世記上海麵店

营业中

休息中

話說我地遠征大埔，唔少得食下大埔名物—豬扒麵！我之前食過一次世記，今次屋企人話食冬記，因為第二小隊食世記，所以我一次食晒兩間，原來係有分別㗎！因為不喜歡豬扒以外既選擇，所以只揀單拼豬扒，份量好大！幾乎有兩塊，而東記的雙拼豬扒只有一塊，當然雪菜炸菜的份量都好多，不是apple to apple的比較！豬扒脆而不乾，內有肉汁，腌得剛好，好味。粗麵太淋，有啲霉既感覺。*總結*豬扒：世記勝 東記及世記同樣炸得脆口，但世記的豬扒內裡較有肉汁，味道又ok。當然唔可以同日式吉列豬扒比，唔好幻想會有好香豬味，脆口有肉汁已經好好，性價比高。麵：打和兩店的粗麵都煮得太淋，食落口一舊舊粉咁，食幼麵應該會好啲！雞翼：食雞翼就去東記都唔會差。筆者喺世記無叫雞翼，不能對比。但冬記記的雞翼是ok的。

今天一大早過來試世記，聽講這裡有好味嘅豬排， 很早之前就想來試了，不過一直嫌遠。雖然已經過了上班的高峰期， 但熟食街市仍然人山人海，不過我估啲人多數食完就走， 所以我地好快就搵到位。坐底二話不就就點左豬排炸菜肉絲上海麵。但飲品就要去隔離檔叫， 因為這裡只提供麵食。因為豬排都係新鮮現炸， 所以就要等一陣。聊著聊著豬排终於登場喇， 嘩， 豬排都幾大塊喎， 早知我地三個人點兩份就夠啦。豬排脆粉唔算厚，炸得香脆之餘好乾身。肉質亦有返咁上下厚，所以啖啖肉。佢嘅調味冇之前試過嘅另一間咁重， 我反而覺得幾好。但上海面就有點太腍， 而且好大碗，下次試下幼麵先。

啲網媒好多都話大埔熟食中心嘅東記豬扒麵好味🤦🏾‍♀️❌錯哂❌識食一定食世記‼️係世記啊‼️‼️‼️‼️其實兩個鋪嘅老闆係兩兄弟但係佢地冇抵觸的！.炸豬扒方面:世記豬扒較鮮嫩，好入味唔會炸到好乾身份量十足！相反，東記豬扒炸到好乾身咬落有啲韌，冇乜味🤨.粉麵方面兩間差唔多，都唔錯但黎得食豬扒麵當然豬扒嘅質素最重要啦！.仲有！世記伙記好有禮貌！世記俾我嘅感覺親切啲💕唔會催你，有時會主動同你講幾句相反，東記伙記態度好差💩冇禮貌，語氣差！食過2次都係咁加上東記豬扒質素差所以從此冇第三次！.各位想去大埔食豬扒麵嘅記得！試吓世記豬扒麵‼️包你一試即回頭😆📍 世記上海麵店 (大埔)大埔鄉事會街8號大埔墟街市及熟食中心2樓

一直都知道大埔墟街市有好多熟食檔，但就從來都冇去過，今日咁岩到附近探朋友，一於就去覓食啦!熟食中心位喺2樓，當日係平日既大概1, 2點，整層都人山人海，座位密密麻麻，熱情既檔主不斷向我地招手，本來以為個場地係好似food court咁，喺檔口買完野食就自己搵位坐低，但原來d座位已經係劃分好，坐定定就會人幫你落單同送野食過黎。 (無知既我地一開始坐錯左去其他舖頭lol)我地上網望過下食評，最後揀定左呢間出名既豬扒既上海麵店，環顧周圍既食客，十有八九都係食豬扒粗麵，果然係招牌菜，呢度食物選擇不多，值得一讚既係雙拼唔洗加錢，一律38蚊，最後朋友嗌左豬扒雞翼粗麵，而我就嗌左豬扒雲吞幼麵，經過漫長既等待 (近20分鐘!)，食物終於上枱，真心建議趕時間既人要諗清楚喇。講返食物，豬扒大大塊，算簿身，外表睇落好似乾乾地但食落係有汁既，而且有適量既肥膏，即叫即做真係唔同d，提醒一下，要襯熱食丫。雙拼既雞翼有2雙，肥美多肉，同樣係剛炸起，水準之作。雙拼既雲吞有4隻，一口size，相對普通，不過不失。粗麵我地就有d失望，本身諗住佢係偏硬身既麵質，但係食落無論味道同質感都似粉仔，同埋偏淋，湯底味道亦不足，我加

講起大埔美食，一定唔少得豬排麵於是今日特登入黎大埔一嘗！原本黎之前諗住叫豬排雞亦雙拼點知見到有肉絲竹筍！呢個配料好少可以係香港見到！於是就叫左豬排肉絲竹筍粗驚喜位一：豬排好彩係分開上！咁就唔會索曬d肉汁諗曬！而且炸到肉汁岩岩好，唔會話好乾！同埋真係好厚！感覺上係食緊台灣既天使雞排！驚喜位二：肉絲竹筍份量好多！多到我以為係麵！而且係好爽脆同甜！驚喜位三：粗麵原來係自家製！並唔係普通茶餐廳個種粗麵！佢比普通油麵既口感更加實！驚喜位四：辣椒油好香！小編可以話係無辣不歡 食咩都好鍾意加辣！佢呢個辣椒油既賣點係好香蒜味，就算加落湯都唔會淡左！驚喜位五：一碗咁足料既麵只係賣38蚊！係邊到仲可以食到啊！

住喺大埔嘅朋友一定識佢大埔勁出名嘅豬扒麵😚今日難得黎到大埔當然要試試佢啦叫左炸醬豬扒粗麵&菜肉雲吞雞翼河粉炸醬勁香又唔會話好辣粗麵質感似烏冬，配炸醬一流豬扒即叫即炸！勁香勁酥脆🤩果層炸粉一啲都唔厚，肉又唔會乾爭爭菜肉雲吞，真心正😚細細粒但係好多餡炸雞翼，個人覺得雞翼好食個豬扒🤣可能因為我係雞翼怪🙈🙈🙈呢間野真係冇得輸🤤🤤🤤👍🏻同埋咪以為街市食嘢會好熱好焗呢度有冷氣通風系統又好好所以就算天氣有幾熱都好都可以坐得好舒服

大埔墟熟食中心一向都係美食集中地，呢間世記同東記豬扒麵簡直有既生瑜 何生亮既印象！😮呢兩間都主打炸雞翼炸豬扒上海粗麵，我個人比較中意世記多啲，炸出黎更加脆口。係街市坐得都唔算太逼，食瑜滿滿既特色同香港本地風味👍🏻

去大埔墟一田前，我們決定先到大埔墟街巿及熟食中心吃個馳名的豬扒麵。大埔墟街市顧客熙來攘往，熟食中心是位於二樓，可從電動樓梯直達。時間只是十一時半左右，世記店已坐滿食客，幸運地找到唯一剩下來的半張搭枱。看過牆上的餐牌，便叫了兩碗麵，並在隔鄰的店舖點了熱檸茶。似乎世記店與隔鄰的蘇記是最佳拍檔，一間只售麵食，一間只提供飲料小食。檸茶先到，亦先要付$16。隨後便要大若等三十分鐘（服務員早有提及）主角才到。漫長的時間啊，因肚已打鼓。～炸豬扒雲吞幼麵 $38店主好細心，蔥是放在匙上。炸豬扒非常大塊，微熱的，吹來一股香氣，外皮脆口，內裹的豬扒不會乾，味道可口。雲吞饀是菜肉，肉有些渣，但味道尚可。幼麵彈牙，配了一個不太濃的湯和美味的豬扒是最好不過。～炸豬排上海麵$38因沒有叫雙拼，所以豬扒有兩大塊，外皮的炸粉非常薄，吃起來是極為酥脆，內裹的豬扒仍嫩滑，不會嚡口。肉是醃得恰到好處，香氣四溢。上海粗麵浸在湯內亦不會太淋，少少煙韌。湯內還有一條翠綠的菜芯，為這麵帶來清甜口感。

琴日陪女朋友去圖書館溫書，溫之前就去樓雨熟食街市填飽個肚，世記東記呢兩間店我一直都好鐘意，平時食開東記，今日無開就食世記。兩個人都叫左一樣既菜肉雲吞炸雞翼麵，每碗 $38，野食到左就即收錢。雞翼好大隻又滑，炸漿夠薄，即炸，好酥脆！味道方面都好夠味🥰菜肉雲吞好大粒，但味道唔算太突出，麵底都係唔夠鹼香，會係令我有點失望。但其實兩間味道方面都唔係差好多，只不過食得多就會分到少少分別，邊間有位就去邊間啦🤣

星期日膽粗粗，冒住一定好多人都要食到好東西黎到新街市食個Ｂｒｕｎｃｈ。上到２樓人頭湧湧，我地既目標好清晰，就係世記。好彩埋到去咁岩有人走，拿拿聲坐低叫野食，之後就耐心等候。選擇就係Ｏ個幾款，但內子鍾情佢Ｄ炸物，所以叫左一個豬扒米線同一個雞翼米線，兩款炸物都叫哂，開心ｓｈａｒｅ！野食黎就要先俾左錢先，然後就開餐喇。最鍾意呢度既豬扒同雞翼Ｄ炸漿唔會好厚，而且炸得好香口。豬扒好厚肉，雞翼亦十分ｊｕｉｃｙ。正！而米線就正正常常，唔會有咩驚喜。但我Ｏ個碗米線好似煮耐左少少，米線有Ｄ碎，要用匙更"不"起先食到。

今次親身走進大埔墟街市熟食中心搵食， 傳說中的「世記上海麵店」酥炸豬扒及雞翼上海麵，在大埔已經有多年歷史，無大埔街坊不知。熟食中心是美食天堂，人來人往，食客衆多，留得住你個胃的必定是好貨。酥炸豬扒拼雞翼配上海麵，只是$38，份量看來不多，但原來一點也不惹少，食到差不多大半已非常飽肚。味道方面，雞翼很出色，雞肉夠滑又入味，而且不會有油膩感。酥炸豬扒，炸粉也不算厚，豬扒也厚身，不是乾柴也不會帶肥膏，鬆化肉腍。至於湯底也不會太咸，味道剛好，上海麵彈牙煙韌，口感滑溜，仲可加錢配上竹筍或炸菜作配料，更添惹味感。

街市名食店，大埔墟街市嘅世記上海炸豬排麵聽就聽得多，食就真係第一次，今次揀咗米線，亦可選擇上海麵、粗麵又或者幼麵，香脆即炸豬扒又香口又唔會太乾，不過湯底就麻麻地淡咗少少，想濃味啲可以加埋炸醬一齊食，🐖扒係唔錯嘅但粉麵就較為遜色！想知更多follow ig HeSheat.hk & share👍🏻

嚟到大埔熟食中心，世記豬扒麵絕對不能錯過！佢嘅炸豬扒非常出名，就算住港島區嘅朋友都會特登聞名過嚟食㗎。有幾款選擇：炸豬扒，炸雞翼，炸豬扒拼雞翼雙併。每款都係$38連面。佢啲豬扒真係炸得非常之好味呀，唔會太厚粉，而且入面嘅豬肉仲好嫩口、唔會炸到好硬，所以食落好香口面有上海粗面、幼面、米粉、河粉，可以選擇嘅，而我覺得嚟到，當然係食上海粗麵！上海粗麵配炸豬扒，頂呱呱冇得頂嘅。（不過大家要留意番啦，如果想過枱,唔係世記提供的位置食係可以嘅，但係部份位置就需要自取+食完要自己還返碗筷去鋪頭架）

決定食飽飽先出發效遊。聽講大埔行市上面有間食河粉嘅鋪，抵食又好食。今次就嚟到「世記上海麵店」。雞翼、雪菜肉絲河（$34）雞翼size好大隻，仲好香蒜味。雞翼有用炸粉炸過，不過係似日式天婦羅咁薄薄一層炸粉，所以食落食有小小脆口感，但唔會成口都係麵粉漿。出奇地，d肉好嫩同好多汁水，再溝埋果種蒜香味🤤🤤🤤。豬扒、菜肉雲吞河（$34）豬扒同雞翼一樣係用薄粉漿去炸，一樣係有蒜味。值得一提嘅係豬扒都切得幾厚身，一樣做到嫩滑多汁水，真係可以啖啖肉又可以嫩滑多汁👍👍。其實2碗河粉嘅量都好多，食極都仲有。湯就係好清，非常清嘅，而河粉加咗小小炸菜，所以就算湯底清，都仍然食落有味。因為好多人嚟食😂都要等20-30分鐘先有得食，所以趕時間嘅可以改時間嚟食啦。

第一次去大埔街市食野，靠大埔朋友介紹，黎食炸豬排米線， 炸豬排酥脆，食落唔會好粉，好香口，而且算係大塊，每啖都咬到肉。米線湯底清左d，重口味既朋友可能會嫌唔夠味。