上海維記 (已結業)

今日同班friend去大角咀揾食，谂起好耐冇帮衬「上海维记」，一于去回味下！间舖头都系𠮶种地道街坊feel，坐得迫少少但够晒热闹，预咗㗎啦。讲真，今次我个心系为咗 「瑶柱赛磅蟹」 而嚟！听个名都知系搞搞新意思，将传统「赛螃蟹」升级，果然冇令我失望！一上枱，哗！卖相已经赢晒。大大碟，炒蛋白又白又滑，好似云咁，上面铺满 金黄色嘅瑶柱丝，仲有啲蟹肉同蟹籽点缀，望落好靓仔。最紧要系闻到阵阵 好香嘅瑶柱味，未食已经流口水！急不及待舀一匙入口... 真系超！级！鲜！甜！ 啲蛋白炒得 超级滑溜，火候啱啱好。重点系啲 瑶柱丝，份量绝对唔孤寒，咬落去带点韧劲，但鲜味十足，完全带起成道菜嘅灵魂。蟹肉同蟹籽就加多份口感同鲜味层次。个味道真系好浓郁，但又唔会死咸，系𠮶种天然嘅海鲜甜味，捞饭食真系一流，我哋成枱人抢住食！虽然略嫌碟底有少少油（传统风味系咁？），但个味道同口感真系 冇得弹。四百蚊左右嘅价钱（睇你点咩𩠌），有咁足料嘅瑶柱菜式，我觉得 好抵食！如果你系钟意鲜味、钟意食瑶柱嘅人，嚟上海维记大角咀，呢个 「瑶柱赛磅蟹」绝对系必试之选！我下次嚟，一定encore！其他嘢食？稳稳阵阵啦，但主角一定系佢！…查看更多

男朋友钟意食中菜 拣咗呢间同佢收工食呢间上海菜馆的环境 整洁新净 地方唔大 不过位置都算多非常适合家庭聚餐或朋友小聚餐厅菜式选择好多 除咗有二人/四人餐之外仲有单点 两个人谂唔到食咩 所以拣咗个二人套餐招牌小笼包(4粒)小笼包皮薄馅多 汤汁浓郁 咬开劲多汤汁😍上枱嘅时候热辣辣超正🤩👍🏻配埋豆瓣酱食好惹味 黑醋骨黑醋骨 色泽好靓 睇落已经觉得好浓味😍卖相系满分嘅 味道我都比满分😗份量超级超级超级多!! 好抵食呢间店用嘅唔系全瘦肉 类似五花腩咁样 有小小肥肉 食落甘香而不腻 啲肉非常挂汁 配埋白饭简直完美😌😌瑶柱赛螃蟹 卖相good good👍🏻蛋香味浓郁蛋白口感有弹性嫩滑 而且唔油腻配埋瑶柱丝食好正🤤满满嘅蛋白好正 我直头一羹一啖当饭咁食🤭😂😂虽然套餐系包埋甜品：绿豆沙唔系我哋散嗌嘅 但系呢个甜品都做得绝对唔马虎 食落清香 绿豆起沙 夏天食感觉消暑清热！整体嚟讲呢个二人餐都算抵食 食物嘅味道几好 而且份量好足 两个人食 绝对够饱😋套餐包咗小笼包, 2个小菜2碗白饭, 饮品仲包埋甜品 而且店员服务贴心 点餐之前都会过嚟推介吓餐厅嘅菜式 如果你想品尝下正宗的上海风味 可以考虑同朋友嚟呢间试吓😌😌…查看更多

夜晚7点松啲入嚟，见到楼面得两个人，知佢地辛苦，落咗单就慢慢等啦。等咗20分钟，之后都入咗3、4枱客。佢地落咗单都上哂菜。仲有一枱大枱，都系不停上菜。我地个枱就乜都冇。最后等到差唔多40分钟，就问下喺咪漏单，个楼面就同我讲等多5分钟，摆明系漏单啦。之后上菜一句唔好意思都无，啲嘢食感觉系因为漏单就求其整，无镬气，味道淡。最后埋单𠮶阵就问吓系唔系漏咗单，睇下会唔会讲声唔好意思啦。但系楼面够胆死话好多客，太多单，好忙先会等咁耐。迟入嚟𠮶几枱客都上哂菜啦，仲死拗唔肯认错，咁嘅态度无下次啦。…查看更多

位于大角咀的上海维记，专注于提供地道的上海菜，让人一走进餐厅，就感受到浓厚的上海风情。这里的装潢简约而不失雅致，适合与家人或朋友聚餐。首先，我们点了前菜，招牌小笼包。这道小笼包皮薄汁多，咬下去时，鲜美的汤汁瞬间在口中释放，搭配一点醋，令味道更加升华。无论是口感还是味道，都让人一试成主顾。接下来是主菜，我们点了招牌醉鸡和黑醋骨。醉鸡的肉质鲜嫩，酱汁入味，令人垂涎欲滴；而黑醋骨则是外脆内嫩，酸甜适中，令人回味无穷。特别推荐瑶柱赛螃蟹，瑶柱的鲜甜与蟹肉的鲜味完美结合，让人惊艳。最后，我们选择了豆浆作为饮品，这是餐厅的特色之一。豆浆香浓滑顺，搭配菜肴更添一份清新。总的来说，上海维记不仅食物美味，服务亦十分周到，是一家值得再访的上海菜餐厅。若你在大角咀一带，千万不要错过这个美食天堂！…查看更多

出开大角咀，夜晚肚饿想食小菜，朋友介绍话不如试吓呢间上海嘢佢试过都唔错酸辣汤大大碗四至五人份量，材料够，味道够酸，唔太辣，够晒开胃上海小笼包一笼四粒，皮薄多汁，点埋姜醋食正银芽炒鳝糊本身喺餐厅出边见到呢个就觉得一定要叫出边都少有得食鳝肉已经切成一条条粗条但系仲系好爽口 完全冇骨连麻麻哋钟意食鳝嘅朋友都觉得好好食加埋爽脆嘅芽菜超好𩠌饭，下次应该叫白饭上海粗炒有冬菇片，椰菜等配料份量都几多 食落唔算油粗面好有咬口桂花酒酿小丸子有淡淡桂花清香 唔算太甜几清新 仲有粒粒弹牙嘅小丸子本身都食到饱饱地但系唔觉意就食晒成兜豆沙窝饼甜品最高境界，唔算太甜外皮烟靭得来仲有啲脆，红豆馅多到流晒出嚟，但系都唔会甜到漏，转个头就清晒整体嚟讲，嘢食质素好，坐得舒服，见到佢餐牌仲有啲二人餐都好吸引下次一于返嚟试吓佢个黑醋骨同埋赛螃蟹…查看更多