上野鐵板燒專門店

與老友兩人晚飯，老友推介這家鐵板燒店，就來一試，到達時約未夠八點，門口無人接待，自己行入店內才有位經理問幾位，坐下後眼見人客約有六、七成，店內有普通坐位和鐵板燒吧檯，地方和坐位都尚算寬闊，我們選擇了坐鐵板燒吧檯，坐下後店員送上餐牌，經理隨即大力推介他們二人前的近江牛餐和龍蝦餐(環觀全個餐牌最貴的兩個套餐，我們最終點了最最高價的二人前近江牛餐，據說這牛是來自日本滋賀縣，之前多是吃飛驒牛或神戶牛，也未試過近江牛，今次也好藉此一試。點了這套餐後經理再次鼓其彈簧之舌，向我們推銷他們的磯煮鮑魚，老友覺得要點佐酒食物，也就要了一客磯煮鮑魚，再加一份銀雪魚骨和一份支豆，可能我們兩的消費也不算低，經理也非常識做，我們自己帶去的酒他也就不收開瓶費。支豆並無特別，算是烚得夠淋；銀雪魚骨，其實是一道下欄菜，但廚師心思和功夫夠，將還帶一點肉的銀雪魚骨，用粉蘸後炸至表面香脆，口感夠乾又香脆，味道咸香惹味，佐酒的確不錯。磯煮鮑魚，質素相對比前兩天在青衣『庭』吃到的還低，件頭太細，口感不足，咬落頗韌，味道也不夠濃，還帶半點微酸的味，個人不欣賞。套餐上菜方面較我在尖沙咀『六本渥』為亂，湯通常都在上炒飯前才上，但這店一來就先上湯，湯的味道頗清淡，算是開得一般吧；隨之而來的是刺身而不是小食，刺身有章紅、三文魚、章魚和魚，材料尚算新鮮，當中最平凡的三文魚反而是最肥美。食了一半刺身就見小食送上，是酢蒜頭和牛篣，經理之後過來聊天時，坦言兩者都是外購貨，蒜頭味道微酸，不帶辛辣，十分爽口；而牛篣味道清甜，噬落汁多，但却嫌有渣。之後輪到師傅做鐵板燒菜式，這師傅可能還是較新手一點，全程都非常認真，全神灌注去做菜，從未與客人輕鬆交流，變相失去了鐵板燒的一貫特色。鵝肝蒸蛋，勝在份量夠大，但鵝肝的味道很淡，缺乏油香，蛋也蒸得有點老，眼見師傅開過兩次蓋去看，可知他對這蒸蛋的時間完全沒有掌握，也沒有信心，結果是面一部份還算嫩滑但稍為裏邊的就較實了一點。老虎蝦相當大隻，經理稱是沙巴入口，師傅開蝦手勢純熟，入口味道鮮甜，口感彈牙，咬落爽口，蝦頭內有很多膏，味道非常香濃。帶子和蟶子二選一，老友說鐵板燒蟶子較少食，所以就揀選了蟶子，入口尚算清甜，也算爽脆，值得一試。輪到主角近江牛出埸，老友偏愛吃薄切燒，原因是喜愛牛肉包著蔥的清香帶爽的口感，同時老友要求牛肉六成熟，最終的效果還是差半點，所以有比較之下，還是覺得尖沙咀的『六本渥』的師傅技藝較高；牛肉的火喉不足，應該只有剛好五成熟，因為咬落尚見血水，但也不損原材料的肥美可口，入口油膩甚豐，牛味濃郁，牛肉和蔥混合在口中，味道既香濃又清新。單尾的海膽炒飯也算炒得乾身，調味也算恰當，但海膽味甚淡，與『六本渥』的相比真是差一大段距離；而炒雜菜也是極之一般的貨色，師傅這次還真是清炒，因為完全忘了落調味，我們也沒再作指出了；甜品是外購的芝麻雪糕，沒有任何特色，不太甜但芝麻味也很淡。總括這店跟『六本渥』相比是有一點距離，然而一分錢一分貨，他的食材質素確不差，但外購現成品的質素就非常一般了，鐵板師的功力也有待改進。…查看更多

一家三囗同往學校開放日參觀，完事後剛好便是吃午飯的時候....鑽進到奧海城三期，正值假期四圍都是人，餐廳大都是大排長龍。此時最佳的策略便是求其的在其中數間拿了籌，之後便等.....直至有餐廳叫到我們的籌號碼，也就不及細想的衝入去....今天被我們選中的幸運兒，便是這所有好幾間分舖的鐵板燒店....被安排坐在鐵板燒吧檯上。邊看著師傅烹調邊品嚐食物。對我而言，是吃任何形式 (台灣抑是日本)鐵板燒的先決條件.....太熱氣的東西對小友似乎不太合適，故此就給他點了一份滑蛋豬扒飯 (雖那豬扒是炸的，但起碼有滑蛋汁來中和一下，熱氣度也許會減少吧)。至於我倆呢，當然是要點鐵板了...餐前沙律鮮度一般，菜蔬的出水問題十分嚴重，弄至口腔也水汪汪的....和太太的餐撈亂來分食。煎三文魚扒勝在是啖啖肉，魚皮也燒得帶脆。但㢢在肉是嚡得要命；另外個人的習慣是不太喜歡下太多的香草進去燒。其實只需要洒少許鹽及胡椒，已是足夠；薄燒牛肉是完全沒調味之餘也欠缺它所標示的蒜香，實在乏味得可以；炒時菜好像沒有甚麼"鑊氣"似的....昂貴一點的套餐還有一小件三文魚刺身。我是從來不敢試此道的，但為了寫東西也就吃了一小囗...感覺比想像中肥美的....金菇牛肉卷塗上味濃重而甜的燒汁，配合下了鹽及胡椒調味的牛肉片，再加上金菇是夠juicy的....三件事加起來自然就不會有失拖....一看到那三文魚什菜炒烏冬的油份已大皺眉頭了，都已不用再冒險去細嚐吧.....小友的豬扒飯反而比店主打的鐵板燒食物更出色 ---- 因它是新鮮滾熱辣的從廚房即製出來，無論豬扒、蛋汁以至白飯都是熱得冒煙的。豬扒外皮香脆而肉仍舊保持著肉汁；醬汁滑溜滿有蛋香；配合著甜得可以的洋蔥，這碗飯是一定不會輸....這裡的鐵板燒不好吃的重要原因 ---- 便是所有的東西都是不夠熱的。這當然是和假日人多，店採取流水作業式的製作有關了。單嚐那些炒野菜便可得知一二.....想至此，不禁又要皺一下眉頭啦....…查看更多

鐵板燒專門店，d鐵板燒定食都幾抵食，$50幾已經有沙律，餸，飯同餐飲。試過生薑豚肉同燒鯖魚，味道都唔錯，但今日唔想食太油。想light d 都有好多選擇，拉麵，壽司定食等等。雜錦刺身定食有4款，八爪魚，三文魚，希靈魚同油甘魚各兩塊。本來都冇期望過會好食，畢竟佢係做鐵板燒而且又唔貴，點知喜出望外！好新鮮，好肥美，好香，每一塊都好好食 咁既價錢竟然食到咁既質素，真係估佢唔到。飯就普通，稔左d。甜品係布甸，賣想極不討好，食落唔知咩味，嗜甜既我都食左一啖就放棄。…查看更多

路過門口見到lunch menu款式都算多，於是「盲中中」走左入去諗住試新野。一入去見到裝修都算唔錯，應該係走以食鐵板燒為主既中高檔路線。難得set lunch唔算太貴，由$40幾至$60幾蚊都有，於是就隨便點左個「豚肉生薑燒」試吓。可能因為係lunch time黃金時間既關係，上菜速度非常快，唔駛5分鐘野飲同埋沙律已經黎到。再過5分鐘左右，熱辣辣既鐵板燒同埋香噴噴既白飯已經端上枱面！雖然只係幾十蚊貨仔，但質素一D都唔馬虎，豚肉同埋配菜都燒得非常之有鑊氣，上枱時重噴緊少少煙架！味道方面，雖然兩者都有輕微咁醃過，但絕對無落到味精，所以食完成個下晝都唔會口渴！特別要提下佢既豚肉，由於切得十分薄身，令到口感非常好，入口容易之餘又唔會overcooked到咬極都咬唔開咁，幾十蚊有咁份量同質素真係值得一讚！唯一要批評既係侍應好似唔係好夠，不過因為午餐都係以「快D食完快D走」既人為主，所以整體影響唔算太大！另外無意中見到佢晚餐既menu，睇黎相對黎講set lunch既「性價比」高好多，強烈建議想試既人可以先試一試set lunch再作打算！…查看更多

同老公結左婚 6個月 , 今年係以老婆身份 , 陪同老公去團拜 , 本來我唔多想去 , 我習慣左去酒店食飯 , 好少出其他地方食野  , 不過老公話 , 大家 AA 制 , 唔可以去太貴地方食 .我地 8 個人 , 八點左右到 , 我係第一次來 , 睇見真係想轉身走 , 人又多又嘈 , d 位又窄 , 酒店人又少又清淨 , 無奈要陪老公  , 是是但但算啦 .佢地好快已經點了菜 , 我冇興趣 , 由得佢地點 , 之後佢地已經飲酒聚舊 , 我完全加唔到咀 , 唯有睇住鐵板 , 睇下睇下又唔係好覺 cheap , 佢地 d 野都幾新鮮 , 老公佢地一見野食到 , 就搶晒來食  , 睇佢地好似好開心 , 不自覺又同佢地一齊搶食 , 食落又幾好 , 幾次之後 , 我始終可以加到咀啦 , 唔知係咪氣氛 , 地方雖然細 , 又嘈又窄 , 不過氣氛好 , 而且食落去 , d 野食都幾好 .比較特別有大蝦 , 都好彈牙 , 雖然唔係生蝦 , 都都幾好味 另外牛肉都唔差 , 六七成煮 , 剛剛好 , 有牛味 , 我在 City Super 買果 d 都冇佢地靚  , 而且我煮得唔好  , 成日比老公串 炒飯都好好 , 一粒粒分開 , 都幾香口到結帳時才知 , 比起酒店食平好多 , 每人都係 350 , 價錢對我唔係問題 , 最開心就係加入到佢地圈子 …查看更多

今件的年尾飯有意外的驚喜，本來同老爺奶奶及叔仔兩公婆一齊出來食中菜年尾飯 , 老公之前訂了奧海城金滿庭 6位 , 點知我們七時半到了 , 他們竟然說我們沒有訂位 , 沒有位給我們 , 要等到八點半先有位 , 叔仔提議不如轉其他地方食 , 我們打了幾個電話 , 個個都回覆要八九點才有位 , 叔仔話可以不食中菜 , 我見老爺同奶奶都冇反對 , 就跟叔仔去了附近找尋 , 最後我們在奧海城找了一間鐵板燒食年尾飯 .我初時都唔多想 , 始終怕老爺奶奶唔開心 , 而且日本野通常冇圓檯坐 , 但入到去之後 , 我們見了有兩張圓檯 , 當然就要了圓檯坐 , 方便大家說話J , 此間舖有 d 特別 , 圓檯上會有一個轉盆 , 真係幾似中菜用果 d 轉盆 , 又幾細心 wo .我們點了一個家庭餐 (4位) , 另外加了一個鮑魚餐 (2位) , 初時都怕唔夠食 , 日本餐廳一向份量都比較少 , 但當晚我們完全食唔晒 , d 炒飯同炒菜要打包取走 , 特別有幾款係幾好食 :大蝦 : 蝦肉好彈牙又剛剛熟 , 蝦頭都有好多肉 , 不過老爺同奶奶就唔可以食 , 年幾大要留意身體 .鮑魚 : 好有鮮味 , 又甜美 , 真係想叫多幾隻食安格斯牛肉 : 都好有牛肉味 , 不過怕老爺奶奶見到血 , 我們叫了八成熟 , 結果就老左少少L .炒飯 : 獨立一粒粒 , 幾干身 , 就算在屋企第二日用微波爐丁返都好好食剌生同其他野就一般 , 沒有特別驚喜 .果晚大約用左二千元 , 同出面食中菜都差不多 , 最特別係佢有圓轉盆 , 真係好方便…查看更多

見唔少食評都讚呢間鉄板燒, 嗰次平日晚上經過奧海城就去試下, 真係有d後悔...首先一入去, 有個經理走埋嚟問幾位, 跟著二話不説安排我們坐一張二人order枱. 起初我們都覺得奇怪, 佢唔問我地食定食或鉄板燒就安排坐一張order二人枱, 但又唔見有人坐鉄板燒bar枱...跟住我地order一客二人前鉄板帶子皇套餐, 個經理問都冇問我地想唔想轉枱, 我地心諗算啦, 個廚師應該喺廚房煮, 由得佢.跟著, 有不少walk-in客人入來要求坐卡位or鉄板燒bar枱, 經理都有安排他們坐. 之後見到廚師竟然在鉄板燒bar枱開始烹調我們的食物, 我們找經理問為何她當初不安排我們坐鉄板燒bar枱？ 她說因為我們沒有要求, 通常他們不會主動問的. Well done! 冇要求就可以是是但但？ok, 就算我們坐普通枱, 廚師也冇理由在其他bar枱的客人面前烹調我們的食物嘛! 經理說, 這個情況是十分普遍！呢d叫普遍？喺一張鉄板燒枱烹調一d在坐冇一個客人叫嘅食物叫普遍？佢仲話要唔要依家轉位? 我話, 依家已經開始食緊, 嗰張bar枱又已經坐晒人, 點轉？真佩服佢d服務態度及質素！算啦, 我諗食鉄板燒唔係食服務, 係食食物質素及烹調技巧. 不過sorry, 我完全食唔出！樣樣食物都勁咸！ 食物詳細就唔多講, 我剩係想講下甜品.... 到甜品, 有芝麻, 紅豆, 綠茶雪糕揀, 嗌咗兩個芝麻雪糕, 等咗十分鐘, waitress先走埋話冇芝麻雪糕, 激死！廚房同樓面又冇溝通, 咁細嘅鋪頭都可以做到咁官僚, 好! 𨍭其他雪糕, 又等咗數分鐘, 終於嚟到, 見到裝雪糕隻碗都崩咗一角(見圖), "認真"態度可見一斑.見到好多人都讚呢間鐵板燒好食, 又話抵. 講真, 在我角度來說, 得個咸字, 樣樣都係咁落salt同亁蒜(炒什菜都起勢落！見圖) 我食調味料使鬼俾幾百蚊食？我都唔寄望呢間鋪有咩改進, 因為我都唔會再幫襯！ …查看更多

今天不用上班,同朋友行街經過上野就入去試下午餐,我叫了松餐$78有牛肉.三文魚扒.沙律.飯.什菜.甜品.超低食,食材有新鮮,牛肉5成熟剛剛好,三文魚扒面香肉嫩,甜品布甸很滑.我朋友就叫了拖羅魚生飯定食@78食物都新鮮好味,我倆商量好下星期六再來試其它餐…查看更多

今日下午和家人到這餐廳用膳太太先到 我和小孩到後就換個鐵板枱位 因小孩喜歡 但女經理卻表現出很不耐煩換位後 太太和小孩去洗手間 我禮貌地問那女經理 剛才點過餐嗎 她又一臉不耐煩 心想我在茶餐廳嗎 日本餐廳不應有這服務態度 ... 還是算吧點了兩個餐 每個$78 平前有沙律和湯 主菜和飯到時 誰不知那女經理連甜品也拿來 我當然叫拿走 心又想甜品個個都知是飯後的 茶餐廳先會怕麻煩 一次過全上 ... 還是算吧吃過主菜 有雞扒 三文魚 帶子 薄牛肉 雖然肚餓 但質素不是很好 食物乾又沒鮮味 再看看師傅如何煮 才明白真是很一般 跟二期 Food court 那「地茂」鐵板一樣「拿西」 心想$78 ... 還是算吧再看看牆上什麼推介 有上千元的 但我一定不會試 因為這只是一間茶餐廳 將食材「拿西」在鐵板煎熟 幹嗎要將錢掉落咸水海 要吃好的 ... 去九龍城或灣仔食吧理單拿信用咭找數 吹脹 只收現金上野老闆如看到 奉勸一句 如要扮日本餐廳就扮好一點 先從服務和食品著手 ... 扮好了 客人不回頭也不給你劣評…查看更多

今日就係同老婆結婚一週年 , 初時都唔知去邊道找地方食 , 去酒店太貴 , 而家好難找錢  , 問左幾個朋友 , 有人介紹去上野鐵板燒 , 佢地近江和牛餐好低食 , 我預早幾日訂左檯 , 冇比老婆知 , 等佢開心下 .我果日等佢收工 , 送左100枝花比佢 (成 HKD1,600.00) , 本來有影相 , 不過老婆唔比放 , 只有我們 facebook 才有得睇 八點左右到了上野 , 我就點了近江和牛餐 , 另外加了錢改了魚生款式 , 老婆特別叫了朋友在日本買了枝威士忌比我 , 好開心  , 老婆話我夜晚飲左少少酒會勁好多 (兒童不宜 , 不再講) 我地冇等野食來就已經開始飲酒 , 之後魚生到 , 魚生比我想像中新鮮好多 , 始終叫鐵板燒 , 魚生應該差 d , 但結果唔係 , 同酒店差不多 , 可能我係叫和牛餐 , 所以我再 order 多兩款 .食完魚生後 , 我地都飲到有 d 醉意 , 之後只影了一張相 .......... , 還影少了一半 , 因為我食左生 d 和牛 , haha  , 老婆要食熟 d , 和牛生 d 同熟 d 都一樣好味 , 雪花都好多 , 而且又平均 .果晚基本上都冇心機影相 , 一路食一路飲 , 人生一大快事 , 味道又正 , 酒又靚 , 老婆又低錫 .下次生日會再來 …查看更多

奧海城三期「上野鐵板燒專門店」，超差！牛仔骨去掉有肉的那邊，骨多過肉！好心咪咁寒酸，不如唔好賣！成七十蚊一個咁的定食！肉又粗又柴！離晒大譜！以後唔會再去！牛仔骨定食，只得骨，切走晒有肉嗰邊！又老又柴又乾，咁都俾得客人食？！加十幾蚊換杯特飲，點知係糖漿開梳打水，唔係真正的日本梳打！所謂定食連湯都冇碗，假扮日本菜。我兩個朋友叫壽司刺身定食，碟壽司刺身要催至嚟，更奇怪嘅係連埋個甜品一齊送嚟！兩個都係！九唔搭八！…查看更多

今日同男朋友外出食中午飯，原本想去Simply Life，不過太多人等位，所以決定去試上野。大約12點45分左右入到餐廳，唔洗等位，亦唔多食客，我地1點前就落左Order。我地分別Order左2份定食，分別係：雜錦壽司定食：（前菜）沙律、（主菜）雜錦壽司鳥冬、（甜品）布甸及（飲品）凍檸茶三文魚親子飯定食：（前菜）沙律、（主菜）三文魚親子飯、（甜品）布甸及（飲品）熱檸水首先，講下食物：前菜：只係生菜＋栗米＋沙律醬撈埋既沙律，唔太新鮮，味淡，仲夾雜左D水，可能係雪櫃攞出黎時已經放左陣先比客人。主菜：雜錦壽司鳥冬－如下圖（男友等到太餓食左一件），肉質唔新鮮，感覺超市買既壽司都好過佢，肉既份量正常但係飯既份量好少好少。鳥冬只係一般既醬油味鳥冬，份量正常，無特別。主菜：三文魚親子飯－整體份量足夠，三文魚唔新鮮，有微溫同埋無味，三文魚籽個質感好怪，有D一 口就可以咬破，有Ｄ係好硬，好難先可以咬開。個飯既份量過多，2個人都食唔晒。甜品：布甸－因為侍應係上主菜同時比埋個（凍）甜品我地，到我地可以食個甜品時，甜品已經暖左，我只係感覺到係花奶布甸，味道啖，口感似羅x臣系列！飲品：凍檸茶同熱檸水無特別，無問題～收費係：$78/Set（凍飲加$3，另有加一服務費）…查看更多

都差不多有成年半沒有再食此間鐵板燒 , 如果個個客人都好似我成年冇去的話 , 香港都唔知有幾多間食店可以生存到星期一晚約了兩位朋友出來食飯 , 想起都好久沒有食鐵板燒 , 不如今晚就再食下 , 我大約 7 點左右到了 , 老闆竟然記得我來過食飯 , 利害呀 , 好彩冇欠佢錢 , 成年之前都記得我 haha我朋友佢地 7點半左右到 , 還買了 3 枝白蘭地來 , 今晚想飲死人 ..... , 我即時問下老闆收唔收開瓶費 (出面有 d 收好貴 , 而且每枝來計算) , 老闆覆我收你一枝算 初段我們叫了啤酒先 , 等食左 d 野才轉飲硬野 , 個晚我們點了近江和牛餐(兩位用) + 一呎巨蝦 + 日本豚肉 + 青魚 .近江和牛比想像中平 , 而且看上來係 A4 級數 , 雪花紋好多 , 食落去有牛肉味 , 又鬆化 , , 好正 , 上個月去酒店食貴上野兩倍 , 但都冇上野個 d 級數 .之後一呎巨蝦 , wa , 成隻龍蝦大 , 真係有一呎長 , 肉質好彈牙 , 又鮮 , 我覺得好食過龍蝦 .本來會影好多相 , 不過一開始飲白蘭地之後 , 就甚麼都唔記得 , 只知道 d 野好食 , 一邊食一邊飲 , 估不到白蘭地都夾到和牛 .最後我地只飲到 2 枝 , 還有一枝未開 , 老闆話可以同我們 keep , 下次來飲都得 , 唔會收開瓶啦 我地最後埋單走 , 老闆冇收我開瓶費 , 唔知佢係唔記得 , 或係特別免費比我地 , 不過我朋友都比左 1 百元貼士鐵板師傅 , 簽單時又 1 百貼士 …查看更多

之前去過另一間店唔錯 今次媽媽生日同佢去呢間唸住再試 今次轉食飽魚餐 有 三文魚刺身 炒雜菜 銀雪魚 安格斯薄燒 飽魚2隻 另外再散叫左2隻聖子皇 三文魚刺身: 幾厚身 都幾鮮炒雜菜: 份量就足 , 不過味道就好普通銀雪魚: 肉質幾軟 有入口即溶既感覺 連少少既魚皮都煎到脆口 安格斯薄燒: 一個字..正!!! 肉質幾嫩滑飽魚: 夠大隻..生猛 .肉質軟淋 味道唔錯 聖子皇 : 帶子皇異常大粒 食落去一啲都唔乾身 加埋啲黑椒 perfect!! 好味到媽媽都讚好 又飽 價錢 係鐵板燒黎講唔算貴 真係值得一試再試!!…查看更多

一家人行完街唸住揾間餐廳食個晚餐 見到呢間野個推介都唔錯 就入左去試 間餐廳幾大 唔會坐到好迫 咁我地就叫左個二人大蝦餐 先黎左個 壽司同刺身 不過不失啦 根住主菜 首先黎左既係大蝦 當隻蝦放上我地張枱既時候我同呀仔都嘩左聲 因為真係幾大隻 同呀仔隻手一樣咁大 而且色水幾吸引食落口 幾鮮甜 爽口 之後黎既 和牛同龍利 都有水準 另外我再散叫左鵝肝 上枱個陣已經聞到鵝肝香 唔會太乾 到埋單 價錢比較貴 不過間唔中黎食下都幾好 而且一家人係食得幾滿足不過服務方面就比較遜色一啲啦…查看更多