螺片燒豆腐 $80 三款菇雲集，鮑片、冬菇和蘑菇吸盡了湯底精華，芡汁煮至杰身，配上香滑豆腐，一口軟一口彈好好味。…查看更多

之前妹妹在whatsapp 將這裡的地址给我，我見到地址係錦屏街，落車就係錦屏街搵，點知搵唔到，打電話給妹妹，才知道要在七姊妹道入先啱，真係難揾。😰如果係區外客，記得問清楚地址唔記得隻雞叫乜名，雞肉係滑，唔算有鷄味。酥皮牛腩，炸漿唔厚，牛腩有咬口。👌炸蠔都好香口和鮮味。士多啤梨骨，有少少士多啤梨味，可惜底下的薄脆已經淋了。啫啫芥蘭好香，芥蘭好脆。椒鹽鮮魷-炸䊢夠薄，魷魚夠厚。醬鴨比較乾而入味。芝士蝦球伊麵就唔夠芝士。整體而言，可以一試👌…查看更多

香港人入秋總愛吃熱呼呼的雞菜式，一提起辣雞總喚醒到大家的味蕾，吃到熱辣的感覺的確爽。吃辣，當然要吃「中哥廚房」的新疆大盤雞，我們食後一試難忘。新疆大盤雞是經典的新疆佳餚，融合了漢族、維吾爾族與哈薩克族的飲食風格。 她們將湯汁拌著手打麵來吃，其實配著白飯吃也相當美味！大盤雞材料豐富、有馬鈴薯，雞肉，青椒，蕃茄，香料有薑蔥，乾辣椒、月桂葉和八角，香氣撲鼻。店主細心，將雞件切成细件易入口，雞塊鮮嫩，肉質富彈性，滲出淡淡辣味，滋味無窮。大盤雞大大份，足夠兩人份量。我們最喜愛就是藏在麵底的手打麵，麵質不是機器出來的倒模般一模一樣，每一條經人手打造富彈性，有嚼著。更甚是，它們吸收了豐富的湯精華，麵條似是濃縮了的大盤雞，每一嚐麵條能令我再次回味這美味佳餚，我們十分珍惜倘有的麵條，倒數般食剩了最後一條會有那種失落感！現在的我仍回味這大盤雞，下次經過北角，一定會再光顧！…查看更多

搬左黎北角幾個月，知道錦屏街有唔同類型既餐廳，今次就食下中菜餐廳內有好多手寫menu, 寫出黎既應該比較受歡迎 (純粹個人認為)我見好多菜式都特別註明新疆，原來老闆娘是新疆人，不過多數新疆菜都係羊，我地又唔食羊肉，唯有叫其他呢個籠仔蟲草花蒸雞飯真係值得一讚，飯有加入紅米ga, 感覺好有營養健康，而且都有薑，我覺得薑好香，連埋有雞油既飯一齊食超正仲有d雞好嫩滑原本無打算叫呢碟士多啤梨骨，咁岩隔離枱都叫左，被佢既香味吸引，忍唔住要order埋，有成6舊骨ga, 仲要大大舊，肥瘦岩岩好，唔會成舊都係肥肉味道方面甜甜酸酸，都好開胃當然都要叫返碟菜balance 下，濃湯浸豆苗老闆娘好和藹，叫我地下次要黎試下正宗新疆菜，話除左羊肉仲有其他的！而且誠意介紹麵條及餡餅都係手打的…查看更多