酸辣湯
大大碗四至五人份量，材料夠，味道夠酸，唔太辣，夠晒開胃
上海小籠包
一籠四粒，皮薄多汁，點埋薑醋食正
銀芽炒鱔糊
本身喺餐廳出邊見到呢個就覺得一定要叫
出邊都少有得食
鱔肉已經切成一條條粗條
但係仲係好爽口 完全冇骨
連麻麻哋鍾意食鱔嘅朋友都覺得好好食
加埋爽脆嘅芽菜超好餸飯，下次應該叫白飯
上海粗炒
有冬菇片，椰菜等配料
份量都幾多 食落唔算油
粗麵好有咬口
桂花酒釀小丸子
有淡淡桂花清香 唔算太甜
幾清新 仲有粒粒彈牙嘅小丸子
本身都食到飽飽地
但係唔覺意就食晒成兜
豆沙窩餅
甜品最高境界，唔算太甜
外皮煙靭得來仲有啲脆，紅豆餡多到流晒出嚟，但係都唔會甜到漏，轉個頭就清晒
整體嚟講，嘢食質素好，坐得舒服，見到佢餐牌仲有啲二人餐都好吸引下次一於返嚟試吓佢個黑醋骨同埋賽螃蟹
