上野酵素麵包生活館

已幫襯好耐這間麵包店，不知是否好耐唔去買麵包，今次發覺又轉咗不太友善的姐姐，我只不過夾咗一個麵包，發覺另一個好看些，便輕輕夾返落去再夾過，個包不是脆皮包，在付錢時這位姐姐便話要看清楚先好夾，夾咗唔放回去。我在香港買咗咁耐麵包，貴的又買過，平的也買過，真的未聽過連買麵包都要咁小心翼翼， 如果麵包咁唔襟夾嘅，不如你就搵膠袋入起佢啦。 在付錢時見佢哋收八達通和現金， 便想用八達通畀錢， 殊不知姐姐話八達通壞咗，但部機明明著燈一點也不像壞了， 有點不誠實。…查看更多

你哋响太子開門開始，一試玫瑰洛神就忘不了，每次到太子必買，另外一個就係有真鳳梨既菠蘿飽！ 早兩三年食時已覺差左，但今次買玫瑰洛神係最失望，料再少左，冇曬玫瑰味，粉紅色也淺了，白雪雪，洛神花酸味玫瑰香味是零，唯一一間覺得有質數既麵包店都變成咁，個老細去左邊？ 太陽已變了香港風味，不再台灣了！ 以前都遇過冇禮大媽員工，好采見唔到！ …查看更多

依家啲麵包越嚟越貴，與其十幾蚊買個周街都有嘅吞拿魚包，不如趁今日過海，去太子呢間特色麵包店買番幾個包試吓。睇之前東方報道，呢間係全港首間用酵素做包嘅麵包店。佢係台灣一家名為禾野酵素生活館的姊妹店，香港分店的每款包點都加入了一種名為御麵素的酵素，主要用途是與麵糰產生天然的化學作用，分解部分澱粉質，令其更容易讓人體吸收，同時不會令人吃罷胃氣脹。買玫瑰洛神麵包同杏仁碎軟朱古力包（我唔記得佢個名啦），但因為果時已7點，店員提醒買3個85折，所以買多個oreo餅底嘅朱古力包添。軟朱古力包包身比想像中硬，oreo底朱古力包中間有啲脆米咁嘅東西，但再硬啲，唔係好咬到。總結都係玫瑰洛神同之前試過嘅黑帝斯呢啲有cream cheese嘅包類啱我口味。下次都想試吓臺灣神木同紫薯包…查看更多

那天，天氣炎熱，身水身汗咁專程行去以前食開果間麵包店買包。7分感情 ，3分味道 ，那也是曾經嘅早餐食堂吖！然而時過境遷！！！高大兇惡嘅女店員已經唔再溫柔賢良…一切一切大不如前！無論係粗獷嘅聲線還是加價減量嘅麵包！都唔應該再需要幫襯你啦！試問 17-40蚊價位嘅麵包，我需要受你氣嗎？養生歐克 麵粉多，餡料少，食落有痴牙感，唔知佢因何事養生？極之失望！！！蔥油包越嚟越細，蔥花都少過之前，食落得個咸，但不香，非常失望！…查看更多

嚟到這間麵包店，真係一個驚喜！🥐首先，個紫玉酥外皮酥脆得嚟，層次分明得好有節奏感，紫色芋泥餡嘅口感滑溜，吃落去甜而不膩，但係皮有啲厚，有啲搶鏡頭嘅感覺。再試個紫玉包，蓋住嘅麵包好似雲朵咁鬆軟，夾住嘅芋泥唔單止分量足，而且滑過雪糕，甜味啱啱好，令人一啖接一啖。🍠嗌咗個玫瑰洛神點都唔失禮，包體帶有意想不到嘅淡淡花香，乜嘢啊？居然仲有Cream cheese藏喺中間嘅驚喜，外層微微帶點酥脆，食落有層次，層層遞進嘅口感真係一絕。🌹最後，個黑帝斯，佢嘅風味跟白雪公主實在是南轅北轍，一啖咬落去嘅酥脆外圈，外硬內軟嘅cream cheese，味道層次豐富猶如交響樂嘅變奏，不過Oreo餡料再濃厚啲就完美。今日嘅探險，每一款麵包都有佢獨特嘅故事同滋味，真心推薦比每一個對食物有要求又懷抱好奇心嘅你！👍🥖…查看更多

用餐日期：2023/12/25用餐時段：晚餐(外賣)用餐費用(每人)：$33餐廳環境：沒堂食位置 外賣形式味道：選了竹碳亞麻籽乳酪+ 玫瑰洛神+ 台灣甘薯-原條番薯1-竹碳亞麻籽乳酪$18: 這包外表有唔少竹碳粉 做得很鬆軟 食落唔黐牙 乳酪餡口感軟滑 整體味道好 推薦2-玫瑰洛神$30: 這包很大個 份量足 包做得很鬆軟 食落唔黐牙 有玫瑰花香味 內有不少洛神花蜜餞 蜜餞酸甜好味 忌廉芝士餡口感軟滑 整體味道很好 推薦3-台灣甘薯-原條番薯$18: 這款麵包偏乾 甘薯餡也不大不夠甜 味道一般 不推薦總結：這家的麵包較健康少加化學野 有唔少麵包選擇 個人較喜愛竹碳亞麻籽乳酪+玫瑰洛神 是值得推薦的麵包店…查看更多

以前聽網絡上嘅朋友介紹呢度麵包有特別，成份保持天然，而家習慣不時經過都會走入去揀下carbohydrates 🥐🥯🍞🥖🥨我最鍾意揀膠袋裝起啲隔夜包➰一來平，只係$20平均2-3款包，更包括吐司，穀物包呢啲，平時$20up一個呀（哈哈師奶心態）二來 佢麵包選擇多，睇到眼花撩亂，選擇困難症發作，可以當盲盒咁抽，試試新口味😋yayyyyyy…查看更多

喂！講到底，我啱啱喺呢間小店試咗個包，真係要同大家掂一掂！先講嗰脆皮叉燒包，外皮香脆得黎，一啖咬落去，啲扣肉叉燒鹹香咁交織喺舌尖上，真係夠哂kick！😋 然後就係豬柳蛋漢堡包，個豬柳煎得啱啱好，唔會太乾，夾埋個太陽蛋，流心效果一流，食落去滑溜溜，好滿足呀！同埋，一定要提提你啲香甜芋頭餐包，芋泥餡嘅香甜細膩，係咁滲透出嚟，足料得嚟又唔會太膩，完全係我杯茶！👍要講，呢間店啲麵包款式唔多，但每款都係經典，食一次記晒全生。尤其係嗰個咖哩牛肉餐包，啲咖哩略帶香辣，牛肉又嫩，真係大快朵頤。不過呢，製作啲麵包時嘅聲音有時會大啲，有d時候會有啲唔妥，不過我會揀靜啲嘅時間去，就無咁多嘢礙耳。最後，不妨賣落去嘅綠茶紅豆包，真係又是一絕。綠茶香氣四溢，啲紅豆又甜中帶點，質感綿密，啱哂我嚟個下午茶時光。咁正！🍵 總之，想食嘢，又唔想攞花哨，呢間絕對係你嘅選擇。記住，食貨一族，千祈唔好錯過喇！…查看更多

本來諗住想健康啲先至嚟買無麵質麵包，點知見到舖頭不只簡陋，仲要啲包嘅款都係比較普通，麵包種類真係好少，有啲連牌都唔見埋。只可以用亂去形容。當俾錢嘅時候疑似老闆娘同職員顧住揸背脊油，都唔理啲顧客唔收錢😂😂，係有另一啲員工出聲先去收錢，當啲客人冇到🤦🏻‍♀️佢查完油隻手仲要冇清潔過，然後夾包入袋及收錢😰真係好恐怖。老實講，啲包啲味道真係一般，區內其他麵包舖有大把好過佢。以後將此麵包店列入黑名單。😡…查看更多

我每次去依間麵包店都係買芋頭酥因為每次去見到啲麵包都唔係太吸引而且價錢上都係偏貴反而芋頭酥賣緊💰$15/個，真係唔算貴因為我自己本身好鍾意食芋頭酥而依度嘅芋頭酥真係做到芋蓉好大嚿，唔甜而外面個酥係一層層，有少少脆食完會有滿足感我自己行過會最少買三個😂因為如果你整過芋頭酥嘅話就知道整芋頭酥係好難整而且好難整得好食有興趣食芋頭酥嘅話可以試一次…查看更多

一間位於太子的酵素台式麵包店，店內提供多款烘焙酵素麵包吐司、特色麵包、台式酥餅和雪米糍等等。除了使用酵素外，並無添加防腐劑及穩定劑等化學物質，絕對是健康之選。——🍞紫薯芋泥見 HKD$18唔好見佢一個圓波波就以為佢係bagel，其實佢係軟麵包黎架。頂頂有一層甜皮，焗爐反熱後會變得脆脆，令麵包多咗一個層次。中間心包著紫薯芋泥，不會死甜，食出陣陣芋泥香，讚！我最鍾意嘅麵包之一！——評價：🍞 麵包有特色🥨 味道選擇多🥗 健康之選🥯 CP值高推介指數：❤️❤️❤️❤️（五個心心為滿分）——地址: 太子彌敦道785A號地下B…查看更多

高質雪米糍｜📍上野酵素麵包生活館♡豆腐雪米糍♡｜💰$15😍好多麵包舖都會賣雪米糍，但第一次見到豆腐味，所以就買咗嚟試下🫶🏻雪米糍嘅外皮極度煙靭同時保持到軟糯口感🥰豆腐味偏清所以唔會過甜，配埋蛋糕仔都幾夾🫶🏻可以一戰❤️‍🔥有興趣睇更多食評可以follow ig : fatting_eateateat❤️‍🔥…查看更多

無錯！今次買再佢啲包🤤佢每個包都幾有重量😍✨原個紫薯包有條紫薯係個包入面，食完包你飽🤣紫薯都好甜好香，焗返熱係好食嘅！✨ 英式鬆餅呢個冇咩特別🤔係一個正正常常嘅scone✨抹茶紅豆麻薯吐絲佢係有幾多餡嘅，不過肥米覺得佢嘅包有少少空心咗啲😂#上野酵素麵包生活館 📍 太子彌敦道785A號地下B…查看更多

學完野想食啲甜嘅🤣見到佢個紫玉酥同糯米糍好吸引就買個試下✨豆腐糯米糍勁香豆腐味😍好有驚喜！個cream好滑好creamy，而個糯米皮又夠簿，係皮簿餡多！✨ 紫玉酥紫玉酥肥米就覺得冇咩特別😂就係平時嘅紫玉酥，不過如果芋泥味多啲會好食啲~佢啲麵包都勁吸引！下次肥米要食佢嘅麵包🤤#上野酵素麵包生活館 📍 太子彌敦道785A號地下B…查看更多

book mark左好耐，終於都試左🤣！麵包店用料天然健康，比較多新式啲既台式麵包😍多款軟歐、吐司，竹碳乳酪包都有，岩哂麵包控，但港式既就真係小啲。-💜紫玉酥$13👅好味指數：6.5/10身為芋泥控一眼就夾左依個先酥皮層次分明，唔易散開但略嫌厚左小小食落有皮多過餡既感覺芋泥餡味道正常 不太甜-💜紫玉包$18👅好味指數：9.5/10比較推薦依個😍麵包鬆軟，芋泥足料口感綿滑😍餡比紫玉酥餡甜小小但麵包中和左個甜度味道變得剛好，會令人食上癮🥰…查看更多