上班族

除左有每日特價蒸飯👏👏外, 呢間外賣店的確有好多上班族黎😊唔同特色菜式值得一試:★黯然銷魂飯 叉燒蛋飯 配餐湯呢個名夠晒特別~★厚切牛舌飯 牛舌肉質鮮嫩入味★蟹籽沙律 有蟹柳&蟹籽，開胃★蔬菜沙律🥗有西芹幾特別 爽口👍★蘑菇湯 夠結 Creamy👏★魚湯 招牌魚湯，湯頭鮮甜濃郁,清爽消暑嘅好選擇🏷️上班族📍中環利源東街5號地舖#中環#外賣店#igfoodie#hk #food #hkfood #hkfoodie#hkfoodblogger#hkfoodlover #hkeat #hkig #hkiger#instafoodie…查看更多

之前經過見到門口位叔叔派傳單，同埋係小店，特意黎支持一下。入到鋪面，小店乾淨熱情既招呼，唔錯🙂今次我叫左佢新推出既魚湯米線，可以揀三個餸，我揀左雞翼，雞尾腸同冬菇。個冬菇好入味，菇肉好厚身，夠味，多汁，雞翼超級大隻，肉林，但就有小小唔夠入味，但份量搭夠。佢個魚湯完全係媽媽既味道，岩岩入口有點清甜，後尾會有淡淡既魚味，食完個麵後，完全飲晒所有湯🥰最後同事叫左個叉燒蛋飯同埋雜果沙律仲有磨菇湯。叉燒半肥瘦，唔un,有肉味，送飯一流，同埋每款野食佢會配左d菜，感覺好健康。雜果沙律同平時係街食既唔同，佢呢款係好家庭式既味道，蘋果爽口，好新鮮，會令人諗起細個係屋企食既感覺。另外磨菇湯好足料，啖啖都充滿住磨菇既口感同味道。老闆既熱情招呼，好值得有下次既光臨。…查看更多

經過利源東街發現呢間新開嘅小店店面有幾個座位可以堂食第一次試咗佢哋嘅 魚湯米線，可以揀4樣餸魚湯底鮮甜感覺冇味精，蘿蔔、菜心 都好新鮮。第二次試咗 豬扒包+蟹子沙律 ($38)個包俾我想像中好食🤩 特別係啲洋蔥同炒蛋好香！特別想提一吓小店啲店員全部都好nice (親切的uncles), 好落力介紹佢地嘅食物😊佢地午餐仲有其他意粉、海南雞飯、燒味、蒸飯等等。Overall 感覺食物用心製作，用料新鮮，值得支持🙌🏻…查看更多

正正就係因為小店，所以基本上你有咩要求，只要問吓店員，佢哋都會盡量同你安排！❤️特色魚湯車仔麵❤️湯底夠晒鮮甜，原來佢哋每日買新鮮嘅魚返嚟熬製，湯底係乳白色，飲落鮮甜唔頸渴！配料方面叫咗冬菇❤️時菜❤️切雞❤️叉燒❤️配米線！ 大推冬菇同叉燒 我最愛🤣❤️海南雞飯❤️一定係油飯，雞味香濃嫩滑，配上薑蓉同黑豉油，絕配！如果雞肉再大件d就更好喇！雙扒蔥油飯❤️一豬一雞 大大塊！豬扒入口即融，雞扒口感實在，配上師傅自家製蔥油，可以食多幾碗飯蟹籽沙律❤️雜果沙律❤️ 飯後甜品小快樂😀羅宋湯❤️ 酸酸甜甜好開胃！…查看更多

上班蔟😘😘😘精美午飯餐中環新開外賣店、為上班蔟群提供外賷飯盒、店主新推出魚湯米線、配搭多元化！仲有甜品添🍮海南雞飯配羅宋湯伴菜$68黃油雞、皮薄色澤金黃、爽滑、肉質鮮嫩、蘸自家薑蓉、層次分明、yummy 😛羅宋湯、材料豐富、酸酸甜甜、夠開胃🤤厚切牛舌飯配蘑菇湯及伴菜$68大大片厚切牛舌、濃香牛味、軟綿綿、又腍甜、淋上香甜豉油、口感一流！伴碟時菜、按時令、多元化！磨菇湯、濃香creamy 、陣陣磨菇🍄香氣𣖙鼻！魚湯米線（嘗鮮價）$58配料自選、燒鴨、魚蛋，豬皮、時菜真材實料、新鮮熬製、特色魚湯底🥣味濃清甜、米線煙靭彈牙😊、豬皮厚切、軟腍入味有口感、時菜新鮮清甜、濃香魚味的魚蛋、燒鴨較實厚、又幾惹味！好似食緊小盆菜👍🏻👅👅上班蔟中環利源東街5號地舖港鐵中環站C出口，步行約3分鐘…查看更多

之前經過見到有位阿叔派傳單宣傳，先知呢個舖位轉左手，見新開張就試下。厚切牛舌飯$68，包餐湯。一打開個蓋就好香燒牛舌既味，牛舌仲好諗，好好食，不過菜就少左d，蘑菇湯都好好飲，飲到一粒粒打碎左既蘑菇，攞到返office 都仲好熱。店入面職員都好有禮貌，有位阿叔會親自攞外賣出黎俾我。有趣既係，外賣袋係寫「阿元來了」😂唔知佢地有咩關係…查看更多

上班族 地址: 中環利源東街5號地舖電話: =====================平日返工放飯人頭湧湧，要分秒必爭時間，外賣會係好多打工仔架首選。簡單一個碟頭飯，買個飯盒就解決一餐了。呢間幫襯了幾次，一次過講下呢間新飯堂食物先。$68 蔥油豬扒飯，豬配羅宋湯，豬扒大塊呀，岩曬食肉獸，好撈飯的蔥油！食完補充體力，有力量工作。$68 黯然銷魂飯，呢個因一套食神戲變成經典的，煎太陽蛋，完美呀！除了飯盒，仲有魚湯米$58 大大碗，好多配料，蘿蔔魚蛋紅腸燒鴨菇、牛丸、菜、腸，大雜匯！…查看更多

非常有誠意嘅外賣店🥡款式唔算話好多 不過都係大路嘅快飯 總會有一款啱食唔想食咁肥 蒸飯同魚湯米線都有㗎✔️大大塊雞扒飯可以簡蔥油/咖喱汁蔥油好香口 最開心嘅係有分開上 唔會攪到個飯油淋淋雞扒覆蓋晒成個飯盒 其實係雞髀嘅部位起咗骨唔好以為咁大塊就係薄切 其實都有一定厚度㗎雞皮煎到香口 雞肉就保留到肉汁✔️海南雞飯海南雞煮到剛剛熟 唔會見到血水係我鍾意嘅口感 雞肉好滑溜 分量都好慷慨香茅飯香口得來都夠乾爽 唔會話好油膩值得一讚嘅係 有幾條菜心 唔怕冇纖維✔️羅宋湯真材實料嘅羅宋湯 配料中有椰菜同埋洋蔥添飲落香口得來好清新 口感比較稀唔係好厚身絕對係健康嘅湯唔係落茄膏煲出嚟嘅✔️忌廉蘑菇湯重點推介 完全超出我預期 冇諗過外賣店嘅白湯係一個媲美西餐廳嘅忌廉蘑菇湯飲落唔會話用好多忌廉同麵粉夾硬溝出嚟好杰嘅湯而係真材實料 用蘑菇打成忌廉湯睇到個色水就知係正嘢呢度嘅店員好Nice～咁啱落緊雨都有問我要唔要等陣先走其實呢度都有幾個座位 可以堂食㗎！…查看更多

lunch食左豬扒包餐 配蟹籽沙律+$4有罐可樂Total$42豬扒包好香，個蛋同洋蔥炒得非常之靚，好似炸咁！對一般女仔黎講好夠食，但食量大少少就會覺得個包太細。外賣嚟講，要徒手揸住個包食唔係咁方便，可能要好似漢堡包快餐店咁有張紙包住半個包會好啲。沙律未拌勻，但係個醬好杰，個碗仔又只係啱啱好放滿咗啲菜，令食用時有啲困難。解決方法係食完個包之後，用佢個兜嚟拌沙律。但係沙律應該係前菜嚟㗎嘛？啲菜（青瓜絲同蘿蔔絲）係好新鮮，好食嘅。整體嚟講都唔錯嘅，會再試吓其他食物。…查看更多