个園竹語

今次我地去左尖沙咀apple store買電話，book左對面海港城一間中菜廳食飯，諗住開心食好d，餐廳有個大閘蟹宴套餐做緊特價，我地就係為左黎食呢個啦😄餐廳雖然係中菜廳，但佢唔係平時茶樓咁好熱鬧既感覺，佢比較優雅寧靜，更加間開好多細房，令每位客人都可以自己一枱舒服用餐😌六兩大閘蟹 珍饈八味金秋宴（$598一位）个園滬式拼盤分別有4款小食既頭盤，糟香醉鮑魚，上海蔥油海蜇絲，糖醋小排骨，煙燻溏心蛋，開胃組合，碎鮑魚好入味，溏心蛋加左d胡椒粉又幾好食😋个園現拆蟹粉燴魚翅新鮮拆解蟹肉燴頂級魚翅，蟹香濃厚，湯汁鮮甜😍蟹粉翡翠牡丹蝦球個蝦球大大隻，鮮甜彈牙，下面既蟹粉都好濃既蟹香味🦐清蒸江蘇六両大閘蟹今餐既主角，江蘇陽澄湖大閘蟹，新鮮蒸好，六両大大隻，蟹黃膏滿，蟹肉彈牙，仲有個薑醋醬可以點黎食🦀私宴海派燻魚配芋餅上面既燻魚做到表層香脆，內裡魚肉好滑，下面既芋餅口感有d似魚鯪魚肉，唔係粉狀既芋頭🐟揚州蘿蔔扣花膠花膠食到彈牙既感覺，蘿蔔煮得夠火候，夠淋吸曬d汁，本身佢又好甜👍🏻原隻蟹粉小籠包蟹粉小籠包入面充滿蟹粉，咬開即爆汁，啖啖蟹香味湧出👏🏻桂花夠薑芝麻湯圓個湯圓芝麻香濃爆餡，係個湯真係好夠薑，我覺得辣左少少，唔洗咁夠薑就最好😆呢度食飯真係食得出每一道餸由食材到烹調方式，去到擺盤都係做得好好，服務同環境亦都係好高級，完全同平時酒樓食飯個感覺係唔同，食完係好滿足地走🥰…查看更多

同朋友係海港城睇完包包，就係海港城食埋飯先走，係門口見到依間餐廳裝潢幾靚就入去試下，全間舖用咗竹做主題，充滿古典氣息，睇menu原來係食精緻淮揚菜，有幾款菜式超好味，分享一下～坐低即有前菜、另外叫咗壺人蔘烏龍茶，好少餐廳有人蔘茶飲幾特別，入口回甘消滯宋嫂鮮魚羹 $88/位一向主張美容養生嘅我，當然要試下鮮魚羹 ，美顏又滋潤，入口鮮美十足，絕無丁點腥味！海鮮酸辣湯 $88/位朋友叫咗酸辣湯，我都試咗d，酸辣味剛好，食完個身暖笠笠，冬天飲就最啱la！私宴老上海燻魚 $188絕對推介大家食嘅菜式！一上枱賣相已經勁吸睛好似仙境嘅氛圍，外層炸到脆一脆，咬開係即爆出大量酸甜味超惹味！之後就食到大大塊海魚肉，大大件兼件數都幾多，幾抵食👍🏻鐵板上的小籠包 $90/5件原塊鐵板上嘅小籠包，所以仲係熱辣辣，小籠包放係鐵板上煎糅合生煎包口感，但咬開依然係爆湯汁小籠包，皮薄肉多好滿足！葱油鮑魚片拌麵 $188 好多大大塊鮑片伴碟，拌麵食落好香蔥油味，份量都幾多，3個人食都ok蘭梅桂花拉糕 $60飯後甜品～梅醬酸味味好開胃，加入清新桂花甜香軟糯糯拉糕，鍾意食糯米糍嘅朋友仔實鍾意！个園竹語 📍地址：尖沙咀廣東道3-27號海港城港威商場3樓3202號舖…查看更多

如果你係第一次去个園竹語，真係可以期待下😚 因為🐧 都係第一次去，令人意外地有驚喜❤️ 一入到去，環境好舒服，啲裝修好有江南風味，打卡📸都一流。一坐低問侍應有咩推介，佢即刻話鐵板小籠包必食🔥。我心諗：小籠包唔係應該用蒸籠咩？點知佢係用鐵板煎住上枱，熱辣辣，底部煎到脆卜卜😋。咬開一口，湯汁仍然超多又鮮甜，肉餡啱啱好唔會膩，真係有驚喜！我同朋友都忍唔住即刻加單再叫多一份👍。幾道菜都唔錯，揚州蛋絲炒飯本身好香，啲蛋絲幼幼地，米飯粒粒分明，配料啱啱好。唔會太油又唔會乾，食落去有層次，食完都唔覺得膩。黃金蝦球一上枱已經見到好吸引，蝦球炸到金黃，外脆內彈，蝦肉好新鮮。外皮唔會太厚，食落去真係好開胃，配埋少少醬汁更加正。食到最後想試下甜品，點咗個豆沙鍋餅✅外皮煎到香脆，入面豆沙滑滑地又唔會太甜，啱晒同朋友一齊Share。高力豆沙香蕉外層炸到鬆脆，入面有豆沙同香蕉，兩種味道夾得好好，甜度啱啱好，完全唔膩，食完有小驚喜。…查看更多

除咗有京滬好常見嘅龍井之外，人蔘烏龍茶係好少見！要！小食有毛豆、白蘿蔔同花生小魚乾，開胃唔錯！朋友係衝着佢嘅金湯水晶獅子頭Double-boiled pork & fish ball in pumpkin bird’s nest soup嚟 $188用咗燕窩、長江鮰魚、黑豚肉、蟹粉製成！佢另外都有傳統嘅獅子頭，不過嚟到一定係食個更特色嘅！蟹粉係夾心係入面，咸香又鮮！有豚肉都唔會令口感有硬厚！燕窩比例算多，金湯濃！另外，宋嫂鮮魚羹 Braised shredded fish soup $88 都係我好想揀飲嘅湯！料多，特別木耳好爽口，增加口感！魚鮮都唔腥！龍蝦鮑魚下午茶 $398/2位前菜 Appetizer鎮江肴肉 Chilled crystal ham served Zhenjiang vinegar 一口肉加骨膠原啫喱😆煙燻溏心蛋 Smoked soft-boiled eggs with black fish roes有煙燻鹽香配溏心蛋，相當唔錯！蜜汁脆鱔 Crispy eei in honey sauce脆口唔油！四喜烤麩 Roasted gluten puff with mushroom有埋黃花菜幾特別，烤麩都唔會一口油！配菜 side dish鮑汁扣鮑魚 Braised abalone in abalone鮑魚汁濃甜，鮑魚口感實淨😁點心 Dim Sum個園素菜餃 Steamed vegetarian dumpling皮有Q感，素菜都香青味。招牌煎小籠包 Signature pan-fried pork dumpling Ciao Long Bao煎香個底，多湯汁！豬肉唔豬蘇味，如果可以遲少少嚟熱啲更好。桂花糖蓮藕 Osmanthus lotus root stuffed glutinous rice 不過不失，唔太甜炸芝麻湯圓 Deep-fried sesame glutinous dumpling 內外都多芝麻，爽！麵 Noodle開邊龍蝦湯麵 Lobster in soup noodles - 標明有四兩重，每位有半隻！呢度已經值回票價😆 龍蝦湯勁濃勁蝦油，我哋都飲哂，超正！大驚喜！龍蝦肉都香軟！飲品 Drink飲品都好貼心有兩杯熱飲兩杯凍飲選擇，我哋就揀咗熱生薑蜜 Honey ginger同埋熱柚子蜜 Honey pomelo。話晒今日黑雨又紅又黃雨，去下濕氣😗…查看更多

今晚我們到「个園竹語」吃上海菜，甫踏入餐廳，現代時尚與江南園林的靜謐雅緻便巧妙融合。入口處黑色大理石櫃檯氣派不凡，與墨色磚牆、松綠皮革沙發營造出低調奢華的高雅氛圍。三款精緻前菜也很可口。鐵板小籠包小籠包置於炙熱鐵板之上，底部被煎烙至金黃，形成一層酥脆外殼。輕咬一口，薄而韌性的外皮包裹著滾燙鮮美的湯汁與無比嫩滑的肉餡，瞬間於口中爆發。與經典小籠包比，鐵板持續保溫的巧思，讓我們吃得很開懷。蔥油鮑魚片拌麵 麵面層鋪了四大片厚薄均勻的鮑魚片，入口嫩滑鮮甜，質地爽彈。底下的麵條口感絕佳，彈牙煙韌，完美吸附醬汁。鮑片鮮嫩爽彈、麵條煙韌、蔥油肉碎之濃郁鹹香帶微甜，絕配！紹興醉雞 雞肉完全浸潤於醇厚的紹興酒香之中，入口瞬間，冰涼滑嫩的雞肉在舌尖輕柔化開，肉質緊實而不柴，嫩滑度恰到好處。招牌海鮮炒飯甫上桌，撲鼻的鑊氣與香氣已先聲奪人。米飯炒得粒粒分明，乾爽俐落，絕無黏膩油潤之感。紅油抄手抄手皮薄而帶適度韌性，包裹著鮮美的肉餡。紅油醬汁調配得當，辣度溫和而香氣突出，香與辣味平衡，好味！…查看更多

話說早排生日同朋友去咗呢間餐廳食飯環境優雅 而且座位寬敞坐得舒服🥢鐵板上的小籠包—第一次食鐵板上既小籠包！ 皮脆肉嫩，多肉多汁，咬落去即刻爆汁，超有驚喜！🥢五年陳皮牛肉餅—口感似酥皮，估唔到內裏有肉汁！🥢个園揚州蛋絲炒飯—炒飯粒粒分明，而且很有鑊氣，但又唔會好油，炒得好乾身🥢蔥油鮑魚片拌麵—味道甜甜地，有好香既蔥油味，重點係個麵好有咬口，有啲似手工拉麵既口感，值得一試各款菜式都好好食，下次會再黎😆…查看更多

煙薰溏心蛋煙薰香氣和流心蛋黃很夾，回甘的余韻更是加分糖醋小排骨酸甜醬汁開胃，每粒小排骨都包裹著酸酸甜甜的醬汁。醬燒原只虎蝦入面是肉質爽口的蝦肉，惹味的醬汁加上焦糖香紅燒竹笙魚翅很足料！濃郁的湯頭與竹笙、一梳梳的魚翅味口感亦很黏稠珍味四寶四寶分別有鮑魚、海參、花膠和花菇，當中花菇吸引了醬汁的精髓招牌海鮮炒飯白飯炒得夠鑊氣、夠乾身，蝦仁很爽口，材料份量亦不少金牌蒸小籠包小籠包皮厚薄適中，推薦👍🏼👍🏼…查看更多

📢好喜歡「#个園竹語 」，前年食過一次呢度嘅大閘蟹盛宴之後，非常滿足同滿意 。飯腳提議今年再戰一次，二話不說即刻訂枱 🦀.📢對比起兩年前，價格都係上調咗些少，不過餐單整體上都絕對入升級咗，味道一如以往嘅美味，用料同製作絕對係無投訴，實在滿意 🦀.⚜️六両大閘蟹。珍饈八味金秋宴 $598🦀个園滬式拼盤糟香醉鮑魚•上海蔥油海蜇絲•糖醋小排骨•煙燻溏心蛋🦀个園現拆蟹粉燴魚翅🦀蟹粉翡翠牡丹蝦球🦀清蒸江蘇六両大閘蟹🦀私宴海派燻魚配芋餅🦀揚州蘿蔔扣花膠🦀原隻蟹粉小籠包🦀桂花夠薑芝麻湯圓.📢無論係前菜、炆煮菜式，抑或係蟹類精品，都係非常精美同吸引，兩位起就可以歎到高級數嘅大閘蟹盛宴，當中包括蟹肉魚翅羹，實在回味無窮🦀…查看更多

今日同friend黎到海港城港威商場嘅個園竹語，主打上海／淮揚菜。餐廳裝修用咗竹、園林元素，環境幾靜，枱距算闊，成間嘢感覺舒舒服服 👍 要留意雖然喺海港城，但唔係靠海位置，望唔到海景，主要係室內氣氛加分。🍽 今次食咗：- 松鼠桂花魚 酸甜度對我嚟講啱啱好，唔膩；外皮炸得脆，魚肉仲保持到嫩，幾乎無魚骨，食得好放心，呢道幾推薦。- 石鍋竹笙蟹粉燉豆腐 上枱好香蟹味，蟹粉、蟹肉份量都幾足，醬汁偏濃郁，豆腐好滑，竹笙增加咗少少咬口，幾下飯。- 鐵板小籠包 有少少似「小籠包＋生煎」瀨尿牛丸版 😂 皮薄，底部煎到脆脆香香，一咬爆湯汁，幾有驚喜。- 桂花荔枝糕 桂花香幾突出，荔枝甜味都好明顯，但唔會死甜，口感清爽，做飯後甜品幾舒服。😊 服務／整體感覺店員有禮，上菜節奏適中，會主動添茶、收碟。整體係偏中高檔定位，環境同用餐體驗有水準，適合約會、家庭聚餐或者請客用餐。總結：味道偏穩陣中有少少新意（特別係鐵板小籠包），蟹粉菜式用料都幾實在，如果喺尖沙咀想食上海菜兼重視環境，可以考慮呢間。…查看更多

今日同爹d行海港城, 到午飯時候爹哋話想食上海菜，同佢試依間餐廳，原來入邊好大，餐廳走中高檔路線，裝修別緻，坐得好舒服。鐵板上的小籠包第一次食不是蒸的小籠包，熱辣辣的小籠包在鐵板上滋滋聲，好吸引。小籠包賣相精緻，皮薄餡靚， 入面充滿湯汁，肉餡夠鮮。小籠包個底部煎到脆卜卜，超好吃。紅油抄手抄手個皮好滑，肉餡滿滿，淋上生蒜及炸蒜，加上微辣嘅豉油汁，非常惹味。生煎包生煎包不會煎得油膩，入面嘅肉餡亦不乾。紅燒獅子頭獅子頭非常鬆軟，簡直係入口即溶，仲好貼心有個小暖爐暖住，唔怕啲醬汁吹涼而凝固。葱油鮑魚片拌麵 蔥油拌麵好香，麵質軟硬適中，鮑魚片估唔到咁有鮑魚味，係一啲好大隻嘅鮑魚片出嚟嘅。高力豆沙（兩隻） 甜品我哋要咗高力豆沙，熱辣辣蛋白球鬆軟，入邊嘅豆沙同香蕉香滑。…查看更多

家同媽咪去咗海港城行街，食飯去咗試呢一間上海菜餐廳，呢間餐廳走精緻高檔路線，環境舒適，坐低飲杯茶慢慢食，好休閒咁樣嘆咗個午餐。鐵板上的小籠包用鐵板上嘅就真係未食過。呢個小籠包除咗皮薄多汁之外，佢個底仲有鍋貼脆脆口感，多咗一份香口感覺。食嘅時候先吸絕晒湯汁，然之後加入薑絲黑醋，小籠包餡料滿滿，好滋味。松鼠桂花魚賣相好吸引，色彩繽紛，桂花魚炸得香脆可口，裏面魚肉鮮嫩，配上酸甜酸甜嘅醬汁超級開胃。魚肉已經起晒骨，絕對係啖啖肉，最啱我呢啲怕骨嘅人。蔥油鮑片拌麵包片有四大塊，估佢唔到又幾有鮑魚鮮味，口感軟得來有口感，唔會韌到咬唔開。拌面嘅麵條幾有彈性，口感唔會腍啤啤，配上肉碎乾蔥粒同埋醬油，好惹味。…查看更多

喺OpenRice度搵大閘蟹套餐見佢介紹有拆蟹服務連佢IG都係咁寫咁就訂咗枱諗住同老闆食大閘蟹唔使佢自己拆點知佢蒸兩隻大閘蟹出嚟放低咗問返職員係咪有擦蟹服務？佢話只係得開蟹服務我地當堂呆晒都唔知係特登呃人去定職員懶唔拆個餐$600左右包一隻6両蟹fair啦但係其實如果唔係為咗拆蟹服務我根本唔會食呢間值得一提嘅壺茶好似沖咗10次，咁完全冇味我一開始以為係未浸夠但一直飲都係無味所以呢間嘢啲質素都真係麻麻地呢個價錢有更加好嘅選擇完全唔值得推薦…查看更多

本身book左6點半，我地一行6人早左到6點3就入座。個男經理7點3就過黎俾張單我地叫我地埋單。我地當時仲有野未食完，我心諗，成餐飯2000幾蚊，我好似去左百幾蚊啲cafe咁，入座1個鐘就攞張單黎？？連問我地要唔要甜品都無，真係可笑。定係我地食得快就要拿拿聲交枱？我地隔離枱早過我地到，到我地走嗰陣仲喺度食緊蟹，嗰啲就唔見佢趕人走喎。到左7點35分嗰位經理再善意提醒我地話佢地8點仲有下一枱客喎，嘩，我真係唔好意思啊阻住你做生意。大嗱嗱25分鐘。如果我係啲cheap 客，book左6點半，我6點40先黎嘅話，唔知係咪我食半個鍾就叫我埋單呢？野食方面，脆皮雞係好食嘅，其他都正常發揮。除左白切羊羔完全無味，一丁點羊味都無，唔知食緊乜。陳皮牛肉餅皮略厚略乾。我地仲叫左個醃篤鮮，當然佢地咁趕時間又點會成煲野攞上黎俾你影相啊。正常呢啲價位餐廳分完湯之後，循例都會講聲啲湯已經分曬喇，或者如果仲有啲配料喺度，都會問下需唔需要幫客人用碟裝起。結果，梗係無啦，我地就見到係仲有唔少配料喺個煲度（唔係放喺我地枱，無得自己黎）。又或者有時啲餐廳係會見到客人飲到差唔多，再問下有無邊個想加啲湯/配料，咁當然都唔會有啦呢度。又係嗰位經理啊，出其不意之下就成煲拎番入廚房。就食物而言已經完全唔值得再訪，再加上咁嘅價錢配上咁嘅服務，我真係祝你好運 。…查看更多

平日傍晚走進海港城三樓的个園竹語，落地窗外維港暮色漸沉，室內以竹與灰調石材鋪陳出江南庭院的隱逸感。這裡的滬菜不刻意張揚，卻在細節處見功夫。▪️ 滬式拼盤｜四味冷盤的節制之美蜜汁脆鱔咬開時能聽到極輕的「喀嚓」聲，糖漿薄如蟬翼包裹著酥脆魚骨；鎮江餚肉凍晶瑩透亮，肉香沉靜；个園煙熏糖心蛋的溏心流淌時帶有龍眼木的輕煙感；四喜烤麩吸飽醬汁卻不失彈性。冷盤節制不膩，恰好的開場。▪️ 紅燒南非干鮑｜火候的無聲演示鮑魚厚切得宜，刀工在側面劃出細密菱格，使鮑汁徹底滲透。口感介於柔韌與軟糯之間，湯汁收得極濃卻未掩蓋干鮑本味，搭配的菜心焯得翠綠爽脆。▪️ 東坡草扎肉｜形散神不散的功夫以馬蓮草捆紮的方肉燉到用筷尖輕撥即散，肥脂化作透明凝膠層。特別欣賞底部鋪墊的蓑衣黃瓜，脆嫩解膩，可見搭配邏輯的周全。整體而言，个園竹語的菜式帶著文人菜般的克制，調味層次綿長而非瞬間衝擊。適合偏好在安靜空間細品傳統菜系精髓的食客。📍 尖沙咀廣東道3-27號海港城港威商場3樓3202號舖…查看更多

🔷🔶🔷海港城有格調 高級滬菜🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力。好多時一大班人或者同屋企人食飯，都會揀中菜，而呢間更加適合慶祝或者見客，一啲都唔失禮。餐廳有唔少privacy座位，有自己空間食飯，傾偈都舒服啲。而呢個格調嚟講，價錢都唔算太貴。松鼠桂花魚（$398）呢味咁考功夫嘅菜色，好多時都會出街食，要將桂花魚起肉，再炸成開花一樣，好考刀工，酸酸甜甜，送飯食一流。鐵板上的小籠包（$90）小籠包放上燒紅嘅鐵板，底部煎到脆脆，內裏就充滿肉汁，好特別嘅一款小籠包。个園蔥油鮑魚拌麵（$188）鮑魚切成幾塊薄片鋪面，炆到入味又淋，蔥油拌麵非常香，食落又唔會太油。@goldgardenshanghaicuisine 。📍个園竹語 (尖沙咀)尖沙咀廣東道3-27號海港城港威商場3樓3202號舖…查看更多