不二江湖菜

餐廳：不二江湖菜地點：銅鑼灣登龍街菜式：川菜餐牌：午餐有套餐，有19款飯，有辣有唔辣，可以加錢要飲品。落單用QR code。不二酸菜魚飯 $73 不二酸菜魚好大兜，有連皮滑溜魚片配有大量酸菜加萵苣片，材料豐富新鮮。可以揀辣度或者唔辣，我地叫左唔辣，都好夠味，鹹度剛好。鮮椒雪花牛肉飯 $73 呢個餸有唔少牛肉同埋紅綠椒粒加蓮藕粒同炒，我叫左少辣，味道已經夠辣，唔食辣椒粒就唔辣，呢道菜有爽口蓮藕粒好特別。農家小炒牛肉飯 $62 熱辣辣上枱，好有鑊氣。好多嫩口牛肉片撈有菜苗，洋蔥絲同紫洋蔥絲同炒，味道鹹香，好多料，呢個餸係唔辣，味道都好惹味。份量好多。每份餸都跟有一碗白飯。芒芒梳打 加$8百香果梳打 加$8凍柚子茶 加$8梳打超大杯，附上獨立包裝飲管。芒芒梳打芒果味濃，唔會太甜。百香果就清新d，仲加有青檸一件。凍柚子茶有唔少柚子皮喺底，甜度適中，三杯都好解渴解辣。總括而言，呢度食物質素高而好大份，呢個價錢抵食。餐廳星期日晚飯時間前都有唔少食客同外賣單。…查看更多

香港人幾時開始愛上食川菜，係呢條食街又多咗間，我地都忍唔住將今晚晚餐交比佢。望望餐牌有咩想食，掃二維碼落單，簡單方便天氣咁熱，叫款涼菜開下胃口。呢碟口水鷄 ($68)，份量何其多，有青瓜粒墊底，倍感清爽度。惹味醬汁辣度係輕量級，鷄肉嫩滑之餘亦食到醬汁味，令人開胃口預備迎接主菜。飲品方面，除咗有啤酒，仲有多款特色凍飲。我地就叫咗百香果梳打 ($28)及咸檸檬可樂 ($28)，兩款都係有氣飲品，一啜爽爆。見到有麻辣香鍋，選擇四款以上配菜，可選辣度，叫咗小辣試下先。呢鍋有牛肉 ($40)，黑毛肚 ($40)，四季豆 ($22)，萵荀片 ($22)及花菜 ($22)，炒好後再加上芫茜，芝麻及黃金豆，未食已聞到香味。小辣完全接受到，仲食到孜然粉，獨有香味引起食慾，整鍋味道都好好用黎送飯。壓軸出場有不二酸菜魚 ($168)，食川菜好多時都會叫嘅，酸酸地又有湯好易入口。呢度嘅酸菜魚材料比較簡單，除咗主角魚片外，有大量酸菜，亦有萵荀片。魚片口感滑溜，完全無細骨; 酸菜與萵荀片口感清爽; 湯底酸度適中，雖然見到有紅辣椒，但唔辣，用黎撈飯食都幾好味。驚喜位除咗呢度嘅食物份量超對眼外，白飯係免費架，對於鍾意食飯嘅我，內心係暗喜嘅。今餐有魚有鷄又有牛肉，白飯滿滿，超飽又滿足，想食糍粑做甜品，唯有下次。…查看更多

呢日同朋友跳完舞經過見到新開就入去試下叫左兩個主菜，一個涼菜，兩杯野飲不二酸菜魚小辣走蔥$168係鱸魚嚟，一上枱真係o左勁大盆……鱸魚片大大塊份量勁多，鮮甜厚實，仲有萵荀，菇，酸菜湯底唔錯，酸辣適中，我同朋友覺得下次可以叫中辣唔會太油，飲落唔算重口味，唔口渴我地要左一個飯兩份～韭香炒蛋$78🙈又係好大碟嚇左一跳，非常香蛋味，韭黃嫰口，送飯一流蒜泥拍青瓜$48揀番個瓜均衡飲食，你無睇錯……比出面既份量大左兩倍男士都夠飽，青瓜爽脆，十分入味～百香果梳打$28百香果味濃郁，清爽氣泡，解渴一流，份量都幾大杯桂花茉莉冰茶（無糖）$28一杯比一杯大🙈朋友o左，聞落有桂花香，飲落茉莉花味較突出，無糖啱晒注重健康既你～店員親切有禮，環境夠光猛，座位寬敞，食物份量偏大，細食人士一個主食已經好夠😆😆下次跳完舞會再嚟試埋其他…查看更多

Revisited this Sichuan resto in Causeway Bay with my sis for lunch before heading to the ice cream shop. .I ordered the Boiled Fish with Pickled Cabbages Lunch Set. The fish slices were generously served and sliced on the thinner side. They were boneless and smooth, absorbing the broth quite well with the pickled cabbages. The sourness of the broth made the dish more appetising, which paired nicely with the chilli. My sis ordered the Boiled Marble Beef Slices with Chilli Oil. The dish looked enticing with its red chilli broth, and it contained a lot of sprouts. The beef slices were tender and savoury, perfect for having with rice. The lunch set included an appetizer and a full bowl of rice as well. Our appetizer that day was pickled fungus, which had a pleasantly sour taste. We each added HKD5 to order Coca-Cola and Sprite respectively. …查看更多

銅鑼灣「不二江湖菜」酸、辣、鹹香大滿足！今次試咗三樣嘢，整體好有驚喜！🐟 不二酸菜魚湯底金黃，酸菜爽脆，酸得嚟好鮮，唔會得個鹹字。🍲魚片份量足又超滑，一啲骨都冇，索晒啲酸湯精華。🌶️ 田雞麻辣香鍋夠鑊氣！一上枱就聞到麻辣香，田雞嫩滑。配料有蓮藕、薯仔、油麥菜都好入味。🍗 鹽焗雞飯雞肉夠嫩，鹽焗得入味，鹹香肉嫩多汁🐔。送飯食一流。🍹 飲品芒芒梳打：芒果味濃唔會好甜，有氣，解辣一流。百香果冰茉莉：酸甜清新，百香果籽咬落有口感，飲完爽晒。酸菜魚真心高質，係會為佢再嚟嗰種。喺銅鑼灣想食川菜，呢間可以放入名單！…查看更多

➲ 銅鑼灣 不二江湖菜銅鑼灣登龍街呢間「不二江湖菜」真係幾有驚喜！主打川渝風味嘅飯品，價錢親民之餘，味道仲相當地道，啱晒想食辣嘢又趕時間嘅打工仔～➳ 大盆花菜飯𝑆𝑡𝑖𝑟-𝑓𝑟𝑖𝑒𝑑 𝑃𝑜𝑟𝑘 𝐵𝑒𝑙𝑙𝑦 𝑤𝑖𝑡ℎ 𝐶𝑎𝑢𝑙𝑖𝑓𝑙𝑜𝑤𝑒𝑟𝑠➳ 蔥油味手撕雞飯𝑆ℎ𝑎𝑙𝑙𝑜𝑡 𝑂𝑖𝑙 𝐻𝑎𝑛𝑑 𝑆ℎ𝑟𝑒𝑑𝑑𝑒𝑑 𝐶ℎ𝑖𝑐𝑘𝑒𝑛 ➳ 不二酸菜魚飯𝐵𝑜𝑖𝑙𝑒𝑑 𝐹𝑖𝑠ℎ 𝑤𝑖𝑡ℎ 𝑃𝑖𝑐𝑘𝑙𝑒𝑑 𝐶𝑎𝑏𝑏𝑎𝑔𝑒今次試咗三款招牌飯，不二酸菜魚飯絕對係必點！魚片嫩滑得嚟冇骨，酸菜酸爽開胃，湯底麻辣鮮香，撈飯真係一流。大盆花菜飯用咗五花肉同椰菜花一齊炒，鑊氣十足，五花肉煎到香口，一啲都唔油膩。蔥油味手撕雞飯就啱晒唔食辣嘅朋友，雞肉撕得幼細，蔥油香氣撲鼻，係個唔錯嘅清淡選擇。➳ 芒芒茉莉冰茶𝑀𝑎𝑛𝑔𝑜 𝑤𝑖𝑡ℎ 𝐽𝑎𝑠𝑚𝑖𝑛𝑒 𝐼𝑐𝑒𝑑 𝑇𝑒𝑎➳ 百香果梳打𝑃𝑎𝑠𝑠𝑖𝑜𝑛 𝐹𝑟𝑢𝑖𝑡 𝑆𝑜𝑑𝑎飲品方面，芒芒茉莉冰茶好有驚喜！茉莉茶底清香，配上香甜芒果同煙韌桂花凍，解辣又解渴。百香果梳打就酸甜清爽，百香果籽咬落卜卜聲，口感豐富。雖然係快餐形式，但食材同調味都唔馬虎，每款飯都做到各有特色，以銅鑼灣地段同價錢嚟講，性價比算高。⤵ @thebestjianghucuisine銅鑼灣登龍街31-35號玉山大廈地下2號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #江湖菜 #川菜 #酸菜魚 #手撕雞 #不二江湖菜…查看更多

今日食既呢間係位於銅鑼灣既不二江湖菜, 主打就係川菜, 特色係晚市一定要叫套餐!! 性價比之選我地2人叫左既係酸菜魚套餐同水煮牛肉飯先講個酸菜魚, 黎到係勁大碟, 兩個人Share都可以先講個湯底完全係超好味, 叫左既係小辣, 相對黎講個湯底會清d同冇咁辣, 用黎飲同湯飯食一流!! 魚片都幾多下, 而且超超超嫩滑!!水煮牛肉都唔算超辣, 牛肉係嫩既!! 下面仲有海量咁多既芽菜, 吸收哂D辣湯汁, 食落勁過癮野飲方面選擇都幾多, 食辣野緊係嗌凍飲!! 呢個芒芒茉莉冰茶超有Feel!! 邊食邊飲勁happy…查看更多

不二酸菜魚飯酸菜魚近年在內地及香港都很流行,是一道來自重慶四川的川菜,特色是以鮮魚酸菜為主食,配合辣椒花椒的香料烹煮,開胃可口~此店的酸菜魚口感嫩滑,有濃郁的酸香椒麻風味,十分出色~田雞麻辣香鍋香港好少有田雞的菜式,因為不夠新鮮~此店有田雞麻辣香鍋,配料有萵荀片,蓮藕,薯仔條,偏辣但好惹味~紅燒牛腩牛腩肉質軟嫩,醬汁濃郁,搭配馬鈴薯及蘿蔔燉煮,再用薑、蒜、豆瓣醬爆香燉煮至軟爛入味,非常濃郁,如果蘿蔔可以更軟熟就好~ 飲品:凍柚子茶,芒芒梳打,咸金橘蜜芒芒梳打芒果味極濃,柚子茶就好正常,有大量柚子皮,甜度適中~咸金橘蜜酸酸甜甜帶微鹹,喝下去降溫解辣~大杯好好飲~…查看更多

🍲 不二酸菜魚 是本店招牌菜之一 魚片細嫩滑爽 入口即化酸菜的發酵香氣與微辣的底味交織 既能提鮮又能解膩 湯汁層次分明 帶酸帶辣 魚肉的清甜與酸菜的勁道形成鮮明對比🌶️ 麻辣味手撕雞 雞肉撕成細絲 保持了肉質的彈性與汁水調味上以花椒的麻香與辣椒的火熱為主 香氣撲鼻 先是清爽的雞肉鮮甜 隨後麻辣的層次逐步展開 令人欲罷不能🥘 牛肉麻辣香鍋 牛肉切片厚薄適中 經過高溫爆炒後保持了嚼勁與肉香鍋底以乾辣椒 花椒 香料鋪陳 香氣濃郁而不油膩牛肉與蔬菜 蓮藕片 土豆條共同翻炒 形成多層次的口感 牛肉加上蔬菜的清脆 帶少辣勁 配飯一流🍵桂花茉莉茶 / 百香果茉莉茶清香 濃茶味 適合解辣解膩🤭…查看更多

係登龍街揾食，天氣開始涼，想食啲熱辣辣🌶🌶🌶嘅嘢，見到有間食湘菜嘅餐廳，寫明即叫即炒有鑊氣，就去試試。店面積唔細，雖然食客唔係多人到要排隊，但感覺佢係keep住滿座，有單人客，又有一家大細，睇嚟都幾大眾化。我地叫左3個dinner set開心share , 佢每個set都包1個主菜🥘，1份前菜🥗，1碗飯🍚，1杯飲品🥃，一個人食超對夠食有餘。田雞麻辣香鍋飯🐸🐸呢個正吖，好有鑊氣，又惹味。配菜種類又多，有油麥菜🥬🥬﹑薯仔🥔🥔﹑蓮耦片，田雞好嫩，斬到細細件易入口，而薯仔亦好特別，切到薯條狀，食落更香口，加埋少少辣同啲孜然粉，真係送飯一流。🤩🤩不二酸菜魚飯🐡🐡竟然有唔辣揀，我地揀左唔辣，佢嘅魚片都幾多，目測大大片都有10幾20片，以一個個人set嚟講真係好大份量，店員話係鱸魚起片，難怪幾滑。除左魚片，佢仲有勁多萵荀同酸菜，食落都幾爽口，抵食又好食!😋😋😋鹽焗雞飯🐥🐥因為同行朋友有個唔食得辣，所以我地都叫左客唔辣嘅鹽焗雞俾佢，呢點就係餐廳值得一讚嘅地方，雖然主打湘菜，但都有唔辣嘅菜式，而且每款菜嘅辣度都有得選，更啱唔同人嘅口味。雞肉不過不失，畢竟佢唔係主打廣東燒味嘅鋪頭。飲品方面我地叫左桂花茉莉冰茶🍹﹑芒芒茉莉冰茶🥃﹑芒芒梳打🥤，最正嘅係芒芒茉莉冰茶嘅底竟然有啫喱，口感有啲似冰粉，唔錯!😚😚😚😊😊每份餐都大大份，加埋特飲都係80元左右，呢個價錢係銅鑼灣真係邊度揾，難怪有唔少食客幫襯。🤗🤗🤗…查看更多

【🪭不二江湖菜｜🤗親民酸辣川菜享受】.江湖菜是起源於80年代的重慶民間菜系，屬於川菜的一個分支，特色是「土、粗、雜、重」。土是鄉土氣息、粗是烹調手法比較粗獷、雜是融合不同的烹飪技巧，重是偏重口味。.今餐超抵食，大大盤小菜跟白飯套餐，快餐店午餐價錢，晚飯滋味享受，實在太抵，味道仲好好👍🏻！./前菜木耳./酸菜魚香港人以熟能詳，不用多介紹。今次湯底特濃，魚滑湯濃，我就好鍾意了！./田雞麻辣香鍋田雞算是比較少接觸的食材，原來先爆後炒再加入蓮藕片，大量乾椒，真係好惹味！./毛血旺我哋廣東人對毛血旺會比較陌生，其實是好出名的重慶川菜，毛是毛肚即牛柏葉，仲有牛黃喉、午餐肉、大豆芽菜、鴨血、萵筍、木耳等粗獷材料，配以辣椒滾油，製作成紅噹噹顏色取其「旺」意思！可以諗成重慶版「部隊鍋」！./鹹檸七與百香果梳打大大杯夠豪氣，食完重口味主菜飲返杯真係好解渴呀！.…查看更多

銅鑼灣食街有好多唔同嘅餐廳選擇，見到主打麻辣菜式嘅餐廳，價錢實惠就去試吓，佢哋有麻辣鍋或者客飯可以選擇亦都有酸菜魚單點菜式。相比之下客飯套餐比較抵食，我哋揀咗毛血旺同埋水煮牛肉套餐，本身包木耳餐前小食及白飯一碗，另外可加錢配汽水或者特飲。毛血旺入邊有好多材料包括咗：鴨血、大腸、鵪鶉蛋及香腸等等，水煮牛肉份量亦都好多，牛肉嫩滑唔韌而且好入味，size亦好大份絕對夠飽，飲品亦都好大杯一啲都唔吝嗇。響銅鑼灣鬧市依個價錢同埋份量真係好抵食，餐廳環境光猛而且味道正宗，下次會再嚟試吓其他款式。不二江湖菜銅鑼灣登龍街31-35號玉山大廈地下2號…查看更多

📍 不二江湖菜（銅鑼灣店）得閒食吓辣野，準備暖下個胃😌下星期又凍啦💠💠有辣有唔辣，仼君選擇‼️呢度係銅鑼灣街坊既飯堂，而且仲有套餐可以揀，單人餐都冇問題，啱晒我依啲一支工😌😌😌✨ 鹽焗雞雞髀肉超嫩滑，雞皮爽口雞皮咸香十足 ，鹹香好入味一定要連皮食，好重雞油香，另上沙薑都係重點，點少少就夠晒味，加上雞汁味道就更濃郁，墊喺啲雞底下吸滿雞油雞汁，超正👍鐘意食辣既朋友仔，一定要嗌店舖既麻辣/椒辣，辣度可以揀，不過我就揀左大辣，辣得好過癮🌶️🌶️🌶️而且係用新鮮辣椒即炒，更加入味，有鮮味十足🌶️🌶️✨ 鮮椒牛肉鮮椒牛肉，大辣，誠意之作，用爐熱住唔會結油，個牛肉吸收晒椒味，另外啲翠玉瓜都好香、好爽、好好味。✨ 雞翼麻辣香鍋單邊雞翼更加入味，除咗麻辣之外仲有其他嘅配菜，蓮藕、油麥菜、薯仔、木耳、蔥頭🥬每樣都吸哂辣味，雞翼炸得脆皮，肉入面充滿麻辣味道🌶️…查看更多

登龍街呢間「不二」晚晚都坐滿人...今次試佢哋個酸菜魚飯🌶️ 魚片好嫩滑 份量好多！套餐先$86！仲要跟白飯任裝✅💥 手撕雞飯嘅麻辣汁直頭係靈魂～ 勁香🔥 酸酸辣辣好開胃😍 水煮牛肉啲肉份量好多，同埋啲肉好嫩滑👍 啲牛肉索曬啲湯汁👏·◾️不二酸菜魚飯 $86
◾️麻辣手撕雞飯 $76
◾️水煮牛肉飯 $73
◾️桂花茉莉冰茶 +$8
·人均：$100+·評分🪄 (滿分5🍑)味道：🍑🍑🍑🍑環境：🍑🍑🍑🍑性價比：🍑🍑🍑🍑服務態度：🍑🍑🍑🍑🍑回頭率：🍑🍑🍑🍑·📍不二江湖菜銅鑼灣登龍街18號V Point地下3號舖
🚇銅鑼灣A出口行3分鐘…查看更多

不二江湖菜隱藏在高手雲集既登龍街，是許多打工仔午餐首選，平民價錢卻藏著驚喜的川味江湖風味。店面雖小，卻總是座無虛席，靠的就是那份「真材實料、不二價」的堅持。首推不二毛血旺飯（小辣）。一碗端上桌，紅油翻滾，香氣撲鼻！鴨血嫩得像豆腐，一咬即破，瞬間吸滿麻辣湯汁；午餐肉、大腸、豆芽等配料豐富，每一口都吸盡精華，辣度適中，越吃越上癮，滿頭大汗也停不了口。酸菜魚飯 - 新鮮魚片厚切無刺，嫩滑得入口即化，完全無腥味；酸菜酸度拿捏精準，帶出魚肉鮮甜，湯底醇厚不油膩，拌飯後每一口都滿足到想嘆氣。即使揀唔辣版本，依然層次分明，超適合怕辣的女生。大盆花菜簡單卻出色，花菜炒得爽脆多汁，保留天然甜味，解膩又下飯。最後記得點杯咸金橘蜜！酸酸甜甜帶微鹹，一喝下去瞬間降溫解辣，與麻辣菜式完美搭配，喝完還想再來一杯。整體來說，不二江湖菜用料新鮮、份量足、價錢親民，難怪每日中午同夜晚都大排長龍。銅鑼灣上班族福音，想食正宗麻辣江湖菜，又唔想太傷荷包？不二一定不會令你失望！🥢🔥…查看更多