世記上海麵店

营业中

休息中

之前去大埔熟食中心，次次都懶得揀，一定係食東記豬扒麵。咁啱今次去，撞正佢無開，所以決定試吓世記嘅豬扒麵！餐牌上嘅食物，其實同東記無乜分別，連價錢都一樣。今次都一樣，點咗豬扒雞翼米線。份量其實同東記一樣，雙拼又係2隻雞翼加1塊大豬扒。雞翼味道大同小異，反而個人認為世記嘅豬扒相對東記嘅，較juicy，無咁乾身，口感相對鬆化少少！但佢就切到每塊都好大件。小總結💬雞翼同米線都同東記一樣不過不失，而豬扒就較東記好味。以平民食品嚟講，想又慳錢又飽肚，上熟食中心食碗$42豬扒雞翼米線已經可以好滿足！相信將來我再去熟食中心，我會轉食世記 > 東記。(滿分為🤤x5)好味指數: 🤤🤤🤤抵食指數: 🤤🤤🤤🤤回頭指數: 🤤🤤🤤🤤

上到大埔墟市政街市嘅熟食中心，當然係想食碗熱辣辣嘅粉麵🍜，真係由細食到大，除咗魚蛋粉之外，上海麵都係人氣首選🫶🏻.好多人都知好多食店都係鬧雙胞，所以口味嘅嘢都係自己揀就可以😌。今次食嘅係 #世記 賣嘅係上海麵，配有幾款熱賣餸料，叫晒雙拼就可以試到多幾款🫶———————————————————————————🥢豬扒雲吞幼麵 / 雞翼炸菜粗麵🍜💬豬扒同雞翼真係又大塊又大件，好重份量，脆炸又香口，可以雙拼配炸菜同雲吞，一碗麵細細碗其實都好飽肚，真係唔係講笑🫶🏻

一講大埔墟一定會諗起佢豬扒面固然係正，不過我覺得雞翼都值得試下，同豬扒一樣炸到金黃金，一碗面有5隻雞買，size比出面大隻，好滿足又抵食有時唔想食豬就可以揀雞翼

豬扒麵 ： 世記及東記，好多朋友都覺得各有千秋，我就覺得質素大家都差不多，我個人比較喜歡荀絲肉絲上海麵，粗粗嘅荀條、配上粗麵，有質感，豬扒質素兩間都唔係太穩定，車水馬龍嘅時候豬扒一係放耐咗乾爭爭，一係就炸到甩皮甩骨，可以嘅話如果你揀非繁忙時候去，以熟客口吻同佢講聲跟跟佢上次啲豬扒全部凍哂，咁樣你就真正有機會試到佢整咗最靚豬扒效果，即叫即炸，唔使睇彩數，水餃咁多年都未試過，聽聞老闆係質量上有某種堅持，就係必定要用小棠菜做，下次去必試（雖然我次次都咁諗但係都冇試）笑

喺幾日之前，朋友突然之間話好想食豬扒麵，咁橋又住大埔，咁就同佢講食世紀豬扒麵啦，反正都好耐冇食啦，都係中學嘅回憶嚟嘅🤩🤩🤩🤩🤩咁就一人一個面，一個食豬扒麵一個食雞翼麵都係叫粗麵，雖然環境質素一般，同埋要去隔離餐廳度嗌埋嘢飲，不過都OK嘅，客流量都多🤩味道方面：粗面嘅湯淡而無味，但好彩有落辣椒油，嗰度嘅辣椒油好鬼正，又辣又ma😘😘而家雞翼同豬扒回味無窮、色味俱佳，不過偏鹹，同粗面嘅無味就中和返價錢方面：$42

最近迷上左大埔呢個地方～其實依家交通好方便，一啲好似好遠而其實好近嘅地方～想當年成日都想試大埔墟熟食中心嘅豬扒上海麵、點心，今日終於去試啦！個人細食左，今次食左豬扒麵先！呢個熟食中心有兩間出名豬扒上海麵嘅鋪頭！我揀左世記～炸豬扒+菜肉雲吞粗麵$42炸豬扒係比較舊式嘅味道，就好似中學嘅時候係象山村小食亭個時食到既一樣～菜肉雲吞好味！食落新鮮！粗麵就一般啦，唔係我鍾意嘅口味～湯係淡而無味的，係咪正常架呢？！呀～要讚上面個兩條菜芯幾靚！熱檸茶$16係隔離蘇記既！好飲喎🙊

跟朋友帶路去食豬排麵推薦炸醬上海粗麵跟炸豬排 呢個配搭好perfect~炸醬撈埋落麵度夠惹味～ 上海粗麵口感有小小似烏冬夾炸醬幾正幾夾👍🏻炸豬扒個皮唔會好厚 醃得好好食 唔算太乾～整體分數：7.9

我又去左大埔食好西啦😍上次黎無食到，今次就要試下佢個又平又大件又抵食嘅炸豬扒🤤．👅 炸豬扒．炸雞翼米線呢度係一碗麵再加單拼或者雙拼餸，我地當然要試試佢個炸物啦😍豬扒炸得好香口又夠juicy，外面脆脆入面仲有好juicy嘅厚豬扒，一定要趁熱食先得呀😛雞翼都一樣，炸得好香脆，而且每隻雞翼都勁大隻，食埋雞翼都夠飽😆．👅 雲吞米線佢有幾款麵類可以揀，作為米線怪就一定食死忠米線嫁啦😘佢啲雲吞都好出食，皮好薄，餡又多又豐富，如果你唔想食咁多炸野咁熱氣，都可以揀其中一樣係雲吞，咁就無咁熱氣啦🎃

打咗幾日風終於好天返工前同老公去食個晏先大埔街市上面熟食中心有好多檔口上次去都係試得2檔今日再去搵食先雖然今日係紅日但人流比預期中少得咗一陣就有其他舖嘅座位可以坐不過就要嗌另一間舖嘅嘢飲我哋話無所謂，試多間都好😆坐低梗係要嗌招牌啦豬扒河粉同埋雞翼上海麵各一兩碗都係@40蚊一上檯真係好suprise雞翼同豬扒都份量十足炸豬扒同炸雞翼都好大件而且唔會油淋淋值得一提嘅係佢嘅辣椒油好好食😆另外就嗌左隔離嘅大杯熱奶茶都幾香幾滑，不過無乜驚喜啦見西多士都係廿蚊，試！西多士係厚嘅，而且係切咗件先炸加上奶同牛油好正今餐幾樣嘢都好好食👍🏻👍🏻下次再嚟食其他嘢，有排試😬😬

每一次來到大埔，當諗唔到吃什麼，很自然會走到大埔街市頂樓的熟食中心，首選必定是這碗炸豬扒麵炸豬扒雲吞河粉，豬扒炸得金黃香脆，有肉汁不會乾柴，大大塊份量又足。雲吞河粉，雲吞不是廣東鮮蝦雲吞，餡料雖是菜肉，勝在粒粒飽滿，唔錯炸醬竹筍肉絲幼麵，炸醬味道甜甜辣辣，味道不會過鹹。竹筍口感爽脆鮮嫩，生麵彈牙沒有梘水味，撈埋炸醬特別惹味總結多年來水準依舊，味道不變，來到諗唔到想吃什麼，吃一碗炸豬扒麵都是一個唔錯選擇

🇭🇰 世記上海麵店@ 𝕋𝕒𝕚 ℙ𝕠 由細食到大嘅熟食中心（前身係大排檔嚟㗎！）🏢以前幼稚園已經去大排檔個邊，到中學、讀U同做野，Weekend又會去食野。咁啱Weekday放假，決定入大埔墟食返碗麵同渴求咗好幾日嘅西多士🤤🔸 炸雞翼粗麵/炸豬扒幼麵 $𝟒𝟎熟食中心有潛規則大家都知。嚟到世記如果要飲野，就可以坐喺蘇記、林記、添仔記、銓仔記。識食一定係食粗麵，但男朋友竟然嗌幼麵🤯個人認為粗麵有口感同飽肚得多，而且世記唔會煮得太淋，有咬口麵芯又唔會生🍜湯底較淡，面頭灑咗蔥碎及要咗少少辣椒油。怕辣的我極後悔要咗辣椒油🌶少少都搞唔掂。炸雞翼就一定油膩㗎啦，一上枱外皮脆卜卜，咬落勁juicy😋炸完嘅雞翼依然多汁唔會乾爭爭。最厲害係炸漿唔會厚，薄薄一層已經好夠。不過真係要襯熱食，凍咗仲油而且唔脆了。

係粉嶺出發再行到大埔，黎到熟食中心已經係下午茶時段啦！中心依然多人，尤其係好出名既餐廳。東X太多人，我同朋友去左世記，重要係要去其他檔落單先可以好快咁有位食到碗麵好在都不枉我地等咁耐豬扒大大碟，麵質爽口，再加埋辣椒油，正ar!不過就岩岩行完消耗既卡路里，一次過還番晒

世記上海麵可謂由細食到大，但自從上年初開始裝修，之後又爆發疫情，都差不多年半無去幫襯今次趁放假一於去尋找昔日嘅豬扒麵味道。肥佬老闆一如以往待客非常熱情友善，另等位加等食都差不多要半個鐘，似乎一切都沒點變…▶️點了豬扒雲吞河 - 脆槳炸得好好，家傳秘方咁炸到外脆內軟，必食！($40)▶️竹筍炸醬麵 - 炸醬甜甜辣辣好惹味，竹筍就非常爽口 ($30)總結：世記豬扒嘅水準依舊不變，加上老闆嘅熱情都值得我繼續支持！

熟食中心真的超級多人，要等位呀，相信人人都去食大埔名物「豬扒麵」，試過一次，真的好好味，今次我要試食其他😂❇️炸醬雲吞米線🌀雲吞沒有特別，反而炸醬幾好味，雖然有少少辣，但配上清湯又恰到好處，十分惹味！

「世記上海麵」—————————————————店鋪地址：於大埔鄉事會街8號大埔墟街市及熟食中心2樓—————————————————大埔呢個熟食中心有好多好出名嘅食肆,其中包括今日呢一間 「世記上海麵」,平時叫開炸雞翼 但今日賣晒了😞😞所以轉左叫炸豬扒 雲吞 竹筍肉絲既粗麵!!!!!!炸豬扒好鬆化好食,分量好夠好多 仲有少少食唔晒添 竹筍肉絲都好味!! 呢個配搭我覺得係最好嘅😎$3,40食到呢個質素都算係非常唔錯😍